Dagblaðið Vísir - DV - 31.08.1991, Síða 26

26
■LAUGMQA.GUR 31, ÁGÚST .1991,
Heimsmeistaramótinu í frjálsum að ljúka:
Þetta var mikið
„í heildina er þetta besti árangur
sem ég hef náð. Ég hef aldrei áður
komist í úrslit á svona stórmóti.
Þetta ár hefur verið mjög sterkt í
spjótinu. Margir hafa komið fram og
náð langt,“ sagði Sigurður Einars-
son, sem í vikunni hafnaði í sjötta
sæti í spjótkasti á heimsmeistara-
mótinu í frjálsum íþróttum í Tokyo,
í símaviðtali við helgarblaðið. Þetta
er besti árangur sem íslendingur
hefur náð á heimsmeistaramóti í
frjálsum íþróttum.
Sigurður varð þriðji á Grand Prix-
móti árið 1989. Það var hans besti
árangur fram að því. Þetta er í fyrsta
skipti sem hann keppir á heims-
meistaramóti og nú stefnir hann á
ólympíuleikana í Barcelona á næsta
ári.
„Takmarkið hjá mér núna var að
komast í tólf manna úrslit. Eftir að
maður er kominn í þau getur allt
gerst, eins og sást á því að tveir fyrr-
um heimsmeistarar klikkuðu á að
komast í úrslitin. Það er þess vegna
mjög mikið taugastríð að komast í
úrslitin,“ sagði Sigurður ennfremur.
Strangt æfingakerfi
„Ég var búinn að æfa mikið undan-
farið og hef æft rétt, til dæmis með
því að fara í gegnum nokkur mót.
Einnig var ég í ströngu fjögurra
vikna æíingaprógrammi fyrir heims-
meistaramótið. Eg tók þátt í keppni
i Róm í júlí en fór þaðan til Banda-
ríkjanna og æfði þar í tvær vikur.
Einnig æfði ég heima á íslandi áöur
en ég fór til Sviss þar sem lokaæfmg-
ar voru fyrir heimsmeistaramótið.
Við Einar Vilhjálmsson æfðum þar
saman. Við undirbjuggum okkur fyr-
ir keppnisrútínuna, bæði andlegu og
líkamlegu hliðina, og það gekk mjög
vel. Það var því miður enginn þjálf-
ari með okkur þar sem engir pening-
ar voru til þess. Stefán Jóhannsson,
þjálfari minn, varð að sitja heima en
lýsti keppninni í staðinn í sjónvarp-
inu. Það er auðvitað miklu eríiðara
að hafa ekki þjálfara en þannig er
þetta á íslandi - lítil þjóð og litlir
peningar," sagði S'gurður.
Sjálfur þarf hann að standa straum
af miklum kostnaði við utanfarir sín-
ar en Landsbankinn og Visa ísland
hafa stutt hann. „Við erum einnig á
styrkjum frá afreksmannasjóði. En
þetta er mjög kostnaðarsamt fyrir
okkur.“
Spjótið kostar námið
Sigurður hefur verið í námi í
Bandaríkjunum síöastliðin átta ár og
allur hans tími hefur farið í æíingar
í spjótinu og námið. Hann hefur ekki
getað aflað fjár með vinnu vegna
þess hversu tímafrekar æfingamar
eru. „Ég hef lifað á námslánum og
styrkjum á undanfórnum árum.
Þetta var í fyrsta skipti núna sem ég
hef haft tækifæri til að komast í sér-
stakar æfingabúðir. í raun tek ég
mikla áhættu því ég er í stórskuld
eftir þetta mót,“ sagði Siguröur enn-
fremur.
Vinningshafar á heimsmeistara-
móti fá ekki greidd sigurlaun en slíkt
er hins vegar gert á Grand Prix-
mótum. „Það er viðurkenningin sem
maður fær hér og hún hjálpar manni
áfram. Menn, sem komast áfram á
heimsmeistaramótinu og eru bestir
í sinni grein, eiga auðvelda leið inn
á önnur alþjóðleg mót.“
Sigurður á von á að komast á al-
þjóðleg mót á næstunni. Hins vegar
segir hann alltaf einhvern klíkuskap
ráða hverjir komast á mótin. „ísland
er lítil þjóð og við þurfum því heldur
betri árangur en aðrir til að komast
á mótin," segir hann.
