Dagur - 11.07.1956, Side 7
Miðvikudaginn H. júlí 1956
D A G U R
7
_ Opnun nýju sundlaugarinnar á Ákureyri
(Framhald af 1. síðu).
dýpt 90 cm. við annan endann, en
1,30 við hinn. Dýpst er laugin
1,65 m.
Stranglega verður bannað að
hrækja í vatnið, en hrákadallar
eru á bakkanum. Er þessi háttur
nýr hér á landi. Viðast eru hráka-
rennur við laugarnar.
Sérlega þægilegt er fyrir gamalt
fólk, svo og fatlað eða vanburða á
einhvern hátt, að nota hina nýju
inniiaug. Er mikilsvert að hugsað
var fyrir þessu við bygginguna.
Hið vandaða ekki of gott.
Segja má að þessi bygging öll sé
framúrskarandi vönduð og falleg.
Einhverjum mun þykja of mikið í
borið. Hér mun þó sannast, eins
og víða annars staðar, að hið
vandaðasta er ekki dýrast, þegar
til lengdar lætur. Væri líka vart
afsakanlegt fyrir forráðamenn
bæjarins og trúnaðarmenn þeirra,
ef hinn endurbætti sundstaður
Akureyringa væri ekki vandaður
að allri gerð, svo sem menn hafa
nú vit á að gera, án tildurs eða
óhófs, og það hefur verið gert.
Sundlaugin opnuð almenn-
ingi með viðhöfn.
Sundlaugin var opnuð með
nokkurri viðhöfn á laugardaginn,
eins og áður er fré sagt. Veður
var hið fegursta • og var margt
manna samankomið á sundlaugar-
svæðinu, en boðsgestir voru við
austurenda útilaugarinnar.
Hermann Stefánsson lýsti dag-
Skránni, bauð gesti velkomna. —
Meðal þeirra, og sem sérstakur
heiðursgestur, var Lárus Rist
sundfrömuður. Lúðrasveit Akur-
eyrar lék undir stjórn Jakobs
Tryggvasonar.
Jón G. Sólnes, formaður bygg-
inganefndar, afhenti bæjarstjórn
hið nýja mannvirki með ræou. —
Drap. hann í stuttu máli á helztu
atriði sundmála á Akureyri, allt
frá fyrsta torfgarðinum, sem hlað-
inn var á þessum sama stað og
gerður sundpollur og til þessa
dags, er merkum áfanga væri náð.
Hann gerði einnig að umtalsefni
hinn eldiega áhuga Lárusar Rist
og eftirmanns hans Ólafs Magnús-
sonar fyrir sundíþróttinni. Sagði
að gifta hefði fylgt starfi þeirra
beggja. Ennfremur gat hann um
merkan þátt ungmennafélaga, sem
af litlum efnum en miklum vilja
hefðu fórnað góðu málefni krafta
sina fyrir sundiþróttina, svo sem
leiðslan frá hinum volgu lindum í
Glerárgili bera með sér.
Hann gat þess einnig að sund-
laugin kostaði nú um 3 milljónir
króna og síðan afhenti hann bygg-
inguna bæjarstjórn og árnaði Ak-
ureyri heilla með þennan áfanga í
sundmálum bæjarins.
Þorsteinn M. Jónsson, forseti
bæjarstjórnar, þakkaði fyrir hönd
bæjarstjórnar með stuttri en
snjallri ræðu, og lagði út af orðum
Davíðs Stefánssonar frá Fagra-
skógi er hann lagði í munn Helgu
jarlsdóttur, konu Harðar Hólm-
verjakappa.
„Henti ég mér af háum kletti
í hafið — upp á líf og dauða. .. .“
o. s. frv.
Hún bjargaði lífi sona sinna,
sem frægt er.
Þorsteinn minnti á, að á Cullöld
íslendinga hefði sund verið mikið
iðkað og einnig af konum, og
sagði að enginn hefði verið talinn
dugandi karlmaður, sem ekki var
syndur. •
í ræðulok lýsti hann sundlaug-
ina opna almenningi til afnota.
Þá tók Þorsteinn Einarsson,
íþróttafulltrúi, til máls og skil-
greindi nokkuð hin nýju kapítula-
skipti í sögu sunds og baða á Ak-
ureyri, sem nú yrðu. Hann drap
einnig á þróunina frá fyrirhleðslu-
garði til sundhallar, er hann kvað
á ýmsan hátt eina hina fullkomn-
ustu á landi hér.
