Dagur - 16.01.1999, Page 4
4- LAUGARDAGUR 16. JANÚAR 1999
FRÉTTIR
X^MT
INNLENT
Fimm gefa kost á sér fyrir Kvennalista
Fimm gefa kost á sér fyrir hönd Kvennalistans í prófkjöri samfylkingar
á Reykjanesi. Þetta eru Alfheiður Jónsdóttir kennari Keflavík, Birna
Siguijónsdóttir aðstoðarskólastjóri Kópavogi, Dóra Hlín Ingólfsdóttir,
rannsóknarlögreglukona Mosfellsbæ, Ragna B. Björnsdóttir, verkakona
Hafnarfirði og Þórunn Sveinbjamardóttir stjórnmálafræðingur.
Metþátttaka í ljóða- og smásagna-
keppni
Andrea Sigurðardóttir 11 ára stúlka
úr Mosfellsbæ og Kristján Már
Gunnarsson 10 ára Akurnesingur
hlutu aðalverðlaunin í Ijóða- og
smásagnakeppni Æskunnar en úr-
slitin voru kynnt á fimmtudaginn
var. Andrea hlaut verðlaun fyrir ljóð
sitt „Hamingjari' og Kristján Már
fyrir söguna „Anna tekur til sinna
ráða”. Verðlaunin eru flugferð til
Minneapolis í Bandaríkjunum.
Tuttugu börn hlutu aukaverðlaun
fyrir sögur og ljóð.
Um eitt þúsund börn tóku þátt í
Ijóða- og smásagnakeppninni og hefur þátttakan aldrei verið meiri.
Verðlaunaverkin verða birt í næstu tölublöðum Æskunnar og jafnframt
er stefnt að þvi að gefa þau öll út í sérstakri bók síðar á árinu.
Rausnarleg kvikmyndagjöf
Sænska kvikmyndasafnið hefur gefið Kvikínyndasafni Islands 57 film-
kópíur með sænskum kvikmyndum og verða þær afhentar formlega í
dag. Myndirnar eru flestar eru frá 6. og 7. áratugnum og þar á meðal
eru 8 myndir Ingmars Bergman og tvær eftir Gustaf Molander.
Með þessari rausnarlegu gjöf vill sænska safnið sýna í verki stuðning
sinn við uppbyggingu safnabíós hér á landi, segir í fréttatilkynningu frá
Kvikmyndasafninu.
Safnið hefur Bæjarbíó í Hafnarfirði til umráða og hefur um nokkurt
skeið verið að undirbúa skipulagt sýningahald á klassískum kvikmynd-
um. Væntanleg starfsemi hefur verið kynnt fyrir kvikmyndasöfnum
annars staðar á Norðurlöndum en þar hafa kvikmyndahús af þessu tagi
verið rekin árum saman.
Verðlaunahafar í samkeppni Æsk-
unnar. Fremst eru Kristján Már
Gunnarsson og Andrea Sigurðar-
dóttir sem hlutu aðalverðlaunin.
Nýtt fólk til meiuimgarborg-
arinnar
Þrír nýir starfsmenn hafa verið ráðnir hjá Reykjavík
menningarborg Evrópu árið 2000. Svanhildur Kon-
ráðsdóttir er útgáfu- og kynningarstjóri verkefnisins.
Hún var m.a. ritstjóri Dagsljóss 1996-98 og sá um
kynningarmál Listahátíðar í Reykjavík í fyrravor.
Skúli Helgason hefur verið ráðinn dagskrárstjóri
innlendra verkefna, en hann hefur unnið við dagskrár-
gerð á Bylgjunni.
Sigrún Valbergsdóttir, deildarsérfræðingur í
menntamálaráðuneytinu, hefur verið ráðin fram-
kvæmdastjóri erlendra verkefna.
Alþýðubandalagsmeim opna
prófkjörsmiðstöðvar
Ami Þór Sigurðsson opnar prófkjörsmiðstöð í dag kl.
