Dagur - Tíminn - 09.11.1996, Blaðsíða 15

Jktgur-ÍCímirm
Anna F.
Gunnarsdóttir
skrifar um tísku
Þunguðum konum má
skipta í tvo hópa. Annar
hópurinn vill leggja
áherslu á kúluna sem myndast
en hinn vill draga úr sýnileika
hennar.
Þær sem leggja áherslu á
kúluna kaupa sér klæðnað sem
leggst alveg að líkamanum eða
sniðið er rykkt undir brjóstin og
með vídd út frá rykkingunni
eins og algengt er með tækifær-
isklæðnað. Hinn hópurinn, sem
vill draga úr kúlunni, klæðist
fötum með beinar línur. Fötin
liggja laust um líkamann. Vesti
eru mjög sniðug til að hylja
breidd á maganum. Kjólar eru
oft skokkar sem eru beinir í
sniði. Máli skiptir að gera sér
grein fyrir á hvað við viljum
leggja áherslu. Gott er að leggja
áherslu á fætur og efri hluta
líkamans. Með því að leggja
áherslu á fæturna þarf að at-
huga að pilsið sé í réttri sídd.
Eftir því sem konan er komin
lengra á leið því styttri ætti pils-
Laugardagur 9. nóvember 1996 - 27
ANNA O G UTLITIÐ

Tækifæris-
klæðnaður
ið að vera og ekki er verra að
hafa skóna fallega. Jakkar
þurfa einnig að vera beinir. Gott
ráð er að nota slæður til að
leggja áherslu á efri partinn.
Konur sem eru að fá bjúg eða
eru frjálslegar í laginu ættu að
forðast þröng föt, glansandi föt
og prjónaefni. ÖIl þessi efni
breikka viðkomandi persónu.
Fötin mega ekki heldur vera of
víð heldur þurfa þau að liggja
slétt niður eftir líkamanum.
Er hentugt að
klæðast „leggings“
buxum?
Svokallaðar leggingsbuxur geta
verið góðar ef konan hefur fal-
legar fætur og er há og grönn.
Við leggingsbuxurnar er gott að
nota skyrtu, vesti og buxur.
Hefðbundnir stuttermabolir
henta ekki vegna lögunar háls-
málsins sem breikkar efri hluta
líkamans.
Þó svo til séu konur sem telja
að borgi sig ekki að spá mikið í
fatnað á þessum tírna, þar sem
hann líður svo fljótt, er ég al-
farið á móti þeirri hugsun.
Þessi tími er mjög eftirminni-
legur fyrir konuna. Sumar eiga
góðar minningar en aðrar
slæmar. Þeim sem líður ekki
nógu vel ættu að hugsa um að
gera sig svolítið huggulegar því
þá líður þeim betur. Konur
verða að spá í efnablöndur
vegna þess að þær svitna oft á
þessum tíma. Bestu efnin eru
t.d. silki, hör og bómull.
Verslunin Fislétt
f framhaldi af hugleiðingum um
hentugan fatnað á þungaðar
konur hafði ég samband við
Ingibjörgu sem rak verslunina
Fislétt, sem nú er hætt. Ég byrj-
aði á að spyrja hana hvers
vegna verslunin hætti, hvort
hugsanlega hafi fatnaðurinn
verið of dýr? Ingibjörg sagði að
fötin hefðu verið í dýrari kant-
inum og konur spáðu í það. Að-
alástæðan fyrir lokuninni var
samt ekki sú að búðin væri of
dýr heldur sú að Ingibjör fór í
nám. „Námið tók mikinn tíma
og ég þurfti að velja á milli
námsins og búðarinnar."
- Hvernig viðskiptavini
fékkst þú?
„Ég fékk allar gerðir af kon-
um. Þær yngri vildu draga úr
magasvæðinu en þær eldri sem
voru kannski að eiga sitt fyrsta
eða sitt síðasta barn, í lokin,
vildu leggja áherslu á kúluna."
- Telurðu að það sé grund-
völlur fyrir svona búð í dag?
„Nei, búðin verður að hafa
einhvern annan varning með.“
- Spáðu konur mikið í efna-
blöndur?
„Já, þær spáðu mikið í að
vera í náttúrulegum efnum og
að fötin væru þægileg."
Ef þungaðar konur vilja draga
úr kúlunni er best að klæðast
fötum með beinar línur.
Sigurborg Kr.
Hannesdóttir
skrifar
frá Egilsstöðum
Leitið...
Kristur gaf okkur gott
vegarnesti í lífinu
þegar hann sagði:
„Leitið og þér munuð
finna.“ Ég skil það svo að
þarna hafi hann verið að
tala um andlega leit, leit
okkar að tilgangi í lífinu,
leit okkar að Guði.
