Dagur - 12.03.1947, Blaðsíða 8

□ RÚN.: 59473127 - Frl.:
I. O. O. F. - 12831481/2. -
Akureyrarkirkja. Messað næstk.
sunnudag. kl. 2 e. h.
Frá staríinu í Zíon. — Ólafur Ólafs-
son kristniboði starfar hér um tíma og
verður samkomukvöldum hagað sem
hér segir:
1. Almennar samkomur ó miðviku-
dögum, föstudögum og sunnudögum
kl. 8.30 síðdegis.
2. Á laugardagskvöldum kl. 8.30
verða sýndar kvikmyndir frá Indlandi
og Kína. Allir velkomnir.
3. Sunnudagaskóli kl. 10 árdegis, —
Barnasýningar á laugardögum kl. 5.30
síðdegis. — Öll börn velkomin.
Síra Jóhann Hannesson tekur þátt
í samkomunum fyrst um sinn.
Sjötugur verður næstk. föstudag, þ.
14. þ. m., Jón Baldvinsson, fyrrv. skip-
stjóri, Munkaþverárstræti 17.
Bazarnefnd Kvenfélags Akureyrar-
kirkju þakkar bæjarbúum góðan
stuðning, og biður þess getið, að út
var dregið happdrættisnúmer 162. —
Vitja má vinningsins til frú Guðrúnar
Ragúels. v
Virmufund heldur Kvenfélagið
Hlíf að Hótel Norðurland fimmtu-
dagskvöld (annað kvöld) kl .9.
Hjónaefni. Nýlega opinberuðu trú-
lofun sína ungfrú Anna María Valde-
marsdóttir, Landamóti, Köldukinn, og
Bragi Benediktsson, Landamótaseli,
sömu sveit.
Til nýja spítalans., Gjöf frá G. F.
kr. 20.00. Afhent af Hreini Jónassyni
frá nokkrunv drengjum, sem „slógu
köttinn úr tunnunni", kr. 41.00. Frá
A. G. kr. 300.00. Með þökkum mót-
tekið. G. Karl Pétursson.
Heilsuvernd, tímarit Náttúrulækn-
ingafélags íslands, 3. hefti 1. árgangs
(1946), er nýkomið út. Efni heftisins
er þetta: Náttúrulækningahæli og Sví-
þjóðarför vorið 1946, eftir ritstjórann,
Jónas lækni Kristjánsson. — Heil-
brigð þjóð, eftir Snorra P. Snorrason,
stud. med. — Auðveld fæðing (frá-
sögn). — „Ólæknandi“ skjaldkirtil-
bólga. læknast með mataræði. —
Náttúrulækningafélag Islands kaupir
jörð fyrir heilsuhæli. — Uppskriftir o.
fl. — Nokkrar myndir prýða heftið,
sem er vandað að öllum frágangi.
Stúkan Bryuja nr. 99 heldur fund í
Skjaldborg mánudaginn 17. þ. m. kl.
8.3 Oe. h. stundvíslega. — Dagskrá:
Venjuleg fundarstörf. — Upplestur.
— Erindi o. fl.
Barnastúkan Berpskan heldur fund
í Skjaldborg sunnudaginn 16. þ. m.
kl. 1 e. h.
Allir eitt". Munið dansleikinn að
Hótel KEA næstk. laugardagskvöld
kl. 8.30 e. h.
Félag ungra Framsóknarmanna
heldur fund næstk. mánudag kl. 8.30
e. h. að Hótel KEA (Rotarysal). —
Dagskrá: Blaðakvöld og umræður. —
Stjórnin.
Enn snjóaði í gær og versnaði færi
á vegum. Ekki er nú fært nema fyrir
stóra bíla um þjóðveginn fram í fjörð
og ófær alveg vegurinn út með firðin-
um, báðum megin. Mjólk er nú að
mestu flutt til bæjarins á sleðum og
sjóveg. Enginn mjólkurskortur er þó
og ekki yfirvofandi. Mikil snjóþyngsli
eru um allt Norðausturland og Austur-
land, sérstaklega á Fljótsdalshéraði.
