Dagblaðið Vísir - DV - 16.02.1989, Side 8

8
FIMMTUDAGUR 16. FEBRÚAR 1989.
B L AÐ
BURÐARFÓLK
00 ófáwrvo (dd/lA
REYKJAVIK
Safamýri, oddatölur
Ármúla 1-9
Kleppsveg 62-100
Hjallaveg 1-15
Kambsveg 1-13
Leifsgötu
Egilsgötu
Bleikargróf
Blesugróf
Jöldugróf
í % ^ Í
AFGREIÐSLA
ÞVERHOLTI 11
SÍMI 27022
VIÐTALSFUNDIR MENNTAMÁLARÁÐHERRA
í GRUNNSKOLUM REYKJAVÍKUR
16. FEBRÚAR TIL 4. APRÍL 1989
Svavar Gestsson menntamálaráðherra mun halda
viðtalsfundi með skólastjórum, foreldrum og kennur-
um í grunnskólum Reykjavíkur.
Markmiðið með fundunum er að gefa fólki tækifæri
á að reifa hugmyndir sínar og skoðanir í uppeldis-
og menntamálum. Menntamálaráðherra og starfsfólk
ráðuneytisins mun skýra frá því helsta sem á döfinni
er í þessum málaflokkum þar.
Viðtalsfundir í framhaldsskólum borgarinnar verða
haldnir síðar.
Fyrsti fundurinn verður haldinn í Hagaskóla fimmtu-
daginn 16. febrúar kl. 20.30 fyrir skóiastjóra, foreldra
og kennara í:
Austurþæjarskóla
Grandaskóla
Hagaskóla
Melaskóla
Landakotsskóla
Tjarnarskóla
Vesturþæjarskóla
Næsti fundur verður haldinn í Laugarnesskóla þriðju-
daginn 21. febrúar kl. 20.30 fyrir skólastjóra, kennara
og foreldra í:
isaksskóla
Langholtsskóla
Laugalækjarskóla
Laugarnesskóla
Vogaskóla
Æfingaskóla KHÍ
Þriðji fundur verður haldinn í íþróttahúsi Seljaskóla
þriðjudaginn 7. mars kl. 20.30 fyrir skólastjóra, for-
eldra og kennara í:
Breiðholtsskóla
Fellaskóla
Hólabrekkuskóla
Seljaskóla
Ölduselsskóla
Fjórði fundur verður haldinn í Hvassaleitisskóla
fimmtudaginn 16. mars kl. 20.30 fyrir skólastjóra, for-
eldra og kennara í:
Álftamýrarskóla
Bústaðaskóla
Breiðagerðisskóla
Fossvogsskóla
Hlíðaskóla
Hvassaleitisskóla
Réttarholtsskóla
Fimmti fundur verður haldinn í Árbæjarskóla þriðju-
daginn 4. apríl kl. 20.30 fyrir skólastjóra, foreldra og
kennara í:
Árbæjarskóla
Ártúnsskóla
Foldaskóla
Selásskóla
Menntamálaráðuneytið
Utlönd
Afganistan frá 1984, fær hlýjar móttökur við komuna til
Símamynd Reuter
Boris Gromov herforingi, yfirmaður sovéska heraflans
Sovétríkjanna í gær.
Styðja skæru-
liðana áfram
Síðustu sovésku hermennirnir
yfirgáfu Afganistan í gær. Sovét-
menn hafa hvatt bæði stjórn Naji-
bullahs forseta og skæruliða til að
leggja niður vopn og binda endi á
borgarastyrjöldina sem nú geisar í
landinu.
Eftir níu ára og sjö vikna stans-
lausar tilraunir til að ná fram hern-
aðarlegri lausn í þessu stríðshrjáða
Mið-Asíuríki virtist sem áskorun
stjórnvalda í Moskvu um vopnahlé
félli í grýttan jarðveg.
Eftir að síðasti sovéski hermaður-
inn yíirgaf landið hétu Bandaríkin
áframhaldandi stuðningi við skæru-
liða sem beijast nú við stjórn Naji-
bullah sem ekki getur lengur látið
Sovétmenn beijast fyrir sig.
„Stuðningur okkar við andspyrnu-
hreyfinguna heldur áfram,“ sagði
Charles Redman, talsmaður banda-
ríska utanríkisráðuneytisins.
„Markmið okkar hafa ekki breyst.
