Dagblaðið Vísir - DV - 06.06.1990, Blaðsíða 7

MIÐVIKUDAGUR 6. JÚNÍ 1990.
21
Gróður og garðar
Rósir, hin sólelsku blóm
í margra huga er rósin tákn ástar
og væntumþykju og því eitt vinsæl-
asta blómið til gjafa. Það er hægt að
kaupa rósir í öllum blómabúðum á
þessum árstíma, en því ekki að rækta
þær sjálfur?
Hjá Láru Jónsdóttur í Blómavah
fengust þær upplýsingar að ef fólk
hefði áhuga á að rækta rósir í gróður-
húsi væri um tvo kosti að velja, að
rækta í beðum eða pottum. í gróður-
húsum eru ræktaðar stilkrósir og
skúfrósir og regla er að jarðvegsdýpt
sé 60 cm. Vaxtarrými rósarinnar þarf
einnig að vera 60 cm. Jarðvegurinn
á að vera vel framræstur, ekki blaut-
ur og þungur, en halda sæmilega
raka.
Rósii fást keyptar í mars og fram
á vor sem rótaðir sprotar og eru þeir
þá annahvort í pökkum eða pottum.
Verður að bíða með að planta þeim
þangað til allt frost er farið úr jcrðu
og jarðvegurinn er orðinn vel þíður,
og að sjálfsögðu gildir það sama um
innirósir og útirósir.
Flestar rósategundir, sem ræktað-
Það fer mjög eftir veðurfari og sól
hvenær rósirnar blómstra, en hér á
landi er tími rósanna í ágústmánuði
þó að þær séu komnar af stað í júlí.
En í gróðurhúsum geta þær farið
snemma af stað.
Rósir þarf að vökva og gefa áburð
reglulega, t.d. vikulega. Þegar hver
rós er búin að blómstra á stilk þá er
hann gjarnan klipptur niður alla-
vega um helming og aðeins skilinn
eftir smástilkur. Á útirósum er allt í
lagi þó að ágræðsluhnúðurinn, sem
er á milli stilks og róta, fari 10 cm
undir jarðvegsyfirborð því ef plönt-
una kelur alveg niður þá er þarna
stilkur undir yfirborðinu sem á
möguleika.
Það má alls ekki klippa rósir niður
að haustinu því alltaf er hætta á kali
og því betra að bíða með að klippa
þær til vors. Þegar gengið er frá úti-
rósum fyrir veturinn má gjarnan
setja eitthvað loftgott og einangrandi
að stilkunum eða binda þá saman og
setja í kringum þá akrýldúk eða
striga.
.
Lára Jónsdóttir í Blómavali heldur á rótarsprotum rósa sem hægt er aó fá
I pökkum eða pottum. Verðið er á bilinu 500 til 900 krónur. DV-mynd GVA
ar eru í gróðurhúsum, má einnig
rækta úti. Það er samt meiri hætta á
afFóllum úti eins og gefur að skilja,
en það eru til harðgerðar rósir sem
ekki eru ræktaðar inni, eins og
runnarósir. Dæmi um mjög harð-
gerða runnarós er t.d. hansarósin,
sem ekki væri notuð undir suður-
vegg. Hún er jafnvel notuð í hmgerði
og er seltuþolin.
Undir suðurvegg má rækta rósir
sem eru ræktaðar inni og gildir þá
það sama um jarðvegsrými og -dýpt.
Gott er að setja húsdýraáburð í jarð-
veginn, en það má alls ekki blanda
sterkum áburði saman við jarðveg
sem settur er að nýjum rótum því
þaö getur sviðið ræturnar og þar með
drepið rósina eða dregið mjög úr
vexti hennar.
Alltaf er hætta á að óþrif eins og
lús komi á rósir, en rós í góðum vexti
bjargar sér alveg. Hægt er að losna
við lúsina á eins einfaldan hátt og
úða bara með hreinu vatni, en einnig
eru til sterkari efni. Rósir geta farið
illa ef það kólnar snemma og hlýnar
síðan snögglega aftur. Þær eru ein-
staklega sólelskar.
í gróðurhúsum er Queen Elizabeth
mikið ræktuð en hún er langmest í
bleiku. Önnur rós sem mikið er rækt-
uð jafnt úti og inni er Peace rósin.
Aðrar rósir eru t.d. Whisky Mac, sem
er, eins og nafnið gefur til kynna, gul
með brúnu, og Hanna, sem er dökk-
rauð stórblómstrandi rós. Dornrósin
er vinsæl útirós en hún blómstrar
stórum blómum, rauðbleikum að lit
og er ágætlega harðgerð.
Síðan má nefna runnarósir eins og
hansarósina, meyjarrós og fjallarós
sem verða allt að 1 'A til 2 metrar,
blómstra einfóldum rósum en geta
verið virkilega fallegar. Svo er ýmis-
legt til af öðrum útirósum og má þar
nefna gullrós og mjallhvíti sem er
mjög góð skúfrós. Verðið á rósunum
er á bilinu 500 til 900 krónur.
Að lokum má geta þess að ef rósir
eru ræktaðar lengi á sama stað getur
komið jarðvegsþreyta og því er gott
að skipta um jarðveg á fimm til sjö
ára fresti.
-GHK Peace rósin er mikið ræktuð, jafnt inni sem úti.
Garðverkfæri
Hagstætt verð
Opið til kl. 19 föstudaga. Lokað á laugardögum í sumar.
Eigum allt
sem prýtt
getur garðinn
(iAUIH'LOMril
* Sumarblóm
* Fjölær blóm
* Grasfræ
* Áburður
* Tré og runnar
* Rósir
* Blómaker
* Garðyrkjuáhöld
Gróörarstöóin
iGARÐSHORN
við Fossvogskirkjugarð - sími