Dagur - 19.09.1983, Blaðsíða 2

Hvort flnnst þér
betra pepsi
eða kók?
Ingvar Jóhann Kristjánsson.
Pepsi. Pað er minna gos í því.
Amar Skúlason.
Eiginlega er kókið betra, en
ég kaupi ofstast pepsi því það
er ódýrara.
Sveinn Guðfínnsson.
Kók er mikið betra. Pepsi er
með vatnsbragði og helst ekki
kaupandi.
Ema Sigmundsdóttir.
Pepsi, ég veit ekki af hverju,
kannski af því það er ódýrara.
Ámý Þórólfsdóttir.
Pepsi, það er betra bragð að
því og ég kaupi það heldur.
- segir Þorsteinn Pétursson, framkvæmdastjóri umferðarviku á Akureyri
„Ég ætla að taka það fram, að
ég er ekki sérfræðingur í um-
ferðarmálum, en ég hef unnið
við þetta í 15 ár og það er
ágætis reynsla,“ sagði Þor-
steinn Pétursson, sem ráðinn
hefur verið framkvæmdastjóri
umferðarviku, en hana á að
halda á Akureyri 26. septem-
ber til 2. október.
„Ég var ráðinn til að gera
dagskrá fyrir vikuna. Við reynum
að fá félög og fyrirtæki sem koma
nærri umferðarmálum til að taka
þátt í umferðarvikunni og stuðla
að því að hún verði sem vegleg-
ust og best.
- Áður en við byrjum á um-
ferðarvikunni, hvernig gekk um-
ferðin á Akureyri fyrir sig á síð-
asta ári?
„Á síðasta ári urðu 755 um-
ferðaróhöpp og það hljóta allir
að sjá að er há tala. Af þessum
755 óhöppum var í 347 skipti
ekið aftan á bíla eða á kyrrstæða
bíla. Af 414 árekstrum sem senda
þurfti til dómstóla var í 87 skipti
ekki virtur umferðarréttur og í 77
skipti var aðalbrautarréttur ekki
virtur. Of hraður akstur eða gá-
leysi olli 83 árekstrum. Það verð-
ur svo að athuga það að á bak við
hvern árekstur eru einnig aðrar
orsakir en að menn hafi ekki virt
umferðarreglur. Menn eru ekki
með hugann við aksturinn, þeir
eru að hugsa um vandamál heim-
ilisins og vinnunnar og gleyma
því að þeir eru að aka bifreið.
Umferðin krefst þess að þú sért
að hugsa um aksturinn þegar þú
ert að aka. Maður getur verið
hlutlaus í pólitík, en ekki í um-
ferðinni, þú verður að taka þátt.
Mér finnst menn of viðkvæmir ef
þeim er sagt til í umferðinni. Ég
get komið með athugasemdir um
konuna og ættingjana og þeir
taka því með jafnaðargeði. En ef
ég segi að þeir séu klaufar í um-
ferðinni þá bregðast þeir hinir
reiðustu við.“
- Hvað verður um að vera á
umferðarvikunni?
„Við reynum að hafa það sem
fjölbreytilegast, en eðlilega verð-
ur þáttur lögreglunnar stærstur.
Löggæsla verður stórlega aukin
og eftirlit allt hert. Ég get nefnt
sem dæmi að á síðastliðnu ári
kærði lögreglan 885 ökumenn
fyrir að leggja ólöglega og sektir
fyrir það eitt námu 212.400 kr.
Frá því í vor hafa 129 ökumenn
verið kærðir fyrir of hraðan akst-
ur hér í bænum og í kringum Ak-
ureyri. Sektir fyrir það hafa num-
ið 224.400 kr.
Við reiknum með að hver og
einn hafi fengið meðalsekt.
Minnsta sekt fyrir of hraðan akst-
ur er 950 kr. og það fer svo stig-
hækkandi eftir því sem hraðinn
er meiri.
En eins og ég segi, það verður
ýmislegt um að vera. Við stefn-
um að því að halda fjölmennasta
útifund um umferðarmál sem
haldinn hefur verið á íslandi.
