Dagur - 02.03.1982, Blaðsíða 7

Þessi brosmilda kona heitir Aðalheiður. Hún er hér að sníða herrafrakka. 1 einum slíkum eru um 50 einingar.
E> TÖLUM
maður saumastofunnar í Svíþjóð
hefur látið þau orð falla að hægt
væri að selja mun meira af
mokkakápum, svo ekki sé talað
um gærukápurnar sem ætlunin er
að hefja framleiðslu á í ár. Þær
verða gerðar úr gráum gærum og
snúa hárin út, en á hinum hefð-
bundnu kápum snúa þau inn.
Fram til þessa hafa Svíar keypt
mikið af þessum gærum óunnum
og framleitt kápurnar í Svíþjóð.
- Skinnakaupmaður nokkur
sagði eitt sinn við mig að íslend-
ingar hefðu ekki gert sér grein
fyrir því hversu mikil verðmæti
væru fólgin í þessum skinnum,
þau væru nánast dýrmætari en
heita vatnið, sagði Einar, og Sig-
urður bætti við að það sæi hver
maður að með þessari framleiðslu
sem ætti sér stað í saumastofunni,
væri útflutningsverð margfaldað.
sumum einingunum.

Hanna hefur starfað hjá saumastofunni frá því hún var flutt til Akureyrar.
Ein kápa á rúmum
sex tímum
Til þess að mokkakápurnar
seljist þarf hönnunin að vera góð.
Það kom fram hjá Sigurði að í ár
væru framleiddar 14 mismunandi
kápur, en þær hannaði sænskur
maður. Sem dæmi um þá hagræð-
ingu sem hægt er að koma fyrir,
má geta þess að Svíinn gerði vas-
ana á öllum kápunum eins og
sömuleiðis er kraginn á þeim
sömu gerðar. Hins vegar eru káp-
urnar mjög mismunandi í útliti og
liggur það í því að aðrir hlutar
kápunnar eru mismunandi. Hver
starfsmaður á saumastofunni hef-
ur afmarkað verksvið og næst því
smám saman mikill hraði. í lofti
stofunnar er umfangsmikið
„færslukerfi" en það er renni-
braut sem flýtir fyrir og gerir það
að verkum að erfiði er nær horfið.
Að meðaltali tekur það sex og
hálfan tíma að sauma eina kápu.
Það er töluvert lengri tími en t.d.
hjá Finnum sem geta gert sam-
bærilega kápu á fjórum tímum.
Einar sagði að munurinn lægi ein-
vörðungu í þeirri reynslu sem
Finnar búa yfir, en bætti því við
að smám saman myndi starfsfólk-
ið á Skinnasaumastofunni ná svip-
uðum afköstum, enda væri t.d.
gert ráð fyrir bónus og einnig væri
ætlunin að leggja meiri rækt við
starfsþjálfun. - En við höfum líka
tekið nýtísku vélar í notkun og
síðast en ekki síst var húsnæðið
innréttað með þessa framleiðslu
í huga, sagði Einar.
Nú langaði útsendara Dags til
að vita hvort ekki væri von til þess
að verðið á mokkakápunum
lækkaði þegar framleiðslugetan
Einar Brídde (t.v.) og Sigurður Arnórsson.
yrði meiri. Sigurður sagði að
verðið myndi lækka eitthvað,
enda væri ætlunin að Skinnadeild-
in yrði samkeppnisfærari á er-
lendum mörkuðum, sem eru nú í
Svíþjóð eins og áður kom fram,
en töluvert er einnig selt í Noregi
og Danmörku. Mikilvægasti
markaðurinn utan Skandinavíu er
England. - Okkar framleiðsla
hefur líkað vel, enda bendir eftir-
spurnin til þess. Sem dæmi má
geta að samkvæmt áætlunum
munum við framleiða um 1300
gærupelsa á þessu ári og umboðs-
maður okkar í Svíþjóð sagði að
það væri bara dropi í hafið, sagði
Sigurður.
Vilja snúa við þróun-
inni
íslensku gærurnar hafa margt
fram yfir þær útlendu, en helst eru
það spánskar gærur sem eru sam-
keppnisfærar. Þær eru álíka léttar
og þær íslensku qg háraáferðin er
svipuð. Háralag á Skandinavisk-
um gærum er allt á annan veg og
þær eru mun þyngri. Þetta hafa
erlendir aðilar uppgvötað fyrir
iöngu og kaupa héðan lítt unnar
gærur, framleiða úr þeim lúx-
usvöru og keppa síðan við ís-
lenskar vörur. Þessari þróun vildu
þeir Sigurður og Einar snúa við og
sögðu að ef opinberir aðilar sýndu
umræddri iðngrein nægan áhuga
væri ekki ástæða til að óttast um
framtíðina.
2. mars 1982 - DAGUR - 7