Dagblaðið Vísir - DV - 18.09.1991, Qupperneq 3

MIÐVIKUDAGUR 18. SEPTEMBER 1991.
3
Fréttir
Þór Magnússon, skipstjórl á
Lómi. DV-myndLúðvíg
Mjólkursamsalan kaupir nýjan bökunarofn:
Sparar 1,8 milljónir í
orkukostnað á ári
Fjölþjóða
áhöfnáLómi
Lúövíg Thoiberg, DV, Tálknafiröi;
Fyrstur til aö hefja veiðar meö
línu frá Tálknafirði á þessu
hausti var Lómur BA-257, sem er
yfirbyggður stálbátur, gerður út
af Þórsbergi hf. og er I eigu þess
fyrirtækis.
Á bátnum er sjö manna áhöfn,
þar af tveir Nýsjálendingar. Skip-
stjóri á Lómi er Þór Magnússon.
Beitingamenn eru þrír fslending-
ar, einn Ástrali, einn Nýsjálend-
ingur og einn Breti. Aðallega er
beitt síld en fáeinir smokkfiskar
fylgja með. Haldið var til veiða
miðvikudaginn 11. september og
róiðmeð 48bjóð. Kvöldið eftirvar
landað úr bátnum rúmlega þrem-
ur tonnum af blönduðum afla.
- með því að nota olíukyntan ofn 1 stað rafmagnsofns
Mjólkursamsalan hefur keypt
stóran og mikinn bökunarofn frá
Þýskalandi sem kyntur er með olíu
en ekki rafmagni eins og tíðkast víð-
ast hvar. Með því að nota olíukyntan
ofn sparast 1,8 milljónir króna á ári
í orkukostnað, án virðisaukaskatts.
Erlendur Magnússon, forstööu-
maður brauðgerðar Mjólkursamsöl-
unnar, segir að olíukyntur ofn sé
engin nýjung hjá þeim.
„Við erum búnir að vera með einn
slíkan í 22 ár og erum að endurnýja
hann. Það er miklu ódýrara að kynda
með olíu heldur en rafmagni. Og í
rauninni ættu allir bakarar að vera
með olíukynta ofna, upp á sparnað-
inn að gera, svo vitlaust sem það er
í landi rafmagnsins.
Guðni Andreasen, bakari í Guðna-
bakaríi á Selfossi, notar einnig olíu-
kyntan ofn og lætur vel af.
„Ég hef notað olíukyntan ofn í þrjú
Oliukynii ofninn sem sparar 1,8 milljónir króna á ári miðað við jafnstóran
rafmagnskyntan ofn. DV-mynd BG
ár og ég spara því mjög mikið í orku-
kostnaöi við að nota hann. Olían
kostar ekki nema þriðjung af því sem
rafmagniö kostar. Þetta er náttúrlega
svolítið súrt þar sem við erum á aðal-
raforkusvæði landsins," segir Guðni.
Annar bökunarofna Guðna er olíu-
kyntur. Guðni segir að hann hafi
verið mun dýrari bæði í innkaúpum
og uppsetningu heldur en rafmagns-
ofninn en hafi verið íljótur að borga
sig upp.
Guðni segir að ef hann fengi sér
annan bökunarofn myndi hann fá
sér olíukyntan ofn, að minnsta kosti
miðað við óbreyttar forsendur. Gæði
brauðanna séu þau sömu, hvort sem
bakað er í olíukynta ofninum eða
rafmagnsofninum.
„Að mörgu leyti er olíukynti ofninn
skemmtilegri en hinn. Hann heldur
betur hita og er snöggur upp og nið-
ur,“ segir Guðni. -ns
Framtíð Austurstrætis ákveðin á borgarstjómarfundi á morgun
Örlög götunnar sögð velta á einu atkvæði
- talsmenn Laugavegssamtakanna vilja opna hana fyrir bílaumferð
„Okkur finnst að opna eigi Austur-
stræti fyrir bílaumferð og þá til
reynslu. Við höfum skoðað hug um
400 hagsmunaaðila 1 miðbænum,
kaupmanna og annarra er starfa þar
og stunda viðskipti, til málsins. Um
98 prósent þeirra vilja opna göngu-
götuna fyrir bílaumferð og hafa sýnt
vilja sinn með þvi að skrifa á undir-
skriftarlista þar um. Við viljum gera
tilraun til að fá meira blóðstreymi í
miðbæinn svo hann drabbist ekki
niður og deyi hreinlega. Umferðin
um Laugaveginn er geysimikil og þar
er nú bullandi verslun í gangi. Þessi
umferö þarf að komast hindrunar-
laust niður í Austurstræti svo þeir
aðilar, sem þar eru með viðskipti, fái
þetta fólk til sín. Verslun í Kvosinni
þrífst hreinlega ekki nema með auk-
inni bílaumferð," sögðu þau Jón Sig-
urjónsson og Þorbjörg Guðjónsdótt-
ir, talsmenn Laugavegssamtakanna,
í samtali við DV.
Laugavegssamtökin eru hags-
munasamtök verslunareigenda við
Laugaveginn og hafa síðastliðin
fimm ár barist yfir því að opna Aust-
urstræti fyrir bílaumferð. Nú dregur
til tíðinda í málinu þar sem örlög
göngugötunnar verða ákveðin á
borgarstjórnarfundi á morgun.
Heimildir segja framtíð Austurstræt-
is velta á einu atkvæði.
„Austurstræti er mjög óaðlaðandi
eins og það er nú. Þaö er kannski
aðlaðandi nokkra sólardaga á sumr-
in en þaö þarf líka að reka viðskipti
í götunni um hávetur, í hríðarbyl og
frosti. Hins vegar er engum blöðum
um það að fletta að miðbærinn í heild
hefur sterkt aðdráttarafl. Hann er
yfirleitt troðfullur af bílum en þessi
umferð fer of lítið um Austurstræti.
Ef gera á alla Kvosina að göngu-
svæði komast þangað engir bílar og
enginn leggur leið sína þangað.
Það verður að horfa á það sem fólk
vill. Við erum bílaþjóð og fólk eyðir
miklum tíma í að rúnta um bæinn.
Ef það getur ekki keyrt einhverja
götu fer starfsemin þar alveg fram
hjá því. Þannig hafa margir ekki
hugmynd um hvaða verslanir er að
finna við Austurstræti. Umferðin um
Kvosina strandar að miklu leyti á
göngugötunni þar sem hún er nú.“
-hlh
Göngugatan í Austurstræti.
Bílagatan Austurstræti um 1973.
HÚSGÖGN - RÝMINGARSALA
V
J!F
Komið og gerið reyfarakaup að Bíldshöfða 8, G.B. húsgögn,
v/flutnings verslunar okkar að Faxafeni 5.
Barna- og
unglingahúsgögn
o.m.fl.
SÓFASETT
HORNSÓFAR
STAKIR SÓFAR
KOMMÓÐUR
BORÐ
VEGGEININGAR
HVÍLDARSTÓLAR
HJÓNARÚM
BÍLDSHÖFÐA 8
S.686675
isirjj *i-*vrr|