Dagur - 16.03.1949, Blaðsíða 2

2
DAGUR
Miðvikudaginn 16. marz 1949
Hver er afstaoa ísienzkra
kommúnisfa?
Boðskapuiinn um þegnskyldu við Rússland á sér
sameiginlegan uppruna
Thorez liinn íranski konunún-
istaleiðtogi kom fyrstur fram ineð
þá yfirlýsingu, að ef rússneskur
her færi inn yfir landamæri
Frakklands, myndu franskir
kommúnistar þegar snúast í lið
með honum, hvað sem vilja
frönsku þjóðarinnar liði.
Að vörmu spori kom svo Togli-
atti hinn ítalski með sams konar
yfirlýsingu fyrir hönd ítalskra
kommúnista og síðan kommún-
istaforingjar ýmissa annarra
ianda ,og allar eru þessar yfirlýs-
ingar eins að efni til og nálega
eins orðaðar.
Það er því augljóst, að allur
opinberi boðskapur kommúnista
um þegnskyldu við Sovétríkin á
sér sameiginlegan uppruna. Og
enginn þarf að vera í vafa um
hvar hans er að leita.
Hingað til hafa kommúnistar
allra landa reynt að skreyta sig
með ldæðum þjóðernistilfinninga
og ættjarðarástar, en brigzlað
andstæðingu msínum um skort á
hvorutveggja. Nú hafa þeir af
einhverjum ástæðum verið látnir
varpa af sér hræsnisgrímunni og
látnir eða lofað að sýna sitt rétta
innræti. Og þá blasir við sú sjón,
að kommúnistar allra landa eiga
ekkert föðurland í þess orðs
venjulegu merkingu — ekkert
föðurland nema Sovét-Rússland.
Onnur ályktun verður ekki
dregin af yfirlýsingum þeirra, þar
sem þeir segja hispurslaust og
ófeimnir, að ef í odda skerst milli
þjóða þeirra og Rússa í ófriði, þá
ætli þeir að svíkja landa sína og
veita innrásarher Rússa vígs-
gengi.
Á þenna hátt sverja kommún-
istar sig í flokk nokkurra ætt-
jarðarsvikara fyrri alda, hverra
nöfn eru skráð svörtu letri í sögu
mannkynsins.
Kommúnistar segja, að Rússar
séu svo miklir friðarvinir, að
þeim geti aldrei komið til hugar
að ráðast á nokkra þjóð. Þetta
stangast alveg við yfirlýsingar
þeirra um það, að þeir ætli að
standa með Rússum, þegar þeir
gera innrás í ön'nur ríki. Hvernig
geta kommúnistar gert ráð fyrir
árásum af hendi Rússa, úr því
þeir eru svo friðelskandi, að þeim
kemur aldrei árás til hugar?
Hvernig var það með Finnland
hér um árið? Gerði ekki stórveld-
ið í austri árás á þetta litla land?
Ekki geta kommúnistar neitað
því. En þeir hafa gefið þá skýr-
íngu, að Rússar hafi verið til
neyddir, af því að Finnar hafi
ætlað að ráðast á þá að fyrra
bragði! Rússar hafi bara orðið
fyrri til og það sé þeim til sóma!
Rússar létust vilja vernda hlut-
leysi og fi'elsi baltnesku ríkjanna
við Eystrasalt. Það gerðu þeir svo
rækilega, að þeir innlimuðu þessi
smáríki í Sovétsambandið og af-
rnáðu þjóðfrelsi þeirra með öllu
.„þegjandi og hljóðalaust“, eins og
þeir gerðu við Austur-Pólland.
Stjórnendur Rússlands ásælast
ekki einn ferþumlung af landi
annarra þjóða, segja fimmtu her-
deildirnar utan Rússlands. Hið
broslegasta er, að allmargir fá-
ráðlingar trúa þessu.
Foringjar kommúnista halda
því að mönnum, að austan járn-
tjaldsins, ekki áðeins í Rússlandi
sjálfu, heldur og í leppríkjum
þess, sé sæluástand. Vitað er þó,
að þar verða íbúarnir að sitja og
standa, eins og valdhafamir vilja.
