Dagblaðið Vísir - DV - 30.04.1987, Blaðsíða 2

52
FIMMTUDAGUR 30. APRÍL 1987.
Bardot
safnar fé
Kynbomban Brigitte Bardot hefur
ákveðið að fækka við sig skartgrip-
um. Hún ætlar að láta bjóða hluta
af safni sínu upp í París til að afla
fjár svo betur gangi að vernda ýmis
elskuleg dýr.
Á uppboðinu verður m.a. hægt að
festa kaup á demanti sem metinn er
á yfir 6 milljónir króna og er þá fátt
eitt talið. Sérfræðingar eru þó efms
um að Bardot fái viðlíka verð fyrir
gripi sína og fengist hefur fyrir aðra
slíka nú upp á síðkastið. Til þess eru
Brigitte Bardot, verndari selanna.
eigur hennar ekki nógu sögufrægar.
Bardot hætti kvikmyndaleik með
öllu árið 1972 og hefur síðan helgað
sig baráttunni fyrir dýravernd. Mest-
um árangri hefur hún náð í að draga
úr selveiðum en selafangarar kunna
henni litlar þakkir fyrir.
Milljónir
fyrir
Mozart
Undanfarna mánuði hefur upp-
boðsæði gengið yfir heiminn.
Einkum eru það Sotheby’s og
Christie’s, stóru uppboðsfyrirtækin í
Lundúnum, sem staðið hafa fyrir
þessu fári og keppa hart sín í milli.
Seinni partinn í maí verður mikið
uppboð hjá Sotheby’s. Meðal gripa
þar verður 510 síðna handrit hvar á
eru skrifaðar níu sinfóníur eftir
Wolfgang Amadeus Mozart, allar
með hendi höfundar.
Þetta er frumrit Mozarts að meist-
araverkunum og koma þar fram
margar leiðréttingar og endurbætur.
Það var Leopold, faðir Mozarts, sem
lét binda verkin í eina bók.
Wolfgang Amadeus Mozart.
Talið er að þessi bók seljist ekki á
lægra verði en 60 milljónum ís-
lenskra króna og reikna þó ýmsir
með að verðið verði töluvert hærra
þegar hamarinn fellur við síðasta
boð.
Glæpa-
maðurinn og
fórnarlambið
Maður að nafni Helmut Seyss-
Inquart hefur boðið hollensku stofn-
uninni, sem kennd er við Önnu
Frank, samvinnu sína. Stofnun þessi
hefur baráttu gegn kynþáttahatri á
stefnuskrá sinni. Nú er skemmst frá
þvi að segja að boðinu hefur verið
hafnað.
Ástæðan til þess er sú að nefndur
Helmut er sonur Austurríkismanns-
ins Arthur Seyss-Inquart sem var
æðstráðandi í Hollandi meðan Þjóð-
verjar hersátu landið á árum heims-
styrjaldarinnar síðari. Arthur var að
stríðslokum dæmur til dauða fyrir
stríðsglæpi og tekinn af lífi árið 1946.
Eitt af fórnarlömbum Arthurs var
áðurnefnd Anna Frank sem lét lífið
í útrýmingarbúðum nasista aðeins
fimmtán ára gömul. Áður hafði hún
ritað dagbók sem gert hefur nafn
hennar ódauðlegt.
Forráðamenn stofnunar Önnu
Frank segjast ekki efast um að Helm-
ut gangi gott eitt til. Hins vegar sé
óhugsandi að tengja nafn hans við
starf stofnunarinnar.
Frami
flóttamanns
Ár hvert berast fréttir af sovéskum
andófsmönnum sem yfirgefa heima-
land sitt og halda á vit frelsisins í
vesturvegi. Það kemur einnig fyrir
að Vesturlandabúar fá nóg af lífinu
fyrir vestan og hverfa austur fyrir
járntjald.
í september á síðasta ári flúði Arn-
old nokkur Lockshin austur og bar
við pólitískum ofsóknum í heima-
landi sínu, Bandaríkjunum. Hann
var virtur sérfræðingur í krabba-
meinsfræðum.
Nú berast þær fréttir af Lockshin
að hann hafi tekið við stöðu for-
stöðumanns nýrrar rannsóknar-
stofnunar í Sovétríkjunum og á þar
að fara fyrir rannsóknum á krabba-
meini. Af pólitískum vandamálum
hans austur þar fara hins vegar eng-
ar sögur.
Jesús eins og menn halda að hann
hafi litið ut.
Jesús Kristur
lítur út
Fjölmargir íbúar smábæjarins Sup-
ino á Ítalíu halda því fram að þeir
hafi séð andlit Jesú Krists í glugga
húss nokkurs þar í bænum. Glerið
hefur nú verið tekið úr glugganum
og sent til rannsóknar í Róm.
Kirkjunnar menn á Ítalíu óttast
margir að með þessari sögu sé verið
að hafa fólk að ginningarfíflum. Þeg-
ar eftir að fréttist um að frelsarinn
hefði látið sjá sig dreif fólk til Supino
og hópaðist fyrir utan gluggann, í
von um að líta hann augum.
Það var ung skólastúlka sem fyrst
sá Jesú í glugganum snemma í þess-
um mánuði og síðan urðu margir
bæjarbúar fyrir sömu reynslu.