Dagur - 29.01.1982, Síða 12

Akureyri, föstudagur 29. janúar 1982

JJr
firá árlnu 1945
Þá grípum við niður í gömlum
blöðum af Degi, nánar tiltek-
ið frá árinu 1945. Fyrsta blað
ársins kom út þann 5. janúar
og á forsíðunni var frétt um
„Stórkostlegt verðlagsbrot
heildsala“ eins og sagði í
fyrirsögninni. Munu heildsal-
arnir í höfuðborginni hafa
stundað þá Ijótu iðju sumir
hverjir að hafa fyrst lagt á
vöruna erlendis og síðan tek-
ið hámarksálagningu heima.
„Málið vekur feikna athygli
um allt land“ sagði Dagur.
Það er bara svona!
Mér krossbrá þegar ég fletti
upp á blaðsíðu 2 í þessu ein-
taki af Degi, því þar stóð í
fyrirsögn: Fjárlögin fölsuð.
Það er nú varla nema von að
manni bregði við, er nokkuð
óeðlilcgt við það að heildsal-
ar reyni að klóra í bakkann
þegar höfundar fjárlaga falsa
þau?
Þegar barni er
kalt . . .
Á þessum tíma var þáttur í
Degi sem bar heitið „Móðir,
kona,meyja“ og var þar fjall-
að um ýmislegt tengt heimil-
ishaldi og fleira í þeim dúr.
Þar gat að líta eftirfarandi
ráðleggingu: „Ef barnið þitt
er fótkalt í rúminu skaltu
sauma litlar hosur við nátt-
fataskálmarnar. Þá munu
skálmarnar ekki brettast upp,
barninu verður hlýrra og það
mun sofa værar.“ Og ef máln-
ingarlykt var að ergja menn n
þessum tíma var einnig til
gott ráð við því: „Ef þú þarft
að ná málningarlykt úr her-
bergi, skaltu setja heytuggu
(handfylli) ofan í fötu með
vatni í og láta fötuna standa
inni um stund.“
Félagar góðir!
Þann 25. janúar 1945 var í
fyrsta skipti íþróttaþáttur í
Degi, og var Jónas Jónsson
frá Brekknakoti ráðinn til að
annast þennan þátt. Jónas
skrífaði opið bréf til lesenda í
fyrsta þáttinn, og lauk því
með þcssum orðum: „Félag-
ar góðir, í austri og vestri,
inni við fjöll og úti við sjó!
Mætumst hér framvegis,
spyrjandi, fræðandi, tiliögu-
góðir - og ætíð sem sannir
íþróttamenn. Heilir að
starfi!”
Blysför til skáidsins
Davíð Stefánsson frá
Fagraskógi varð fimmtugur
21. janúar þetta ár, og þús-
undir Akureyrínga fóru blys-
för að heimili hans. Var þetta
mjög tilkomumikil athöfn og
skáldið kom út á tröppur
hússins og mannfjöldinn
hyllti hann innilega. Ekki er
samt víst að allir sem gátu því
við komið, hafi tekið þátt í
blysförinni, því sagt var frá
því í Degi að kommúnistar í
Verkamannafélagi Akureyr-
arkaupstaðar væru í byltinga-
brölti miklu um þær mundir.
Sala á rúsínum
1. febrúar auglýsti Kaupfélag
Eyfirðinga eftirfarandi: „A
morgun (föstudag) hefst sala
á rúsínum til félagsmanna
gegn ávaxtamiða no. 2.
Skammturinn er 1 kg á
fél.númer.“
Kommarnir töpuðu
Deildarfundum í Kaupfélagi
Siglfirðinga lauk 5. júní, og
guldu kommúnistar mikið
afliroð eins og sagði í fyrír-
sögn á forsíðu 7. júní: Komm-
únistar bíða ósigur í Kaupfé-
lagi Siglfirðinga - og er síðan
skýrt frá því að þeir hafi að-
eins fengið 17 fulltrúa kjörna
en borgaraflokkarnir 47 -
óstjóm þeirra á félaginu
einsdæmi í sögu íslenskra
samvinnumála sagði enn-
fremur í undirfyrirsögn. Var í
greininni farið hörðum orð-
um um rekstur kommúnista í
kaupfélaginu. Og það er víst
best að fara að slá botninn í
þetta glugg í gömul blöð, því
víða virðist hafa gengið mikið
á. Fyrirsögn á forsíðu
6. september hljóðaði
þannig: „Vaxandi fjármál-
aspilling og siðleysi í opin-
beru lífi undir verndarvæng
ríkisstjórnarinnar.” Var
meðal annars skýrt frá því að
sendimenn ríkisins erlendis
hafi staðið í verslunarbraski
fyrir sjálfa sig á meðan þeir
áttu að starfa við viðskiptas-
amningum fyrir íslenska
ríkið.
Munið að ÞORRAMATUR er
afgreiddur alla daga, en betra er
að panta með 2-3ja tíma fyrirvara.
KAFFIHLAÐBORÐ íneðrisal, alla
dagafrákl. 14,30-16,30.
Munið að panta borð
tímanlega, því oft er fullbókað
með löngum fyrírvara,
sérstaklega laugardagskvöld.

