Dagur - 24.08.1982, Page 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
RITSTJÓRNARSlMAR: 24166 OG 24167
SÍMI AUGLÝSINGADEILDAR OG AFGREIÐSLU: 24222
RITSTJÓRI OG ÁBYRGÐARM.: HERMANN SVEINBJÖRNSSON
ÐLAÐAMENN: ÁSKELL ÞÓRISSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT H.F.
Nauðsynlegur millivegur
Þær aðgerðir sem nú hefur náðst samkomulag
um í ríkisstjórninni mótast af fjórum megin-
markmiðum. í fyrsta lagi að draga verulega úr
viðskiptahalla þannig að ú næstu tveimur
árum megi í áföngum ná hallalausum viðskipt-
um við önnur lönd. í öðru lagi að treysta undir-
stöður atvinnulífsins með aðgerðum til að
auka framleiðni og framleiðslugetu þjóðar-
búsins og tryggja þannig öllum landsmönnum
næga atvinnu. í þriðja lagi að verja lægstu laun
eins og unnt er fyrir þeim samdrætti sem orðið
hefur í þjóðartekjum og í fjórða lagi að veita
viðnám gegn verðbólgu.
Með þessum efnahagsráðstöfunum hefur
tekist að fara þann milliveg sem nauðsynlegt
var. Of harðar aðgerðir í leiftursóknarstíl
hefðu haft í för með sér samdrátt þegar til
lengri tíma er litið. Þessar aðgerðir miðast við
að gera nægilega mikið til að jafna viðskipta-
hallann, halda atvinnuvegunum gangandi og
draga úr óðaverðbólgunni, sem ella hefði að
líkindum riðið atvinnulífinu að fullu. Það er
ástæða til að vekja athygli á því að þjóðarbúið
hefur orðið fyrir meira áfalli nú heldur en nokk-
urt undanfarið ár. Þetta veit allur almenningur
og áróður stjórnarandstöðunnar um annað
breytir þar litlu um.
Því er hins vegar ekki að neita að framsókn-
armenn hefðu kosið að vinna með öðrum hætti
að efnahagsmálum og taka þau fastari tökum
frá byrjun, eins og raunar var stefnt að. Það
var afleitt að ekki skyldi nást samkomulag um
meiri aðgerðir um síðustu áramót. Ef svo hefði
verið væri vandinn ekki eins stór nú. Á hitt er
þó að líta, að allt fram á síðustu stundu hafa
verið að berast nýjar og enn ógnvænlegri upp-
lýsingar um stöðu þjóðarbúsins vegna óhag-
stæðrar þróunar viðskiptajafnaðar. Þessi nei-
kvæða þróun hefur m.a. leitt til mjög aukinnar
greiðslubyrði á erlendum lánum, sem nú er
talin yfir 20% af útflutningstekjum og hefði
stefnt í 30% ef ekkert hefði verið að gert til að
draga úr viðskiptahallanum.
Auðvitað er það alvarlegt mál og óskemmti-
legt að þurfa að hafa áhrif á kaupmátt launa
með því að skerða vísitölubætur á laun. Hins
vegar er rétt að hafa það vel í huga, að ef ekki
hefði verið brugðist við hefði kaupmáttur rýrn-
að enn meira, ef að líkum lætur. Óðaverðbólg-
an hefði séð til þess. Hún hefði einnig séð til
þess að veruleg hætta hefði orðið á atvinnu-
leysi og fólk getur velt því fyrir sér hver kaup-
máttur atvinnuleysisbóta hefði orðið.
Þegar þjóðfélagið verður fyrir slíkum áföll-
um sem hér hafa orðið verða allir að taka þátt í
að reisa efnahaginn við. Sjálfsagt hefði ýmis-
legt mátt betur fara í stjórn efnahagsmálanna
og einkum þó það að vinna hefði þurft mark-
vissar og með tíðari aðgerðum að niðurtaln-
ingunni. Allir sanngjarnir menn sjá hins vegar
að þjóðarbúið hefur orðið fyrir miklum utanað-
komandi áföllum. Miðað við það eru þessar
ráðstafanir viðunandi. Enginn skyldi þó ætla
að ekki þurfi að gera meira til að halda í horf-
inu.

4 - DAGUR - 24. ágúst 1982
Leikfélag Akureyrar:
Æfingar hafnar
á Atómstöðinni
Hluti leikaranna í Atómstöðinni eftir Halldór Laxness.
Æfingar eru nú hafnar á fyrsta
verkefni Leikfélags Akureyr-
ar á leikárinu, en það er
Atómstöðin eftir Halldór
Laxness í nýrri leikgerð Bríet-
ar Héðinsdóttur sem jafn-
framt verður leikstjóri. Leik-
mynd gerir Sigurjón Jóhanns-
son og í leikritinu koma fram
alls 19 leikarar. Með aðalhlut-
verkin fara Guðbjörg Thor-
oddsen sem leikur Uglu, Ar-
landshjónin eru leikin af
Sunnu Borg og Theódóri Júl-
íussyni og organistann leikur
Marinó Þorsteinsson.
„Næsta - verkefni verður
barnaleikrit, en því miður hefur
ekki verið tekin endanleg
ákvörðun um hvaða verk það
verður, en það verður frumsýn-
ing á nýju norsku barnaleikriti
eða nýju íslensku verki,“ sagði
Signý Pálsdóttir leikhússtjóri er
við ræddum við hana um verk-
efnin í vetur.
„Þriðja verkefni okkar er
skemmtileikur sem hefur verið
mjög vinsæll í Skandinavíu og
heitir „Bréfberinn frá Arles“.
Þetta verk er eftir Dana sem
heitir Ernst Bruun Olsen, og
gerist á síðustu æviárum Van
Gogh, listmálarans fræga. Van
Gogh og Gauguin listmálari
ganga þar um ljósum logum, en
aðalpersóna leikritsins er þó
bréfberinn sjálfur, hjálparhella
Van Gogh.
Lokaverkefni okkar í vetur
verður frumsýning á nýju ís-
lensku verki sem höfundur skrif-
ar sérstaklega fyrir Leikfélag
Akureyrar. Leikfélagið hefur
auglýst eftir tillögum að leikriti
sem yrði nokkurskonar byggða-
leikrit, væri úr sögu eða lífi
Norðlendinga. Við auglýstum í
vor og höfum fengið undirtektir,
en ekki nægilega miklar þannig
að við höfum framlengt skila-
frestinn til 15. september.
Ákveðið er að ráða menn á
þriggja mánaða laun til þess að
vinna þetta verkefni,“ sagði
Signý að lokum.
Bríet Héðinsdóttir leikstjóri ræðir við leikarana Guðbjörgu Thoroddsen og Marínó Þorsteinsson.