Dagur - Tíminn Reykjavík - 21.05.1997, Blaðsíða 2
2 - Miðvikudagur 21. maí 1997
áDagur-ÍEtnthm
Ípottinum hefur verkfall
Vestfirðinganna borið á
góma. Vestfirðingurinn í pott-
inum talaði um að þetta væri
að verða eins og eftir byltingu,
því verkfallsverðir væru til
húsa í gamla sýslumannshús-
inu við Pólgötu. Þar eru
kveðnir upp úrskurðir um
verkfallsundanþágur í gamla
dómsalnum og Pétur Sigurðs-
son situr í gömlu skrifstofu
sýsiumanns og gefur út tilskip-
anir fram og aftur...
En á ísafirði hafa menn ver-
ið að velta fyrir sér hvers
vegna umhverfið á götum úti
er svo fjölþjóðlegt. Annar hver
maður er hreinlega útlending-
ur! Skýringin er sú að erlenda
vinnuaflið sem alla jafna er að
vinna er nú í verkfalli og því
orðið sýnilegra þar sem það
spígsporar um stræti og
torg...
Það vakti mikla athygli í
pottinum fyrir norðan þeg-
ar Svæðisútvarpið á Akureyri
las upp nöfn allra umsækj-
anda um flokksstjórastarf hjá
vinnuskólanum í Ólafsfirði, ails
ein 14 nöfn. Þótti mönnum
sem staða flokksstjóra ung-
lingavinnunnar hefði vaxið í
metorðastiga þjóðfélagsins,
en yfirleitt eru það helstu topp-
stöður sem fá svona meðferð.
Ekki minnkaði álit manna á
þessari stöðu við það að þar
til þær nefnd mælti með 11 af
þessum fjórtán til starfans...
Menn ræddu um bílnúmer í
Laugardalslauginni og þá
frásögn þlaðsins af bílnúmeri
Eggerts Magnússonar, for-
manns KSÍ, sem er með
FRÓN á bíl sínum. En í Ijós
kom að Eggert á líka jeppa, -
og númerið á honum er (að
sjálfsögðu) KEX. Eggert er
hugmyndaríkur maður og
djarfur, sögðu menn í pottinum
og bentu yfir á Laugardalsvöll
sem KSÍ er að breyta í alvöru
fótboltavöll...
FRÉTTIR,
Möðruvellir Akureyri
Sóknarprestur-
inn sat heima
Fermingarbörnin, ásamt sr. Huldu Hrönn Helgadóttur og aðstoðarkonu, koma til kirkju, en
þau klæddust fermingarkyrtlunum í húsi bústjórans á staðnum í stað prestbústaðarins.
Myrd:GG
Sóknarprest-
ur Möðru-
vallasóknar,
sr. Torfi Stefáns-
son Hjaltalín,
kom ekki til
fermingarguðs-
þjónustu
Möðruvallakirkju
á annan dag
hvítasunnu, en
hann hafði aug-
lýst messuna þar
sem sagt var að
sr. Hulda Hrönn
Helgadóttir,
sóknarprestur í
Hrísey, mundi
ferma börnin og
taka til altaris, en
hún hafði undir-
búið þau í náms-
leyfi sóknar-
prestsins. Venju-
lega er fermt á
hvítasunnudag
en þá messaði sr.
Torfi í Möðru-
vallakirkju. For-
eldrar ferming-
arbarnanna
höfðu leyst sókn-
arbönd við sr.
Torfa í samráði
við prófastinn, sr.
Birgi Snæbjörns-
son, samkvæmt
lögum frá 1882 og höfðu því rétt
á að láta annan prest ferma
börnin. Ekki var vitað hvort sr.
Torfi mundi mæta til fermingar-
guðsþjónustunnar á annan dag
hvítasunnu eins og hann hafði
boðað, en bæði foreldrar ferm-
ingarbarnanna og ijöldi annarra
sóknarbarna vildu ekki nærveru
prestsins og voru tilbúin að yfir-
gefa kirkjuna kæmi til þess. Var
m.a. rætt um að færa athöfnina í
Akureyrarkirkju, kæmi til þess
að sr. Torfi mætti. Sr. Torfi valdi
hins vegar þann kostinn að vera
heima í stofu (aðeins steinsnar
frá kirkjunni) og því fór ferm-
ingarguðsþjónustan fram og
stóð í liðlega tvo tíma. Ræða
sóknarprestsins Ijallaði um kær-
leika manna í millum en rétt er
að geta þess að íjölmiölum var
meinuð aðganga að athöfninni.
Biskup íslands, hr. Ólafur Skúla-
son, hafði beint þeim tilmælum
til sr. Torfa að kjörprestur leys-
ingjanna fengi að ferma í kirkj-
unni án hans nærveru, en að
öðrum kosti yrði hann áminntur
fyrir óhlýðni. hessi deila í
Möðruvallasókn er orðin lang-
vinn, og telur sr. Torfi Hjaltalín
að á rétti hans hafi verið brotið,
biskup hafi sýnt sér visst ofríki
en sóknarbörnunum linkind.
