Dagur - Tíminn Akureyri - 12.04.1997, Síða 7

,®agur-®mrám
Laugardagur 12. apríl 1997 - 7
ERLENDAR FRETTIR
Áfríka
1 i í||f f < ' ', . JS ; £ ^ *yl
► » |: M, f \ H ?•! w ! /km
Her Mobutus á undanhaldi frá Kisangani: Nærri gersigraður.
Stríð og bandalög
Baksvið
Dagur Þorleifsson
s
friður geisar víða í Mið-
Afríku, í Saír, Suður-Súd-
an, Norður-Úganda og á
eitthvað lægri nótum í Búrúndi,
Rúanda, Eþíópíu o.fl. löndum.
Stríð þessi eru í nógu miklum
tengslum hvert við annað til
þess að hægt sé - með vissri
einföldun - að halda því fram
að þetta sé allt saman eitt stríð.
Á bak við þann hernað má
greina tvö bandalög, en þau eru
óformleg og fara huldu höfði
eftir bestu getu. Hinir og þessir
aðilar hafa skipað sér í þau af
ýmsum ástæðum, vegna
tilfallandi sameiginlegra hags-
muna, skyldleika, þjóðernis- og
þjóðflokkahyggju, kynþátta-
hyggju og einnig kemur hér til
metingur Afríkuríkja og vest-
rænna stórvelda og tafl þeirra
um hagsmuni.
Andspyrnuher
Drottins
Úganda, undir stjórn Yoweris
Museveni forseta, er í meira
áliti en flest ef ekki öll önnur
Afríkuríki sunnan Sahara, með
hagvaxtarmestu rflcjum heims
og eftirlæti Alþjóðabankans og
Alþjóðlega gjaldeyrissjóðsins.
En þjóðflokkar í norðurhluta
þess, einkum Acholi, sætta sig
ekki við Museveni, sem er
sunnlendingur og af ættbálki
skyldum Tútsum, og horfa með
vissum söknuði um öxl til
stjórnartíðar þekktra fyrrver-
andi landsherra, þeirra Miltons
Obote og Idis Amin. Peir voru
báðir norðlendingar, sá fyrr-
nefndi Acholimaður. Acholi-
menn eru öðrum þjóðflokkum
fjölmennari í uppreisnarherj-
um, sem í mörg ár hafa verið í
stríði við stjórn Musevenis.
Hugmyndafræði uppreisnar-
manna þessara, sem um skeið
nefndu samtök sín Hreyfingu
Heilags anda en kallast nú And-
spyrnuher Drottins, er blanda
af strangtrúarkristni og inn-
lendri heiðni, þar sem trú á
fjölkynngi er ofarlega á baugi.
Er sagt að stríðsmenn þessir
trúi því sumir og stundum að
steinar, sem þeir kasti í óvini
sína, breytist við það í hand-
sprengjur og að engin vopn geti
orðið þeim að skaða ef þeir séu
smurðir upp úr hnetuolíu er
spákonur þeirra og spámenn
hafi magnað. Að sögn eins
fréttaskýranda hefur And-
spyrnuher Drottins boðorðin tíu
fyrir hugmyndafræðilegan
grundvöll.
Lúbar og Lúndar
íslömsk og bókstafssinnuð
stjórn Súdans styður And-
spyrnuher Drottins og nefnir
fréttamaður einn það sem
dæmi þess, að kristnir og ís-
lamskir bókstafstrúarmenn geti
vel verið bandamenn. Úganda-
stjórn styður á móti kristna og
heiðna blökkumenn Suður-Sú-
dans, sem lengi hafa verið í
uppreisn gegn íslömskum og
arabískum valdhöfum Súdans.
Þræðir, meira eða
minna leyniiegir,
tengja saman
borgarastríðin í
hinum ýmsu löndum
Mið-Afríku.
Tútsar í her Musevenis áttu
drýgsta þáttinn í því, að skæru-
stríði sem staðið hafði í fimm ár
lauk með sigri hans og valda-
töku 1986. bcir sömu hermenn
tóku síðan völdin í föðurlandi
sínu, Rúanda, með samþykki
Musevenis og aðstoð frá hon-
um. Mobutu Saírforseti var
norðurúgandískum uppreisnar-
mönnum og Hútúum, sem herj-
uðu á Tútsa í Rúanda og Búr-
úndi, hjálplegur, og því styðja
Úganda, Rúanda og Búrúndi
uppreisnarmenn þá saírsku,
sem nú eru næstum búnir að
gersigra Mobutu. Kjarni þess
uppreisnarhers er tútsískur.
Kabila, yfirforingi þess hers, á
langan feril að baki sem upp-
reisnarmaður og kaupsýslu-
maður til skiptis, ef ekki
hvorttveggja í senn, og mun
hafa skipt við suðursúdanska
uppreisnarmenn. Hann er Lúbi,
en Lúbar (Luba, Baluba) eru
hvað atkvæðamestir þjóða í
Shaba (Katanga), mikilvægasta
fylki Saírs efnahagslega séð.
Pað er þegar að miklu leyti á
valdi hers Kabila. Önnur þjóð
þar, Lúndar (Lunda, Balunda),
sem ekki hefur alltaf verið í vin-
fengi við Lúba, kann að eiga sér
hauka í horni í Angólu. Undan-
farið hafa öðru hvoru sést frétt-
ir þess efnis, að Angólumenn
muni brátt helja afskipti af
gangi mála í Saír, ef þeir séu þá
ekki þegar farnir til þess.
