Dagur - Tíminn - 31.12.1996, Blaðsíða 9

ÍDagur-XEmtinn
Þriðjudagur 31. desember 1996 - 9
MENNING O G LISTIR

Á Renniverkstæðinu
Arnar Jónsson í hlutverki Ais sem þekkir listir, menningu og sögu
mannkyns betur en hinn fáfróði Angel sem leikinn er af Þráni Karlssyni.
Haukur
Ágústsson
skrifar um
leiklist
Leikfélag Akureyrar frum-
sýndi leikritið Undir ber-
um himni eftir Steve Tes-
ich í þýðingu Hallgríms Helga
Helgasonar sunnudaginn 29.
desember. Leikstjóri verksins er
Eyvindur Erlendsson, en Ieik-
mynd er eftir Magnús Pálsson.
Hróðmar Ingi Sveinbjörnsson
valdi tónlist í verkið, en Iýsing
er unnin af Jóhanni Bjarna
Pálmasyni.
Uppsetningarstaður verks-
ins er heldur óvenjulegur, en
hann er fyrrverandi renniverk-
stæði Vélsmiðjunnar Odda.
Húsnæðinu hefur lítið sem ekk-
ert verið breytt, heldur einungis
byggðir inn í það áhorfenda-
pallar á tvo vegu við þríhyrn-
ingslagað svið, sem er á gólfi
hússins. Það er þakið sandpok-
um, sem gefa því áferð, sem lík-
ist því að það sé lagt ávölum
hellum. Þessi grófi umbúnaður
á sviðinu, afar hrátt húsið og
höfugur eimur af ryki áranna
falla mjög vel að verkinu. Stór-
ar, svart/hvítar skuggamyndir,
sem varpað er á vegg á þá hlið
sviðsins, sem áhorfendur sitja
ekki við, gefa sterkan svip. Vel
valin tónlist flutt með hóílegum
styrk eykur mjög á hrif sýning-
arinnar. Leikhljóð eru áhrifarík,
en þau fara iðulega um húsið
líkt og í þrívídd. Loks er lýsing
fagmannlega unnin og undir-
strikar vel þann drunga og þá
ógn, sem tíðum hvílir yfir þessu
magnaða leikverki.
Efnisskrá Krists
Allt verkið gerist undir berum
en drungalegum himni. Aðal-
persónurnar tvær, A1 og Angel,
hrekjast um í hörmungum
borgarastyrjaldar dragandi
með sér vagn hlaðinn listaverk-
um, sem ætlunin er að nýta
sem nokkurs konar vegabréf og
farareyri á flóttanum til hyll-
ingalands frelsis og friðar. A1
hefur víðtæka þekkingu á list-
um, menningu og sögu mann-
kynsins, heimspeki þess og
hugmyndakerfum. Angel er
hins vegar fáfróður. Hann lærir
af A1 í gangi verksins, en þekk-
ing hans verður einungis hol og
grundvallarlaus runa stað-
reynda. Hann er þó að ýmsu
heilli maður en hinn lærði Al,
sem hefur meðal annars hugs-
að sig frá meiri hluta almennr-
ar siðfræði.
í ferli verksins koma upp
margar þær spurningar, sem
mannkynið hefur glímt við frá
örófi alda. Þær kristallast í sið-
ferðis- og manngildiskröfu trú-
arbragðanna. Hún er táknuð
með Kristi endurkomnum, en
hann hefur ekkert á efnisskrá
sinni, eins og segir í verkinu,
annað en alþekkta hluti, sem
hann endurtekur í sífellu. Þetta
atriði er vel fram sett í áhrifa-
ríkri einræðu munksins, sem er
að sligast undan þunga boð-
skaparins og því, að maðurinn
veit og skilur en vitkast ekki,
heldur gengur kynslóð af kyn-
slóð sína hörmungabraut með
stríðum og meiðingum, nauðg-
unum og drápum.