Markmið okkar hefur verið að styðja
sjálfsákvörðunarrétt Afgana og það
mun áfram vera markmið okkar.“
Boris Gromov herforingi, yfirmað-
ur sovéska heraflans í Afganistan
síðan 1984, fylgdi síðustu fjögur-
hundruð hermönnunum úr eitt-
hundrað og fimmtán þúsund manna
herliði, yfir Amu-Darya ána og inn í
Sovétríkin fimm mínútum fyrir há-
degi aö staðartíma í gær.
Gromov var um borð í síðasta öku-
tækinu í fimmtíu bíla lest. Öll farar-
tækin voru sveipuð rauðum fánum
og borðum. Gromov fór út úr bílnum
á miðri „vináttubrú" milli landanna
tveggja og gekk yfir. Hann leit ekki
til baka og þurfti að þerra augu sín.
Koma Gromovs til sovéska landa-
mærabæjarins Termez markaði
endalok þátttöku Sovétríkjanna í
stríði sem kostaði þau fimmtán þús-
und mannslíf og þrjátíu og sjö þús-
und særða. Áætlað er að um ein
milljón Afgana hafi fallið í stríðinu.
„Við höfum fullnægt alþjóðlegri
skyldu okkar allt til loka,“ sagði
Gromov, sem er fjörutíu og fimm
ára, við athöfn sem fram fór Sovét-
megin við landamærin.
Fyrir Afganistan þýðir brottfór
sovéska hersins einungis að runnið
er upp nýtt skeið í átökum sem hó-
fust árið 1978 þegar hófsöm vinstri
stjórn var hrakin frá í byltingu
kommúnista.
Sovétmenn hvöttu í yfirlýsingu öll
lönd til aö hætta að senda vopn til
Afganistan, að meðtöldum Banda-
ríkjunum og Sovétríkjunum.
Sovétmenn hafa hingað til sagt að
það sé samningsbundin skylda
þeirra að senda vopn til stjórnarinn-
ar í Kabúl en að vopnasendingar
Bandaríkjamanna til skæruliöa séu
brot á samningnum sem gerður var
í Genf fyrir tæpu ári.
Nú munu innan við tíu sovéskir
hernaðarráðgjafar vera í landinu
auk um tvö hundruð og fimmtíu
sendiráðsstarfsmanna. Reuter
Mestu bardagar frá upphafi
Hermenn og harðlínumenn virtust í
gærkvöldi virða viðkvæmt vopnahlé
eftir að í gær urðu blóðugir bardagar
um yfirráð yfir svæðum kristinna
manna í Líbanon. Fimmtíu manns
biðu bana og eitt hundrað og tíu fór-
ust.
Hermennirnir og kristnir félagar
þeirra úr „Líbönsku sveitunum" sem
er eins konar varaher, skiptust á
skotum í tólf klukkustundir og gerðu
svæði kristinna að orrustuvelli.
Kveikt var í tugum bíla og göturnar
fylltust af járnarusli, ónýtum raf-
magnsvírum og öðru braki.
Flestar byggingar í hverfi kristinna
í austurhluta Beirút og úthverfum
þess eru skemmdar og svartar eftir
gífurlegt sprengjuflóð en talið er að
fimmtán sprengjur hafi sprungið á
hverri mínútu meðan á þessu stóð.
Bardagarnir í gær eru hinir verstu
síðan borgarastyijöldin í Líbanon
braust út fyrir tæpum fjórtán árum.
Yfirmaður hers múhameðstrúar-
manna setti sveitir sínar í viðbragðs-
stöðu til að geta komið kristna vara-
hernum til hjálpar. Var þetta fyrsta
merkið um samvinnu kristinna og
múhameðstrúarmanna síðan klofn-
ingur varð vegna stjórnarkreppu síð-
astliðið haust. Stjórn kristinna
manna í Líbanon er mjög andvíg
varaherliði eins og því sem kristnir
menn hafa komið sér upp.
í Jerúsalem gerðist það í gær að
háttsettur aðstoðarmaður Shimonar
Peres, aðstoðarforsætisráðherra
ísraels, hitti fulltrúa Palestínu-
manna af hemumdu svæðunum. Er
þetta í fyrsta skipti sem jafnháttsett-
ur maður í ísraelsstjórn ræðir við
Palestínumenn sem eru hlynntir
PLO.
Reuter
Gífurlegt tjón varð á byggingum í hverfi kristinna manna i Beirút í gær.
Þá urðu hörðustu bardagar frá þvi borgarastyrjöldin hófst fyrir tæpum fjórt-
án árum. Símamynd Reuter