Skapari bregst
sköpunarverki sínu
Meðan kalda stríðið var studdu
bæði Bandaríkin og Frakkland
Mobutu, sem raunar hefur ver-
ið kallaður sköpunarverk CIA,
bandarísku leyniþjónustunnar.
En nú er kalda stríðinu löngu
lokið og Mobutu, sem naut álits
í Washington sem harður and-
kommúnisti, hvergi nærri eins
mikilvægur í augum banda-
rískra ráðamanna og var. Er nú
svo að heyra að Bandaríkin hafi
endanlega gefið þennan ger-
spillta valdhafa upp á bátinn.
Franska stjórnin, sem í yfir-
standandi ófriði í Saír hefur
stutt við bakið á Mobutu eins og
hún hefur þorað eða getað, tel-
ur að á bakvið þá afstöðubreyt-
ingu Bandaríkjanna séu vélræði
af þeirra hálfu gegn Frakk-
landi.
Ghanamaðurinn Kofi Annan,
framkvæmdastjóri Sameinuðu
þjóðanna, virðist einnig vilja
halda Mobutu eða hans mönn-
um við völd og hafði nýlega
ekki enn gefið upp alla von fyrir
þeirra hönd. Ýmislegt hefur
þótt benda til þess, að Annan
hafi verið vinveittur Rúanda-
stjórn þeirri hútúskri, sem fyrr-
verandi hermenn Musevenis
steyptu af stóli 1994. Hútúskt
herlið hefur barist með her Mo-
butus í saírska borgarastríðinu.
í Búrúndi geisaði fyrir
skömmu (og geisar kannski
enn) skæru- og hryðjuverka-
stríð milli Hútúa og Tútsa. Og
frá því að hútúskir flóttamenn í
Saír fóru þaðan í hundruðþús-
unda tali til fyrri heimkynna
sinna í Rúanda hafa öðru hvoru
borist frá síðarnefnda landinu
fréttir um hryðjuverk hútúskra
skæruliða og átök milli þeirra
og tútsíska stjórnarhersins.
Dalb
heimili aldraðra
Forstöðumaður
Laus er staða forstöðumanns við Dalbæ heimili
aldraðra á Dalvík.
Á Dalbæ eru íbúar 144, þar af 20 á hjúkrunardeild. í
tengslum við heimilið er einnig rekin dagvistun fyrir
aldraða.
Forstöðumaður sér um daglegan rekstur heimilisins,
gerð fjárhagsáætlunar og er ábyrgur gagnvart stjórn
heimilisins.
Æskilegt er að umsækjandi hafi reynslu í stjórnunar-
störfum.
Umsóknarfrestur er til 29. apríl nk. og skal umsóknir
með upplýsingum um menntun og fyrri störf senda til
formanns stjórnar Dalbæjar, Sigurlaugar Stefánsdóttur,
Sunnubraut 3, Dalvík, sem einnig veitir nánari upplýs-
ingar í síma 466 1482 eftir kl. 18.
:ÍP Grunnskólar Hafnarfjarðar
sfis Námsráðgjafar
Óskum að ráða námsráðgjafa að grunnskólum
Hafnarfjarðar.
Samtals er um að ræða VA stöðugildi í eftirtalda skóla:
Lækjarskóla 430 nemendur í 1.-10. bekk
Víðistaðaskóla 560 nemendur í 1.-10. bekk
Setbergsskóla 650 nemendur í 1.-10. bekk
Hvaleyrarskóla 530 nemendur í 1 .-10. bekk
Æskilegt er að viðkomandi hafi reynslu af kennslu og
sé með viðbótarnám í námsráðgjöf.
Nánari upplýsingar veita skólastjórar í viðkomandi
skóla og deildarstjóri þjónustudeildar Skólaskrifstofu í
síma 555 2340.
Umsóknir ásamt upplýsingum um menntun og fyrri
störf berist undirrituðum að Strandgötu 31, 220 Hafn-
arfirði, fyrir 28. apríl nk.
Skólafulltrúinn í Hafnarfirði.
Grunnskólinn á Blönduósi
Kennarar óskast!
Við Grunnskólann á Blönduósi vantar nokkra kennara
til starfa næsta vetur.
Við höfum þörf fyrir kennara í:
% Almenna bekkjarkennslu.
Sérkennslu.
* Stærðfræði og raungreinar.
* íþróttir.
íif Mynd- og handmennt.
í Grunnskólanum á Blönduósi eru um 170 nemendur í
einsetnum skóla sem einnig hefur upp á að bjóða
góða aðstöðu fyrir starfsfólk.
Ef þú ert að hugleiða að koma út á land eða færa þig
um set og vilt taka þátt í skemmtilegu og gefandi
skólastarfi þar sem áhersla er lögð á skólaþróun og
mótun skólanámskrár, hafðu þá samband við okkur!
Upplýsingar veita Erling Ólafsson, skólastjóri í
síma 452 4229 og Skúli Þórðarson, bæjarstjóri í
síma 452 4181.
Á Blönduósi eru fbúar um 1000. Blönduós er þjónustu-
kjarni fyrir Húnavatnssýslur og þar eru fjölbreyttir mögu-
leikar til leiks og starfa. Blönduós er fjölskylduvænt sveit-
arfélag sem liggur vel við öllum samgöngum og er mið-
svæðis milli Akureyrar og Reykjavíkur. Á Blönduósi er m.a.
nýlegt íþróttahús í fullri stærð, leikskóli, tónlistarskóli,
sjúkrahús og heiisugæsla ásamt annarri fjölbreyttri þjón-
ustu og verslun.
Vertu velkomin(n) til Blönduóss!