Arnar og Þráinn
Inn í þá áhrifamiklu mynd af
slysaferð mannsins, sem höf-
undur dregur upp, læðir hann
skoplegum atriðum, sem nýtast
vel til þess að auka á þunga
boðskaparins, sem í verkinu
Leiksýningin
Undir berum himni er
í alla staði vönduð og
hið nýja leiksvið
fellur að verkinu eins
og hanski að hönd.
felst. í þessu sem öðru hefur
leikstjóranum, Eyvindi Erlends-
syni, tekist vel að leggja áhersl-
ur og móta sviðsferð, sem lyfta
verkinu og draga fram höfuðat-
riði, svo að þau ná að njóta sín
af þeim þunga, sem ber hverju
sinni.
Arnar Jónsson, sem leikur
Al, og Þráinn Karlsson, sem
leikur Angel, fara með höfuð-
hlutverkin x Undir berum
himni. Báðir ná mjög góðum
tökum á persónum sínum og
þróa þær sannferðuglega í ferli
verksins. Samleikur þeirra er
afar náinn. Þeir byggja upp
túlkun hvor annars og sækja
styrk hvor til annars í persónu-
sköpun sinni. A1 er leiðandi í
samskiptum persónanna fram-
an af, en jöfnuður verður æ
meiri með honum og Angel er á
líður verkið. Þeim Arnari og
Þráni tekst vel að sýna þessa
þróun, sem er einn af höfuð-
þáttum verksins. Segja má, að
sem næst hvergi beri skugga á
túlkun þessara mjög svo færu
leikara, en einna helst þó í
nokkrum raddstyrksgosum,
Ljósm. Páll Pálsson.
sem þeir báðir beita nokkuð um
of ofsalega.
Á erindi við alla
Aðalsteinn Bergdal leikur
munkinn. Einræða hans um
vanda mannsins gagnvart kröfu
trúarbragðanna er flutt af
þunga og einlægni, sem óhjá-
kvæmilega hlýtur að vekja end-
uróm í hvers manns hjarta. Jes-
ús er leikinn af Stefáni Eriú
Arnarsyni. Hlutverkið er ekki
síst táknrænt en Stefán Örn
gæðir það þeim blæ, sem hæfir.
Eina kvenhlutverkið í leikritinu,
stúlku, leikur Eva Signý Bergar.
Hlutverkið er smátt, en Eva Sig-
ný gerir því góð skil. í smærri
hlutverkum eru Skúli Gautason,
Snorri Ásmundsson, Birgir Rafn
Friðriksson, Ólafur Sveinsson
og Vigfús Ragnarsson. Allir
komast þeir vel frá sínu.
Undir berum himni er
magnað verk hlaðið boðskap og
merkingu blandað markvissri
kímni. Það er vissulega kvöld-
stundar virði og kemur þar tii
ekki einungis efiú þess, sem á
erindi við hvern mann, heldur
ekki síður vönduð uppsetning á
óvenjulegum stað, sem fellur að
verkinu eins og hanski að hönd.
Þýðing Hallgríms Helga Helga-
sonar er góð og fer vel í munni
flytjenda. Verkið heldur mjög
vel risi í ferli sínum. Þó fellur
það nokkuð í lokaatriðinu,
krossfestingarsenunni, sem er
að verulegu leyti óþörf endur-
tekning efnis, sem flallað hefur
verið um að fullu framar í verk-
inu. Fyrir utan þetta atriði, sem
ekki vegur ýkja þungt, er hér
um að ræða sýningu, sem full
ástæða er til að mæla með.
Til viðskiptavina
Efnaverksmiðjunnar Sjafnar hf.
Lager fyrirtækisins að Austursíðu 2, Akureyri,
verður lokaður mánudaginn 30. desember 1996
og fimmtudaginn 2. janúar 1997.
