Dagur - Tíminn - 09.11.1996, Blaðsíða 4

iDagur-tEímmn
16 - Laugardagur 9. nóvember 1996
MENNING O G LISTIR
Bítlunum slegið við
Bítlunum tókst nú í ar að gera það
sem engum hefur fyrr tekist - að
verða stærri en... Bítlarnir. Salan
á tvöfalda diskinum The Beaties hleyp-
ur á um 13 milljónum eintökum. Þar
með hafa Bítlarnir ekki aðeins óskorað-
an rétt til titilsins stærsta rokknafnið
1996 heldur eiga þeir nú meiri vel-
gengni að fagna en nokkru sinni áður.
Og það sem meira er, það eru ekki
gömlu lummurnar á fimmtugsaldrinum
sem streyma í plötubúðirnar til að
kaupa Antólógíur kappanna heldur er
41% kaupenda unglingar! Enda á að
hafa hrotið af munni Paul McCartney:
Við vissum vel að við værum vinsæl
goðsögn, en við áttuðum okkur ekki á
að Bítlarnir væru líka „kúJ“.“ LÓA
Annus horribilis
Síðastliðið ár var annus horribilis
franskrar matargerðar að mati
Frakka. Ekki er nóg með að
franska línan hafi hrapað í áliti út-
lenskra barbara heldur eru Frakkar
sjálfir farnir að efast um yfirburði
frönsku kúsínunn-
ar. Dýrðarljóminn
sem sveipar hana
er nefnilega orð-
inn baggi. Matur-
inn er orðinn of
dýr og þó að 93%
Frakka dreymi
enn um að éta á
frönskum klassa-
veitingastað þá líta
Alexandre Lazareff er 75o/o þjóðarinnar á
gæða“senm vi.ja Þe-ar
laga verðið að pöp- bullur sem takn
ulnum. um sóun.
„Hreint ekki sexí bók“
Bretinn Brian McKinnon var þrí-
tugur þegar hann innritaði sig
aftur í gamla framhaldsskólann
sinn undir því yfirskyni að hann væri
17 ára. Menn voru ekki á eitt sáttir um
uppátækið þegar hann ljóstraði lífaldri
sínum upp í fyrra og kvað ástæðuna
vera þá að hann hefði farið aftur í
gegnum fokapróf framhaldsskóians til
að komast að í læknanámi. Honum
hafði gengið glimrandi vel á prófunum
og fengið inn í læknaskóla en var rek-
inn þaðan þegar upp komst.
En hann er ekki af baki dottinn og
skrifaði ævisögu sína, „Margin Walker"
eða Jaðargengillinn, í von um að græða
væna fúlgu af peningum til að borga sig
í gegnum læknaskóla. Þrátt fyrir kynn-
ingarforskotið, en hann hlaut mikla at-
hygii í fyrra þegar upp komst um plat-
ið, hefur honum gengið illa að fá
þekkta útgefendur að bókinni. Hún
þótti ekki nógu spennandi. „Hún er full
af réttlætingum hans og bókmenntaleg-
um vísunum. Hún er hreint ekkert
sexí,“ sagði einn þeirra. Hann varð því
sjálfur að borga prentun sögunnar.
JHennittgwú-
mo£wc
Andsvar við ofurvaldi
höfuðborgarinnar
Menningarvökur með tón-
list, upplestri og öðrum
uppákomum er nýjung
sem MENOR, menningarsamtök
Norðlendinga, munu standa fyrir í
vetur. Fyrsta vakan verður á
Hvammstanga í síðari hluta þessa
mánaðar en stefnt er að því að
halda menningarvökur af svipuðu
tagi á fleiri stöðum á Norðurlandi í
vetur. Ýmislegt fleira verður á
dagskránni hjá MENOR í vetur og
ber þá hæst ljóðasamkeppni sem
áætlað er að halda eftir áramót í
samvinnu við Dag- Tímann.
MENOR var stofnað árið 1982
og að sögn núverandi formanns,
Ólafs Þ. Hallgrímssonar, var meg-
intilgangurinn sá að mynda mót-
vægi við ofurvald höfuðborgar-
svæðisins í menningarmáhim og
sýna fram á gildi menningarinnar
fyrir dreifbýlið. Samtökin eru skil-
greind sem frjáls samtök áhugafé-
laga og áhugamanna um listir á
Norðuriandi og er markmiðið að
efla menningarlíf og menningar- Olafur Þ. Hallgrímsson hefur verið formaður MENOR
samskipti á Norðurlandi. fra arinu 1993‘
Mynd: GS
Ólafur á von á að væntanlegar menn-
ingarvökur verði meginverkefni MENORS
á vetur og er undirbúningur fyrir vökuna
á Hvammstanga þegar kominn vel á veg.
„Meiningin er að virkja þá nemendur
sem lengst eru komnir í námi í tónlistar-
skólum á hverju svæði og gefa þeim kost
á að koma fram opinberlega. Tónhstar-
atriði yrðu því númer eitt á dagskránni
en einnig er reiknað með söngatriðum úr
ýmsum áttum og upplestri. Við höfum
líka áhuga á að tengja einhverjar sýning-
ar við þessar menningarvökur,“ segir Ól-
afur og bætir við að þegar sé orðið ljóst
að leirlistarsýning verði í tengslum við
Hvammstangavökuna og hugsanlega
einnig myndlistarsýning.