JVHg langar í
landsliðið
6Í
eins og pabbi
— Rætt við 7 ára skíðagöngukappa á Olafsfíröi
Nafn Kristjáns Haukssonar
frá Ólafsfirði hefur sést í
íþróttafréttum í haust, enda
hefur hann tvívegis borið sig-
ur úr býtum á skíðagöngu-
mótum í heimabæ sínum. En
það skemmtilega er að Krist-
ján er aðeins 7 ára, og hann
hefur sigrað í þessum mótum
þótt hann hafi keppt í 9 ára
flokki. Við slógum á þráðinn
til Kristjáns.
„Ég man eiginlega ekki hve-
nær ég byrjaði að fara á göngu-
skíði, og það er erfitt að sejya
um hvenær ég keppti fyrst. Ég
æfi oftast með pabba og hann
hefur kennt mér allt sem ég kann
í þessu. Jú, mig langar til að
verða jafn góður og hann og
komast í landsliðið þegar ég
verð stór.“
- En hvernig stendur á þí að
þú sigrar í mótum þegar þú ert
að keppa við 9 ára stráka?
„Ég held að það sé vegna þess
að ég æfi meira en þeir.“
„Hann er efnilegur“
Kristján á ekki langt að sækja
það að vera snjall skíðagöngu-
maður, því faðir hans er enginn
annar en Haukur Sigurðsson,
margfaldur íslandsmeistari og
landsliðsmaður okkar í þessari
íþróttagrein. Haukur er af flest-
um talinn sterkastur skíða-
göngumaður okkar í dag, en við
spurðum hann um soninn.
„Ætli hann hafi eki verið
þriggja ára þegar hann byrjaði
að fara á skíði með mér. Ég held
að það sé óhætt að segja að hann
sé efnilegur, norskur þjálfari
sem var hér í fyrra sagði að hann
hefði ekki séð meira efni á þess-
um aldri.“
- Hvenær æfir strákurinn?
„Hann ræður því alveg
sjálfur. Oft kemur hann í skíða-
kennslu sem ég er með síðdegis
fyrir krakkana, en ef hann er
búinn að fara á skíði, t.d. þegar
ég kem heim úr vinnu, fer hann
bara aftur. Hann er ansi dugleg-
ur að standa í þessu.“
Það er varla vafamál að Krist-
ján Hauksson er geysilegt efni’í
skíðagöngumann. Við sendum
honum okkar bestu kveðjur og
vonum að hann eigi eftir að
vinna marga glæsta sigra í íþrótt-
inni um mörg ókomin ár.
Kristján Hauksson.
Ljósm. Jón Æ. Klemensson.
wmsyj-i

Þaö nýjasta
frá
POP húsinu
Buxur
Peysur
Blússur