Dagur - 17.09.1982, Síða 3

Lítil verslun á horni Strand-
götu og Lundagötu á Akur-
eyri hefur án efa vakið athygli
vegfarenda sem þar hafa átt
leið um. Þar er hvorki glimm-
er né glanspappír í útstill-
ingargluggum heldur gamlar
saumavélar sem hafa stigið
ófá sporin um dagana, gömul
útvarpstæki eins og það sem
amma hafði á hillunni hjá sér,
og fleira í þeim dúr. Verslunin
heitir Bíla og húsmunaversl-
unin og sá sem þar ræður rikj-
um innandyra heitir Gunnar
Baldur Loftsson.
Gunnar er Skagfirðingur, og
eftir að hann hafði útskrifast
sem búfræðingur frá Hólaskóla
tók hann til við barnakennslu
sem farkennari í þrjú ár áður en
hann flutti til Akureyrar árið
1946. Þá hóf hann störf hjá
Kaupfélagi Eyfirðinga þar sem
hann starfaði til ársins 1962, en
þá réðist hann að opna verslun
sína og n.k. mánudag heldur
hann upp á 20 ára afmæli
hennar. En hvers vegna fór hann
út í það að setja á stofn verslun
með gömul húsgögn og fleira í
þeim dúr? Við litum inn hjá
honum, „tókum hús“ á honum
og tíkinni hans „Stássu" sem
heldur honum féiagsskap í versl-
uninni alla daga.
„Ég vissi að verslanir eins og
þessi höfðu blómstrað í Reykja-
Gunnar i verslun sinni ásamt tfldnni Stássu.
Fólk er fastheldnara
á þessa hluti . . .
vík og hvers vegna gat ekki alveg
eins verið markaður hér? Ég
taldi víst að svo væri og byrjaði
þess vegna. Það kom reyndar
fljótlega í ljós að grundvöllur
var fyrir verslun sem þessari,
verslun þar sem fólk getur kom-
ið og losað sig við húsgögn og
fleiri hluti sem það er hætt að
nota. Ég get ekki annað sagt en
að mér hafi verið vel tekið strax í
upphafi. Á þessum tíma var
framboð það mikið á svona hlut-
um að grundvöllur var fyrir því
að kaupa af fólkinu og selja síð-
an aftur, en því miður er ástand-
ið orðið þannig í dag að ekki er
hægt að reka þetta á annan hátt
en sem umboðssölu.“
- Hvað hefur breyst?
„Það er ýmislegt. Eitt er að
fólk er orðið mun kröfuharðara
en áður var. Hér áður fyrr kom
fólk hingað með hluti og það
voru ávallt til staðar viðskipta-
vinir sem vildu kaupa. Nú eru
kröfurnar sem fólk gerir orðnar
svo miklu meiri. Jafnvel fólk
sem er að hefja búskap lætur sér
ekki detta í hug að byrja búskap-
inn með notuðum húsgögnum.
Svo eru margir sem keyra
bara gömlu húsgögnunum á ösk-
uhaugana, það er ekkert verið
að hugsa um að koma þeim i
verð þótt hægt sé. Ég hef heyrt
sögur um að mjög góð húsgögn
hafi fundist á haugunum, en fólk
hendir þessu bara ef það langar
til að fá sér nýtt. Svona er hugs-
unarháttur margra íslendinga,
en t.d. í Svíþjóð, þar sem ég
þekki til, er mjög algengt að fólk
sem er að hefja búskap kaupi
sína fyrstu búslóð í verslun sem
hefur notaða hluti á boðstól-
um.“
- Er mikið um það að þú fáir
gamla merkilega hluti til sölu?
„Það var talsvert hér áður
fyrr. Hinsvegar virðist fólk nú-
orðið vera mun fastheldnara á
þessa hiuti. Þótt þeir séu ekki
hafðir uppivið og notaðir þá er
þeim ekki fargað eða komið í
sölu, heldur eru þeir settir upp á
háaloft eða niður í kjallara og
þar gleymast þeir.“
- En er eitthvað um að þú fáir
heilar búslóðir til sölu?
„Nei það er lítið, enda er
húsakosturinn ekki þannig að ég
gæti tekið við slíku. Ef um stóra
hluti er að ræða verð ég að láta
mér lynda að afþakka, en ég
bendi fólki hinsvegar á svona
hluti ef ég veit af þeim á lausu.“
- Hvernig gengur að lifa á
verslun sem þessari?
„Það er ekki neitt sældarlíf.
