Dagur - 08.04.1983, Page 2

LESENDAHORNW
Óþarfa ýtni söfhunar-
mairna á veguiri SÁÁ
Akureyringur hringdi og vildi
koma á framfæri skoðun sinni á
söfnun SÁÁ (Samtaka áhuga-
manna um áfengisvandamálið).
Hann sagðist hafa fengið í
hendurnar gjafabréf eins og tug-
þúsundir annarra karlmanna á
landinu. Hugðist hann verða við
þeirri ósk samtakanna að senda
inn gjafabréf og greiða síðan af
bréfinu á gjalddögum. Síðan
sagði „Akureyringur":
„Það var svo eitt kvöldið að ég
fékk upphringingu frá félags-
skap á Akureyri og tilkynnti sá
er hringdi að hann væri að kanna
hvort ég ætlaði að gefa í þessa
söfnun eða ekki. Það skal tekið
fram að sá sem hringdi var ekki
dónalegur eða ókurteis í síman-
um en mér fannst hann vera
ýtinn.
Þetta varð til þess að ég ákvað
samstundis að greiða ekki af
bréfinu. Ástæðan er sú að ég
vildi taka ákvörðun um það
sjálfur að styðja þetta en ekki
með þrýstingi utanaðkomandi
aðila.“
„Akureyringur" sagði að fjöl-
skylda hans hefði styrkt SÁÁ í
happdrættismiðasölu þess á s.l.
ári. Hann sagðist einnig reikna
með að styðja samtökin í fram-
tíðinni en aðeins ef aðferðum
eins og þeim sem beitt er varð-
andi gjafabréfasöfnunina yrði
ekki beitt.
Oft glcymist það sem vel er gert
Rósa Aðalsteinsdóttir hringdi:
Ég keypti tvenn kuldastígvél í
skóbúð KEA í vetur, sem varla
er í frásögur færandi, en þessi
stígvél voru fyrir barn og
ungling.
Síðar komu fram gallar eða
bilanir í báðum pörum. Ég fór
því með þau í búðina þar sem ég
hafði keypt þau og afgreiðslu-
fólkið þar benti mér á að hafa
samband við Iðunn en þar voru
þessi stígvél framleidd.
Þangað hélt ég og varð út-
koman sú að fyrirtækið tók að
sér að gera stígvélin sem ný, mér
algjörlega að kostnaðarlausu.
Mig langar til að vekja athygli
á þessu því oft gleymist að geta
þess sem vel er gert. Framkoma
fólksins sem ég talaði við, bæði í
skóbúð KEA og eins hjá Iðunn
var alveg sérstaklega elskuleg og
þjónustan geysilega góð. Þessir
aðilar eiga heiður skilinn og mig
langar til að koma á framfæri
miklu þakklæti til þeirra.
Framfarir og uppbygg-
Ing á 1No rðu rlandi
1980—1983
eftir Ingvar Ciíslason, menntamálaráöherra
Stjórnartímabilið 1980 - 1983
hefur verið uppbyggingar og
framfaraskeið hvað varðar verk-
legar framkvæmdir í landinu
almennt, ekki síst í Norður-
landskjördæmi eystra. Þrátt
fyrir samstöðuleysi þjóðfélags-
aflanna um að vinna gegn verð-
bólguófreskjunni hefur ríkis-
stjórnin haldið uppi þróttmikilli
framfarastefnu á öðrum sviðum.
Yegamál
Ný stefna hefur verið mörkuð í
vegamálum. Langtímaáætlun
hefur verið samþykkt og ákveð-
ið að verja á næstu árum sem
svarar 2.4% af þjóðarfram-
leiðslu til vegamála. Áður var
þetta hlutfall í kring um 1.7%.
Árangur í vegamálum í Norður-
landskjördæmi eystra er mikill.
Sem dæmi má nefna endurbætur
á veginum milli Akureyrar og
Dalvíkur. Ný stór brú hefur ver-
ið gerð á Svarfaðardalsá og önn-
ur á Hálsá í Svarfarðardal. Eyja-
fjarðará hefur verið brúuð með
stórbrú hjá Hrafnagili og Lauga-
landi. Unnið er að Víkurskarðs-
vegi og hefur hann þegar verið
notaður sem vetrarvegur. Nýr
upphlaðinn vegur hefur verið
lagður yfir Melrakkasléttu til
Raufarhafnar. Allt eru þetta
stórframkvæmdir. Unnið hefur
verið að því að leggja bundið
slitlag á vegi víða í kjördæminu
og er að verða gerbreyting í því
efni.
