Dagur - 21.05.1982, Page 6

Sumir þykjastsjá einfaldar
lausnir á flóknum málum
Góðir Akureyringar.
Sú bæjarstjórn sem nú er að ljúka
kjörtímabili sínu hefir af einlægni
ig einurð unnið að framfaramál-
um Akureyrar ekki síður en aðrar
bæjarstjórnir sem ég hef setið í
s.l. 20 ár.
Bæjarfulltrúar hafa lagt sig
fram um að finna góð úrræði til
lausnar aðsteðjandi vanda og á
málefnum sem varða heill okkar
Akureyringa til frambúðar.
Menn eru að sjálfsögðu ekki
alltaf sammála. En þeim mun
stærra sem málið er og talið
mikilsverðara, þeim mun meiri
líkur eru á samstöðu þegar á reyn-
ir.
Fyrir þetta erum við Akureyr-
ingar frægir um allt land og oft er
nefndur Akureyrarflokkur í
þessu sambandi. Því er það næsta
broslegt en um leið leiðinlegt þeg-
ar Gísli Jónsson og Jón Sólnes
munu vinna í fullri einingu að öll-
um meiriháttar málum í næstu
bæjarstjórn, þótt það þættu stór-
tíðindi um ailt land þegar
spurðist, að þessir tveir leiðtogar
sjálfstæðismanna á Akureyri,
fyrrverandi og núverandi ætluðu
að bjóða sig fram á sama lista,
1 jafn ólíkar skoðanir sem þeir hafa
á mörgum málum. En auðvitað
'skiptir samt máli hver kosinn er í
bæjarstjórn Akureyrar því sér-
hver-ærlegur maður á sér grund-
vallarhugsjón og gerir áætlun um
leiðir að stefndu marki. Við vilj-
um öll gera Akureyri að betri bæ,
en okkur gréinir sýnilega á um
leiðir. Sumir þykjast sjá einfaldar
lausnir á flóknum málum fyrir
kosningar.
í byrjun þessararkosningarbar-
áttu virtust t.d. sumir telja nægi-
legt að krossa við álver í þessum
kosningum og þá væru vandamál
næstu 4—8 ára leyst. Síðar var þó
notað orðið stóriðja sem gaf mun
meira svigrúm til íhugunar. Við
framsóknarmenn leggjum á það
áherslu að hagkvæm nýting inn-
lendrar orku eigi að fara fram á
Akureyri og á Eyjarfjarðarsvæð-
inu og vera iiður í allsherjar upp-
byggingu og sókn til enn auðugra
mannlífs. Og við getum verið
bjartsýn á að það takist ef vel er
að staðið og af heilindum og lögð
áhersla á góða samvinnu við
trausta granna. Samstarfsnefnd
um skipulag Eyjafjarðar og Iðn-
þróunarfélag Eyjafjarðarbyggða
geta verið vettvangur fyrir slíka
samvinnu.
Já, við getum verið bjartsýn á að
það takist, ekki síst fyrir það að á
þessu kjörtímabili tókst að sam-
eina Landsvirkjun og Laxárdals-
virkjun þrátt fyrir hatramma
andstöðu Sjálfstæðisflokksins og
sumra Alþýðuflokksmanna í
borgarstjórn Reykjavíkur. Nú
eru Akureyringar eigendur að
hluta Landsvirkjunar þótt form-
leg sameining fyrirtækjanna eigi
eftir að fara fram. Við verðum því
með í þessu mikla ævintýri sem
raforkuframleiðslan á eftir að
verða hér á landi. Laxárvirkjun-
arstjórn á miklar þakkir skildar
fyrir þau störf og bæjarstjórn stóð
sem einn maður að baki henni í
þessu máii. Forystu fyrir heima-
menn höfðu Valur Arnþórsson,
formaður Laxárvirkjunarstjórn-
ar, og Knútur Otterstedt, fram-
kvæmdarstjóri. Þetta er eitthvað
merkasta málið sem að hefir verið
unnið fyrir Akureyringa þetta
kjörtímabil, þótt hljótt hafi farið
eins og oftar þegar eining er góð
og ekki er rifist.