Gleðilegt ár.
r«jaia1
Efnaverksmiðjan
Sjöfn hf.
u'
'N
L\
c\
1»
V
JMaJUéó-
ó&emmtim VJt
Verslunarmannafélag Reykjavíkur heldur
jólatrésskemmtun fyrir börn félagsmanna,
sunnudaginn 5. janúar nk. kl. 15
á Hótel íslandi.
Miðaverð er kr. 600,- fyrir börn og
kr. 200,- fyrir fullorðna. Miðar eru seldir
á skrifstofu VR í Húsi verslunarinnar,
8. hæð og við innganginn. Nánari
upplýsingar í síma félagsins 568 7100.
Verslunarmannafélag Reykjavíkur.
1 1 J | !
(líJRUíí M. Jíl ffl jRIfriSll
I ~ i BJUtaJSíiÍ
LEIKFÉLAG AKUREYRAR
Undir
berum himni
eftir Steve Tesich
Sýningar
á „Renniverkstæðinu"
(Slrandgötu 49)
3. sýning lau. 4. jan. kl. 20.30.
4. sýning sun. 5. jan. kl. 20.30.
Sýningin er ekki
við hæfi barna.
Ekki er hægt að hleypa gestum inn
í salinn eftir að sýning er hafin.
MiSasalan er opin alla virka daga
nema mánud. kl. 13.00-17.00
og fram aS sýningu sýningardaga.
Símsvari allan sólarhringinn.
Simi i miSasölu: 462 1400.
’iDagur-tEmttmt
- besti tími dagsins!
ÞJÓDLEIKHCSID
Stóra sviðið kl. 20.00
VILLIÖNDIN
eftir Henrik Ibsen
Þýðing: Kristján Jóhann Jónsson.
Tónlist: Jan Kaspersen.
Lýsing: Bjöm Bergsteinn Guðmundsson.
Búningar: Elín Edda Ámadóttir.
Leikmynd: Grétar Reynisson.
Leikstjóm: Stefán Baldursson.
Leikendur: Pálmi Gestsson, Edda Heiðrún
Bachmann, Sigurður Sigurjónsson, Steinunn
Ólína Þorsteinsdóttir, Sigurður Skúlason,
Gunnar Eyjólfsson, Róbert Amfinnsson, Anna
Kristín Arngrímsdóttir, Ámi Tryggvason, Bessi
Bjarnason, Flosi Ólatsson, Magnús
Ragnarsson, Valur Freyr Einarsson.
4. sýn. föstud. 3. jan. Uppselt.
5. sýn. fimmtud. 9. jan. Uppselt.
6. sýn. sunnud. 12. jan. Örfá sæti laus.
KENNARAR ÓSKAST
eftir Ólaf Hauk Símonarson
6. sýn. fimmtud. 2. jan. Nokkur sæti laus.
7. sýn. sunnud. 5. jan. Nokkur sæti laus.
8. sýn. föstud. 10. jan. Nokkur sæti laus.
ÞREK OG TÁR
eftir Ólaf Hauk Símonarson
Laugard. 4. jan.
Laugard. 11. jan.
Barnaleikritið LITLIKLÁUS 0G
STÓRIKLÁUS eftir H.C. Andersen
verður frumsýnt seinni hluta janúar.
Miðasala auglýst síðar.
Smfðaverkstæðið kl. 20.30
LEITT HÚN SKYLDI
VERA SKÆKJA
eftir John Ford
Föstud. 3. jan., sunnud. 5. jan.,
fimmtud. 9. jan., Föstud. 10. jan.
Athygli skal vakin á að sýningin er
ekki við hæfi barna.
Ekki er hægt að hleypa gestum inn f
salinn eftir að sýning er hafin.
★ ★ ★
GJAFAKORT í LEIKHÚS -
SÍGILD OG SKEMMTILEG GJÖF
★ ★ ★
Miðasalan verður lokuð gamlársdag
og nýársdag, hún verður opnuð aftur
með venjulegum hætti 2. janúar.
Sími 551 1200.