Fjármálin erfið
Á síðasta ári stóð MENOR fyrir smá-
sagnakeppni í samvinnu við Dag og gaf
út blað í lok starfsársins þar sem fjallað
var um það sem var efst á baugi í norð-
lensku menningarlífi um veturinn. Há-
punktur starfsins var hinsvegar söngv-
arakeppni sem haldin var í fyrsta sinn á
vegum samtakanna. Keppnin var
eingöngu bundin við Norðurland og mið-
uð við nemendur f klassískum söng.
Keppt var í tveimur flokkum og bar Jón-
as Þór Jónasson sigur úr býtum í flokki
styttra kominna en Þórhildur Örvarsdótt-
ir sigraði í flokki lengra kominna söngv-
ara.
„Keppnin tókst að mínum dómi mjög
vel. Því er hinsvegar ekki að leyna að
verkefnið var stórt og kostaði mikið. Fyr-
ir bragðið er fjárhagurinn slakur í ár,“
segir Ólafur.
Samtökin hafa í nokkur ár fengið ár-
legt framlag frá Menntamálaráðuneytinu
og eins hafa hafa félagsgjöld, sem misvel
hefur gengið að innheimta, verið hluti af
tekjum. Fjórðungssamband Norðlend-
inga stofnaði samtökin í upphafi og
styrkti þau en þegar það var lagt niður
árið 1993 ákváðu kjördæmasamtökin tvö
sem stofnuð voru í staðinn, Eyþing og
SSNV að hætta að styrkja MENOR og hef-
ur sú ákvörðun staðið starfseminni fyrir
þrifum. Framtíð MENOR er því í nokk-
urri óvissu um þessar mundir og vill Ól-
afur hvetja sveitarstjórnir og fyrirtæki á
Norðurlandi að styrkja samtökin. „Fram-
tíð MENOR er í ykkar höndum, Norð-
lendingar. Hvað viljið þið gera við þessi
samtök?,“ spyr hann.
Öllum opin
MENOR eru félagsskapur sem er öllum
opinn, bæði einstaklingum og félögum og
segir Ólafur ekki skilyrði að félagsmenn
séu sjálfir að fást við listir svo framar-
lega sem þeir hafi áhuga á menningar-
málum. Hann vill einnig nota tækifærið
og benda listamönnum, bæði norðlensk-
um og öðrum, á að síðasta haust hafi Ro-
ar Kvam verið ráðinn í hlutastarf hjá
MENOR og geti
hann gefið ýms-
ar nytsamar
upplýsingar.
„Roar hefur
tekið saman skrá
yfir einstaklinga
og félög sem
starfa að lista-
og menningar-
málum á Norð-
urlandi og geta
allir fengið að-
gang að þessari
skrá. Hann
sinnir einnig
ýmsum verkefn-
um fyrir stjórn
MENOR, sendir
út bréf og blöð,
svarar fyrir-
spurnum og veit-
ir ýmsa fyrir-
greiðslu sé eftir
því óskað," segir
Ólafur.
Roar er við á
skrifstofu Tón-
menntaskólans á
Akureyri milli
klukkan eitt og
tvö alla virka
daga nema
föstudaga. Jafn-
framt er hann
með símaviðtals-
tíma og er sími
MENOR 462
6205.
Gróskumik-
ið menning-
arlíf
MENOR var í
upphafi hugsað
sem andsvar við
ofurvaldi höfuð-
borgarinnar í
...menningarmálin spila
inn á marga þætti í mann-
lífinu, ekki síst úti á
landsbyggðinni. Því betra
sem menningarlífið er,
þeim mun notalegra held
ég að mannlífið verði.“
menningum og listum. En hvernig hefur
til tekist að mati formannsins?
„Ég held að þessi samtök hafi unnið
býsna gott starf í gegn um árin. Mér finst
meningarlífið á Norðurlandi vera ótrú-
lega gróskumikið. Ég ætla ekki að segja
það sé þessum samtökum að þakka en
ég held þau eigi tvímælalaust þátt í því.
þau hafa gert ýmislegt gott og örvað
menn til dáða.“
Ólafur, sem er starfar sem prestur á
Mælifelli í Skagafirði, hefur verið for-
maður MENOR í rúmlega þrjú ár. Hann
telur sig ekki í hóp skapandi listamanna
en segist engu að síður hafa áhuga á
menningarmálum og vilji því gjarnan
leggja þeim lið. „Ég held að sé þarft að
vinna að menningarmálum því þau spila
inn á marga þætti í mannlífinu, ekki síst
út á landsbyggðinni. Því betra sem
menningarlífið er, þeim mun notalegra
held ég að mannlífið verði. Fólk vill frek-
ar búa á þeim stöðum þar sem menning-
armálin eru í blóma þannig að hér er
einnig um byggðarmál að ræða.“ AI
Þórhildur Örvarsdóttir og Jónas Þór Jónasson sigruðu í söngvarakeppni
MENOR fyrr á þessu ári. Myn&. -sbs.