Dagur - 16.05.1998, Side 18

I
34- LAUGARDAGUR 16. MAÍ 1998
AKUREYRARB/ER
Bröttuhlíðarskóli -
skólastjóri
Staða skólastjóra við Bröttuhlíðarskóla er hér með auglýst laus til
umsóknar.
Bröttuhlíðarskóli er sórskóli á Akureyri sem þjónar einkum nemend-
um með atferlis- og félagsleg vandamál. Fyrir dyrum stendur endur-
skipulagning á starfsemi skólans í þá veru að hann geti boðið al-
mennum skólum á svæðinu breytta þjónustu á þessu sviði, aðallega í
formi aukinnar stoðþjónustu og fjölbreyttari úrræða. Af þeim sökum
er um að ræða tímabundna ráðningu með möguleikum á framhalds-
ráðningu.
Starf skólastjórans krefst háskólamenntunar á sálfræði- eða uppeld-
issviði og reynslu af kennslu nemenda með atferlisvandamál.
Nánari upplýsingar gefur skólafulltrúi í síma 460-1400. Upplýsingar
um kaup og kjör veitir starfsmannadeild í síma 462-1000.
Umsóknum skal skila til starfmannadeildar Akureyrarbæjar, Geisla-
götu 9 á eyðublöðum sem þar fást.
Umsóknarfrestur er til 2. júní nk.
Starfsmannastjóri.
Menntamálaráðuneytið
Laust embætti
Embætti skólameistara við Menntaskólann við Hamrahlíð er laust til
umsóknar.
Samkvæmt 9. gr. laga nr. 48/1986 um lögverndun á starfsheiti og
starfsrétindum grunnskólakennara, framhaldsskólakennara og skóla-
stjóra eru gerðar þær kröfur til skólameistara að hann hafi kennslu-
réttindi á framhaldsskólastigi. Skipað verður í embættið til fimm ára
frá og með 1. ágúst 1998 að telja. Um laun skólameistara fer eftir
ákvörðun kjaranefndar.
Umsóknir með ítarlegum upplýsingum um menntun og fyrri störf
skulu hafa borist menntamálaráðuneytinu, Sölvhólsgötu 4, 150
Reykjavík, fyrir 5. júní 1998.
Umsóknir þar sem óskað er nafnleyndar verða ekki teknar til greina.
Nánari upplýsingar veitir Sigurður Helgason deildarstjóri í mennta-
málaráðuneytinu í síma 560 9500.
Menntamálaráðuneytið, 14. maí 1998.
KJÖRSTAÐIR
við borgarstjórnarkosningarnar í Reykjavík
þann 23. maí 1998 verða þessir:
Hagaskóli
Kjarvalsstaðir
Laugardalshöll
Breiðagerðisskóli
Árbæjarskóli
Fellaskóli
Ölduselsskóli
Foldaskóli
Fólkvangur í Kjalarneshreppi
Auk þess verður kjördeild í Sjálfsbjargarhúsinu, Hátúni 12.
Kjörfundur hefst laugardaginn 23. maí, kl. 9.00 árdegis,
og lýkur kl. 22.00.
Sérstök athygli kjósenda er vakin á að kjósandi, sem ekki
hefur meðferðis persónuskilríki, getur átt von á því að fá
ekki að greiða atkvæði.
Yfirkjörstjórn mun á kjördegi hafa aðsetur í Ráðhúsi Reykjavíkur,
og þar hefst talning atkvæða þegar að loknum kjörfundi.
Símanúmer yfirkjörstjórnar á kjördag er 563 2263.
Yfirkjörstjórnin í Reykjavík
Eiríkur Tómasson
Guðríður Þorsteinsdóttir Jón Steinar Gunnlaugsson
Þjóðleg og þokkafull
að hefur í gegnum tíðina ekki þótt sæta sér-
stökum tíðindum að skáld, ung sem eldri, hafi
upp á sitt einsdæmi og á eigin kostnað gefið út
verk sín, ljóð og/eða Iaust mál. Það er hins vegar
nokkuð fréttnæmt þegar einstaldingar ráðast í það
ævintýri að gefa út geislaplötur upp á eigin spýtur,
þó reyndar gerist slíkt algengara með tímanum og
sé að verða æ ódýrara í framkvæmd. Það verður til
að mynda að teljast eftirtektarvert að húsmóðir í
Breiðholtinu í Reykjavík, móðir þriggja barna,
skuli svo lítið ber á setja saman og taka upp eina
slíka plötu án mikillar aðstoðar utanfrá og það í
stofunni heima. Ósk Óskarsdóttir er sú sem um
ræðir en hún var að senda frá sér plötuna Óskina.
