Dagblaðið Vísir - DV - 20.01.1982, Síða 9

DAGBLAÐIÐ & VlSIR. MIÐVIKUDAGUR 20. JANÚAR 1982.
Útlönd
Útlönd
Útlönd
Útlönd
Brezkar jámbrautir
stöðvaðar í verkfalli
— Kolanámumenn greiða atkvæði gegn verkfallsheimild
Waterloo-járnbrautarstöðin i London stendur með auða teinana á meðan
lestarstjórar eru i verkfalli.
Hinar ríkisreknu járnbrautir Breta
voru lokaðar í gær, fjórða daginn á
rúmri viku, vegna verkfalls 20 þúsund
lestarstjóra sem leggja niður störf einn
og tvo daga í senn til að knýja fram
launahækkanir er þeim hafði verið
lofað.
Stjórn járnbrautanna segir að 3%-
hækkunin, sem lestarstjórarnir væntu
1. janúar, hefði verið tengd samningum
um að lestarstjórar tækju upp sveigjan-
legri vaktir og legðu sitt af mörkum til
þess að gera járnbrautarþjónustuna
arðsamari. Það hefðu þeir þóekki gert.
Viðræður stóðu í tólf stundir i gær.
Eða öllu heldur tilraunir til viðræðna,
því að sáttanefndir hvors aðila um sig
héldu sig sín í hvoru fundarherberginu.
Náðist ekki nein lausn.
Á meðan berast óstaðfestar fréttir af
því að annað öllu alvarlegra verkfall
sem var yfirvofandi muni ekki koma
til. Niðurstöður atkvæðagreiðslu 250
þúsund kolanámumanna um verkfalls-
heimild til félagsstjórar sinnar liggja
ekki fyrir, en kvisazt hefur að allt stefni
í að námumenn muni að meirihluta
greiða atkvæði gegn verkfalli.
Þau úrslit munu koma mönnum á
óvart, miðað við þann tón sem kveðið
hefur við hjá hinum nýkjörna for-
manni kolanámumanna Arthur
„kóngi” Scargill,
Gassprenging
íbamaskóla
Gassprengin varð fimm börnum og
einum fullorðnum að bana í mötu-
neyti barnaskóla eins í Oklahoma
City í hádeginu í gær. Eyðilagðisí ein
álma skólabyggingarinnar. Þrjátíu og
fjórir slösuðust í sprengingunni. Flestir
þeirra voru skólabörn. Björgunarsveit-
ir leituðu í rústunum i allan gærdag til
þess að ganga úr skugga um að ekki
leyndust fleiri í brakinu.
Kjamorkuandstæðingar
grípa til eldflauga
—Gerðu árás á eitt kjarnorkuver Frakka
Franska lögreglan hefur hert leit sína
að félögum • í friðar- og umhverfis-
verndarsamtökum sem lýst hafa á sínar
hendur eldflaugaárásinni er gerð var á
kjarnorkuver skammt frá Lyons.
Fimm sovétsmíðuðum eldflaugum,
ætlaðar til að granda skriðdrekum, var
skotið að áttatíu metra háum múrum
kjarnorkuversins að Creys Malville á
mánudagskvöld. Fjórar þeirra hæfðu
skotmarkið en ollu litlum usla.
Þessi árás þykir marka nýjan áfanga
í andstöðunni við kjarnorkuvæðingu
Frakklands.
Einhver maður hringdi í eina af
fréttastofum Parísar til þess að til-
kynna að árásin væri verk friðar-
hreyfingar sem hann væri félagi i.
Sagði hann að hópurinn hefði gætt þess
að enginn gæti meiðzt í árásinni og
m.a. hefðu sprengjuhleðslurnar verið
teknar úr eldflaugunum áður en þeim
var skotið.
Um tvö þúsund manns voru að störf-
um í kjarnorkuverinu á mánudaginn en
ekki nema um tuttugu um kvöldið
þegar árásin var gerð. — ,,Allt var með
ró og spekt, þegar við heyrðum lág-
væra smelli,” sagði einn þeirra eftir á.
„ Við héldum fyrst að skotið hefði verið
upp flugeldum. Neistaflugið lýsti í
myrkrinu. Viðvörunarbjöllum var
hringt en við vissum ekkert hvað á
seyði var.”
Lögreglan setti upp vegatálma í ná-
grenninu og fann tækjabúnaðinn sem
notaður hafði verið til þess að skjóta
eldflaugunum. Var þetta staðlaður
búnaður sem Sovétmenn hafa framleitt
fyrir her allt frá því 1963.