Góð viðbrögð
frá grönnunum
Sigurður hefur fengið mjög góð við-
brögð eftir árangur sinn á heims-
meistaramótinu. „Margirhafakomið
til mín og óskað mér til hamingju
enda ekki búist við að þetta lítið land
gæti náð svona langt. Sérstaklega hef
ég fundið fyrir hamingjuóskum frá
öðrum Norðurlandaþjóðum en þær
hafa ekki náð langt í sínum greinum.
íslendingar mega vera mjög stoltir
með þennan fámenna hóp sem þeir
eiga hérna. Viö vorum að reikna út
að miðað viö árangur stóðum við ís-
lendingar okkur best í spjótinu á eft-
ir Finnum ef miðað væri viö aö þrír
menn séu grein. Þá hefðum við feng-
ið silfrið þrátt fyrir að Einar meidd-
ist. Ég held að íslendingar geri sér
ekki grein fyrir hversu góðum ár-
angri við höfum náð. Stuðningur viö
okkur er afskaplega lítill miðað við
aðrar þjóðir. íslendingar vilja alltaf
vera númer eitt í öllu en þeir þurfa
að átta sig á að heimurinn er stór.“
Allt lagt í æfingar
- Hefur barátta þín verið erfið?
„Já, að sjálfsögðu. Ég hef lagt allt
sem ég á í þetta og má þakka fyrir
þolinmæði konu minnar, fjölskyldu
og þjálfara sem er ekki á neinum
launum. Þessi íþrótt snýst ekki um
peninga. Ég fer að komast á þann
aldur að spyrja hvort maður vilji
leggja þetta á sig í framtíðinni. Hvort
ég ætla að lifa á núllinu áfram eða
fara að hafa það gott.“
- Finnst þér þú hafa fallið í skugg-
ann af Einari Vilhjálmssyni?
„Já, ég hef gert það. Einar hefur
staðið sig vel í gegnum árin. Ég hef
aldrei viljað setja út á þá athygli sem
hann hefur fengið heldur láta verkin
tala. Einar er óumdeilanlega mjög
góður spjótkastari og á allt skilið sem
hann hefur fengið. Athyglin beindist
að mér árið 1989 en það var á nei-
kvæðan hátt. íþróttafréttamenn
skrifuðu mjög neikvætt um mig, til
dæmis að ég væri með ólöglegt spjót,
sem þeir höfðu ekkert vit á. Það
spjót, sem ég var að kasta árið 1989,
er enn í gildi en verður fellt úr gildi
21. september næstkomandi. Það er
spjót sem allir hafa verið að nota i
gegnum árin. Umfjöllunin árið 1989
snerist ekki um góðan árangur minn
heldur þetta spjót og ég varð fyrir
miklum vonbrigðum. Mér fannst illa
að mér vegið. Þetta ár var ég útnefnd-
ur af frægasta frjálsíþróttablaði'
heims þriðji besti spjótkastari heims.
Á sama tíma var ég í áttunda sæti
yfir íþróttamann ársins á íslandi. Ég
vil auðvitaö ekki vera að kvarta en
mér finnst að fréttamenn ættu stund-
um að kynna sér málin betur.“
Vantaði athyglina
frá íslandi
- Finnst þér að íslenskir fréttamenn
heíðu átt að vera með ykkur þarna
úti?
„Eðlilega. Ég fann mjög fyrir því
þegar ég kom úr ■ keppninni. Hver
einasti maður, sem lenti með mér í
úrslitunum, var tekinn tali af hópi
fréttamanna og ég stóð allt í einu
aleinn. Menn, sem voru aftar en ég
í úrslitunum, voru umkringdir
fréttamönnum frá þjóðum sínum en
enginn frá íslandi. Þaö var kannski
ekki búist við miklu heima en við
hefðum viljað meiri athygli," sagði
Sigurður.
„Þetta er engu að síður mjög
skemmtilegt og þess virði að standa
í því. Hins vegar er ég auðvitað að
þessu fyrst og fremst fyrir sjálfan
mig. Það þarf mikinn egóisma til að
vera í spjótinu."
Sigurður Einarsson hefur verið í
spjótkasti allt frá þrettán ára aldri
Ungir aðdáendur i Bandaríkjunum fá eiginhandaráritanir.
Sigurður ásamt eiginkonu sinni, Debu Ann, sem hann kynntist í Bandaríkjun-
um þar sem hann hefur verið í námi siðastliðin átta ár.
Hér kemur kokkurinn upp í spjótkastaranum en við höfum það fyrir satt
að Sigurði finnist hvalkjöt mjög gott.
í þriðja sæti á Grand Prix-móti árið 1989.