Engin inflúenza hér
- segir héraðslæknir
■pNGRAR inflúenzu hefir orðið
vart hér ennþá, sagði Stefán
"Guðnason, héraðslæknir, er blað-
ið átti tal við hann í gær, en hins
vegar má búast við að hún berist
hingað. Inflúenzufaraldur geng-
ur í Reykjavík og fer ört yfir.
Veikin er talin væg; þó fá menn
háan hita, en ná sér venjulega
skjótt.
L
AGUR
Þýddar skáldsögur eftirsótfasta lesefnið
Starfsemi Amtsbókasafnsins á síðastliðnu ári
Blaðinu hefir borizt eftiríarandi
greinargerð um Amtsbókasafnið:
Útlánsdeild safnsins var opin
sem áður: þriðjud., fimmtud., og
laugardaga, kl. 4—7 síðdegis, og
lestrarsalur sömuleiðis frá hausti
og fram til áramóta. En síðan var
lestrarsalur opinn alla virka
daga, nema mánudaga, fram til
maíloka, á sama tíma dags. Yfir
sumarmánuðina og fram til 1.
október var safnið aðeins opið
einn dag í viku, miðvikudaga,
en að þessu sinni á sama tíma
dags, frá kl. 4—7 síðd., áður
venjulega aðeins tvær klukku-
stundir, frá kl. 8—10 síðd. — Síð-
an fram til áramóta hefir safnið
og lestrarsalur verið opið á sama
'hátt og fyrra haustið, og er svo
enn.
Bókaútlán og aðsókn að lestr-
arsal hefir verið, sem hér segir:
I. Erlendar bækur, flestar
danskar, allmargar enskar og fá-
einar þýzkar, 685.
II. íslenzkar bækur, alls konar,
3195.
III. Þýðingar úr erl. málum,
mestmegnis skáldsögur, 4175.
Útlán alls: 8055.
Lánþegar alls: 550. — Aðsókn
að lestrarsal: um 650 alls.
Bókavörður lætur þess getið,
að meðferð bóka sé mjög ábóta-
vant hjá allt of miklum hluta
lánþega, og virðist þeir algerlega
kæringarlausir um bækur safns-
ins! Alltítt sé að fá aftur jafnvel
nýjar bækur stórskemmdar, sér-
staklega útkrassaðar af stálpuð-
um börnum og óvitum, bæði
með litkrít og blýöntum, rifnar
til óbóta og blöðunum týnt o. s.
frv.
Á lestrarsal skortir því miður
margt af því, sem nauðsynlegt
mætti teljast: m. a. allflestar
fræðibækur og handbækur á
Norðurlandamálum, sem út-
komnar eru eftir aldamót o. fl.
af því tagi. Af utanbæjarblöðum
er þar aðeins dagblaðið „Vísir“,
en Akureyfarblöð eru þar öll,
nema „Alþýðumaðurinn" ....
Brunahætta safnsins er stöðugt
yfirvofandi, og kvikni þar í, verð-
ur engu bjargað! — „Matthíasar-
bókhlaða“ virðist orðin að þjóð-
sögu, og lóðin sennilega týnd,
þegar til á að taka. — En meðal
annarra orða:
Eftir hverju er beðið?
NÝKOMIÐ:
Karlmanna-vetrarfrakkar
Karlmanna-regnfrakkar
Skíðastakkar
Hattar
Kaupfélag EyfirÖinga
V ef naðarvörudeild.
Hafnarmálin
(Framhald af 1. síðu). ,
ingu hafnargarðsins norðan á
Oddeyri.“ /
Enn líður allt árið 1945 og
ekkert svar kemur. Það kom loks
með bréfi, dags. 22. jan. 1946, og
voru þá full tvö ár liðin Síðan hin
fyrsta samþykkt var gerð.
En sagan er ekki öll sögð enn.
Hinn 17. apríl 1946 tók vita-
málaskrifstofan að sér yfirumsjón
verksins, sbr. bókun hafnar-
nefndar, sem birt er í grein Mart-
Sigurðssonar hér í blaðinu í dag.
Síðan hefir ekkert gerzt í málinu,
fyrr en Alþýðuflokksfélag Akur-
eyrar gengur fram fyrir skjöldu
og álasar bæjarstjórninni fyrir
að hafa ekki hrundið málinu í
framkvæmd. Þegar á það er bent
hér í blaðinu við liverja örðug-
leika hefir verið að etja og að
sæmra væri fyrir þennan félags-
skap, að ýta við sínum mönnum
syðra, en vera á sífelldum at-
kvæðaveiðum hér með slíkum
samþykktum, þá er mannsbrag-
urinn ekki meiri en það á ritstj.