í dag erum við, íbúar
hins vestræna heims, ákaf-
lega leitandi, eins og við
sjáum allt í kringum okkur.
Kannski er að renna upp
fyrir okkur það ljós að
„maðurinn lifir ekki á
brauði einu saman“. Þessari
leit okkar nútímamanna er
gjarnan fundinn samastað-
ur undir nafninu nýöld. Sótt
er í smiðju austrænna
fræða, til indíána, og
margra annarra. Allt í þeim
tilgangi að það megi verða
okkur til stuðnings og leið-
sagnar. Framboð bóka og
námskeiða um andleg mál-
efni hefur aukist gífurlega á
síðustu árum. Það er því af
nógu að taka. Við þurfum
bara að velja. Þegar við sjá-
um auglýsingar um nám-
skeið, bækur eða annað
sambærilegt efni, er svo
auðvelt að trúa því að
þarna sé einmitt komið það
sem við höfum verið að leita
að öll þessi ár. Að aðeins
með því að fara á nám-
skeiðið, eða lesa bókina
muni allt breytast. Og eftir
það verði allt svo miklu
auðveldara, því Lausnin sé
fundin.
Þetta er vandmeðfarið,
því í þeirri hugsun að það
sé hægt að bjarga öllu við
með einni snöggri meðferð,
felst sú hætta að leit okkar
verði stöðugt örvæntingar-
fyllri. Því að eitt námskeið
gerir ekki gæfumuninn, þá
er bara að fara og finna það
næsta. Þannig svífum við
kannski frá einu til annars
og týnum á endanum sjálf-
um okkur í þessari áköfu
leit. Nú er ekki svo að skilja
að námskeið eða bækur geti
ekki breytt ýmsu í lífi okkar.
Margt slíkt getur einmitt
orðið til þess að marka
þáttaskil og hjálpað þér til
að stíga skref í átt til já-
kvæðra breytinga.
Talsvert hefur verið skrif-
að um að orkutíðni jarðar-
innar fari nú stighækkandi.
Af því leiðir að stöðugt fleiri
einstaklingar tengjast betur
sínum andlegu eiginleikum
og möguleikum. Við megum
því búast við að á næstu ár-
um muni fjölga mjög í þeim
hópi sem býður þjónustu
sína á hinum andlegu svið-
um. Það verður því enn
frekar ástæða til þess í
framtíðinni að hver og einn
reyni að vera meðvitaður
um þau skref sem stigin eru
í leitinni. Að bæði velja og
hafna. Þess vegna skiptir
það mestu máli að þú haldir
þínum eigin rótum í þessari
leit. Að þú segir ekki skilið
við heilbrigða skynsemi. Því
jafnvel eftir að þú hefur
fundið, þarftu samt sem áð-
ur að takast á við ýmislegt á
lífsleiðinni. Þó þá sé mikil-
vægt að fá stuðning, er
aldrei hægt að koma eigin
ábyrgð yfir á neinn annan.
Því sporin þín í lífmu þarftu
hvað sem öllu líður að taka
sjálffur). En umfram allt,
ekki hætta að leita.
Banvænn en
hljóðlátur
Hár blóðþrýstingur er einn
af þessum lúmsku sjúk-
dómum sem margir þjást
af án þess að átta sig á því fyrr
en of seint, enda erfitt að greina
nema með mælingum. En jafn-
vel mælingar gefa ekki alltaf
rétta mynd.
Lengi hafa menn vitað að
sumt fólk, sem hefur alla jafna
eðlilegan blóðþrýsting, mælist
með of háan blóðþrýsting vegna
þess að heimsókn til læknis
veldur því streitu. Samkvæmt
nýlegum rannsóknum getur hið
gagnstæða einnig átt sér stað.
Kevin Larkin, prófessor við Há-
skólann í Vest-
ur-Virginiu í
Bandaríkj-
unum,
komst
að því
að í
sumum tilfellum slaka sjúkling-
ar á þegar þeir sjá lækninn sinn
og blóðþrýstingurinn sem mælist
er lægri en þegar þeir eru önn-
um kafnir í hinu daglega lífi.
Larkin og aðstoðarmenn hans
fylgdu eftir 64 sjálfboðaliðum og
mældu blóðþrýstinginn á hálf-
tíma fresti. Þeim til mikilla furðu
voru 11 þeirra 32 sem höfðu
mælst með eðlilegan blóðþrýst-
ing á heilsugæslustöð með hærri
blóðþrýsting þegar þeir voru
mældir í sínu daglega umhveríi.
Flestir af þessum 11 voru karl-
menn. En hver gæti skýringin
verið? „Hugsanlega er þeirra
daglega líf svo streitufullt að
heimsókn til
læknis virkar
\ * / sem afslapp-
andi frf,“
stingur
Larkin
upp á.