Dagur - 10.10.1983, Blaðsíða 12
Akureyri, mánudagur 10. október 1983
RAFGEYMAR
í BlLINN, BÁTINN, VINNUVÉUNk
komu frá
Odda
- segir Guðrún Einarsdóttir
„Nærtækasta dæmið um
undirboð frá Odda er tilboð
þeirra í ofna fyrir nýja Lands-
virkjunarhúsið við Glerárgötu,
þar sem þeir voru tæplega 30%
lægri en við,“ sagði Guðrún
Einarsdóttir, framkvæmda-
stjóri Ofnasmiðju Norður-
lands, aðspurð um ummæli
Torfa Guðmundssonar, fram-
kvæmdastjóra Odda í blaðinu
á föstudaginn.
„Torfi talar um samkeppni
vegna innfluttra ofna, sem víst er
til staðar, en hún kom ekki til
fyrr en í lok sl. árs. Ég var hins
vegar að tala um reynslu mína í
þau 8 ár sem Ofnasmiðja
Norðurlands hefur starfað hér í
samkeppni við Odda. Torfi veit
ósköp vel, að menn hafa hlaupið
á milli fyrirtækja okkar í Ieit að
undirboðum og þeir hafa haft er-
indi sem erfiði, því ég veit dæmi
þess að Oddi hefur boðið ofnana
á hálfvirði.
Torfi talar um að mínir ofnar
séu dýrari og það er rétt. En það
er einfaldlega vegna þess að þeir
eru betri en ofnarnir frá Odda,
því þeir eru úr þykkra stáli. En
ég veit ekki hvort þeir eru dýrari
þegar til lengri tíma er litið, því
mínir ofnar eru auðveldari í upp-
setningu og með þeim er húshit-
unarkostnaðurinn lægri.
En hvað varðar Landsvirkjun-
arverkefnið þá er Ijóst að ég átti
aldrei að fá það. Hönnuðir húss-
ins vildu taka mína ofna, en mál-
ið var pólitískt og þeirra vilji fékk
því ekki að ráða,“ sagði Guðrún
Einarsdóttir í lok samtalsins.
Niðurstaða bæjarstjómar Siglufjarðar á aukafundi um launamál veitustjóra:
Sverrir endurgreiði
Á aukafundi i bæjarstórn
Siglufjarðar á fimmtudaginn
var samþykkt, að Sverri
Sveinssyni veitustjóra, bæri að
endurgreiða rúmlega 117
þ.kr., sem hann fékk greiddar
vegna yfirstjórnar Hitaveitu og
yfirvinnu hjá Rafveitu. Jafn-
framt \ar samþykkt að fá lög-
fræðinga til að gera um það
greinargerð, hvort þetta mál
væri þess efnis, að ástæða væri
til að biðja um opinbera
rannsókn.
Eins og áður hefur verið greint
frá í Degi er deilt um tvær
greiðslur til Sverris, sem greiddar
voru á árinu 1982. Önnur var
„uppígreiðsla“ vegna yfirstjórnar
Hitaveitunnar að upphæð 25 þús.
kr., samþykkt af Knúti Jónssyni,
þáverandi stjórnarformanni
veitunefndar og Ingimundi Ein-
arssyni, þáverandi bæjarstjóra.
Hin greiðslan var vegna yfirvinnu
hjá Rafveitunni á tímabilinu 1.
janúar 1980 til 10. ágúst 1982 að
upphæð kr. 92.870 samþykkt af
Hannesi Baldvinssyni, núverandi
formanni veitunefndar.
Meirihluti bæjarstjórnar Siglu-
fjarðar leit hins vegar svo á, að
áðurnefndir embættismenn hefðu
ekki haft umboð til að samþykkja
greiðslurnar og þess vegna bæri
Sverri að endurgreiða þær. Að
þeirri samþykkt stóðu bæjarfull-
trúar allra flokka nema Fram-
sóknarflokksins. Fulltrúar Al-
þýðuflokksins, Alþýðubandalags
og tveir sjálfstæðismenn stóðu að
samþykktinni um greinargerð
lögfræðinganna, gegn atkvæðum
Framsóknar og tveggja sjálfstæð-
ismanna.
Á bæjarstjórnarfundinum báru
framsóknarmenn fram tillögu um
að málið yrði sett í gerðardóm,
sem skipaður yrði fulltrúa veitu-
stjóra, bæjarstjórnar og bæjar-
fógeta. Þessi tillaga fékk einungis
stuðning tveggja sjálfstæðis-
manna, auk framsóknarmanna,
þannig að hún féll á 5 atkvæðum
gegn 4.
Hvað haldið þið að hann Helgi H. Jónsson, fréttamaður hjá útvarpinu sé að borða með þess-
ari líka áfergju? Já, alveg rétt, þetta er áll, en þessi var ekki mjög háll, því hann var reyktur.