Ella eiga þeir á hættu að týna töl-
unni. Þeir búa hvorki við mál-
frelsi eða ritfrelsi og jafnvel ekki
skoðanafrelsi. Orð leikur á, að þar
sitji margar milljónir í fangabúð-
um fyrir það eitt að vera stjórn-
ai-andstæðingar, auk allra flótta-
mannanna. Tillaga hefir komið
fram í efnahags- og félagsmála-
ráði Sám'eihúðú þjóðán'na um, að
skipuð ve}'ði rannsóknarnefnd til
þess að ganga úr skugga um, hvað
hiéft: s’é’ í ’fúllýrðingúrh um afar
fjcHmeijriar fangabúðir í Rúss-
landi og öði'um löndum austan
járntj'aldsins! ’ Rússar kalla þessa
tillögú "svívirðilega tilraun til
njp.sna. í S.ovgtríkjunum. En hvað
setti Rússu mað vera kærkomn-
ara en slík rannsókn, ef þeir hafa
hreina samvizku.út af áburðinum
um fjöldaþrælkunina í fangabúð-
urium austan járntjaldsins? Þá
gæfist þeim valið tækiiæri til þess
að reka aftur þessa „nazistalygi“,
sem kommúnistar nefna svo. En
hvernig valdhafar Rússa og lepp-
ríkja þeirra .snúast við tillögunni
um rannsókn í þessu efrii, vekur
þá trú hjá mönnum, að þeir viti
upp á sig skömmina.
Eitt er torskilið um jafn frið-
elskandi menn, sem valdhafar
Rússlands eiga að vera sam-
kvæmt frásögnum kommúnista,
en það var aðflutningsbannið til
Vestur-Berlínar, sem haldið er
uppi af mikilli þrákelkni til ógn-
unar við heimsfriðinn. Þó hljóta'
Rússar að sjá, að bann þeirra nær
ekki tilgangi sínum vegna „loft-
brúarinnar“, sem kölluð er. Upp-
haflega ætluðu valdhafar Rúss-
lands að svelta Berlínarbúa til
hlýðni, en þar sem það hefir mis-
tekizt, hafa þeir aðeins ánægju af
vitneskjunni um, að flutningar
Vesturveldanna á lífsnauðsynjum
til Berlínar loftleiðis verði þeim
allmiklu dýrari en ella. Að öðru
leyti mun aðflutningsbannið vera
Rússum til hugarangurs.
—o—
Síðan játningar Thorez og fé-
laga hans víða um lönd urðu
kunnar um það, að þeir væru
staðráðnir í því að ganga í lið
með Rússum, ef þeir skyldu ráð-
ast inn í lönd þeirra, og gerast
þannig föðurlandssvikarar, hefir
verið spurt um þvert og endi-
langf íslafid: Hvernig er afstaða
íslenzkra kommúnista til þessa
máls? Hafa þeir sama boðskap að
Myndin er af Abdullah konungi
Transjórdaníu. Konungur hefir
nú gera vopnahlé við ísraelsmenn
fyrir milligöngu dr. Bunche,
sáttasemjara S. Þ., en enn er samt
grunnt á því góða milli þessara
ríkja. Israelsmenn eru nú sagðir
safna liði við hafnarbæmn Akaba
við landamæri ríkjanna, en þar
hafa Bretar nokkurt setulið í
samkv. varnarsamningi ríkjanna.
flytja frá sinni hendi eins og
Thorez, Togliatti og aðrir slíkir?
Vilja þeir viðurkenna, að þeir séu
reiðubúnir að aðstoða Rússa, ef
þeii' „skyldu elta óvini sina“ inn
yfir landamæri íslands? En óvinir
Rússa eru í munni 5. herdeild-
anna allir þeir, sem ekki eru
kommúnistar og ekki játa, að
æðsta fyrirmynd lýðræðis sé
austan járntjaldsins.
