Dagblaðið Vísir - DV - 15.08.1990, Page 3

MIÐVIKUDAGUR 15. ÁGÚST 1990.
3
Fréttir
Islendingamir í Kúvæt:
Vitum ekki annað en
þau séu heil á húf i
- seglr Hjalti, sonur Gisla Sigurössonar læknis
„Við verðum bara að vona að allt
sé í góðu lagi. Samt höfum við engar
nákvæmar fréttir haft af þeim frá því
á innrásardaginn,“ sagði Hjalti
Gíslason, sonur Gísla Sigurðssonar,
læknis í Kúvæt, og Birnu G. Hjalta-
dóttur, þegar DV ræddi við hann um
möguleikana á að foreldrar hans fái
að yfirgefa hernámssvæði íraka í
Kúvæt.
„Það eina sem við vitum með vissu
er að þau eru á lista sem sænska
sendiráðið í Kúvæt hefur yfir Norð-
urlandabúa þar í landi og að ekki er
annað vitaö en það fólk allt sé heilt
á húfi,“ sagði Hjalti.
Hins vegar er ekki vitað hvar for-
eldrar hans eru nákvæmlega staddir
þessa stundina. Engar orðsendingar
hafa gengið á milli þeirra og fjöl-
skyldunnar hér heima og símasam-
band er að sjálfsögðu rofið.
„Við ætlum að reyna að koma ein-
hveijum boðum til þeirra í gegnum
sænska utanríkisráðuneytið, sem
hefur enn telexsamband við sænska
sendiráðið í Kúvætborg, en það eru
þó einhverjar takmarkanir á skeyta-
sendingum," sagði Hjalti.
Á meðan ekkert fréttist bíða Hjalti
og Þorbjörg og Halldór, systkini
hans, hér heima hjá ömmu og afa og
vona hið besta.
„Við tölum um þetta ástand öll
kvöld. Það er þó ef til vill best að
hugsa sem minnst um þetta allt því
það hjálpar ekkert. Það er ekki hægt
að vera eins og milli vonar og ótta
öllum stundum," sagði Hjalti.
„Ég reikna með að faðir minn hafi
snúið aftur til vinnu sinnar á sjúkra-
húsinu enda er nóg fyrir lækna að
gera eftir innrásina. Það er mögu-
leiki að allir útlendingar verði sendir
úr landi ef matarskortur kemur upp
en það er líka möguleiki að írakar
fari þá að beina spjótum sínum að
útlendingunum."
-GK
Stórageröismorðið:
Ákært í september
Ákæra vegna morðsins, sem var
framið á bensínstöð Esso við Stóra-
gerði í Reykjavík, verður gefin út í
september. Tveir menn eru í gæslu-
varðhaldi vegna málsins. Þeir hafa
báðir játað að hafa verið á morð-
staðnum. Hvorugur vill kannast við
að hafa orðið stöövarstjóranum að
bana.
Morðið var framið að morgni 25.
apríl í vor. Mennirnir tveir, Guð-
mundur Helgi Svavarsson, 28 ára, og
Snorri Snorrason, sem er 34 ára,
hafa játað að hafa verið á bensínstöð-
inni þegar morðið var framið, eru
báðir í gæsluvarðhaldi vegna máls-
ins. Þeim hefur verið gert að sitja í
gæsluvarðhaldi til 26. september
næstkomandi.
Bragi Steinarsson vararíkissak-
sóknari segir að stefnt verði að því
að gefa út ákæru áður en gæsluvarð-
haldsúrskurðirnir renna út.
-sme
Skoðanakönnun Skáís:
Þriðjungur styður
stjórnina
Samkvæmt skoðanakönnun Skáís,
sem gerð var um helgina, styður rétt
rúmur þriðjungur þeirra sem tóku
afstöðu ríkisstjórnina. Þetta er nokk-
uð minni stuðningur en fram kom í
könnun DV fyrr í mánuðinum. Þá
sögðust 43,4 prósent styðja ríkis-
stjórnina en þau voru ekki nema 34,3
prósent hjá Skáís.