Alþýðumannsins, að honum er
meira í mun að hvítþvo háttsetta
Alþýðuflokksforingja í Reykja-
vík af allri synd við málið, en ýta
á eftir því, að þeir tefji það ekki
meira en orðið er. Þannig snúast
litlir karlar stundum við miðl-
ungsstórum verkefnum.
Vísitalan í marzmánuði
er 310 stig
Vísitalan fyrir marzmánuð hef-
ir nú verið reiknuð út, og er hún
aftur komin niður í 310 sdg.
Ríkisstjómin tilkynnti, þegar
það kom í ljós, að vísitalan fyrir
febrúar yrði 316 stig, að hún
inundi í samræmi við málefna-
samning þann, sem lagður var til
grundvallar við stjórnarmyndun-
ina, greiða niður vöruverð fyrir
næstu mánaðamót, þannig, að
vísitalan færðist aftur niður í 310
stig, eins og hún var í janúar. —
Helir þetta nú verið gert með
breytingunni á kjöt- og kartöflu-
verði, sem auglýst var fyrir
nokkru.
Kaúpgjald fyrir niarzmánuð
ber að sjálfsögðu að greiða eftir
febrúarvísitölunni, 316 stig.
DAGUR
Vegna mikillar verðhækkunar
á pappTr og aukinna erfiðleika
við útvegun á nægu pappírs-
magni í blaðið, mun sú regla
verða upptekin að hættaaðsenda
blaðið þeim áskrifendum um
land allt, sem ekki hafa gert full
skil fyrir áskriftarverði síðasta
árgangs, frá næstk. mánaðamót-
um að tel ja.
1
Flónelslök
Ullarfeppi
Brauns Verzlun
Páll Sigurgeirsson.
—+
Jarðarför móður okkar,
JÓHÖNNU ÁSGEIRSDÓTTUR,
sem andaðist í Sjúkraliúsi Akureyrar þann 6. þ. m„ fer
fram frá Akureyrarkirkju föstudaginn 14. þ.m. kl. 1.30.
Kristjana Ólafsdóttir. Halldór Ólafsson.
Mjaltavélar
Getum útvegað nokkrar mjaltavélar,
með stuttum fyrirvara.
Höfum eina vél til sýnis í verzluninni.
Verzlunin Eyjafjörður h.f.
Til sölu
Borðstofuhúsgögn úr eik, betri-stofuhúsgögn úr
mahogny, útvarpstæki, utanborðs-mótor, fatnaður
o. fl. Tækifærisverð. Til sýnis í Brekkugötu 12,
frá kl. 3—7, þrjá næstu daga. Nánari upplýsingar
í síma 270.
= ShjaldDorgar Bíd =
Sýningar kl. 9: Miðviku-
dag, fimmtudag, laugardag og
sunnudag:
Maðurinn f rá Marokkó
(Bönnuð yngri en 12 ára.)
Kl. 9 föstudag, kl. 5 laugar-
dag og sunnudag:
Verðlaun handa Benna
Dorothy Lamour
Arturo de Cordova
Þeir,
sem hafa undir höndum eitt-
hvað af leikritum Pdls J.
Árdals, eða kynnu að vita til
þeirra einhvers staðar, eru vin-
samlega beðnir að gera mér
undirritaðri — eða Steinþór P.
Árdal, Siglufirði — aðvart hið
fyrsta.
LA UFEY PÁLSDÓmR,
Hamborg, Akureyri.
=NÝJA BíÓ
Miðvikud. og fimmtud. kl. 9:
Tvífari bófans
(Bönnuð börnum yngri
en 16 ára.)
Föstudagskvöld kl. 9:
í víking
(Síðasta sinn.)
Laugardag kl. 6:
Síðsumarsmótið
Laugardagskvöld kl. 9:
Töfratónar
Sunnudag kl. 3:
Óákveðið
Sunnudag kl. 5:
Töfratónar
Sunnudagskvöld kl. 9:
Tvífari bófans
v*=