Sjúkrahús og
heilsugæslustöðvar
Á sviði heilsugæslu og sjúkra-
húsmála hafa átt sér stað miklar
framkvæmdir og framfarir. Nýj-
ar heilsugæslustöðvar hafa tekið
til starfa í Ólafsfirði og Dalvík
og Fjórðungssjúkrahúsið á Ak-
ureyri hefur verið í stöðugri
uppbyggingu sem velbúið
deildaskipt sjúkrahús. Meðal
annars hefur verið tekin í notk-
un ný öldrunardeild sem er til
húsa í svonefndu Systraseli á
sj úkrahúslóðinni.
Ný fískiskip
Tveir nýir togarar bættust í fisk-
veiðiflota Norðlendinga á síð-
asta ári, Stakfell sem er sameign
Þórshafnar og Raufarhafnar og
Kolbeinsey til Húsavíkur. Víða
í kjördæminu hefur verið unnið
að ýmsum hafnarframkvæmd-
um. Meðal annars hefur tekið til
starfa ný dráttarbraut á Húsavík
sem gerir kleift að sinna margs
konar viðgerðarþjónustu við
bátaflotann heimafyrir.
Nýir skólar
Á stjórnartímabilinu 1980 -
1983 hafa mikilvægar ákvarðan-
ir verið teknar í ýmsum skóla-
málum og haldið uppi mikilli
starfsemi á svíði byggingarmála
skóla og íþróttamannvirkja. Ef
til vill er Verkmenntaskólinn á
Akureyri merkasta ákvörðun
sem tekin hefur verið í skóla-
málum síðustu ár og hefur því
máli miðað vel í góðu samstarfi
milli bæjarstjórnar Akureyrar
og Menntamálaráðuneytisins í
minni ráðherratíð.
Teknir hafa verið í notkun
nýir skólar á grunnskólastigi
meðal annars á Grenivík og
Kópaskeri og unnið að áfram-
haldandi uppbyggingu á ýmsum
skólastöðum í kjördæminu.
Áformað er að byggja skóla og
íþróttahús í Hrísey og hefur
ekki staðið á fjárframlögum af
hálfu ríkisins í því efni. Sam-
kvæmt minni ákvörðun er nú
heimilt að reka áttunda bekk
grunnskóla í Hrísey og hefur
þannig verið komið til móts við
óskir foreldra um að börn þeirra
verði ekki send að heiman á
þessum aldri. Búið er að ákveða
skipulag grunnskólahalds í aust-
ustu hreppum Norður-Þing-
eyjarsýslu og gert ráð fyrir
samvinnu þriggja hreppa í því
sambandi. Ákveðið er að byggð
verði heimavist á Þórshöfn fyrir
börn úr nágrannahreppum. Þau
sem verða að sækja nám til Þórs-
hafnar. Jafnframt er ákveðið að
byggja skóla á Svalbarði í Þistil-
firði fyrir yngri börn í Svalbarðs-
hreppi. Hér er um farsæla lausn
að ræða sem mér hefur þótt
ánægja að vinna að í góðu sam-
starfi við heimamenn.
Dagskrárdeild RÚV
á Akureyri
Það telst til meiriháttar tíðinda
að Ríkisútvarpið hefur komið á
fót sérstakri dagskrárdeild á
Akureyri. Hefur starfsemi
deildarinnar gefist vel undir öt-
ulli stjórn Jónasar Jónassonar og
vakið verðskuldaða athygli.
Keypt hefur verið rúmgott hús
undir útvarpsstarfsemina á
Akureyri og fyrirhugað að flytja
í húsið svo fljótt sem aðstæður
leyfa. Fjárhagur Ríkis-
útvarpsins hefur verið stórbætt-
ur á stórnartímabilinu og gróska
í starfsemi þess hefur ekki verið
meiri í annan tíma.
Af því sem hér hefur verið
rakið er ljóst að á stjórnartíma-
bilinu 1980 - 1983 hefur verið
unnið að framförum og upp-
byggingu í Norðurlandskjör-
dæmi eystra eftir því sem frekast
hefur verið hægt og á ýmsum
sviðum svo að kalla má tíma-
mótaaðgerðir. Hvað varðar mitt
eigið verksvið, mennta- og
menningarmál er mér sérstök
ánægja a því að hafa getað flýtt
fyrir stofnun Verkmenntaskól-
ans á Akureyri, unnið að úrbót-
um í skólamálum í Norður-Þing-
eyjarsýslu og stuðlað að útvarps-
rekstri á Akureyri.
Nýja útvarpshúsið.
2 - DAGUR - 8. apríl 1983