Dagur - 07.12.1982, Blaðsíða 1

DEMANTS-
HRINGARNIR
KOMNIR
GULLSMIÐIR
l SIGTRYGGUR & PÉTUR
AKUREYRI
65. árgangur
Akureyri, þriðjudagur 7. desember 1982
136. tölublað
Bæjarráð Akureyrar um niður-
fellingu aðstöðugjalds á iðnaði:
Tekjutap bætt
úr jöfnunarsjóði
„Bæjarstjórn Akureyrar er
kunnugt um að til athugunar er
hjá ríkisstjórn að lækka að-
stöðugjald á iðnað. Um leið og
öllum áformum um úrbætur á
rekstrarskilyrðum þessa at-
vinnuvegar er fagnað bendir
bæjarstjórn á sérstöðu Akureyr-
ar sem hefur hlutfallslega stóran
hlut tekna sinna af aðstöðu-
gjaldi iðnaðar og yrði því fyrir
tilfinnanlegu tekjutapi. Bæjar-
stjóm fer fram á að hugsan-
legt tekjutap verði bætt t.d. með
auknum framlögum úr jöfnun-
arsjóði“.
Þannig segir m.a. í ályktun til
ríkisstjórnarinnar varðandi iðn-
rekstur sem samþykkt var í
bæjarráði 2. desember s.l. aðtil-
hlutan atvinnumálanefndar Ak-
ureyrar. Aðstöðugjald er greitt
til bæjarfélagsins og telja margir
að unnt væri að bæta hag
iðnaðar án þess að láta það
koma niður á sveitarfélögum
s.s. með framlögum úr jöfnun-
arsjóði sveitarfélaga eins og lagt
er til í ályktuninni, eða þá með
niðurfellingu eða lækkun launa-
skatts, ..sem einnig hefur verið
nefnt, en hann greiðist sem
kunnugt er í ríkissjóð.
í ályktuninni segir svo í
upphafi: „Bæjarstjórn Akureyr-
ar telur eitt brýnasta hagsmuna-
mál íslensku þjóðarinnar að
rekstrarskilyrði iðnaðar verði
bætt. Slakaafkomumargraiðn-
fyrirtækja má að verulegu leyti
rekja til ófullnægjandi al-
mennra rekstrarskilyrða. Léleg
afkoma hefur valdið því að
æskilegur vöxtur hefir ekki
orðið í iðnaði. Skorað er á
Alþingi og ríkisstjórn að gera
hið fyrsta þær ráðstafanir sem
duga til að tryggja afkomu og
eðlilegan vöxt íslensks iðnaðar.
Að gefnu tilefni er varað sér-
staklega við öllum þeim milli-
færslum í hagkerfinu sem rýrt
geta afkomumöguleika útflutn-
ings- og samkeppnisiðnaðar".
Okeypis akstur
á aofangadag
Hjálparsveit skáta á Akureyri
hefur ákveðið að bjóða öldr-
uðu fólki á Akureyri ókeypis
akstur á aðfangadag eftir há-
degi. Skátarnair munu nota
bifreiðakost sveitarinnar en
það gefur þeim t.d. möguleika
á að aka fólki í hjólastólum og
sjúkrabörum ef því er að
skipta. Þeir hafa í hyggju að
vera með vakt fram eftir kvöldi
á aðfangadag svo fólki verður
líka ekið heim ef það kýs.
Ólafur Ásgeirsson, gjaldkeri
Hjálparsveitar skáta, sagði að
skátarnir hefðu frétt af svipaðri
þjónustu í Noregi og ákveðið að
taka hana upp hér á Akureyri.
Félagsmálastofnun Akureyrar
tekur á móti pöntunum fram að jól-
um en á aðfangadag getur fólk
hringt í síma sveitarinnar, sem er
24675. í þennan síma verður svar-
að eftir hádegi og fram eftir
kvöldi.
Ólafur sagði að starfsemi
Hjálparsveitar skáta væri lífleg, en
hún er einkum fjármögnuð með
sölu flugelda fyrir áramótin. Að
þessu sinni verða skátarnir með
fjóra sölustaði á Akureyri.
