Dagur - 01.12.1981, Qupperneq 11

Bestu
þakkir
„Söngurinn göfgar, hann lyftir i
ljóma lýðanna kvíðandi þraut.“
Ég fann þetta svo vel í dag, er ég
hlustaði á söng Samkórs Árskógs-
strandar. Aldrei hafði ég heyrt tal-
að um söng í þeirri byggð! En
„ströndin“ og „sveitin“, lands-
byggðin, býr yfir svo miklu og
mörgu, að heyra og sjá, sem við
„malarbúar“ njótum of lítils af. Oft
er það okkar eígin sök — við leitum
oft langt yfir skammt, eftir fegurð
og gleði.
Á síðustu „sumarvöku“ flutti út-
varpið okkar þennan söngþátt. Ég
var þá viðbundinn á „Hótel Jörð“ á
Ak. en lét taka upp sönginn. Og i
morgun gafst mér færi að hlusta.
Ég lagðist upp í bekk og naut
stundarinnar, hvarf „fram í heið-
anna ró“, sá lyngið og fjalldrapann,
lífi þrunginn vorgróður! „Á vængj-
um ljóðs og lags lyftist hugur minn
— nálgaðist bernskunnar hamingju
og frið. — En störfin kalla mig út í
kaldan júnídaginn, þótt frá „spól-
unni“ kveði við: Fram úr stelpa,
flýttu þér, — farðu strax að raka.
„Nú er hvergi farið að raka, þótt
áliðið sumars sé, varla farið að
smyrja sláttuvélina, og „kalt verður
áfram“ orðinn „fastur þáttur“ frá
veðurstofunni! Gamla fólkið er
farið að nefna „hundadaga“, „höf-
uðdag“ sem mögulega, að hlakka
til á þessu harðæri! — Þá er gott að
heyra ykkur, kæru Árskógsstrend-
ingar fullyrða, hlýtt og sannfær-
andi: „aldrei neinu kvíða skal“ —
„aftur kemur vor í dal,“ — og
sumar! Og það kom, líka nú. Seint í
júlí höfðum við hásumar nokkra
daga sem á „sólarströndu" væri —
með 18-25 stiga hita. Stutt en samt
— dýrðartími.
— En svo kom haustið —
snemma, og strax með snjódyngju
við dyr okkar og á grænum grein-
um voldugra trjánna á lóðinni. Eins
og bóndi í svalviðrasveit á ég kart-
öflur í mold undir hnédjúpri fönn!
Þá lagðist ég á ný upp í bekk og
fékk nýja plötu á „fóninn“. —„Hin
ljúfa sönglist leiðir — á lífið fagran
blæ.“ Sannarlega dásamleg reynsla
á ný. Hvíld við vögguljóð, vor um
grænar grundir og svanasöngur yf-
ir! — Myndi það ekki met þegar
hjón ein norður á Akureyri, með
fjórum af börnum sínum, koma á
framfæri slíkri söngplötu?
Fjölskyldufaðirinn, Jóhann
Konráðsson, alþjóð vel kunnur
söngvari, á þarna, eðlilega, mestan
þátt í söngskrá, en með sanni má
víst segja, að þarna sé „valinn
maður í hverju rúmi,“ þótt mis-
langt hafi náð á frægðarvegi. En
einkunn allra raddanna virðist mér
hlýja, samúð, innileiki, en það eru
einkenni góðs söngs, og einmitt það,
sem mannkyn allt má síst án vera,
nú og œtíð. Ég gleymi fönn og
földum kartöflum og þakka, hljóð-
ur en innilega, þeim sem gefa
þessum tveim hópum, og svo Guði,
sem gaf okkur slikt land, sem með
yndi og stórfengleik fæddi og ól
þjóð með tign og fegurð í tungu,
ljóði og lagi og — unaðslegum söng.
Syngið, syngið fleiri og meira, á
strönd, í dal og í bæ og borg.
8. nóv. ’81,
J.J. „Brekknakoti“.
Ómar sýnir
í Rauða húsinu
Næst komandi laugardag, þ. 5.
desember, opnar Ómar Stefánsson
sýningu á verkum sínum í Rauða
húsinu á Akureyri.
Ómar útskrifaðist úr Myndlista-
og handíðaskóla Islands s.l. vor.