. Farið hefir, verið, dram ..‘á, að
kommúnistar hér á landi gæfu
svar við framangreindum spurn-
ingum, en þeir steinþegja" við
þeim enn sem komið er, annað
hvort af því að þeir hafa ekki
fengið „línuna“ ellegar að þeim
hefir verið sagt að þegja, því að
enginn þarf að ætla, að þeir séu
sjálfráðir að svörum sínum.
En þó að þessir þegi, þá tala
steinarnir, þ. e. athafnir komm-
ún fyrr og síðar. Þær hafa mótast
af skilyrðislausri þjónslund við
Rússa, og engin ástæða að ætla
að þar verði breyting á. Árið 1940
börðust kommúnistar á móti því,
að íslendingar seldu Bretum fisk.
í þess stað áttum við að gæða
Þjóðverjum á honum, af því að
þá var griðasáttmáli milli þeirra
og Rússa. Ella að sigla með fisk-
inn til Arkangelsk. Allt miðað við
hagsmuni Rússa. Árið 1941 lentu
Rússar í stríði við Þjóðverja. Þá
var ekki talað um fisksölu tik
Þjóðvei'ja, því að þá voru þeir
orðnir að „djöflum í manns-
mynd“. Síðla á stríðsárunum
vildu kommúnistar láta m. a. fela
Rússum að vernda hlutleysi okk-
ar, líklega á sama hátt og þeir
vernduðu hlutleysi baltnesku
landanna, en undir stríðslokin
brugðu þeir sér út af hlutleysis-
línunni og vildu láta slendinga
segja Þjóðverjum og Japönum
stríð á hendur, einungis til að
þóknast Rússum.
Dæmi af þessu tagi eru óþrjót-
andi, sem öll hníga að einu marki,
þrotlausri undirgefni undir vilja
Rússa. Það er liyggilegt að gera
ráð fýrir því, að kommúnistartaki
fagnandi móti rússneska birnin-
um ef honum skyldi, þóknast að
leggja hramm sinn á ísland.
ÍÞRÓTTIR
Akureyri, 13. marz.
Skautamót.
Undanfarið — og alloft í vetur
— hefir verið skautasvell hér inni
á Leirunni o. v. þar í nánd. Inn-
bæjarfólkið — það yngra — sést
þar oft á ferli, sækir þangað af
ekki minni vilja en í skólana okk-
ar — og hver láir því það?
Hinn kaldi, harði ís er'unaðs-
legur við snertingu skautajárns-
ins, þegar þotið er yfir eða sveifl-
ur teknar. Og byltur og bláar
kúlur, sem hann hefir e. t. v. veitt
meðan leiknin og dugnaður voru
af skornum skammti, gleymast þá
gjarna.
Skautamaðurinn, hraustur og
fimur nýtur lífsins í ríkum mæli
og á æslcilegan hátt. Um einn
slíkan sagði hagyrðingur hér áð-
ur:
„Áfram þaut og aldrei hnaut
umdu laut og klettár.
Að svífa á skautum sízt er þraut
um svellabrautir sléttar.“
Og haldist nú veður og skauta-
færi skal Akureyringum gefinn
kostur á þeirri nýstárlegu
skemmtun á sunnudaginn kemur,
að sjá ungt fólk leika listir og
keppa á skautum.
Skautafél. Akureyrar hefir
boðað til skautamóts þann dag.
Þar eiga að keppa bæði drengir
og vaxnir menn á ýmsum vega-
lengdum, keppt í íshockey og
réynt með listhlaupssýningu, ef
mögulegt er.
Allt byggist þetta auðvitað á
færi, veðri og þátttöku — eins og
á landsmótinu, sem átti að verða í
Rvík í vetur, en fórst fyrir. Hing-
að norður voinim við búin að
frétta, að fáir aðrir en Sigurjón
frá Álafossi, sá góðkunni
íþróttamaður, hefðu gefið sig
fram til þátttöku — en svo kom
hlákan og tók af skarið — og
svellið á Tjörninni.
Við skulum vona að betur gangi
með Skautamót Akureyrar á
sunnudaginn kemur.
