Dagur - 19.09.1983, Blaðsíða 4
ÚTGEFANDI: ÚTGAFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 120 Á MÁNUÐI - LAUSASÖLUVERÐ 15 KR.
RITSTJÓRI OG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: HAFDlS FREYJA RÖGNVALDSDÓTTIR
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Áfangasigur í
álmálinu
Á fundi sínum í Zurich 6-7 þessa mánaðar náði
samninganefnd um stóriðju og fulltrúar Alusuisse
samkomulagi, áfangasigri sem færir íslendingum
10 milljónir króna á mánuði í auknar tekjur af raf-
orkusölu til álversins í Straumsvík og skapar auk
þess farveg fyrir alhliða samninga við Alusuisse.
Mikilvægustu atriði þessa samnings eru:
1. í fyrri samningum við Alusuisse voru engin
ákvæði sem tryggðu íslendingum réttinn til að
endurskoða viðkomandi samninga ef aðstæður
breyttust eða aðrar ástæður bæru til. í hinum ný-
gerðu samningum hefur Alusuisse skriflega skuld-
bundið sig til þess að endurskoða samninga sína
við íslendinga.
2. Meðan á endurskoðun og samningaviðræðum
stendur mun verð á rafmagni til álversins hækka
um nær 50% eða úr 6.475 miU upp í 9.5 eða 10 mill
eftir álverði.
3. Deilumál fyrri ára eru tekin úr alþjóðlegum
gerðardómi og sett í þrjár dómnefndir sem að yfir-
gnæfandi meirihluta eru skipaðar íslendingum. Auk
þess að færa dómnefndirnar þannig inn í landið og
tryggja að viðhorf íslenskra manna séu þar ríkjandi,
skulu dómnefndirnar hafa lokið störfum innan árs,
en alþjóðlegi gerðardómurinn hefði vafalaust starf-
að í 2-3 ár með tilheyrandi kostnaði.
4. Hafin verði endurskoðun orkusölusamningsins
með það fyrir augum að tryggja íslendingum eðlil-
egar verðtryggðar tekjur af raforkusölu.
5. Skattaákvæði aðalsamningsins verði endur-
skoðuð í því skyni að gera reglur um skattlagningu
álversins einfaldari.
6. Að fullfrágengnum samningum mun Alu-
suisse fá heimild til að selja allt að 50% hluta í álver-
inu (t.d. til Norsk Hydro) sem tvímælalaust styrkir
rekstrarstöðu fyrirtækisins, auk þess sem hinir tveir
erlendu aðilar munu veita hvor öðrum aðhald í
rekstri.
7. Teknir verða upp samningar um stækkun álv-
ersins í áföngum, enda séu kjör og skilmálar um
kjör rafmagns þannig að Landsvirkjun séu tryggðar
fullnægjandi tekjur.
Það skal ítrekað að hér er aðeins um að ræða ís-
lenskan áfangasigur. Hinar raunverulegu samninga-
viðræður eru framundan og er stefnt að því að
ljúka þeim fyrir 1. apríl nk. og grundvöllur þeirra er
sá að viðunandi orkuverð fáist. Sú samningabarátta
verður án efa ströng, því alþjóðleg auðmagnsfyrir-
tæki eins og Alusuisse eru engin lömb að leika sér
við, þeirra tilgangur er aðeins sá að græða fé.
Það sorglega við þann samning sem nú hefur ver-
ið gerður er hins vegar sá að vafalaust mátti ná
honum fram 1979 eða 1980. Þeir samningamenn
sem fóru með málefni íslands á þeim tíma og áttu
að halda fram hagsmunum landsins bera ábyrgð á
því að Landsvirkjun hefur tapað 3-350 mill. kr. í
raforkutekjur. Fyrir þá upphæð hefði mátt fram-
kvæma ýmislegt t.d. leggja bundið slitlag á þann
hluta hringvegarins sem liggur í gegn um Austurl-
andskjördæmi. H. Ingib.
Wmmw
Taugadeildin er til húsa að Skólstíg 7.
Mynd: KGA.
„Það koma upp
deilur á fjöl-
mörgum vinnustöðum“
„Ég vil sem minnst segja um
þetta mál. Það getur allt ver-
ið rekið ofan í mann. Það má
vel vera að ég segi eitthvað
þegar 3. mánaða uppsagnar-
fresturinn er útrunninn,“
sagði Brynjólfur Ingvarsson
yfirlæknir taugadeildar
Fjórðungssjúkrahússins á
Akureyri, en Brynjólfur hef-
ur sagt starfi sínu lausu hjá
sjúkrahúsinu frá ágúst með 3.
mánaða fyrirvara.
Ásgeir Höskuldsson, fram-
kvæmdastjóri sjúkrahússins
sagði í samtali við Dag, að hann
kannaðist ekki við neinar deilur
á milli stjórnar sjúkrahússins og
yfirlæknisins á taugadeildinni,
eins og látið er að liggja. „Það
koma upp deilur á fjölmörgum
vinnustöðum af mismunandi
ástæðum, en þetta er viðkvæmt
mál og sé ég ekki ástæður til að
fara með þær í blöðin.
En við spurðumst fyrir um
hvort deildin væri lokuð, sagði
Ásgeir að eins og er væri deildin
lokuð en stefnt væri að því að
hún opnaði á mánudaginn.
„Við munum veita áframhald-
andi þjónustu, þ.e. að starf-
rækja dag- og göngudeild. En
jafnframt er unnið að því að
stofna hér legudeild um leið og
unnt er og aðstæður leyfa. Við
munum leita að viðunandi hús-
næði um leið og fjármagn fæst,“
sagði Ásgeir.
Gunnar Ragnars formaður
sjúkrahússtjórnar sagðist held-
ur ekki kannast við neinar deil-
ur í þessu sambandi. „Menn
hafa sagt upp áður án þess að úr
yrði gert stórmál," sagði
Gunnar. „Allt frá upphafi hefur
deildin búið við ákaflega lök
skily.rði, m.a. mjög óhentugt
húsnæði. Það var að frumkvæði
deildarinnar að ákveðið var að
breyta fyrirkomulagi hennar, að
leggja legudeild niður en taka
upp dag og göngudeild. Með
því var talið að veitt yrði betri
þjónusta. Spítalar í Reykjavík
eru vel f stakk búnir að taka á
móti bráðatilfellum. Það er ein-
lægur ásetningur okkar að
enduruppbyggja geðheilbrigðis-
þjónustu á Akureyri og menn
verða að vinna að því með já-
kvæðu hugarfari, en það er
skortur á fjármagni sem hægir
ferðina. Það hljóta allir að sjá
að þörf er fyrir slíka þjónustu
hérna.“
Varðandi uppsögn Brynjólfs,
sagði Gunnar að hann hefði
þrýst mjög á að koma áhuga-
málum sínum fram. „Það hafa
löngum verið skiptar skoðanir
og mismunandi viðhorf um
hvernig fyrirkomulagi hentaði
þessari þjónustu best. Og að
því er ég kemst næst er svo um
fleiri vinnustaði. Við leitum nú
að nýjum manni í starfið, en á
meðan höfum við óskað eftir
því við yfirlækninn að hann
vinni út uppsagnartímann og ég
býst við að hann verði við því,“
sagði Gunnar.
Brynjólfur Ingvarsson, yfirlæknir.
4 - DAGUR - 19. september 1983