Dagur - Tíminn Reykjavík - 07.05.1997, Blaðsíða 7
Miðvikudagtir 7. maí 1997 - 7
'i tifíviiru J0agur-®mtítm / QQ7
l
ERLENDAR FRÉTTIR
Alþjóðaheilbrigðismálastofnunin
„Velmegunarsj úkdómar “
herja á fátækari löndin
(Washington Post) Krabba-
meinstilfellum á eftir að fjölga
um helming í þróunarlöndun-
um á næstu 25 árum ef marka
má skýrslu frá Alþjóðaheil-
brigðismálastofnunni (WHO),
sem birt var á sunnudaginn.
Ennfremur mun hjartasjúk-
dómum - sem nú þegar eru al-
gengasta dánarorsök meðal rík-
ari þjóða - fara fjölgandi í fá-
tækari löndum. Bætist það ofan
á þann toll sem lífshættulegir
smitsjúkdómar taka nú þegar
af mannfjöldanum í þeim lönd-
um, að því er segir í skýrslunni.
„Velmegunarsjúkdómarnir" -
sem svo eru nefndir vegna þess
að orsakir þeirra má einatt
rekja til ríkjandi lífsmáta í ríku
löndunum - leggja því „tvöfalda
byrði“ ofan á íbúa margra
landa á næstu árum þar sem
fólk er enn að berjast við að
halda smitsjúkdómum í skefj-
um.
Um heim allan mun sykur-
sýkistilfellum einnig hafa fjölg-
að um meira en helming þegar
árið 2025 rennur upp, eða úr
135 milljónum í 300 milljón
sjúkdómstilfella.
Dr. Hiroshi Nakajima, aðal-
framkvæmdastjóri WHO, tók
saman helstu niðurstöður
skýrslunnar og sagði að ef ekki
kæmu til róttækar breytingar á
mataræði, líkamsrækt og reyk-
ingum jarðarbúa sé ekki annað
að sjá en að neyðarástand muni
skapast í heilbrigðismálum
jarðarinnar á næstu áratugum.
Svipaðar niðurstöður um
horfur í heilbrigðismálum í þró-
unarlöndunum fengust í skýrslu
sem unnin var af hópi sérfræð-
inga við Harvard háskóla og
birtar voru í september síðast-
liðnum. Samkvæmt þeirri
skýrslu valda hjartasjúkdómar
og sykursýki nú þegar fleiri
dauðsföllum í þróunarlöndum
heldur en smitsjúkdómar, og
gengur sú niðurstaða þvert á
það sem almennt var talið.
Ekki er þó eingöngu óheil-
brigðum lífsháttum um að
kenna, heldur einnig þeirri
staðreynd að fólk lifir almennt
lengur en áður. Fjölda sjúk-
dóma, svo sem gigt og beingisn-
un, má rekja nánast beint til
öldrunar. Fyrir hálfri öld eða
svo lést meirihluti jarðarbúa
áður en þeir náðu flmmtíu ára
aldri, en nú lifa flestir lengur en
það. Lífslíkur jarðarbúa voru
árið 1965 að meðaltali 65 ár, og
í sumum löndum eru þær milli
70 og 80 ár.
Ítalía
Hálft
skemmtiferða-
skip í smíðum
Óvenjulegri aðferð hefur verið beitt
við smíði pessa skemmtiferða-
skips, Disney Magic, sem verður
eitt af þeim stærstu í heimi, 85
þúsund tonn að þyngd. Tvær
skipasmíðastöðvar á Ítalíu smíð-
uðu hvor sinn helming skipsins.
Framhluti skipsins, sem hér sést,
var síðan dreginn sem leið liggur til
Feneyja þar sem hann var tengdur
afturhlutanum í viðamikilli aðgerð
sem ekki hefur áður verið beitt við
skipasmíðar. Reiknað er með að
skipið leggi upp í fyrstu ferð sína
með farþega þann 12. mars á
næsta ári.
Sviptir búseturétti fyrirvaralaust
(Washington Post) Qudsia Diab
Manko var komin átta mánuði
á leið þegar hún gerði sér ný-
lega ferð til innanríkisráðuneyt-
isins í ísrael þar sem hún átti
von á góðum tíðindum. Manko
er 29 ára arabi sem búsett er í
Austur-Jerúsalem. Hún hafði
fengið tilkynningu frá ráðuneyt-
inu um „jákvætt svar“ við
beiðni sinni um nauðsynlega
pappíra til handa eiginmanni
sínum, en eftir svari hafði hún
þá beðið árum saman.
Ilana grunaði hins vegar að
ekki væri allt með felldu þegar
skrifstofumaðurinn rétti henni
bréf sem ritað var á hebresku,
sem hún gat ekki lesið. „Ég
spurði hann hvað stæði þarna,“
sagði hún síðar. „Hann sagði:
„Allt er í lagi, láttu mig bara fá
nafnskírteinið þitt.“ Ég lét hann
fá nafnskírteinið mitt og hann
rétti mér bréfið og sagði: „Þú,
eiginmaður þinn og börnin
ykkar hafið 15 daga frest til
þess að koma ykkur úr landi.“
Síðan kvaddi hann.“
Manko er ein af þúsundum
araba sem hafa verið sviptir
réttindum til þess að búa í
Austur-Jerúsalem frá því á síð-
asta ári. Eftir að hún hafði
gengið á milli fjölmargra skrif-
stofa í rigningunni daginn eftir
komst hún að því að hún ætti
engan rétt á því að fá áheyrn
neins staðar varðandi mál sitt
né heldur gæti hún áfrýjað
ákvörðun stjórnvalda. „Ég er
hrædd við að ala barn vegna
þess að ég hef enga pappíra,"
sagði Menko, sem gæti átt von á
sér hvenær sem er úr þessu.
„Ég veit ekki á hvaða sjúkrahús
ég á að fara. Hvernig á ég að
láta skrá mig? Hvernig fæ ég
fæðingarvottorð?“
Með því að svipta araba sem
búsettir eru í Austur-Jerúsalem
pappírum sínum er í raun verið
að gera þá að ólöglegum inn-
flytjendum. ísraelsk stjórnvöld
voru byrjuð á þessu nokkrum
mánuðum áður en ríkisstjórn
Benjamins Netanyahus tók við,
en síðan hefur þetta verið gert í
síauknum mæli. Ríkisstjórninni
telst svo til að á síðasta ári hafi
1.047 manns orðið fyrir þessu,
en að fjölskyldum þeirra með-
töldum nemur fjöldi þeirra sem
málið snertir beint nokkrum
þúsundum. Sem er nógu mikill
fjöldi til þess að búsetujafnvægi
í borginni er farið að raskast.
33agur-®tmtttn
"""""^DestTtímí dtagsinsr"™™
Verktakar, smiðir, bifvélavirkjar, píparar, rafvirkjar,
málarar, verslunarmenn...
Kynnið ykkur tilboð okkar á raðauglýsingum.
- ÞÆRSKILAÁRANGRI -
Sími auglýsingadeildar er 460 6100 -
Fax auglýsingadeildar er 460 6161