15:00 í Hafnarstræti 20 við Lækjartorg, 3. hæð. Arni
stefnir á efsta sætið í hólfi Alþýðubandalagsins í próf-
kjöri samfylkingarinnar í Reykjavík. Hann mun ávarpa
gesti, en auk þess mun Andri Snær Magnason rithöf-
undur Iesa úr verkum sínum og félagar úr Karlakór
Reykjavíkur syngja undir stjórn Friðriks S. Kristins- Árni Þór Sig-
sonar. Allir eru velkomnir í kaffi og meðlæti. urðsson.
Bryndís Hlöðversdóttir opnar skrifstofu sfna í dag
kl. 16 að Austurbugt 3 við Reykjavíkurhöfn og Vil-
hjálmur H. Vilhjálmsson í kvöld kl. 21 að Kirkjutorgi 6.
Kristín stefnrr á 1.-3. sætið
Kristín A. Guðmundsdóttir, sjúkraliði, formaður
Sjúkraliðafélags Islands, gefur kost á sér í prófkjör
samfylkingarinnar í Reykjaneskjördæmi og stefnir á
fyrsta til þriðja sætið á væntanlegum framboðslista.
Kristín, sem er varaþingmaður Alþýðubandalagsins,
segist hafa ákveðið að verða við áskorun stuðnings-
manna sinna sem telji brýnt að þingliðið endurspegli
samfélagið allt og að fulltrúar almenníngs og launþega
hverfi ekki af vettvangi stjómmálanna.
A morgun, sunnudag kl. 14, mun Sigríður Jóhann-
esdóttir þingmaður Alþýðubandalagsins í Reykjanesi
opna kosningaskrifstofu sína sem er f Hafnargötu 54 í Reykjanesbæ.
Sigríður stefnir á annað sætið.
Jóhaima opnar skrifstofu
Stuðningsmenn Jónönnu Sigurðardóttur opna kosn-
ingaskrifstofu í. Sóknarsalnum Skipholti 50a í
Reykjavík á laugardaginn 16. janúar kl. 15:00. Þar
verður boðið upp á dagskrá með söng og munu félag-
ar úr kvennakórnum Vox Feminae undir stjórn Mar-
grétar Pálmadóttur koma fram. Einnig flytur Jó-
hanna Sigurðardóttir ávarp. Boðið verður upp á kaffi
og meðlæti. Stuðningsmennirnir kalla kosningamið-
stöðina Jóhanna í sókn og verður hún opin alla daga
fram að prófkjörsdegi frá kl. 14.00 og fram á kvöld.
Jóhanna Sig-
urðardóttir.
Ragnheiður Gyða Jónsdóttir með viðurkenningu Hagþenkis.
TLLgerðarlaus
menmnganmðlun
Ragnheiður Gyða
Jónsdóttir íékk viður-
kenningu „fyrir lif-
andi og áhuga-
vekjandi kynningu
menningarefnis á Rás
1 í Ríkisútvarpinu“.
Gísli Sigurðsson, formaður Hag-
þenkis, afhenti Ragnheiði Gyðu
Jónsdóttur viðurkenningu Hag-
þenkis á samkomu í fyrradag fyr-
ir menningarkynningar hennar.
Ragnheiður Gyða hefur allt frá
því að þátturinn Þjóðarþel hófst
árið 1992 stjórnað ein, eða með
öðrum, þætti með fræðandi efni
um sígild bókmenntaverk á Rás
1 en síðan 1996 er umfjöllunin
innan þáttarins Víðsjár.
Þetta er í tólfta sinn sem
„Hagþenkir - félag höfunda
fræðirita og kennslugagna” veitir
viðurkenningu sína. Sérstakt við-
urkenningarráð, skipað fulltrú-
um ólíkra fræðigreina er kosið til
tveggja ára í senn og ákveður
hver viðurkenninguna hlýtur.
Viðtakandi fær viðurkenningar-
skjal og fjárhæð sem nú er
300.000.- kr.
