Dagur - Tíminn Reykjavík - 04.01.1997, Qupperneq 9

|Dagur-®œxmn
Laugardagur 4. janúar 1997 - 9
RITSTJÓRNARSPJALL
Mynd: S
Það er heilmikið að
frétta, því miður
Birgir Guð-
mundsson
aðstoðar-
ritstjóri skrifar
Jónas Kristjánsson ritstjóri
DV skrifar athyglisverðan
leiðara í blað sitt á fimmtu-
daginn. Leiðarinn heitir „Ekk-
ert að frétta“. Jónas fer mikinn
yfir tíðindaleysinu og segir að „í
grundvallaratriðum var ekkert
að frétta af þjóðinni á liðnu ári
og ekki er við neinum fréttum
að búast af henni á þessu ári.
Fólk fæðist bara, lifir og deyr.“
Kyrrstaða og doði einkenna
stjórnarfarið að mati ritstjórans
og hann er ekki bjartsýnn á að
þaðan sé að vænta stórra eða
mikilla framfara á meðan nú-
verandi stjórnmálaflokkar sitji
við kjötkatla stjórnarráðsins. Ut
af fyrir sig getur stjórnarfarsleg
kyrrstaða þó verið fréttir eins
og ritstjóri fréttablaðsins DV
ætti að vita og raunar virðist
ritstjórinn einn um þá skoðun á
blaðinu að ekkert sé að frétta,
því DV er að öðru leyti fullt af
bæði merkilegum og minna
merkilegum fréttum. En þó
fréttirnar snúist þessa dagana
ekki nákvæmlega um það sem
ritstjórinn vill að þær snúist
um, þá er ýmislegt að gerast
fyrir það. Því miður er nefni-
lega heilmargt að frétta.
Fátæktin
Á sama tíma og landsmenn
skjóta upp flugeldum fyrir yfir
200 milljónir króna, rétt eins og
þeir hafi ekkert annað við pen-
ingana að gera en brenna þá,
koma hingað nunnur úr reglu
Móður Theresu og setjast að í
Breiðholtinu í Reykjavík. Nunn-
ur úr þessari reglu fylgja for-
dæmi leiðtoga síns og líkna fá-
tækum. Þær hafa greinilega
ekki heyrt áramótaræðu forsæt-
isráðherra. Samkvæmt henni
eru þær í vitlausu landi, hér er
engin fátækt. En nunnurnar
hafa sennilega hlustað á forseta
lýðveldisins sem tekur undir
með prestunum og líknarfélög-
unum, að ástæða sé til að hafa
áhyggjur af fátæktinni. Þessar
mótsagnir allar ættu nú að telj-
ast fréttnæmar, jafnvel fyrir
Jónas Kristjánsson.
Ofbeldið
En það er því miður fleira frétt-
næmt en fátæktin. Ofbeldis-
bylgjan er það sem hæst ber
um þessi áramót. Allt árið hafa
landsmenn orðið vitni að stig-
vaxandi spennu í þjóðfélaginu
samfara undarlegri firringu
gagnvart náunganum, kjörum
hans og högum. Ein birtingar-
mynd þessa er ofbeldi, ofbeldi á
heimilum, ofbeldi meðal barna,
ofbeldi gagnvart börnum, of-
beldi í sjónvarpi, á skemmti-
stöðum og hvar sem menn
koma saman. í árslok kemur
svo hápunktur í þessa óhugn-
anlegu þróun með hrinu harm-
leikja þar sem ofbeldið endar í
heljarsárum og jafnvel manns-
morðum. Hér í Degi-Tímanum í
gær segir Þórir Maronsson yfir-
lögregluþjónn í Keflavík að það
sé sláandi hve mikið sé orðið
um ýmis konar tól og tæki sem
tengjast ofbeldinu. „Slagsmál
eru gróf, það er mikið um spörk
í liggjandi menn og því er ekki
að neita að það eru töluverð
brögð að því að hnífar séu tekn-
ir af fólki. Þetta er vissulega
áhyggjuefni." Það er svo sann-
arlega rétt hjá Þóri, þetta er
vissulega áhyggjuefni.
Fíkniefni
Skylt ofbeldinu er annað frétta-
efni sem sækir að í „fréttaleys-
inu“. Það er aukin fíkni- og
vímuefnaneysla. Sífellt berast
fréttir af umsvifum fíkniefna-
baróna og sífellt fleiri ung-
menni falla fyrir vímimni.
Fréttirnar af umfangi málsins
eru sláandi og vitað er að þráð-
beint orsakasamhengi er milli
vímuefnaneyslu og ofbeldis,
ekki síst ofbeldis af þeirri teg-
und sem yfirlögregluþjónninn í
Keflavík er að tala um. Fíkni-
efnavandinn er raunar orðinn
svo stórt mál að sjálf „kyrr-
stöðu-ríkisstjórnin“ hefur þefað
uppi þá frétt og veitt tugum
milljóna í að sporna gegn vand-
anum samkvæmt sérstakri
áætlun. Fréttamat ritstjórans er
greinilega annað en stjórn-
valda. Fyrir það má þakka.
Kyrrstaðan
Jónas talar í leiðara sínum um
stöðugleika, stjórnmálin og það
sem fólkið vill: „Um allt þetta er
eins konar þjóðarsátt íhaldsams
meirihluta þjóðarinnar, sem vill
ekki láta trufla kyrrstöðu sína.
Ifann vill mikil ríkisafskipti,
mikið skipulag að ofan, mikið af
reglugerðum, mikið af réttlæti,
mikla dreifingu auðsins. Hann
vill frið um það sem fyrir er.“
í sjálfu sér kann þetta að
vera rétt greining hjá Jónasi,
svo langt sem hún nær. Hins
vegar er það ekki þessi kyrr-
staða sem skiptir máli þegar
sagðar eru fréttir af þjóðinni.
Ifin fréttnæma kyrrstaða sem
skiptir máli er fyrst og fremst
fólgin í deyfð þjóðarinnar fyrir
örlögum samborgaranna. Tóm-
læti manns fyrir manni er ein-
kenni fréttanna sem ritstjórinn
kýs að kalla ekki-fréttir. En það
er hins vegar rétt hjá Jónasi að
„þjóðarsátt íhaldsams meiri-
hluta þjóðarinnar, sem ekki vill
láta truíla kyrrstöðu sína“ er
áhyggjuefni. Þessi þjóðarsátt er
áhyggjuefni vegna þess að hún
er kyrrstaða borgara gagnvart
samborgurum sínum og þeirra
högum. Hún skilgreinir fréttir
sem ekki-fréttir og segir að
ekkert sé að frétta þegar heil-
mikið er að frétta.