Axel Wikström
hefir dvalið hér í bæ í 4 daga,
en fer svo héðan til Siglufjarðar
eftir morgundaginn. Sl. þriðjud.
lauk Wikström þjálfun hjá Þing-
eyingum með skíðaboðgöngu. —
Gekk þar hver og einn 10 km. og
tóku fjölmargar fjögra manna
sveitir úr Mývatnssveit og
Reykjadal þátt í þeirri göngu-
keppni. Fyrst varð sveit skíða-
kappans Jóns Kristjánssonar, og
'náði hann einnig langbeztum ein-
staklings-tíma. Wikström hrósar
Þingeyingum fyrir dugnað, en
telur þá þó hafa skort undirbún-
ingsþjálfun (gönguæfingar) fyrir
langar skíðagöngur.
Síðan Wikström kom hingað
hefir hann daglega verið með
hópa á skíðum, helzt pilta úr
skólum bæjarins, en því miður
alltof fáa. Eru sjálfsagt til þess
ýmsar orsakir, en letin sennilega
sú veigamesta. Veður hefir verið
gott, snjórinn mjúkur og hreinn,
kennarinn brennandi af áhuga og
glæsilegur fulltrúi hinna frægu
sænsku skíða-manna; virðist ein-
mitt slíkur, að hverjum ungum
OG ÖTILÍF
„dundui’smanni“ væri hollt að
kynnast honum. Verður sennilega
nánar frá þessum merka manni
sagt í næsta þætti. Jafnframt
gönguæfingunum hefir hann
kennt piltunum margt um með-
ferð skíðanna, áburð við ólíkar
aðstæður o. fl.
Bandaríkin — Norðurlönd.
Eins og áður hefir verið getið
hér keppa Norðurlöndin við
Bandaríki Norður-Ameríku í
sumar. Mót þetta er ákveðið á
Bislet í Ósló 20.—22. júlí. Keppt
verður í öllum helztu greinum
frjálsra íþrótta fyrir karla og auk
þess í tugþraut, Maraþonhlaupi
og 4x1500 m. boðhlaupi. Kepp-
endur skulu vera 3 í hverri grein
frá hvorum hinna tveggja aðila. í
Maraþonhlaupinu frá þó fleiri að
vera með — en utan keppni,
nema hinir fyrirfram ákveðnu 3
frá hvorum.
Tíu dögum fyrir mótið skulu
Norðurlandaþjóðirnar hver og
ein hafa skilað lista yfir nöfn
þeirra manna, sem þær telja lík-
legasta til keppninnar frá sér, en
einn maður, Svíinn Bo Ekelund,
á svo að ákveða hverjir 3 skulu
valdir í hverja grein.
Hópur íþróttamanna að vestan
— um 60 manns — kemur fljúg-
andi til Ósló að loknum sínum
meistaramótum. Eftir lands-
keppnina skiptist flokkurinn
nokkuð, og fara þá smærri hópar
þessara kappa víðs vegar um
Norðurlöndin til keppni í einar
3 vikur. — (Dagens Nyheter).
Við þurfum vístnð fara að flýta
okkur með íþróttavöllinn.nýja, ef
ske kynni, að hér svifaði að ein
hlaðin flugvél hvítra og svartra
íþróttagarpa, þegar líður á sum-
arið 1949. Og einhvers staðar
þurfa líka okkar menn að leika
listir, ef að vanda lætur!
Áfram með íþróttavöllinn!
Eftir kröfu Björns Hall-
dórsssonar hdl. verður jarð-
ýta, Caterpillar R 4, §em
stendur við Kaldbaksveg á
Oddéyrartanga, seld á opin-
beru uppboði, sem fer fram
þar á staðnum þriðjudaginn
29. marz n. k. kl. 2 síðdegis.
Greiðsla við hamarshögg.
U þpboðshaídarinn
a Akureyri,
11. marz 1949.
UtsæSi tii sölo
Hefi nokkrar tunnur af
völdu Gullauga-útsæði til
SÖlU:
Garðar Halldúrsson,
Rifkeisstöðum,
sími um Munkaþverá.