Kjarnorkuverið, sem er af 1200
megawatta stærð, á að verða tilbúið til
notkunar á árinu 1983. Það mun fram-
leiða plútoníum, sem nota má aftur
annaðhvort sem eldsneyti eða til kjarn-
orkuvopnagerðar. Verið hefur mætt
mikilli andstöðu meðal andstæðinga
kjarnorkunnar. Til uppþota kom hjá
verinu 1977 og í átökum við lögregluna
lét vestur-þýzkur kjarnorkuand-
stæðingur lífið.
Síðan stjórn sósíalista kom til valda i
Frakklandi eftir kosningarnar í maí í
fyrra hefur hún ákveðið að fækka
hinum fyrirhuguðu níu kjarnorku-
verum Frakka niður í sex. Var það
umhverfisverndarsinnum mikil von-
brigði en þeir höfðu búizt við því að
sósíalistar mundu leggja alveg á hilluna
allar ráðagerðir um smíði kjarnorku-
vera. — Frakkland hefur um 30
kjarnaofna í notkun og framleiða þeir
um 40% af öllu rafmagni sem Frakkar
nota.
Franskt kjarnorkuver. 30 kjarnorkuver sjá fyrir 40% af raforkuþörf Frakka.
Christina Onassis: Fékk þokkaleg-
an arf afl föfiur sínum látnum.
Christinaístjóm
útátonnin
Christina Onassis var nýlega kos-
in í stjórn Félags grískra skipaeig-
enda og er hún fyrsta konan sem
tekur sæti í stjórninni. Ekki er þó
talið að auðmenn þeir er að félag-
inu standa hafi kosið Christinu til
i að sýna samhug sinn með kven-
1 réttindakonum, heldur var það
þyngra á metunum að hún erfði 46
skip að föður sínum látnum sem til
samans vega rúmlega 5 milljónir
tonna.
Réttur félagsmanna til að kjósa í
■ stjórnína er nefnilega metinn sam-
kvæmt fjölda tonna og samsvarar
500 tonna skipaeign einu atkvæði.
Hins vegar hefur hver félags-
maður aðeins eitt atkvæði í
kosningum um formann félagsins
og í það embætti valdist kárl-
maður, Aris Karageorgis.
Réttarhöld vegna
slyss sem kost-
aði215 mannslíf
Réttarhöld eru nú hafin á Spáni
yfir sex mönnum í sambandi við
slys sem kostaði 215 ferðamenn
lífið árið 1978. Gerðist það með
þeim hætti að sprenging varð i
flutningabíl sem flutti afar eldfimt
gas, rétt við hinn vinsæla tjaldstað
ferðamanna, Los Alfaques, suður
af borginni Tarragona.
140 manns létust samstundis, 75
bættust við á næstu mánuðum. Þar
á meðal voru 80 Frakkar, 45Spán-
verjar, 38 Belgar og 33 V-Þjóð-
verjar. Önnur fórnardýr voru hol-
lenzk, svissnesk, kólumbísk og frá
Andorra.
Tvö af fórnardýrunum auðn-
:aðisl mönnum aldrei að þekkja.
Ákæran á hendur mönnunum sex
er sú að þeir hafi átt óbeina sök að
slysinu með vítaverðu kæruleysi.
M.a. var bíllinn alltof hlaðinn. Er
búizt við að saksóknari krefjist
rúmlega fjögurra ára fangelsisdóms
yfir fjórum framkvæmdastjórum
hins rikisrekna oliufélags Enpetrol.
Var félagið eigandi farmsins og lét
fylla hann á geymi flutningabílsins.
Einnig mun hann krefjast eins árs
fangelsisdóms yfir tveimur fram-
kvæmdastjórum flutningafélagsins
sem átti bílinn.
Tízkublaðiö Líf
er mest lesna og glæsilegasta
tímarit landsins
Þar er að finna tízkuna í fatnaði, snyrtingu og lífsstíl.
Vandaðar greinar og viðtöl. Líf og list á sviði leiklistar, kvikmynda,
bókmennta, tónlistar. Heimilið, matur og drykkir,
handavinna o.fl.
Til Tízkublaðsins Líf, Ármúla 18.
■ óska eftir áskrift i Tizkublaflinu Líf
■
I
I
Nafn
i Heimilisfang
........ Sími