Hann sagði að verk þetta væri
vel unnið, svo að áberandi gætti
vandvirkni í hugsun og fram-
kvæmd. Hann þakkaði sérstaklega
hinum ágætu iðnaðarmönnum,
sem ávallt hefðu tekið með skiln-
ingi og velvilja öllum ábendingum,
en þó með hógværri gagnrýni. Þá
minntist hann Lárusar Rist og
Ólafs Magnússonar. Lárus hefði
verið upphafsmaður að byggingu
súndlaugarinnar og sundkennari í
15 ár, en Ólafi hefði tekizt að
starfa í anda fyrirrennara síns og
barizt með þrautseigju gegn for
og fúa um langt árabil.
þakkaði hann síðan. samstarfið og
árnaði sundíþróttinni góðs gengis
við hin ágætu skilyrði sem nú
væru fyrir hendi.
Þá flutti Lárus Rist hressilegt
erindi og fagnaði því af alhug að
vera viðstaddur svo hátíðlega og
lengi þráða athöfn. Hann sagði að
nú væru 50 ár síðan hann var að
reika hér um holtin í leit að sund-
stæði. Hann langaði til að hafa
not af sjónum, en þessi staður var
þó alltaf í bakgrunni hugmynda
hans um framtíðarsundstaðinn. Og
hann varð fyrir valinu. „Þá var
þetta í sveit, og kýr bauluðu, kind-
ur jörmuðu hér allt í kring og mó-
fuglar áttu sér griðland allt i
kring,“ sagði hann.
Lárus sagði frá fyrstu árunum
og gerði samanburð á verkum
frumherjanna og þeirra er nú
væru hér risin í varanlegu efni.
En áhuginn hefði verið mikill,
meðal æskurhanna fyrir 50 árum,
og hefði eflzt við skófluna og
sjálfboðavinnuna. Ekki hefðu nein
ir sundkóngar þá verið til og ekki
einu sinni fegurðardrottningar.
Það hefði því ekki verið sund-
kónganafnið er eldinn kveikti, en
að sjálfsögðu hefðu verið þá eins
og nú margar sólir við Eyjafjörð,
þótt ekki hefðu verið nefndar feg-
urðardrottningar og þær hefðu þá,
eins og fyrr og síðar, verið aflvaki
æskumannanna.
Að síðustu þakkaði hann boð
bæjarins til þessa fagnaðar og
lýsti því yfir, að hann mundi taka
þátt í sundsýningu, er haldin yrði
að ræðum loknum, og þá kjósa sér
að vera hópi þeirra yngstu, sem
óvallt hefðu verið sér hugþekkast-
ir og væru enn.
Hermann Stefánsson flutti því
næst ræðu og lýsti tilhögun hinnar
nýju sundlaugar og rekstursáætl-
un.
Hann gat þess og að nú væri
nokkurt próf lagtfyrir Akureyringa
hvað umgengnismenningu snerti.
Væri það hliðstætt þvi að þegar
girðingar voru fjarlægðar af opin-
berum svæðum og þau prýdd
blómskrauti. Þá hefðu margir
spáð illa, en hrakspárnar hefðu
allar orðið sér til minnskunar og
vonaðist hann til að enn mætti
treysta fólkinu til svo háttvísrar
umgengni, að verulega mætti
spara í daglegu eftirliti.
Að síðustu talaði Olafur Magn-
ússon sundkennari og hvatti til
sundiðkana og baða, og lýsti síðan
í fáum orðum sundsýningum er
hófust að ræðu hans lokinni og
hann stjórnaði.
Síðan fór fram sundsýning, og
tók hinn aldni sundgarpur, Lárus
Rist, þátt í henni, og voru engin
ellimörk á honum að sjá. Síðan
var kennslulaugin opnuð og bæj-
arbúum sýnd húsakynni öll.
Vert er að geta þeirrar ný-
breytni, sem hvergi mun annars
staðar þekkjast hér á landi við
sundstað, að sundgestur fær afnot
af læstri skúffu í afgreiðslu laug-
arinnar, þar sem hann getur geymt
peninga, úr eða annað verðmæti,
er hann kann að óska.
Fjórir merkir áfangar.
Segja má að með opnun sund-
laugardainn á Akureyri sé fjórða
áfanga náð. Sá fyrsti var fyrir-
hleðslan í gilinu, þar sem sundið
var fyrst kennt, annar áfanginn
var leiðsla volgs uppsprettuvatns
úr Glerárgili, þriðji áfanginn var
steypta útilaugin og sá fjórði hin-
ar nýju framkvæmdir, sem vissu-
lega eru mestar og glæsilegastar.