Átið átti sér stað úti á götu í Hollandi, en þar er áll í hávegum hafður og það er ekki annað
að sjá á Helga en állinn bragðist vel.
Sverrir
Leósson
endurkjörinn
formaður
norðlenskra
útvegsmanna
„Fundurinn varar við alvarleg-
um afleiðingum af mjög slæmri
stöðu útgerðar í landinu og
versnandi afkomu,“ segir m.a.
í ályktun aðalfundar Útvegs-
mannafélags Norðurlands,
sem haldinn var á Hótel KEA
sl. fimmtudag.
Síðan segir í ályktuninni:
„Stöðugar kostnaðarhækkanir,
samhliða samdrætti í afla, óhag-
stæðari aflasamsetningu og lög-
bundnu fiskverði, leiðir á
skömmum tíma til rekstrarstöðv-
unar. Fundurinn skorar á stjórn-
völd að bregðast skjótt við þess-
um mikla vanda og heitir á stjórn
og fyrirhugaðan aðalfund LÍU að
fylgja þessum málum eftir með
ráðgjöf og festu.“
Sverrir Leósson var endurkjör-
inn formaður félagsins, en aðrir í
stjórn voru kosnir: Valdimar
Kjartansson, Kristján Ásgeirs-
son, Sigurgeir Magnússon og
Sveinn Ingólfsson.
Aðalfundur LÍÚ verður hald-
inn á Akureyri dagana 2.-4. nóv-
ember nk. og koma 200 fulltrúar
víðs vegar af landinu til fundar-
ins.
Veður
„Það verður hæglætisveður á
Norðurlandi í dag og á
morgun. Á miðvikudag má
hins vegar búast við vaxandi
norðanátt með úrkomu.
Veður fer kólnandi og ég sé
ekki annað en að það muni
snjóa,“ sagði Guðmundur
Hafsteinsson veðurfræðingur
í morgun.
Guðmundur sagði að þetta
væri nokkuð afgerandi spá.
Sérstaklega gæti snjóað tals-
vert á Austurlandi en snjó-
koman myndi einnig ná vestur
eftir Norðurlandi. - Og þá er
bara að taka fram vetrar-
klæðnaðinn.
# Jón forseti
Það vakti athygli á síðasta
bæjarstjórnarfundi, að Jón G.
Sólnes var varaforseti á fund-
inum og settist hann í tví-
gang í forsetastól þegar Val-
gerður Bjarnadóttir, forseti
bæjarstjórnar, vildi taka til
máls. Með réttu eru Helgi
Guðmundsson og Freyr
Ófeigsson kjörnir varaforset-
ar af vinstri meirihlutanum í
bæjarstjórn, en þeir eru báðir
t leyfi frá störfum. Helgi
dvelst í Reykjavík og Freyr í
Kaupmannahöfn. Þannig er
bæjarstjórn varaforsetalaus,
sem verður til þess að Jón G.
Sólnes er staðgengill Val-
gerðar forseta, þar sem hann
er aldursforseti bæjarstjórn-
ar.
# Konurnar
til böivunar
Jón G. Sólnes hefur aldrei
verið þekktur fyrir að vera
hræddur við að segja sína
meiningu á hlutunum. Hann
brá heldur ekki út af venjunni
á síðasta bæjarstjórnarfundi,
því þá kvað hann fast að í
umræðum um jafnréttis-
nefndina. Hann sagði að það
væri nú auma nefndin, raunar
algjör „humbúkk“-nefnd,
sem réttast væri að leggja
niður. Jafnframt lét hann
þess getið, að það hefði ekki
leitt neitt gott af sér fyrir
bæjarfélagið að hleypa kon-
um inn í bæjarstjórn. Þar
ættu þær ekki heima.
# Sólnes
var þar
Vaigerður Bjarnadóttir and-
mælti Jóni harðlega. Sagði
hún svo sem skiljanlegt, að
Jón, fulltrúi karlaveldisins,
teldi ekki þörf á jafnréttis-
nefnd. Hins vegar væri jafn-
réttið nú ekki meira en það,
að ástæða þætti til að setja
um það sérstaka löggjöf um
jafnrétti. Benti hún Jóni á, að
nafni hans og sonur Jón Kr.
Sólnes ætti sæti ( umræddri
jafnréttisnefnd og hefði hann
skrifað undir þá fundargerð
sem Jón G. Sólnes væri að
agnúast út í.
# Sólnes
gaf sig ekki
En Sólnes lét sig ekki þrátt
fyrir átölu forsetans. Hann
sagði, að nefndin væri jafn
óþörf og fundargerðir hennar
jafn vitlausar, þótt einhver
Sólnes hefðí skrifað undir
þær. Sagði hann ójöfnuð í
samskiptum kynjanna í bæn-
um ekki það mikinn, að
ástæða værí til að jafnréttis-
nefnd héldi gagnslausa fundi
hálfsmánaðarlega eða oftar.