Sýning Ómars í Rauða húsinu
byggist aðallega á Polaroidmynd-
um, sem hann hefur tilreitt á ný-
stárlegan hátt. Sýningin mun
standa til sunnudagsins 13. des., og
er opin daglega frá kl. 16-20.
Framleiðslustjóri
Iðnaðardeild Sambandsins, Akureyri, óskar eftir að
ráða framleiðslustjóra í fataiðnaði. Æskilegt er að
umsækjandi sé tækni- eða viðskiptafræðingur og/
eða hafi reynslu íframleiðslustjórnun.
Umsóknir með upplýsingum um menntun og fyrri
störf þarf að póstleggja til starfsmannastjóra Iðn-
aðardeildar Sambandsins, Glerárgötu 28, 600 Ak-
ureyri, fyrir 5. des. n.k.
Bráðabirgðatölur um slátrun
hjá afurðasölufélögum í Sam-
bandinu liggja nú fyrir. Sam-
kvæmt þeim var slátrað um 649
þúsund dilkum, sem er um 40
þúsund fleira en í fyrra og er
fjöldaaukningin 6,6%.
Kjötmagnið var um 8.980 tonn,
sem er 26 þúsund tonnum minna
en í fyrra eða 0,3%. Aftur á móti
hefur mun fleiru fullorðnu fé verið
slátrað í ár en í fyrra, eða nær 66
þúsund kindum. Er það 24 þúsund
fleira en í fyrra og nemur aukning-
in 56,7%. Kjötmagnið af fullorðnu
var um 1.405 tonn, sem er 452
tonnum meira en í síðustu sláturtíð
og aukningin 47,5%. Það er því
greinilegt að jafnt dilkaT sem full-
orðið fé hafa verið áberandi léttari í
haust en árið á undan.
Námskeið á vegum
Samvinnuskólans
Undanfarið hefur Samvinnuskól-
inn í Bifröst haldið nokkur nám-
skeið fyrir afgreiðslufólk í verslun-
um kaupfélaganna. Þessi námskeið
eru að því leyti nýmæli að með
þeim er verið að uppfylla atriði í
kjarasamningum, sem gerðir voru í
fyrrahaust, en þar er kveðið á um
að afgreiðslufólk skuli eiga kost á
að sækja námskeið á vegum
vinnuveitanda síns og fá launa-
hækkun að loknu námskeiði'nu.
I október hafa verið haldin þrjú
slík námskeið hér á Norðurlandi,
tvö á Akureyri og eitt á Sauðár-
króki. Þá er áformað að skólinn
verði með námskeið á Höfn í
Hornafirði og á Húsavík nú í
nóvember.
Meðfylgjandi myndir eru af
námskeiðinu á Sauðárkróki og
seinna námskeiðinu á Akureyri.
Leiðbeinendur á þessum nám-
skeiðum eru kennarar Samvinnu-
skólans, þau Jóhanna Margrét
Guðjónsdóttir, Sigurður Sigfússon
og Þórir Páll Guðjónsson.
Sími okkar er 25300
xséra Jón
stucfningsmenn
Slátrun í haust:
FÉ ÁBERANDI
LÉTTARA EN
IFYRRA
Sölulaun af búvöru í smásölu
verði ákveðin af Verðlagsráði
— Segir íályktun Kaupfélagsstjórafundarins
Árlegur kuapfélagsstjórafund-
ur, hinn 41. i röðinni, var hald-
inn í Holtagörðum 20. og 21.
nóv. Að vanda sátu fundinn
nær allir kaupfélagsstjórar
landsins, stjórnarmenn, fram-
kvæmdastjórar og ýmsir
starfsmenn Sambandsins, og
framkvæmdastjórar sam-
starfsfyrirtækja.
Erlendur Einarsson forstjóri
gaf að vanda yfirgripsmikla
skýrslu um rekstur og starfsemi
Sambandsins fyrstu níu mánuði
ársins. I máli hans kom m.a. fram
að heildarvelta allra deilda þenn-
an tíma er rúmlega 1,6 milljarður
króna og hefur aukist um nálægt
47,5% frá sama tímabili í fyrra.