Þótt orkað geti tvímælis hver
þessara fjögurra áfanga sé merk-
astur, mun óhætt að fullyrða, að
nú séu Akureyringum búin góð
sundskilyrði, svo góð, að vænta
má skjótra og mikilla framfara í
íþrótt íþróttanna á næstu árum.
Hermann Stefánsson verður
framkvæmdastjóri sundlaugarinn-
ar fyrst um sinn.
Margir lögðu hönd að verki.
T eikningar Byggingarteikning
gerð á skrifstofu húsameistara rík-
isins af Bárði ísleifssyni. Teikn-
ing af miðstöð, hreinsunartækjum,
skólplögn og loftræstingarkerfi
gerð hjá Hamar h.f., af Geir
Zoega verkfr. Raflagnateikn-
ing eftir Ólaf Gíslason raffræðing.
Teikningu af búningsklefum og af-
greiðslu gerð af Gunnari Theó-
dórssyni og Bárði ísleifssyni. —
Járnlögn teiknuð á skrifstofu bæj-
arverkfræðings Akureyrar.
Framkvæmdastjórn. Bæjarráð
fór með yfirstjórn til sumarsins
1954, en þá var sérstök bygginga-
nefnd kosin. í nefndinni eiga sæti
þessir menn: Jón Sólnes, banka-
fulltrúi, formaður, Guðmundur
Guðlaugsson, forstjóri, Hermann
Stefánsson, íþróttakennari. —
Frambkvæmdastjóri frá upphafi
Kvennadeild Slysavamafélags
Akureyrar hefur bori^t 500 kr.’
áheit frá N. N. og 50 kr. áheit frá
N. N. — Beztu þakkir. Sesselja
Eldjárn.
Strandarkirkju. M. S. kr. 200. —
N. N. kr. 50. — H. Á- kr. 30. —
Þ. S. kr. 40. — G J kr. 10. —
Ónefndur kr. 25. — Gamalt áheit,
Á. Ó. kr. 25. — Sigr. Kristinsd. kr.
100. — G. P. kr. 100. — K. P. kr.
100. — Eyfirzk kona 100. — M.
H. kr. 100. — N. N. kr. 100. —
Ónafngr. kr. 10. — C. R. kr. 20.
—- G. J. kr. 100. — S. A., E. A., K.
A. kr. 150. — G. G. kr. 50. — N.
N. kr. 50. — Á, Svarfaðardal, kr.
200. — G. F. kr. 10.
Eldur í lyngmóum, mosa og
kjarrlendi, deyðir dýr, og
veldur eyðingu gróðurs. —
Förum varlega með eld á
víðavangi í þurrkatíð. —
Minnumst brunans á
Hvammsheiði. — Dýra-
verndunarfélag Islands.
hefur verið bæjarverkfræðingur
Akureyrar, Ásgeir Markússon.
Aðalumsjón á vinnustað hefur
Bjarni Rósantsson haft á hendi frá
byrjun.
Hr. íþróttafulltrúi, Þorsteinn
Einarsson, hefur haft umsjón með
byggingu af hálfu íþróttasjóðs og
veitt margháttaðar leiðbeiningar
um fyrirkomulag og frágang ásamt
mikilli aðstoð við útvegun efnis til
byggingarinnar.
Af hálfu bygginganefndar hefur
Hermann Stefánsson fylgzt með
byggingaframkvæmdum og að-
stoðað við efnisútvegun.
Byggingameistarar: Bjarni Rós-
antsson, múrarameistari, og Oddur
Kristjánsson, trésmíðameistari.
Einstök verk framkvæmd af
eftirtöldum aðilum: Hreinsunar-
tæki smíðuð af Hamri h.f. og Atla
h.f. — Hitunartæki og lampar frá
Rafha h.f. — Loftræstingartæki
frá Hamri h.f. og Marz h.f. —
Búningsklefar smíðaðir af Val-
björk h.f. — Innréttingu í af-
greiðslu og veggþiljur í forstofu
smíðað af Eini h.f. — Útihurðir
smíðaðar á Skipasmíðastöð KEA.
— Handrið frá Vélsmiðju Stein-
dórs h.f.