Með þessari útgáfu og fleirum er Ósk að láta lang-
þráðan draum rætast, um að koma lögum sínum
sem hún hefur verið að semja frá unglingsaldri, á
framfæri. Hún hefur annars komið nokkuð víða
við í tónlistinni, var t.d. þátttakandi í íslenska
pönkinu, en þar til nú hefur hún aftur á móti ekki
komið fram með sín verk á plötu. Á „Óskinni" er
þó ekkert sem bendir til pönksins, heldur er um að
ræða einfalda og þjóðlega tónlist, sem Ósk hefur
samið við 11 íslensk Ijóð. Flest þeirra eru eftir Jak-
obínu Johnson, vestur-íslenska konu sem fluttist
barn að aldri vestur og bjó lengi í Seattle í Banda-
ríkjunum. Unni hún ætíð uppruna sfnum og bera
ljóð hennar, sem Ósk hefur tekið upp úr ljóðasafn-
inu Kertaljós, þess glöggt vitni. Önnur ljóð eru eft-
ir Jóhann Gunnar Sigursson, Böðvar Guðlaugs-
son, Þórð Halldórsson og Bjarna Marinó Þor-
steinsson frá Siglufirði. Ósk syngur öll Iögin sjálf
og leikur í nokkrum þeirra á píanó. Auk þess eru
svo strengir, flauta og ásláttur í flutningnum. Ósk
er ekki tilþrifamesta söngkona sem heyrst hefur,
en hún er djúp og þokkafull eins og raunar hæfir
vel andblæ plötunnar. Ekki er sérstök ástæða til að
taka hér einstök lög út úr. Það sem stendur upp úr
Plata Óskar Óskarsdóttur, Óskin, er allrar athygli verd.
er að um mjög sérstaka plötu er að ræða, gerða af
innileik, þörf og með þokka. Slíkt er alltaf þess
virði að lofa.
Óskin, er svo ekki eina platan sem Ósk Óskars-
dóttir hefur sent frá sér. Fyrir síðustu jól gaf hún
nefnilega út smekklega jólaplötu þar sem hún setti
saman íög við ýmis jólakvæði.
Útgáfutónleíkar
í kvöld heldur Ósk Óskarsdóttir tónleika í tilefni
af útgáfu plötunnar. Þeir verða í veitingahúsinu
Sólon Islandus og munu standa yfir milli klukkan
21 til 23. Þar mun Ósk kynna plötuna, syngja og
leika á píanó ásamt nokkrum aðstoðarmönnum.
Aðgangur er ókeypis.
Stórveisla í vændum
Undir merki Listahátíðar, sem einnmitt er að
hefjast í dag, verður sannkölluð veisla með
öllu því framsæknasta og heitasta í íslenskri tónlist
haldin dagana 3. til 6. júní. Um 40 til 50 hljóm-
sveitir og aðrir tónlistarmenn munu koma þarna
við sögu á eigi færri en þremur stöðum í höfuð-
borginni, Loftkastalanum, Héðinshúsinu, Tungl-
inu og Cafe Tomsen. Utvegssýning á íslenskri tón-
list er undirtitill þessarar tónlistarhátíðar og eru
það Loftkastalinn og tónlistartímaritið Undirtónar
sem standa að henni auk Listahátíðar. Botnleðja,
Maus, Quarashi, Vinyll, Páll Óskar og nýja sveitin
hans Casíno, Gus gus, Lhooq, Móeiður Júníus-
dóttir, Magga Stína fyrrum Risaeðla, Subterrane-
an, Sigurrós og Kolrassa krókríðandi eru meðal
þeirra sem staðfest hefur verið að komi fram, en
mörg önnur nöfn eru einnig í myndinni. Á annað
hundrað blaðamenn eru væntanlegir að utan að
sögn til að sjá herlegheitin, sem einnig verða kvik-
mynduð. Verður þar leitast við að endurvekja Rokk
í Reykjavík andann. Myndin, sem nefnd verður
Popp í Reykjavík, verður blanda af tónleikaupptök-
um, viðtölum og svipmyndum frá hljóðversupptök-
um. Hér er sannarlega um spennandi verkefni
sem vonandi gengur upp. Þá verður það líka að
fylgja, að svona nokkuð er mun meira spennandi
fyrir íslenska listahátíð heldur en að reyna að fá
einhverja „Risa að utan“. Það er vissulega alltaf
gaman að fá slíkan glaðning, en hann má bara
ekki vera svo stór, dýr og yfirgripsmikill að hann
skyggi á allt annað og dragi það niður. Munum að
„margt smátt gerir eitt stórt“ og að „ekki fara alltaf
saman magn og gæði“.