Ætlunin er að stefna öllum skóla-
nemum og foreldrum þeirra á
fund á íþróttavellinum. Þar
munu nemendur sjálfir halda
ræður, blásarasveit frá Tónlistar-
skólanum mun spila og leikfélag-
ið verður með uppákomu. Einnig
stendur til að halda almennan
borgarafund um umferðarmál.
Síðan vonumst við til að hægt
verði að bjóða ökumönnum
uppá upprifjunarnámskeið. Þá
verðum við með námskeið um
hvernig best er að undirbúa bíl-
inn fyrir veturinn. Það verður
kynning á vetrarhjólbörðum og
hvernig best er að rakaverja vél-
ina o.s.frv. Félagar úr Hjálpar-
sveit skáta verða við barnaskól-
ana og aðstoða börnin við að
festa glitmerki og ljósabúnað á
hjólin. Nú, síðan ætlum við að
halda fund með öldruðum í fé-
lagsheimili þeirra og ræða um-
ferðarmál. Bifreiðaverkstæði
bjóða uppá sérstaka þjónustu
vegna ljósaskoðunar, en henni á
að vera lokið 1. október. Að síð-
ustu má nefna almennan borg-
arafund 1. október."
- Hverjar eru helstu breyting-
ar í umferðarmálum á þeim 15
árum sem þú hefur starfað við
þetta?
„Gatnakerfið og vegirnir hafa
batnað mikið. Það er mun meira
um notkun bílbelta nú en áður.
Mér finnst vera vaxandi skilning-
ur á því að umferðin þurfi að
vera mannleg. Menn eru mikið til
hættir að bölva ökumanninum
sem ekki fer af stað á umferðar-
Ijósum um leið og græna ljósið
kviknar. Það er verst hvað fólk er
hart á réttinum. Það lætur jafnvel
frekar keyra sig niður en að gefa
réttinn og brosa.
Að lokum þetta: í umferðar-
vikunni er ég tilbúinn að mæta á
vinnustaði og ræða umferðarmál
yfir kaffibolla. Bara hringja í
mig, það vita allir hvar mig er að
finna.“
Þorsteinn Pétursson.
„Það vita allir hvar
mig er að finna“
vífum vænum....“
Vísan er eftir Örn
Snorrason -
en ekki Friðjón Axfjörð
Steingrímur Eggertsson skrifar:
Ég las í Degi 22. ágúst sl. athuga-
semd frá Sigtryggi Símonarsyni
um fyrrum eiganda Hlíðarenda í
Kræklingahlíð, og gerir hann að
umræðuefni vísur sem kveðnar
voru um þáverandi eiganda
kotsins, Ólaf Thorarensen
bankastjóra. Sigtryggur tilfærir
vísuna „Lögmannshlíðar vífum
vænum...“ og segir hana vera
eftir Friðjón Axfjörð. Þetta er
ekki rétt eins og nú skal skýrt frá.
Þáð var um sama leyti og Ólaf-
ur var að huga að koti sínu, að
enski herinn var að láta byggja
bragga og leggja vegi í hlíðar-
horninu og hafði hópa af verka-
mönnum frá Akureyri í vinnu.
Faðir minn, Eggert Grímsson var
í einum þessara hópa, og þar var
einnig Örn Snorrason túlkur og
verkstjóri. Eitt kvöldið kom
pabbi heim með vísu skrifaða á
blað, sem hann sagði að Örn
Snorrason hefði kveðið þá um
daginn þegar þeir sáu Ólaf á ferð-
inni að Hlíðarenda, og er vísan
svona:
Lögmannhlíðar vífum vænum,
verður margt að bitlingi.
Ók hér fríður upp að bænum,
Ólafur í Tittlingi.
Nú hef ég hringt í Örn Snorra-
son kennara sem býr að Ljós-
heimum 22 í Reykjavík og spurt
hann hvort ég fari hér með rétt
mál, og segir hann svo vera.
Friðjón Axfjörð hef ég ekki
ennþá getað náð í vegna þess að
hann er látinn fyrir nokkrum
árum.... -Mér finnst að Sigtrygg-
ur sé einn af „postulum sannleik-
ans“ og með „ögn mislagðar
hendur“ eins og hann orðar í at-
hugasemd sinni þegar hann segir
að vísan sé eftir Friðjón Axfjörð.
2 - DAGUR - 19. september 1983