I greinargerð viðurkenningar-
ráðsins segir m.a. að verkin, sem
lesin voru, hafi verið „... gerð að-
gengilegri en ella með skýringum
og fjölbreytilegum áhugavökum
sem hafa rúmast í hinni fræði-
legu umfjöllun, um leið og
margs konar fræðum hefur verið
auðvelduð leið til almennings í
tengslum við flutning bók-
menntatextanna."
Einfalt og tilgerðarlaust
Ennfremur segir að í umræddri
kynningu hafi verið beitt „...ein-
faldri og tilgerðarlausri miðlun-
araðferð, þar sem báðum er sýnd
jöfn virðing, fræðunum og við-
takendum þeirra. I þættinum
hefur verið sýnt eftirminnilega
fram á að óhætt er að bjóða út-
varpshlustendum þunga bók-
menntatexta og alvarlega fræði-
lega umræðu ef vel er staðið að
verki. Valdir hafa verið úrvals-
góðir lesarar til að flytja textana
og ótrúlegri hugkvæmni og
þrautseigju beitt við að finna
efni með þeim.“
Þá er og talið mikils virði
„...að sýna fram á að hægt væri
að flytja vandað menntandi efni í
útvarp og að velja því fastan stað
á einhverjum besta hlustunar-
tíma dagsins. Jafnframt var mik-
ils virði fyrir þá sem stunda fræði
að fá slíkt tækifæri til að kynna
þau og miðla þeim til almenn-
ings.“
Ýmis ljón í veginum
fyrir dreifbýlisstrætó
Mikil tregda ríkis
valds til að styrkja
Eyjafjarðarstrætó.
Einar K. Guðfinnsson, formaður
samgöngunefndar Alþingis, segir
ýmis Ijón standa í veginum lýrir
því að ríkisvaldið eigi að styrkja
almenningssamgöngur á lands-
byggðinni. I gær kom fram í Degi
að Arni Steinar Jóhannsson,
stjórnarformaður Ferðamálamið-
stöðvar Eyjafjarðar, telur eðlilegt
að ríkið greiði 8-10 milljóna kr.
hlut árlega til byltingarkenndrar
strætóáætlunar í Eyjafirði. For-
maður samgöngunefndar segir
þessa hluti fyrst og fremst á færi
sveitarfélaganna.
„Vandi ríkisvaldsins er að þetta
er hefðbundið viðfangsefni sveit-
arfélaganna þannig að öll af-
skipti ríkisins í verkefnum af
þessu tagi yrðu eflaust talin við-
Einar K. Guðfinnsson: Ríkisvaldið
tregt til að styrkja strætóferðir á
landsbyggðinni.
urkenning á því að ríkið ætlaði til
frambúðar að taka þátt í slíkum
verkefnum. Með öðrum orðum
fordæmisgefandi. Eg geri ráð fyr-
ir því að af hálfu ríkisvaldsins
yrði mikil tregða til að ganga að
þessu. Ekki vegna þess að menn
hafi ekki trú á að efla þurfi al-
menningssamgöngur á Eyjafjarð-
arsvæðinu í heild heldur vegna
þess að menn sæju ekki fyrir
endann á málinu," segir Einar.
Tillaga um fjárstuðning til
verksins er til meðhöndlunar hjá
samgöngunefnd Alþingis og seg-
ir Einar að ýmsir hafi verið kall-
aðir til að meta málið. Hann býst
við að þegar þing komi saman á
ný, muni menn skoða málið vel
og ekki sé langt að bíða niður-
stöðu. „Eins og málum er háttað
í dag er verkaskiptingin mjög
skýr. Samgöngunefndin hefur
ekki komist að niðurstöðu um til
hvers þetta muni leiða og því
ætla ég ekki að slá neinu föstu
um þetta fyrirfram. Ég sé hins
vegar ýmis ljón í veginum,“ segir
formaður samgöngunefndar.
- Bl>