Já, við tölum um það sem koma
skal, en við framsóknarmenn höf-
um þó viljað benda á það sem
frumskyldu okkar að stuðla að
eflingu og styrkingu þess atvinnu-
Sigurður ÓIi Brynjólfsson
rekstrar sem fyrir er á staðnum. Á
sl. ári beindist athyglin að verk-
smiðjum SÍS og Niðursuðu K.
Jónssonar og Co. Pað fór svo sem
ekki hátt um lánafyrirgreiðslu
bæjarsjóðs og síðar Fram-
kvæmdasjóðs Akureyrar til þess-
ara fyrirtækja. Fyrirgreiðslan við
SIS verksmiðjurnar var raunar
meira táknræns eðlis um hug
bæjarstjórnar Akureyrar en bein
aðstoð. En ég geri ráð fyrir að 1
millj. króna lán til K. Jónssonar
hafi vegið þyngra og komið að
góðu gagni.
Aukning á hlutafé Drangs h.f.,
stofnfé til Iðnþróunarfélagsins og
stuðningur við uppbyggingu
framkvæmda á vegum félaga eru
allt liðir í sömu átt.
í gærkvöldi var haldinn aðal-
fundur Útgerðafélags Akureyr-
inga h.f. Það fyrirtæki, sem á sl.
ári greiddi nær 70 milj. kr. í laun,
er einn af hornsteinum atvinnulífs
þessa bæjar og er með skráð
hlutafélag upp á 26 milj. kr. Tog-
arar félagsins báru á síðasta ári
meiri og betri afla á land en sam-
bærileg skip. Frystihúsið er í sér-
stökum gæðaflokki. Nú er Sól-
bakur á sínum lokaspretti og
knýjandi nauðsyn er að fá gott
skip í hans stað. En lausn er skki í
sjónmáli við ríkjandi aðstæður.
Vilhelm Þorsteinsson orðaði
þetta svo í gærkvöldi.
„Það er . . . hart að útgerðar-
fyrirtæki eins og ÚA, sem hefur
einhverja bestu útkomu sambæri-
legra fyrirtækja í landinu skuli
ekki sjá nokkurn grundvöll til
rekstrar nýju skipi hvernig sem
reiknað er og reiknað."
Á þetta hafa framkvæmda-
stjórarnir bent aftur og aftur
undanfarið.
Hér þarf aðgerða við og sam-
eiginlega verðum við að finna
lausn. I þessu efni beinum við þó
augum til stjórnvalda, því þetta er
ekki aðeins mál okkar Akureyr-
inga, heldur allrar þjóðarinnar,
en um leið og þessi vandi ÚA.
leysist, leysast einnig mál ann-
arra. í gærkvöldi sagði Valgarður
Baldvinsson bæjarritari, eftir að
hann færði þakkir bæjarstjórnar
til starfsmanna félagsins bæði til
sjós og lands á liðnu ári, að það
væri áreiðanlega heitasta ósk allra
bæjarbúa, að þær aðstæður sköp-
uðust að Útgerðarfélagið og
Slippstöðin gerðu sín á milli
samning um smíði nýs og glæsi-
legs togara. Sú er ósk okkar allra
og hún þarf að rætast sem fyrst.