Ég þyrfti að vinna eitthvað ann-
að hálfan daginn ef vel ætti að
vera. Ég hef fyrir kostnaði en
það er varla hægt að skrimta af
þessu. En ætli ég láti mig ekki
hafa það að dútla eitthvað við
þetta áfram, ég reikna með því.“
Tvær regnhlífar stóðu saman í regn-
hlífagrind. Allt í einu var göngustaf
stungið niður í grindina hjá þeim. Þá
sagði önnur regnhlífin hneyksluð:
„Almáttugur-strípalingur...“
☆ ☆ ☆
Hvað er brúnt, þétt viðkomu, kúlulaga
og er með sólgleraugu?
Hrossatað í sumarfríi.
☆ ☆☆
Hvað er það sem er grænt og þýtur
upp og niður með ofsahraða?
Svar: Froskur í kokteilhristara!
☆ ☆☆
Hvað er það sem er gult, flýgur í loft-
inu og hefur fjóra vængi og tvö hjól?
Tveir kanarífuglar með reiðhjól á milli
sín.
☆ ☆ ☆
Hvað er það sem er gult og gyllt,
hangir á veggnum og segir trútt-trú-
trú?
Kanarífugl með trompet.
☆ ☆ ☆
Móðirin kom meö unga dóttur sína til
sálfræðingsins og útskýrði að stúlkan
héldi að hún væri hæna. Sálfræðing-
urinn róaði móðurina og sagði það
alls ekki óalgengt að börn þjáðust af
yfirgengilegu ímyndunarafli, hversu
lengi hefði stúlkan staðið í þessari
trú?“
„Nærri tvö ár,“ svaraði móðirin.
„Dóttir þín hefur ímyndað sér að hún
væri hæna í tvö ár? Hvers vegna hef-
urðu ekki komið með hana fyrr?“
Konan varð vandræðaleg, en játaöi
svo: „Við þurftum á eggjunum að
halda, læknir."
☆ ☆ ☆
Það er sannað að maður getur losnað
við vörtu með því að kasta ketti yfir
kirkjugarðsmúrinn, klukkan tólf á
miðnætti. Með því skilyrði náttúrlega,
að vartan hafi verið á kettinum.
Fjaran og innbærinn:
Aðalstræti 13
Lýsing:
Húsið er einlyft með porti og
háu risi og steinhlöðnum kjall-
ara. Á vesturhlið eru tveir mæn-
iskvistir og hefur þaki hússins
verið lyft á milli þeirra. Á aust-
urhlið er einn mæniskvistur og
þeim megin hefur húsþakinu
einnig verið lyft við hlið
kvistsins. Við vesturhlið hússins
eru tvennar dyr með steinsteypt-
um tröppum framan við. Á
norðurgafli er forstofuskúr,
einnig með tröppum. Við aust-
urhliðina eru tveir litlir skúrar
með tröppum við.
Veggir og þak eru bárujárns-
klædd og er þakjárnið nokkuð
ryðgað. Gluggar eru flestir með
krosspóstum og tvöfalt gler hef-
ur verið sett beint í karmana.
Fjórar íbúðir eru í húsinu,
tvær á hvorri hæð. íbúðirnar
tvær á rishæðinni eru báðar ný-
uppgerðar og eru mjög góðar.
íbúðirnar á neðri hæðinni eru
ekki jafn góðar þeim efri en þó í
góðu lagi.
Húsið er 16x7.5 m að grunn-
fleti eðau.þ.b. 120fmsemskipt-
ist þannig að grunnflötur syðri
hlutans er u.þ.b. 69 fm en þess
nyrðri 51 fm. Geymslukjallari er
undir húsinu öllu.
Saga:
Þórður Thorarensen, gullsmið-
ur, byggði hús á uppfyllingu
austan Aðalstrætis árið 1898.
Húsið var 15x12 álnir að grunn-
fleti, ein hæð og portbyggt ris
með miðjukvisti þvert í gegn.
Árið 1903 lengdi hann húsið um
IOV2 alin til norðurs með kvisti á
vesturhliðinni.
Þórður hafði áður búið fremst
í Gilinu en þar reisti hann sér
hús árið 1886 fyrir sunnan læk-
inn og vestan við hlöðu bæjar-
fógeta.
Á neðri hæðinni var gull-
smíðaverkstæði Þórðar og sölu-
búð en fbúð hans var á efri hæð.
Fljótlega eftir daga Þórðar
skiptist húsið í fjórar íbúðir.
Þaki hússins var lyft milli kvist-
anna á báðum hliðum. Dyr voru
settar á norðurstafn árið 1945 og
seinna ^erð þar forstofuút-
bygging.
Álit, athugasemdir:
Húsinu hefur ekki verið haldið
við að utan í samræmi við innra
viðhald þess. Það er ómálað og
þakjárn lélegt. Gluggar eru
farnir að láta á sjá af viðhalds-
leysi.
íbúðirnar eru að mestu góðar.
Skortur á samvinnu milli íbúða-
eigenda veldur miklu um slæmt
útlit hússins.
Aðalstræti 13.
17. september 1982 — DAGUR - 3