Dagblaðið Vísir - DV - 02.12.1981, Side 33

DAGBLAÐIÐ & VlSIR. MIÐVIKUDAGUR 2. DESEMBER 1981.
33
„Hverjum manni
fylgja nýir siðir,,
—rætt við sr. Þórhall Höskuldsson sem er annar
umsækjandinn um Akurey rarprestakall
„Hverjum manni fylgja nýir siðir, en
ég held að ég fari ekki að tíunda mér
neitt slíkt til ágætis. Ég hygg að flestir
prestar, ef ekki allir, geti státað sig af
einhvers konar nýbreytni í sínu safnað-
arstarfi. Á því er líka fult þörf, þvi
starfshættir kirkjunnar eru sniðnir að
því bændaþjóðfélagi sem hér var áður.
Þessu þarf að breyta.”
Þessi inngangur er úr viðtali við sr.
Þórhall Höskuldsson, sem sækir um
Akureyrarprestakall, ásamt Jóni A.
Baldvinssyni. Þórhallur er fæddur að
Skriðu í Hörgárdal, sonur hjónanna
Bjargar Steindórsdóttur og Höskuldar
Magnússonar bónda þar. Þórhallur var
á öðru ári, þegar hann missti föður
sinn. Móðir hans bjó áfram á Skriðu í
nokkur ár, en þegar Þórhallur var sex
ára giftist hún Kristjáni Sævaldssyni.
Fluttist fjölskyldan til Akureyrar og
þar ólst Þórhallur upp hjá móður sinni
ogstjúpföður.
Þórhallur varð stúdent frá Mennta-
skólanum á Akureyri 1962 og lauk
guðfræðiprófi frá Háskóla íslands
1%8. Einn veturinn í guðfræðinni las
Þórhallur jafnframt uppeldis- og sálar-
fræði við heimspekideild skólans. 17.
nóvember 1%8 var Þórhallur vígður til
Möðruvallaprestakalls, sem hann hefur
þjónað síðan. Þórhallur er 39 ára gam-
all.
Þóra Steinunn Gisladóttir, skóla-
systir Þórhalls og samstúdent, er eigin-
kona hans. Hún er fædd og uppalin á
Siglufirði, dóttir Gísla Þorsteinssonar,
byggingameistara og fv. bæjarverk-
stjóra þar, og Sigurjónu Halldórsdótt-
ur, sem nú er látin.
Börn Þórhalls og Þóru eru Björg 17 ára
og Höskuldur 8 ára. Stjúpsonur Þór-
halls er Gísli Sigurjón Jónsson, sem
Þóra átti fyrir hjónaband.
Þóra lauk kennaraprófi og kenndi í 3
ár við Melaskólann í Reykjavík. Eftir
að norður kom tók hún að sér skóla-
stjórn Grunnskóla Arnarneshrepps og
gegndi því starfi um 10 ára skeið. Auk
þess stundaði hún nám við framhalds-
deild Kennaraháskólans í kennslu
barna með sérþarfir. Nú er Þóra stuðn-
ingskennari við Barnaskóla Akurevrar.
í mörg horn
að líta
Auk prestþjónustu er Þórhallur með
nokkurn búskap á Möðruvöllum, en í
viðtalinu vildi hann ekki gera mikið úr
öðrum störfum. Þegar eftir var gengið
kom þó i ljós, að hann hefur gegnt
margháttuðum trúnaðarstörfum fyrir
sveit sína og kirkju. Það er of langt mál
að tíunda allar þær nefndir og stjórnir,
sem Þórhallur starfar eða hefur starfað
í og auk þess hefur hann gegnt kennslu
flest prestskaparár sin. Meðal nefnda
sem Þórhallur hefur verið valinn til
starfa í er starfsháttanefnd þjóðkirkj-
unnar, en hann mælti fyrir áliti hennar
á prestastefnu að Eiðum 1977. Þá starf-
ar Þórhallur nú í nefnd sem ráðherra
skipaði og fjallar um starfskjör presta.
í framhaldi af þessu var Þórhallur
spurður hvaða breytingar væru á döf-
inni varðandi starfshætti kirkjunnar?
Breyttir tímar
„Starfshættir kirkjunnar í dag eru
ekki að öllu leyti í samræmi við tím-
ann,” svaraði Þórhallur. „Skipulag
starfsins er samkvæmt þörfum gamla
bændaþjóðfélagsins en ekki samkvæmt
þörfum samtímans.
Nefndir þær sem ég hef átt aðild að
og fjallað hafa um þessi mál, hafa gert
tillögur til úrbóta. Má líkja þeirri
endurskoðun við þær breytingar sem
SUmplagerð
FélagsprentsmlOlunner tu.
Splta"lastíg 10 — Simi 11640
gerðar hafa verið á fræðslu- og heil-
brigðismálum á síðustu árum.
