Dagblaðið Vísir - DV - 18.07.1984, Síða 30

DV. MIÐVIKUDAGUR18. JULI1984.
Það tisti duglega i sumum þegar peningnum var komið áleiðis.
Sumarbúðir að Núpi í Dýrafirði:
„ÆTLARÐU
AÐ GISTA
ÞARNA,
UUA ?”
„Það er vond fýla af þessum klósett-
pappír,” sagöi Elísabet eftir að hún
hafði gegnt hlutverki múmíu á kvöld-
vöku krakkanna sem dveljast í sumar-
búðum að Núpi í Dýrafirði. Ekki vitum
við hvaða tegund af klósettpappír var
notuð í múmíuklæði Elísabetar en
hann var a.m.k. alveg tandurhreinn.
Kvöldvakan var rétt að hefjast þeg-
ar við komum inn. Krakkamir sjá um
öll skemmtiatriði sjálf og skemmti-
nefndin þetta kvöldiö haföi undirbúið
nokkra leiki. Kvöldvakan byrjaði ekki
rétt vel því að enginn vildi taka þátt í
fyrsta leiknum. Skiljanlega, — tvö pör
áttu aö keppa í armlyftum, sem er svo
sem saklaust að öðru leyti en því að
stelpan átti aö liggja undir stráknum
sem stundaði armlyftur af kappi. Það
þótti ekki saklaust grín. Skemmti-
nefndin lofaði aö hætta við þennan leik
ef allir lofuöu því á móti að taka þátt í
hinum leikjunum sem hún haföi undir-
búið. Samningar tókust sem betur fer
því næsti leikur var alveg stór-
skemmtilegur.
Nonni og Irma kepptu á móti Elísa-
betu og Kristjáni í múmíuleik. Strák-
amir áttu aö vefja klósettpappír utan
um stelpumar og sá sem varð fyrstur
að þekja þær klósettpappímum vann.
Það blés ekki byrlega fyrir Kristjáni
og Elísabetu því að á meðan Nonni
náði undraverðum tökum á klósettrúll-
unni og huldi Irmu hægt og bítandi átti
Kristján í mestu erfiðleikum. Pappír-
inn rifnaði og hann þurfti að byrja upp
ánýtt. „Héma, bíttu í,” sagði hann við
Elísabetu, sem stóð grafkyrr, en allt
kom fyrir ekki, klósettpappírinn rifn-
aöi aftur. Spenna tók nú aö færast í
leikinn því aö Nonni var alveg að verða
búinn. En Kristján gafst ekki upp.
Hann reyndi að hlaupa í kringum
Elísabetu með rúlluna en ekki jókst
þanþol klósettpappírsins við það. Hann
rifnaði. Nonni dundaði sér við að þekja
Irmu því að ekkert mátti sjást í hana.
Kristján kepptist viö og lét það ekki á
sig fá þó aö svimi sækti að honum og
smám saman fór að sjást minna og
minna í Elísabetu. Nonni og Irma
unnu, þó að ekki væri ýkja mikill mim-
ur á múmíunum er leiknum lauk en
þaö þurfti að styðja Kristján til sætis.
Næsti leikur var kallaður fimmkalla-
leikur. Við leyföum okkur aö spyrja
skemmtistjórann í hverju leikurinn
fælist en hann mátti ekkert vera aö
því aö útskýra þaö sérstaklega.
, ,Sérða,” sagði hann.
Þessi leikur jaðraöi nú við aö vera
jafnfeimnislegur og fyrsti leikurinn
sem enginn vildi sinna en það var
bannaö aö segja nei svo að krakkamir
urðu bara að g jöra svo veL
Það voru tvö lið, fimm stelpur og
fimm strákar í hvoru, sem mynduðu
röö. Sá fremsti fékk fimmkall í munn-
inn og síðan átti hann aö hlaupa með
hann að dalli, setja hann ofan í dallinn,
fiska fimmkallinn upp aftur, án þess
að nota hendurnar, og hlaupa síðan
með peninginn í munninum að næsta
liðsmanni (sem óhjákvæmilega var
stelpa) og koma honum í munn hennar
— án þess aö nota hendurnar. Það
gekk greiölega að koma peningnum í
munninn á næsta manni þó aö einum
stráknum þætti það fullmikiö og neit-
aði að láta vinkonu sína fá peninginn.
Heldur verr gekk aö fiska peninginn
upp úr dallinum. Þaö tók eina stelpuna
heila umferð að ná honum og var vinur
hennar sem beið orðinn óþolinmóður.
„Ætlarðu að gista þarna, Lilja?” kall-
aði hann en allt kom fyrir ekki, hitt lið-
ið vann.
Síðasta atriðið fyrir bingó og diskó
var krýning kústadrottningarinnar. Sú
sem varð hlutskörpust var hún Katrín.
Hún hafði dansað af mestum þokka við
kúst í kústdanskeppninni kvöldiö áöur.
Við létum okkur hverfa þegar komið
var að bingóinu og höfðum uppi á séra
Torfa Stefánssyni, presti á Þingeyri,
en hann var einn af þeim sem sjá um
þessar sumarbúðir.
„Við erum mjög ánægö með hvað
þessar sumarbúðir eru vel sóttar og
hafa gengið vel,” sagði Torfi. „Núna
eru hjá okkur um 40 börn, flest f rá Súg-
andafiröi, Isafirði og Bolungarvík. AUt
eldhressir krakkar. ”
Hann sagði aö ráðgert væri að halda
þessu sumarstarfi áfram næstu sumur
enda byði þetta samstarf kirkjunnar
og æskulýðsfélaganna upp á mikla fjöl-
breytni.
„Við höfum héma fræðslustund um
kirkjuleg efni og svo íþróttir og leiki.
Eg tel að þetta starf í sumarbúðunum
skili sér seinna í auknu starfi æsku-
lýðsfélaganna og aúkinni þekkingu
krakkanna á kirkjulegum málefnum,”
sagði Torfi.
-ÞJH
Það er ekki auðvelt að ná fimmkallinum upp úr dallinum án þess að nota hendurnar.
.og klósettpappirinn rifnaði aftur.
Kristján kepptist við þrátt fyi
svima og flughálan pappírinn
gólfinu.