Dagblaðið Vísir - DV - 16.06.1987, Qupperneq 33

ÞRIÐJUDAGUR 16. JÚNÍ 1987.
33
DV
„Viö saumum mest brúðardragtir, þessir heföbundnu brúðarkjólar eru svo dýrir i saumaskap að það borgar sig
að kaupa þá fjöldaframleidda. En hvítt er alltaf vinsælast, það er haldið i hefðina að því leyti,“ segir Maria Lo-
vísa Ragnarsdóttir sem heldur hér á einum af mörgum brúðarkjólum sem hún hefur saumað. DV-mynd KAE
Tískan í brúðarkjólum
Iburður
og rómantík
„Það er mikið pantað af brúðar-
fatnaði hjá mér núna,“ sagði María
Lovísa Ragnarsdóttir, eigandi versl-
unarinnar Maríurnar, sem saumar
brúðarföt, þegar við ræddum við
hana um tískuna í brúðarfatnaði.
Aðspurð um hvers konar brúðar-
kjólar væru vinsælastir sagði María
Lovísa að það væri auðvitað mjög
einstaklingsbundið. „Við saumum
mikið dragtir því þessir hefðbundnu
brúðarkjólar eru svo dýrir í sauma-
skap að það borgar sig að kaupa þá
fjöldaframleidda. Hins vegar er hvítt
ennþá vinsælasti liturinn og haldið
í hefðina að þvi leyti. Mér sýnist líka
að þær yngri og þær sem eru í fyrsta
sambandi vilji frekar íburðarmeiri
kjóla með löngum slóða og slíku.
Þær eldri, sem eru búnar að eiga
börn, vilji oft ekki dragsíða kjóla.“
- Velja brúðirnar tilvonandi kjólana
einar eða aðstoðar mannsefnið við
valið?
„Það er misjafnt. En flestar vilja
halda í hefðina og halda kjólnum
leyndum þar til á brúðkaupsdaginn."
- Heldur þú að það sé rétt sem sagt
er að giftingum sé að fjölga?
„Ef við eru að tala um í samanburði
við hvernig þetta var fyrir sex til sjö
árum þá hefur átt sér stað bylting.
Það er greininlega í tísku að gifta
sig í dag. Það er líka meiri rómantík
og íburður yfir þessu núna, stærri
veislur og meira tilstand. Við höfum
verið að færast frá hippamenning-
unni og yfir í rómantíkina,“ sagði
María Lovísa.
Rómantik yfir sumrinu
Þær Katrín Óskarsdóttir og Hulda
Þórðardóttir reka báðar brúðar-
kjólaleigur og þær voru sammála um
að þær hefðu orðið varar við fjölgun
giftinga.
„Þetta kemur reyndar dálitið í
bylgjum, en það er eins og það sé
meiri rómantík yfir sumrinu og þá
gifta sig fleiri,“ sagði Hulda. „Eg
verð líka vör við það að fólk vill gifta
sig með pomp og prakt. Þetta tengist
sennilega bara efnahagnum. Eg held
að fólk hafi einfaldlega meiri pen-
inga nú en áður."
I sama streng tók Katrín og að-
spurð um hvers konar kjólum væri
einkum sóst eftir sagði hún það dálít-
ið misjafnt eftir aldri. „Mjög ungar
brúðir vilja oft léttari snið, en þær
sem eru komnar á þrítugsaldurinn
vilja heldur hefðbundna brúðar-
kjóla.“
- Tekur það brúðina langan tíma að
velja rétta kjólinn?
„Það er engin algild regla til í þeim
efnum heldur er það misjafnt eftir
manneskjum. Stundum sjá þær strax
kjólinn sem þær voru að leita að,
falla fyrir einhverjum ákveðnum
kjól, en stundum koma þær aftur og
aftur að skoða áður en ákvörðunin
er tekin'.'
Kemur brúðguminn með að velja
kjól?
„Það er svona sitt á hvað. Fólk sem
hefur búið saman áður er stífara á
því að brúðguminn sjái ekki kjólinn
fyrr en á sjálfan brúðkaupsdaginn.
Fólk sem hefur búið saman lengi og
á kannski börn er meira sama.“
Tíðarandi
Umsjón:
Valgerður A. Jóhannsdóttir
Brúðkaupsnótt
í brúðarsvítu
Flest stærri hótelin hér í borg
eru með svokallaðar brúðarsvítur og
mörgum finnst það vera punkturinn
yfir i-ið að eyða brúðkaupsnóttinni
á slíkum stað. Þeir hótelstjórar sem
DV ræddi við voru flestir á því að
það færðist heldur í vöxt að fólk gifti
sig með pomp og prakt, eins og sagt
er, og það er þó nokkuð algengt að
brúðkaupsveislur séu haldnar í
veislusölum hótelanna.
„Það hefur aukist töluvert að fólk
haldi hér brúðkaupsveislur og veisl-
urnar eru líka stærri og veglegri nú
en áður,“ sagði Hans Indriðason,
hótelstjóri á Hótel Esju. „Við höfum
alltaf sérstakan viðbúnað i þeim til-
fellum. Ef veislan er haldin hér er
brúðhjónunum boðið að gista í svít-
unni og þeim færð blóm og kampa-
vín, tendruð kertaljós og reynt að
hafa þetta huggulegt. Það er auðvit-
að ekki alltaf tekið fram þegar svítan
er pöntuð að um brúðhjón er að ræða
en ef við vitum af því þá er þeim allt-
af færð kampavín og blóm þó veislan
sé ekki haldin hér. Oft hringja vinir
og kunningjar brúðhjónanna og láta
vita og þá kemur tilstandið fólki
gleðilega á óvart."