Útvarpserindi Sigfríðar Angantýsdóttur:
Frelsi til að taka mið
af aðstæðum hverju sinni
Góðir Akureyringar. Ég get ekki
sagt að ég sé fullkomlega ánægð
með allt það sem fram hefur farið
síðustu daga í þessari kosninga-
baráttu. Allflestir eru þó mál-
efnalegir, en ég hef orðið vör við
ókurteisi og nagg útí andstæðing-
ana síðustu daga. Hræðslan við
þetta aftraði mér frá að fara út í
pólitík fyrir tólf árum og hún hef-
ur ekki freistað mín síðan, þótt
örlögin höguðu því svo að ég er
hér nú. Ég hélt að kosningabar-
áttan myndi snúast um kynningu á
mönnum og málefnum, svo kjós-
endur ættu auðveldara með að
gera upp hug sinn. Mér finnst að
gamlar væringar, klofningur hjá
andstæðingum, megi gjarnan
Iiggja milli hluta. Maður einn
sagði við mig í morgun: „Þér rat-
aðist satt á munn í sjónvarpinu á
sunnudaginn er þú sagðir að fólki
leiddist sjálfsagt þetta stjórn-
málaþras.“ Ég spurði hann þá og
aðra viðstadda, hvort við ættum
ekki að hætta þessu þrasi, hætta
bara að kjósa, senda bæjarstjórn-
ina heim fá tölvum stjórnina í
hendur, því fjármagn væri hvort
sem er að mestu bundið í lögum
og líklega hægt að láta tölvu finna
út hvar þörfin er brýnust. Ekki
leyst mönnum á þessa hugmynd
og vitnuðu í fréttir fjölmiðla um
það hvernig afbrotamenn hag-
nýttu sér tölvur við iðju sína.Svo
virðist sem sú ein leið sé fær að
kjósa sér fulltrúa til bæjarstjórn-
ar. Því er ég hér við hljóðnemann
og þykist enn sjá tilgang með
þessu framboði.
Ég er framsóknarmanneskja
vegna þess að ég vil hafa frelsi til
þess að taka mið af aðstæðum í
hverju máli. Ég vil ekki láta
hengja á mig klafa einhverra
kennisetninga. Þetta er að vísu
erfitt og gerir meiri kröfur, þar
sem ekki er hægt að fletta uppí
formúlum eða erlendum kreddu-
bókum til að finna hvernig skuli
bregðast við málum.
Atvinnumálastefna Framsókn-
arflokksins hefur verið kynnt í
ræðu og riti. Næg atvinna er undir-
staða allra framfara. Undirstaða
framkvæmdastefnu Framsóknar-
flokksins. Leggja verður áherslu á
að mæta eðlilegri íbúafjölgun,
með því að hafa ávallt fyrir hendi
skipulögð svæði íbúða- og
atvinnuhúsnæðis og samræma
skipulag bæjarins þörfum bæjar-
búa hverju sinni. Fylgjast þarf
með þörfum fólks. Ég tel að auka
eigi möguleika á upplýsingamiðl-
un á milli bæjarbúa og bæjar-
Sigfríður Angantýsdóttir
stjórnar svo sem með viðtalstím-
um og fundum félagasamtaka og
eru hverfasamtök hugsanleg leið
til þess.
Ég átti þá.tt í að móta eitt for-
eldrafélag hér í bæ sem er eitt
elsta foreldrafélag á landsbyggð-
inni. Þetta foreldrafélag hefur
tekið á sig mynd hverfasamtaka í
ákveðnum málum með góðum ár-
angri og því er mér mætavel ljós
gangsemi slíkra samtaka. Bæjar-
búar eiga vissulega heimtingu á að
vita hvað fulltrúar þeirra í bæjar-
stjórn eru að gera. En það má
sjálfsagt einnig segja að hægt væri
að bera sig meira eftir þessari
vitneskju.
Ég áttaði mig á því fyrir nokkrum
mánuðum síðan hve mikið fé fer
úr sameiginlegum sjóðum til að
greiða niður kostnað við dvöl
barna á dagvistarstofnunum. Það
er sjálfsagt að beita þarna niður-
greiðslum og jafna aðstöðu fólks.