Landinu er skipt niður í prestaköll,
mismunandi fjölmenn. Dæmi eru um
að einn prestur þjóni 9.000 sálum, en
annar ekki nema 120 sálum. Þetta
fyrirkomulag er ekki réttlætanlegt í nú-
tímaþjóðfélagi.
Við prestar erum misjafnlega hæfir
til að sinna öllum þeim margþættu og
ólíku verkefnum, sem okkur eru ætluð.
Það sama á við um mig sem aðra. Þess
vegna þarf að koma á samstarfi með
prestum innan hvers prófastsdæmis,
þannig að hver og einn prestur geti
starfað á sínu sérmenntunar- og áhuga-
sviði .víðar en í sínu eigin prestakalli.
Með hliðsjón af þessu liggja fyrir tillög-
ur frá starfsháttanefndinni, um að
brjóta upp gömlu prestaköllin.
Við getum nefnt sveitaprest í fá-
mennu prestakalli í nágrenni þéttbýlis,
sem hefur sérmenntað sig í þjónustu
við sjúka. Hann gæti auk hefðbund-
inna starfa í prestakallinu þjónað á
sjúkrahúsum og dvalarheimilum aldr-
aðra í þéttbýlinu. Við getum ímyndað
okkur annan sveitaprest, sem hefur
skarað fram úr í starfi með börnum og
unglingum. Hæfileikar hans verða að
nýtast -'íðar en í hans afmarkaða
prestakaíli.
Þeta eru aðeins dæmi um þær breyt-
ingar sem þarf að gera. Nefndin skilaði
tillögum sínum af sér í bókarformi,
sem frumvarpi að lögum um starfs-
hætti kirkjunnar, til að gera hana virk-
ari í þjónustu sinni.”
— Að lokum var Þórhallur spurður
um afstöðu hans til prestkosninga?
„Ég tel núverandi fyrirkomulag á
prestskosningum ekki heppilegt, en það
mun vera tilkomið vegna áhrifa frá frí-
kirkjunni upp úr aldamótunum
siðustu. Á því eru slíkir annmarkar,
að ég tel skynsamlegra að ráðherra veiti
embættin, að fenginni umsögn viður-
kenndra umsagnaraðila.
Komandi prestkosningar á Akureyri
lít ég þeim augum, að ég sé að gefa kost
á mér til starfa en ekki baráttu. Ég vil
fyrst og fremst ætla, að fólk velji þann
„Starfshættir kirkjunnar eru sniðnir að þörfum gamla bændaþjóðfélagsins,’
Þórhallur.
segir sr.
umsækjanda til starfa, sem það treystir
til hinnar margvíslegu þjónustu sem
prestsstarfinu eru ætlað. Það er einlæg
ósk mín að kosningarnar megi fara
fram í fullri virðingu og tillitssemi,”
sagði Þórhallur Höskuldsson í lok sam-
talsins.
-GS/Akureyri.
pikvnning
TIL AUGLÝSENDA
Vegna aukins álags á auglýsingadeild
og í prent smiðju, eru auglýsendur beðnir að panta auglýsingar og
skila handritum og filmum fyrr en áður var, a.m.k. fyrst um sinn:
VEGNA MÁNUDAGS
skf/ á föstudegi fyrir kl. 12.00
skil á föstudegi fyrir kl. 17.00
skil á mánudegi fyrir kl. 17.00
skil á þriðjudegi fyrir kl. 17.00.
skil á miðvikudegi fyrir kl. 17.00.
skil á fimmtudegi fyrir kl. 17.00
ski/ á mánudegi fyrir kl. 17.00
ATH. Aukalitir geta verið í öllum blöðum nema á mánudegi.
VEGNA ÞRIÐJUDAGS
VEGNA MIÐVIKUDAGS
VEGNA FIMMTUDAGS
VEGNA FÖSTUDAGS
VEGNA HELGARBLAÐS I
VEGNA HELGARBLAÐS II
l Fyrst um sinn verður einungis hægt að prenta fjórlitaauglýsingar
í Helgarblaði II (skil í síðasta lagi mánudaga kl. 17.00).
||Tekið er á móti öllum stærri auglýsingum í Síðumúla 8, og sím-
inn barer 27022.
Opið mánudaga — föstudaga frá kl. 9—17.30.
i SMÁ-auglýsingadeild Dagblaðsins & Vísis
er í Þverholti 11 og síminn er 27022.
Opið: mánudaga — föstudaga kl. 9—22
Laugardaga kl. 9-14 Sunnudaga kl. 14-22
SMÁ-auglýsingaþjónustan er opin
mánudaga — föstudaga kl. 12—22. Laugardaga kl. 9 — 14.
SMÁ-auglýsingamyndir eru teknar í Þverholti 11 kl. 11—15
mánudaga til föstudaga.
Myndir eru alls ekki teknar um helgar.