Dagur - Tíminn Reykjavík - 04.01.1997, Blaðsíða 5

Jlftgur-'3Imnmt
Laugardagur 4. janúar 1997 - 5
F R E T T I R
Forsetaframboð
Framboð Ólafs er enn
með stórt skuldagat
Meðal þeirra vinnustaða sem Ólafur Ragnar Grímsson heimsótti í kosn-
ingabaráttunni var Álverið í Straumsvík. Mynd: gs
Búist er við að
forsetabókin skili
einhverjum tekjum -
framlagi úr ríkissjóði
vegna framboða var
hafnað.
Bókin gekk alveg sæmi-
lega, við seldum mest í
áskrift. Núna bíðum við
eftir prentreikningunum og
endanlegu uppgjöri. Bókin mun
skila einhverju upp í skuldagat-
ið,“ sagði Sigurður
G. Guðjónsson,
hæstaréttarlög-
maður, helsti
stuðningsmaður
Ólafs Ragnars
Grímssonar í for-
setakjörinu, þegar
Dagur-Tíminn
ræddi við hann í
gær.
Framboð Ólafs
Ragnars reyndist
kosta til muna meira en íjáröfl-
un gaf því. Talað er um allt að
20 milljóna króna mun, sem nú
stendur upp á forsetann og
stuðningsmannalið hans.
Stuðningsmenn Ólafs héldu
áfram ýmissi fjáröflun eftir
kosningar, meðal annars útgáfu
bókar um framboð Ólafs Ragn-
ars. Eins og fram kom í blaðinu
í gær mun Pétur Kr. Hafstein
axla meira en 14 milljóna
króna kostnað persónulega og
hefur veðsett hús sitt vegna
bankaskuldar.
Sigurður G. Guðjónsson
sagði að það væri vert að íhuga
hvers vegna frambjóðendur til
forsetakjörs fengju aðra með-
höndlun en stjórnmálaflokkar,
sem fá 170 milljónir í ár til að
reka starfsemi sína. Stjórnvöld-
um ber að styðja við bakið á
forsetaframbjóðendum ekkert
síður en stjórnmálamönnum að
mati umboðsmanna forseta-
frambjóðendanna.
Umboðsmenn þriggja for-
setaframbjóðenda efndu til
samstarfs sín á milli í haust og
sendu fjárlaganefnd Alþingis
bréf 5. nóvember síðastliðinn
þar sem þess var farið á leit að
gert yrði ráð fyrir framlagi til
frambjóðendanna til að mæta
kostnaði sem forsetaframbjóð-
endur stofnuðu til „svo þjóðin
fengi notið þess stjórnarskrár-
bundna réttar síns að velja sér
sjálf forseta," eins og segir í
bréfi þeirra Sigurður G. Guð-
jónssonar, Hildar Petersen og
Sindra Sindrasonar. Fjárlaga-
nefnd afgreiddi þetta erindi
snarlega og umræðulítið.
„Við treystum okkur ekki til
að verða við þessu erindi á
þeim forsendum að ef menn
taka upp þessa styrki, þá verði
það að gera samkvæmt fyrir-
fram ákveðnum reglurn en ekki
eftirágerðum. Sjálfur er ég
þeirrar skoðunar að það geti
verið til athugunar að taka upp
einhvern stuðning við fram-
bjóðendur til forsetakjörs,“
sagði Jón Kristjánsson, formað-
ur íjárlaganefndar Alþingis, í
samtali við Dag-Tímann í gær.
Jón benti á að einn frambjóð-
andi hefði hætt kostnaðar
vegna, aðrir hefðu hætt við
framboðstilraunir af sömu
ástæðum. Það væri óeðlilegt
gagnvart þessu fólki að styrkja
framboðin af almannafé eftir á.
í bréfinu til fjárlaganefndar
var bent á að ríkissjóður hagn-
aðist á forsetaframboðunum,
en léti ekkert af hendi rakna á
móti. Þá segir að rætt hafi verið
við ábyrga aðila í kerfinu um
skattalega meðferð söfnunar-
Qár. Hjá þeim hafi skort allan
vilja til að tryggja forsetafram-
bjóðendum jafnan rétt í skatta-
legu tilliti á við stjórnmála-
flokka. Afleiðingin varð sú að
fyrirtæki voru treg á styrki til
framboðanna, enda framlögin
ekki frádráttarbær til tekju-
skatts eins og um er að ræða
með stjórnmálaflokka.