- Kanntu einhverja skýringu á þess-
um auknu vinsældum giftinga?
„Það er bara svo gaman að gifta
sig,“ sagði Hans en bætti síðan við
„ég kann svo sem enga skýringu á
þessu, en ég er það ihaldsamur og
gamaldags að mér finnst þetta góð
þróun. Þegar öllu er á botninn hvolft
vill fólk hafa málin pottþétt og þá
er hjónabandið besta leiðin. Og fólk
vill gera þetta með viðhöfn til þess
að hafa eitthvað að muna eftir, ein-
hverjar ljúfar minningar að vlja sér
við seinna."
Meira lagt í giftinguna
„Við höfum yfirleitt engan sér-
stakan viðbúnað nema ef brúðkaups-
veislán er haldin hér," ságði Konráð
Guðmundsson. hótelstjóri á Hótel
Sögu, er DV ræddi við hann um þessi
mál. „En ef svítan er pöntuð fyrir
brúðhjón þá veitum við þeim afslátt
í stað þess að gefa kampavín eða eitt-
hvað slíkt sem vfirleitt er nóg af
hvort eð er."
- Hefur þú orðið var við einhverja
aukningu, er meira um brúðkaups-
veislur hjá vkkur nú en áður?
„Nei, það held ég ekki. Þetta eru
sex til sjö skipti á ári og hefur verið
þannig undanfarin ár,“ sagði Kon-
ráð. Hann sagðist samt halda að fólk
legði meira í giftingar nú en áður
þó þess yrði ekki endilega vart á
hótelunum. „Oft er það þannig að
brúðhjónin eru að flytja inn í nýja
íbúð og eyða brúðkaupsnóttinni
þar,“ sagði Konráð.
Einar Olgeirsson, hótelstjóri á
Loftleiðum, tók í sama streng og
Konráð og sagðist ekki háfa orðið
var við aukningu á brúðhjónagist-
ingum eða brúðkaupsveislum hjá
hótelinu.
„Þetta er ósköp jafnt og þétt. Svít-
an okkar er nú reyndar ekki kölluð
brúðarsvíta heldur heitir hún Gimli.
Þar bjóðum við brúðhjónum að gista
ef haldnar eru stórar veislur hér hjá
okkur. Við gefum lika alltaf blóm og
kampavín ef við vitum af brúðhjón-
um hér.
Ég er ekki frá því að það sé rétt
að giftingum sé að íjölga og menn
vilji viðhafnarmikil brúðkaup þó við
verðum ekki mikið vör við það hér
á hótelinu. Hér á árum áður var ekki
mikið um það að hinn almenni borg-
ari héldi stórar veislur, það gerðu
frekar þeir sem mest höfðu á milli
handanna. Kannski sýnir þetta að
fleiri hafi meira á milli handanna nú
en áður. Það er allavega fólk úr öll-
um stéttum sem gistir og heldur
veislur hér hjá okkur. þannig að
þetta er kannski farið að jafnast
meira út,“ sagði Einar.
Viss stíll yfir þessu
„Við höfum enga sérstaka brúðar-
svitu sem við köllum þvi nafni."
sagði Gróa Asgeirsdóttir í móttök-
unni á Hótel Borg. „En við höfum
eitt stórt og flott herbergi sem er
hálfgerð svíta og mikið notað fyrir
brúðhjón. Yfirleitt er látið vita þegar
herbergið er pantað að það sé fvrir
brúðhjón, enda oftast einhverjir aðr-
ir en þau sem panta. Og við reynum
að gera eins mikið og hægt er til að
gera brúðhjónunum þetta minnis-
stætt. Við kaupum meðal annars
blóm og kampavín og skreytum her-
bergið." sagði Gróa.
- Verðið þið vör við aukningu?
,,Já, ég held ég megi segjn það, Þnð
eru líka vfirleitt fleiri giftingar á
sumrin, enda skemmtilegra að gifta
sig á sumrin í góðu veðri. Við vorum
með tvenn brúðhjón og eina brúð-
kaupsveislu hér nýlega og fólk
virðist leggja meira i þetta en áður.
Bílarnir eru skreyttir og kjólarnir
hvítir og mjög fínir og þar fram eftir
götunum. Það setti einmitt mjög
skemmtilegan svip á veisluna sem
var hér síðast að bill brúðhjónanna,
skreyttur hvítum borðum og slauf-
um, stóð hér fyrir utan allan tímann.
Ég kann svo sem enga sérstaka
skýringu á þessari þróun," sagði
Gróa. „En það er viss stíll yfir því
að gera þetta svona. Fólk er farið
að gifta sig seinna og vill þá kannski
meiri viðhöfn."
Mörg brúöhjón kjósa aó eyöa brúókaupsnóttinni á svitu eins og þessari.
Ef starfsfólk hótelanna veit af þvi að um brúðhjón er aö ræöa eru þeim
færö blóm og kampavin og reynt aó gera dvölina sem minnisstæóasta.