Fylgi einstakra flokka er mjög svip-
að í könnun Skáís og var í könnun
DV. Sjálfstæðisflokkurinn er með
51,8 prósent, Framsókn 15,7 prósent,
Alþýðubandalagið 11,6, Alþýðuflokk-
urinn 9,9 prósent og Kvennalistinn
8,9 prósent. Þessi könnun virðist því
styðja meginniðurstöður könnunar
DV. Fylgi Framsóknarflokksins hef-
ur minnkað undanfarna mánuði og
sömuleiðis Kvennahstans, sem er
ekki svipur hjá sjón miðað við bestu
útkomu hans í skoðanakönnunum á
kjörtímabihnu. Þá virðist mikið fylgi
Sjálfstæðisflokksins vera nokkuð
stöðugt.
-gse
Fomlelfagröfturinn á Ströndum:
Þúsund ára gamalt skálarbrot
úr tálgusteini fannst á Gjögri
Regina Thorarensen, DV, Gjögri
Ég fékk Emil Bóasson, sem vinnur
hjá framkvæmdastofnun og var hér
á ferð um helgina, með mér norður
í TrékylUsvík til fomleifafræðing-
anna sem halda til í hinni skemmti-
legu skólastjóraíbúð á Finnbogastöð-
um. Emil fékk ég sem túlk til að tala
við hina prúðu fornleifafræðinga
sem eru af báðum kynjum.
Ég verð að segja að ég dáðist að því
hvemig þeir geyma brotin sem þeir
fundu. Þeim var innpakkað eins og
um guU og silfur væri að ræða á
vandvirkasta hátt. Pakkað í mjúkan
pappír fyrst, síðan bómuU og álpapp-
ír utan um og ekki hægt að gera þetta
betur.
Við ræddum við Tom Amorosi,
yfirmanninn í fornleifagreftrinum
hér, en hann er frá fornleifadeUd
Hunter-háskóla í New York. Viðtalið
er svona orðrétt eins og Emil túlkaði
það fyrir mig.
Spuming: Hefur eitthvað markvert
fundist?
Tom: Markverðast er skálarbrot
úr tálgusteini sem við fundum í botni
bæjarhólsins á Gjögri. Brotið er frá
því um árið 1000.
Spurning: Hvað funduð þið í Akur-
vík?
Tom: Allt bendir til að Akurvík
hafi verið útgerðarbær um 1400.
Spurning: Hvemig hefur vinnan
gengið?
Tom: Vegna málareksturs, sem
flestir þekkja úr fjölmiðlum, urðum
við að ljúka 2 mánaða vinnu á einum
mánuði.
Spurning: Hvað gerðist í Bæ í Tré-
kyllisvík?
Tom: Það var allt á misskilningi
byggt. Við ætluðum bara að teikna
kort af bæjarsvæðinu.
Spurning: Hvemig finnst ykkur
fólkið hér í hreppnum?
Tom: íslendingar eru mjög hjálp-
fúsir, vingjarnlegir og hreinskiptnir
á öllum sviðum. Ég hef unnið hér í
fimm ár og líkar sérlega vel við ís-
lendinga og einkum fólkið í Árnes-
hreppi. Það er alveg frábært og að-
búnaður með því besta sem ég hef
haft hér á landi.
M0BLER
FAX 91-673511 SIMI 91-681199
BILDSHÖFÐI 20 112 REYKJAVIK
■■"IF...
MiRumTm
I haust leggjum við áherslu á
sterk, falleg og nytsöm húsgögn
frá Þýskalandi fyrir ungt fólk.
línan fyrir ungt
fólk er sýnd í 5 mismunandi
gerðum og viðarlitum.
Ertu ungur - Fáðu þér - Jugend.
REGENT MÖBEL Á ÍSLANDI