„Leggi ríkissjóður ekkert af
mörkum til forsetakjörs verður
það í framtíðinni ekki á færi
annarra en efnafólks að taka
þátt í kosningum um embætti
forseta íslands,“ segir í bréfi
umboðsmanna frambjóðend-
anna þriggja. -JBP
Jón Kristjánsson
formaður fjárlaganefndar
„Sjálfur er ég þeirrar
skoðunar að það geti
verið til athugunar að
taka upp einhvern
stuðning við Jrambjóð-
endur tilforsetakjörs. “
Forsetaframboð
Jóhanna vill þak á
framboðsauglýsingar
Samkeppni
Kvai’lað
undan KÁ
Engin kæra hefur borist
Samkeppnisstofnun vegna
meintrar fákeppni á mat-
vörumarkaði á Suðurlandi þar
sem Kaupfélag Árnesinga hf. er
nánast eitt um hituna á stóru
landsvæði. Nokkrir hafa hringt
og spurst fyrir að sögn Guð-
mundar Sigurðssonar hjá Sam-
keppnisstofnun, ef til vill sé von
á kæru, það sé ekki vitað. Hann
segir að stofnunin fylgist með
málum af því tagi sem hér er
um að ræða og geti gripið inn í
af eigin frumkvæði telji stofnun-
in það nauðsynlegt.
Guðmundur sagði að ákvæði
væru í lögum þannig að hægt er
að grípa til aðgerða eða ógilda
samruna eða yfirtöku fyrirtækis
á öðru fyrirtæki, ef sýnt þykir
að slíkt muni skaða samkeppn-
ina.
Ilagkaup-Bónus eru nátengd
fyrirtæki með um 40% mat-
vörumarkaðar á höfuðborgar-
svæðinu að talið er. Þau tengsl
urðu til fyrir gildistöku sam-
keppnislaganna og við þeim
verður ekki hróflað að sögn
Guðmundar Sigurðssonar. -JBP
Jafnaðarmenn munu
leggja fram að nýju
frumvarp þingmanna
Þjóðvaka frá síðasta ári um
reglur um framboðsmál
stjórnmálaflokka, einstak-
linga í prófkjörum og í for-
setakjöri.
Jóhanna Sigurðardóttir al-
þingismaður sagði í gær að eftir
forsetakjörið væri fullljóst að
nauðsyn væri fyrir eins konar
þak á kostnað við framboð.
„Kostnaðurinn keyrði auðvit-
að úr öllu hófi í forsetakosning-
unum. Ef þetta heldur áfram
eins og hingað til þá verða það
bara fáeinir peningamenn sem
geta boðið sig fram. Frambjóð-
endur sitja oftast einir eftir með
skuldirnar, fólkið hverfur frá
öllu saman, þegar kosningum
lýkur, eins og dæmin sanna,“
sagði Jóhanna Sigurðardóttir.
Þjóðvakaþingmenn lögðu
fram frumvarp um löggjöf um
starfsemi stjórnmálaflokka. Þar
er meðal annars gert ráð fyrir
að stjórnmálaflokkar verði bók-
halds- og skattskyldir. Þá er
gert ráð fyrir að fari framlög til
flokka eða frambjóðenda yfir
300 þúsund krónur, þurfi að
birta nöfn styrktaraðila.
„Við bentum á í greinargerð
og í umræðu á þingi að nauð-
synlegt væri að allsherjarnefnd
skoðaði sérstaklega hvort setja
eigi reglur um prófkjör og fjár-
hagslegan ramma
þeirra og hvort
takmarka eigi um-
fang auglýsinga í
kosningabaráttu.
Við teljum að
tryggja þurfi lýð-
ræðið í landinu, og
þá er það gert með
því að takmarka
umfang auglýsinga
til að allir hafi
jafna möguleika á
að bjóða sig fram,“
sagði Jóhanna Sigurðardóttir í
samtali við Dag-Tímann í gær.
„Það er engum greiði gerður
með því að hafa engin bönd og
engar reglur um þetta."
-JBP
Jóhanna Sigurðardóttir
alþingismaður
„Það er engum
greiði gerður með
því að hafa engin
bönd og engar
reglur um þetta. “
ÁÖLLUM ALDRI!
Loksins leikfimi fyrir þá
sem vilja koma sér af stað
í líkamsrækt . Tímarnir
henta vel þeim sem eru
óþarflega þungir eða eru
ekki í góðri æfingu sem og
öllum öðrum sem vilja
komast í gott form.
Ath. engin reynsla af
leikfimi nauðsynleg fyrir
þessa tíma.
Karlar! þetta er tækifærið
sem þið hafið beðið eftir.
Kennt verður þriðjudaga
og fimmtudaga kl.19.15 -
20.15 og hefjast tímarnir
14.janúar.
/IX
mm

Iþróttahöllin • Sími 462 5266