GG
Atli Guðlaugs-
son ráðinn
skólastjóri Tón-
listarskólans
Bæjarstjórn Akureyrar réði í
gær Atla Guðlaugsson,
skólastjóra Tónlistarskóla Eyja-
íjarðar, sem skólastjóra Tónlist-
arskólans á Akureyri. Leynileg,
skrifleg, atkvæðagreiðsla fór
fram í bæjarstjórn um umsækj-
endur og fékk Atli 8 atkvæði,
Michael Jón Clarke, settur
skólastjóri Tónlistarskólans á
Akureyri, 2 atkvæði og einn seð-
ill var auður. Skólanefnd Tón-
listarskólans varð ekki sammála
um umsækjendur þegar ráðning
skólastjóra kom til ákvörðunar
nefndarinnar 13. maí sl. Þar lét
einn nefndarmanna, Lilja Stein-
þórsdóttir, m.a. bóka: „Michael
Jón Clarke er sá umsækjandi
sem mesta menntun hefur af
þeim umsækjendum sem um
skólastjórastöðuna sækja og
hann hefur einnig mikla
reynslu, bæði við kennslu og
skólastjórn. Hann er því hæfasti
umsækj andinn. “
Sigríður Stefánsdóttir lét
bóka að hún teldi þá Atla og
Michael báða hæfa til starfsins.
Atli Guðlaugsson tekur við
skólastjórastöðunni af Guð-
mundi Óla Gunnarssyni. GG
Heiðmörk
Salemi á borg-
arstjóraplani
Borgarráð og stjórn veitu-
stofhana hafa samþykkt að
verja allt að 2 milljónum króna
til að koma upp salerni á svo-
nefndu borgarstjóraplani í
Heiðmörk. Þessi ákvörðun var
tekin í framhaldi af beiðni
Skógræktarfélags Reykjavíkur.
Þar sem væntanfegt salerni
yrði staðsett á verndarsvæði
vatnsbóla er ekki um annað að
ræða en að við það verði safn-
tankur úr steinsteyptri öryggis-
þró. -grh
FRÉTTAVIÐTALIÐ
Brýnt að endurskoða fram-
kvæmd samræmdu prófanna
Björn Bjarnason
menntamálaráðherra
8. fulltrúaþing Kennarasam-
bands íslands vegur að Rann-
sóknastopiun uppeldis- og
menntamála vegna mistaka
við samrœmd próf. Ráðherra
telur ástœðu til endurskoðun-
ar á starfsháttum.
- Kennarar segja það neikvœtt vega-
nesti nemenda eftir 10 ára skóla-
göngu að fá niðurstöður úr prófum
sem vegna mistaka í framkvœmd
sýni ekki raunverulega getu þeirra í
ákveðnum námsgreinum. Þarf að
endurskoða starfshœtti?
„Það verður að standa þannig að
málum að þessi mistök eigi sér ekki
stað. Við erum að endurskoða ýmislegt
varðandi Rannsóknastofnun uppeldis-
og menntamála og það eru ýmsar
breytingar á döfinni sem þó er ekki
tímabært að geta nú. Það verður að
búa þannig um hnútana að svona hlut-
ir endurtaki sig ekki.“
- Kennarasambandið beinir því til
framhaldsskóla að líta ekki á niður-
stöður samrœmdra prófa sem ein-
hliða mœlistiku við inntöku nemenda
í framhaldsnám.
„Það stendur í lögum að samræmdu
prófin séu ekki einhlít mælistika."
- En fara ekki skólameistarar að
langmestu leyti eftir niðurstöðum
þeirra við inntöku nemenda?
„Ja, nú verður þú að tala um það
við þá.“
- KÍ segir einnig að miðstýring
menntamálaráðuneytisins í gegnum
samrœmd próf móti um of allt skóla-
starf, sérstaklega á unglingastigi og
gangi í raun þvert á markmið aðal-
námskrár um námsefni og kennslu
við hœfi hvers og eins. Prófin setji
skólastarji þröngar skorður og dragi
úr Jjölbreytni í kennsluháttum. Er
menntakerjið of miðstýrt?
„Það sem gerst hefur í menntakerf-
inu er einhver mesta valddreifing sem
orðið hefur í íslandssögunni með flutn-
ingi grunnskólanna frá ríkinu yfir til
sveitarfélaganna. Það er því ekki rétt
að kenna miðstýringu um hvernig
staðið er að skólastarfinu. Valdinu hef-
ur verið dreift með róttækari hætti en
á nokkru öðru sviði á undanförnum ár-
um. Varðandi það að samræmdu próf-
in séu miðstýringartæki, þá eru þau
aðallega mælistika á frammistöðu.
Margir hafa verið á móti þeim og efast
um réttmæti þeirra, en ég er ekki í
þeim hópi. Ég tel að þau hafi rétt á sér
og hafi sitt gildi en auðvitað verður að
standa sem best að framkvæmdinni."
- KÍ átelur þau vinnubrögð að
birta niðurstöður samrœmdra prófa í
Jjölmiðlum áður en skólar og nem-
endur fá þœr.
„Við höfum ekki gert það og ég átta
mig ekki á þessum orðum. Ég veit ekki
um hvað þau snúast."
- Ertu ánœgður heilt yjir með
stefnuna á grunnskólastiginu?
„Það er mikil uppstokkun í gangi og
hugað að innra starfi skólanna. Ég tel
engan vafa á að við séum á réttri
braut.“
BÞ