Hreinsunartæki, miðstöð og
hreinlætistæki sett upp af mið-
stöðvardeild KEA. Hreinsunar-
tæki undir stjórn Ólafs Magnús-
sonar rörlagningameistara og mið-
stöð og hreinlætistæki undir
stjórn Lárusar Haraldssonar rör-
lagningameistara.
Raflögn ÖIl unnin af Hrólfi
Sturlaugssyni raflagningameistara.
Málningu hefur Jón A. Jónsson
málningameistari annast um.
Flísalögn framkvæmd að mestu
leyti af múrarameisturunum Jak-
obi Snorrasyni og Jakobi Bene-
diktssyni.
Múrhúðun hefur Bjarni Rós-
antsson að mestu annazt.
Trésmiður, sem mest hefur unn-
ið við byggingu er Hermann Ingi-
mundarson.
Verkamenn, er lengst hafa starf-
að við byggingu, eru þeir: Torfi
Vilhjálmsson, Benedikts Valde-
marsson og Jón Þorvaldsson.
Sjötugsafmæli. Frú Laufey Jóns-
dóttir, Spítalaveg 17, Akureyri,
varð sjöfug 30. júní f. m. — Húp
flutti til Akureyrar 1907 og giftist
Jóni Kristjánssyni, nú starfsmanni
hjá KEA, 10 árum síðar. Eiga þau
hjónin 8 uppkomin börn og 20
barnabörn. — Eru afkomendurnir
hinir mannvænlegustu.
Kvartað um kirkjuklukkuna. —
Fólk hefur kvartað um að klukkan
í kirkjuturninum sýndi ekki alltaf
réttan tíma, nú að undanförnu, og
væri mikill bagi að. Er þessu hér
með komið á framfæri til þeirra
aðila, sem um eiga að sjá.
Látum brunann á Hvamms-
heiði verða til varnaðar því
að ógætileg meðferð elds
orsaki íkveikjur á
víðavangi í þurrkatíð. —
Slíkir eldar eyða gróðri og
deyða dýr. — Dýraverndun-
arfélag íslands.
Þeir sem ætla að taka á móti
dönsku KFUM-drengjunum, mæti
í Zíon hálfri annarri stundu eftir
komu flugvélarinnar, er væntanleg
er um hádegi á mánudaginn. —
Aðgöngumiðasala er í Bókabúð
Rikku.
Ekkjan, Einarsstöðum. Aheit kr.
50. frá H. K.
B jörgunarskútusjóður Norðurí.
M. A. kr. 50.00.
Fimmtug. Jóhannes Óli Sæ-
mundsson námsstjóri varð fimmt-
ugur x gær. — I dag eiga fimmtugs
afmæli frú Sigríður Ólafsdóttir,
Brekku, Glerárþorpi, og frú Hildur
Pálsdóttir, Brautarholti, Glerár-
þorpi.
Kristniboðshúsið Zíon. — Sam-
koma i kvöld (miðvikudag) kl.
8.30. Bjarni Eyjólfsson segir nýj-
ustu fréttir frá kristniboðinu í
Konsó og hefur hugleiðingu. —
Allir eru hjartanlega velkomnir.
Áttræð. Marzelina Jónasdóttir á
Rifkelsstöðum í Eyjafirði varð
áttræð 9. júlí sl.
Kirkjan. Messað í Akureyrar-
kirkju kl. 10.30 f. h. á sunnudag-
inn kemur. Séra Valdimar J. Ey-
lands forseti hins ev. lút. kirkju-
félags Islendinga í Vesturheimi
predikar. — K. R.
Messað í Lögmannshlíðarkirkju
kl. 2 e. h. á sunnudaginn kemur.
Séra Valdimar J. Eylands forseti
hins ev. lút. kirkjuféalgs íslend-
inga í Vesturheimi preeikar. P. S.
Messað í Glæsibæ sunnud. 15.
júlí kl. 2 e. h.
Passið kettina. Nú eru margir
þrestir búnir að unga út. — Blaðið
vill beina þeim tilmælum til hátt-
virtra kattaeigenda, að þeir hafi
auga með skepnum sínum og láti
þær ekki éta ungana jafnóðum. —
Ætli væri ekki gott að moka fisk-
meti í kisu og hafa hana pakk-
sadda fyrst um sinn?
Dömupeysur
með stuttum ermum,
rnargar gerðir og litir
Dömugolftreyjur
í mjög fjölbr. úrvali,
verð frá kr. 162.00
Verzluniit DRÍFA
Sími 1521.