Mest varð aukningin hjá Skipa-
deild, 62,7%, og Sjávarafurða-
deild, 60,8%, en minnst hjá Bú-
vörudeild, 27,5%. Samkvæmt
bráðabirgðauppgjöri var hagn-
aður af starfsemi 282 þús. kr. en
þá er ólokið lokafærslum. Er
þetta talsvert lakari afkoma en
síðasta ár, sem ekki síst stafar af
hinni slæmu afkomu Iðnaðar-
deildar, en hallinn á henni þetta
tímabil er rúmar 15 millj. kr. — I
máli forstjóra kom það einnig
fram að margt benti til þess að
samkeppnisstaða okkar á erlend-
um mörkuðum væri að veikjast,
m.a. á Bandaríkjamarkaði. Hann
vék líka að nýgerðum kjara-
samningum aðila vinnumarkað-
arins, og kvað vonandi að þeir
væru merki um stefnubreytingu í
gerð slíkra samninga.
Steingrímur Hermannsson sjá-
varútvegsráðherra ávarpaði
fundinn og ræddi einkum efna-
hagsmál og baráttuna við verð-
bólguna. Hann kvað verðbólguna
í ár verða um 40%, sem væri tals-
verður árangur því að hún hefði
stefnt í 70-80% s.l. haust. Hins
vegar kvaðst hann sannfærður
um að fiskverðshækkunin, sem
nú er framundan, yrði ekki undir
13-14%, sem væri hækkun sem
atvinnuvegimir gætu augljóslega
ekki tekið á sig án aðstoðar. Ljóst
væri að á næsta ári færi verðbólga
yfir 50% ef ekkert yrði að gert, og
yrði slíkt að teljast algjört skip-
brot, svo að áfram væri nauðsyn-
legt að beita varnaraðgerðum.
A? öðru, sem fram kom á
fundinum, má nefna erindi sem
Geir Magnússon frkvstj. Fjár-
máladeildar flutti og fjallaði um
útlán og vexti. Hann rakti þróun
vaxtamála mjög ýtarlega, og í
máli hans kom fram að almennir
útlánsvextir mega nú teljast 40%,
og taldi hann rétt fyrir
kaupfélögin að reikna þá vexti af
útlánum. Hann gagnrýndi einnig
lán á dagvöruúttekt til al-
mennings, sem hann kvað eiga að
leggja niður hjá kaupfélögunum.
Þá skýrði Haukur Ingibergsson
frá störfum nefndar sem vinnur
að því að skipuleggja hátíðahöld
á næsta ári í tilefni af 100 ára af-
mæli Kf. Þingeyinga og 80 ára
afmæli Sambandsins. Hann
skýrði m.a. frá því að afmælanna
yrði minnst sérstaklega á afmæl-
isdaginn 20. febrúar, bæði á
Húsavík og í Reykjavik. Þá er
ákveðið að aðalfundur Sam-
bandsins verði á Húsavík 18. og
19. júní, og hinn 20. júní verður
haldin hátíðasamkoma að Laug-
um.
Sömuleiðis hafði Erlendur
Einarsson forstjóri framsögu um
efnið viðskiptasamstaða í sam-
vinnuhreyfingnni. Af því tilefni
urðu miklar umræður um við-
skiptatryggð og samstöðu á milli
fyrirtækja innan samvinnuhreyf-
ingarinnar, þar sem mörg gagnleg
sjónarmið komu fram. Meðal
annars var þar varpað fram þeirri
hugmynd hvort hægt væri að
koma fastri skipulagningu á upp-
lýsingamiðlun um kaup á vörum
og þjónustu sem samvinufyrir-
tæki gerðu utan hreyfingar.
Þá var mikið rætt um alvarleg-
ar horfur í smásöluverslun, sem
ekki síst stafa af of lágum
sölulaunum fyrir búvörur,'og af
því tilefni gerð svohljóðandi
samþykkt:
„Kaupfélagsstjórafundur.
haldinn að Holtagörðum í
Reykjavík 20. og 21. nóvember
1981, samþykkir að fara þess á
leit við viðskipta- og landbúnaðar-
ráðherra að þeir beiti sér fyrir því
innan ríkisstjórnarinnar að
ákvörðun um sölulaun á búvöru í
smásölu verði í framtíðinni
ákveðin af Verðlagsráði.”

1. desember 1981 - DAGUR -11