Best að fá úr
þessu
„Það er rétt, málið út af Ijós-
myndum Eðvarðs Sigurgeirs-
sonar verður dómtekið fljót-
lega. Hér er um að ræða mynd-
ir í bókinni „Skíðakappar fyrr
og nú“ og æviminningabók Jó-
hanns Ögmundssonar. Báðar
tengjast þessar bækur ævisögu-
ritun og við viljum túlka reglur
Ljósmyndarafélags íslands
þannig, að sé um slíka notkun
mynda að ræða þurfí greiðsla
ekki að koma fyrir,“ sagði
Svavar Ottesen hjá bókaútgáf-
unni Skjaldborg í viðtali við
Dag, en Eðvarð hefur farið í
mál við útgáfufyrirtækið og
munu dómkröfur vera eitthvað
yfír átta þúsund.
skorið
„Við buðum Eðvarði að greiða
fyrir notkun myndanna, jafnvel
þó flestar þeirra hafi komið til
okkar úr vörslu viðkomandi ein-
staklinga. Myndirnar voru
ómerktar og sumar urn 40 ára
gamiar. Hann vildi ekki una þeirri
greiðslu sem við buðum, sem var
um 70% af því sem hann fór fram
á.
Úr því sem komið er fer líklega
best á því að fá úr þessu skorið í
eitt skipti fyrir öll, ekki síst með
tilliti til notkunar mynda í bókum
okkar í framtíðinni. Skjaldborg
hefur ekki staðið í stríði við einn
eða neinn út af útgáfubókum sín-
um og við viljum helst komast hjá
því í framtíðinni," sagði Svavar
Ottesen að lokum.
Á sunnudaginn var almenningi boðið að koma og skoða nýju íþróttahöllina - eða réttara sagt þann hluta sem er tilbú
inn. Á vellinum var keppt í blaki og handbolta og ungar stúlkur sýndu fímleika. Sjá nánar á íþróttasíðu.
r Rafmagn og heitt vatn:
Overulegur mun-
ur á kostnaði
Hvað kostar að kynda húsið með
rafmagni, hitaveituvatni og
olíu? Lauslegir útreikningar
sýna að munurinn á milli upp-
hitunarkostnaðar með raf-
magni og hitaveituvatni er ekki
umtalsverður, en olíukynding
er töluvert dýrari. Það má færa
rök fyrir því að upphitun sé
hagkvæmust með heitu vatni,
m.a. vegna þess að kostnaður-
inn dreifíst jafnt yfír allt árið en
kemur ekki í „gusum“ eins og
þegar rafmagnið (og olían) er
annars vegar. Ástæðan er sú að
á Akureyri greiða menn svo-
kallað hemlagjald og fá í húsin
sama magn af heitu vatni allt
árið enda þótt notkunin sé
ákaflega misjöfn.
Þar sem Akureyringar fá heitt
vatn um magnhemil hefur afleið-
ingin orðið sú að notendur láta sér
nægja minni orku til hitunar en
þeir gerðu er olía var notuð.
M.ö.o. taka þeir á sig viss óþæg-
indi nokkra daga á ári þegar kalt
er í veðri. Þetta hefur gert það að
verkum að vatnsnotkun á Akur-
eyri er 70% til 80% af því sem
spáð var að yrði.
Ef miðað er við meðalstórt ein-
býlishús (650 rúmmetra stórt)
kemur í ljós að í það voru notaðir
8 þúsund lítrar af hráolíu á ári.
Miðað við verð á hráolíu í dag
kostar það magn um 50 þúsund
krónur - sem er m.ö.o. kynding-
arkostnaðurinn á ári. Um 2000
lítrar af olíu samsvara einum mín-
útulítra af heitu vatni. Ef eigandi
hússins hefði viljað hafa svipaðan
hita og kynda með heitu vatni
hefði sá hinn sami orðið að kaupa
4 mínútulítra, en þeir kosta um
22.500 kr. á ári sem er um 45% af
olíukostnaði. Það skal tekið fram
að í þessu dæmi er ekki tekið tillit
til oh'ustyrks en þrátt fyrir það er
dæmið hitaveitunni í hag. Það hús
sem miðað er við er til í rauninni
og til gamans má geta þess að eig-
andi þess kaupir 3,5 lítra, sem er
dæmigert fyrir húseigendur og
styður þá fullyrðingu sem sett var
fram í annarri málsgrein. Það er
ekki eins hlýtt í húsinu og þegar
kynt var með olíu.
Það er ekki fjarri lagi að hús af
þeirri stærð sem um er rætt keypti
48 þúsund kílóvattstundir á ári ef
kynt væri með rafmagni. Kíló-
vattstund frá Rafveitu Akureyrar
til húshitunar kostar 49 aura.
Kostnaður á ári er því röskar 23
þúsund krónur, en reiknimeistara
Dags sýndist munurinn á rafhitun
og hitun með heitu vatni vera 2%
- hitaveitunni í hag. Það ber líka
að hafa í huga að taxti Rafveit-
unnar virðist vera verulega niður-
greiddur. Til samanburðar kostar
rafmagn til dagnota 1.88 á kíló-
vattstund.