En hefur þú sem á mig hlustar gert
þér grein fyrir því að þessar niður-
greiðslur hafa hækkað um nær
helming frá því sem lög gera ráð
fyrir. Samkvæmt lögum skulu
niðurgreiðslur ieikskóla nema allt
að 40% en bærinn greiðir nú milli
60 og 70% af fyrrnefndum rekstr-
arkostnaði, en foreldrar 30 til
40%. Forstjórinn og kennarinn,
Ég vitnaði í orð Valgarðs, en ég
vil um leið þakka bæjarstjóra,
Helga Bergs, og öllum starfs-
mönnum bæjarins fyrir vel unnin
störf og góða samvinnu á kjör-
tímabilinu og ég veit að samvinn-
an verður góð á því næsta.
Góðir Akureyringar. Ég ætla
ekki að agnúast út í framboð
Kvennaframboðsins. Framboðs-
réttur er nánast jafn kosninga-
rétti. En sá sem metur störf og
stefnu Framsóknarflokksins hér í
bæ kýs hann væntanlega hvort
sem þar eru karlar eða konur. Við
hina, sem leggja áherslu á að
tryggja stöðu kvenna í íslenskri
þjóðmálabaráttu, vil ég segja
þetta: Á B-lista framsóknar-
manna skipa konur, fjölhæfar
konur, þriðja og fjórða sætið, en
samkvæmt almennt viðurkennd-
um líkum er staða Framsóknar-
flokksins slík, að hann ætti að fá
fjóra fulltrúa við næstu kosningar.
Úlfhildur Rögnvaldsdóttir er
skipar þriðja sætið og Sigfríður
Angantýsdóttir er skipar fjórða
sætið eru líklegar til að hasla sér
völl í stjórnmálum Akureyrar
næstu árin ef þær ná k j öri. Þær eru
a.m.k. líklegri til þess en fram-
bjóðandi kjörinn af kvennalista,
sem hefur það sem yfirlýsta stefnu
að fara ekki aftur fram með slíkan
kvennalista. Með kjöri Úlfhildar
og Sigfríðar vinnst þannig tvennt:
Konur tryggja sér stöðu og áhrif í
stjórnmálum og framkvæmdar-
stefnan fær góðan stuðning.
Markmið B-listans er: Sigfríður
Angantýsdóttir í bæjarstjórn.
tannlæknirinn og skrifstofustjór-
inn njóta þessarar fyrirgreiðslu
jafnt og einstæða móðirin og geta
líklega ekki fengið að greiða fullt
verð þótt þeir vildu. Veist þú að
nær 300 börn bíða eftir vist? Við
höfum skapað forréttindaaðstöðu
fyrir suma, meðan aðrir bíða eftir
plássi. Þetta er misrétti gagnvart
þeim. Þetta er misrétti gagnvart
þeim foreldrum, þeim mæðrum,
sem kjósa að vera heima og ala
upp sín börn. Þeirra starf er ekki
mikils metið og lítið fá þær annað
en ánægjuna fyrir sinn snúð. Við
framsóknarmenn viljum fara að
lögum og að foreldrar taki aukin
þátt í kostnaði við dagvistun
barna. Við viljum draga úr fyrr-
nefndu misrétti, við viljum fjölga
dagvistarrýmum og veita þeim
úrlausn er bíða.
Áheyrandi minn! Hér hef ég
víst fátt eitt nefnt af því sem ég
hafði hugsað mér að gera, tími
minn er senn á þrotum. Fram-
boðsræður byggjast oftast á upp-
talningu og útskýringu á því sem
gera skal á næsta kjörtímabili og
kynningu á stefnuskrám. Þetta
höfum við þegar gert á fundum og
í stefnuskrá okkar sem hefur ver-
ið borin inná hvert heimili. Ég
hvet þig til að kynna þér stefnu
okkar, hafa samband við okkur
og velja síðan þann kost sem ég
tel vænstan: Að greiða Framsókn-
arflokknum atkvæði í bæjar-
stjórnarkosningunum 22. maí nk.
6^ÐAGUR- 21. maí 1982