Dagur - 17.10.1983, Blaðsíða 2
Hvað fínnst þér
skemmtilegast og
leiðinlegast að
læra? (spurt við
Glerárskóla).
Jón Kristinn Ásmundsson 2.
bekk:
„Það er skemmtilegast að
reikna, en ekki gaman að
lesa.“
Axel Grettisson 1. bekk:
„Það er ofsalega skemmtilegt
að læra stafi, en alveg hundleið-
inlegt að sauma.“
Steinmar Rögnvaldsson 3.
bekk:
Reikningur er skemmtilegast-
ur en lestur er alveg hundleið-
inlegur, alveg hundleiðinleg-
ur.“
Kolbrún Sverrisdóttir 0-
bekk.
„Mér finnst skemmtilegast að
Iita, en leiðinlegast að
föndra.“
Gerða Jóhannesdóttir 3.
bekk:
„Lestur er skemmtilegastur en
skrift er mjög leiðinlegt að
læra.“
— segir Magnús Aðalbjörnsson bridgeáhugamaður sem
kennir bridge hjá Námsflokkum Akureyrar
„Bridge er einhver skemmti-
legasti samkvæmisleikur sem
fyrirfinnst og mitt mat er að sá
sem ekki kann að telja punkta
sé varla samkvæmishæfur.“
- Þetta segir Magnús Aðal-
björnsson yfirkennari við Gagn-
fræðaskóla Akureyrar, en hann
er mikill áhugamaður um bridge.
Þessa dagana eru Námsflokkar
Akureyrar að fara af stað með
námskeið í bridge fyrir byrjendur
og Magnús verður kennari þar.
Því fannst okkur ekki úr vegi að
spyrja hann á hvaða hátt þessu
námskeiði verði háttað og hvað
hann fer fyrst út í með nemend-
um sem ekki þekkja bridge nema
af afspurn.
„Ég geri mönnum grein fyrir
ýmsum undirstöðuatriðum og
eðli spilsins - út frá heiti þess.
Enska orðið bridge þýðir brú, og
spilið gengur í fáum orðum sagt
út á það að tengja hugi þeirra
sem spila saman, rétt eins og brú
tengir saman vegi yfir vatnsföll.
í bridge eru til eðlilegar sagnir og
gervisagnir og kúnstin er að kom-
ast að sem bestu samkomulagi
við sinn spilafélaga og standast
þá sögn sem spiluð er.
Mannspilin hafa punktagildi og
spilin eru metin út frá þessum
punktum og skipting þeirra hefur
einnig sitt að segja, t.d. ef menn
eru með mörg spil í sama lit.
Annars má segja að kerfi það
sem ég kenni og kalla „Akureyr-
arkerfið" er einfalt og þægilegt
og þegar upp er staðið geta mínir
nemendur tekið til við hvaða
kerfi sem er. Þetta er byggt á
svokölluðu „Vínarkerfi“ og
byggist á einföldum sögnum.
Nemendur eiga að geta náð
nokkurri færni á einu námskeiði
sem er 30-40 tímar."
Sá er þetta skrifar kann ekki að
telja punkta og er samkvæmt því
varla samkvæmishæfur. En hann
hefur séð menn spila bridge og á
bágt með að trúa því að þetta sé
eins auðvelt og Magnús vill vera
láta.
Magnús handleikur spilin.
„Ég var í fyrra með námskeið
hjá KEA, og sem dæmi um þetta
get ég nefnt að tveir menn sem
það sóttu og voru algjörir byrj-
endur tróna nú í efsta sæti í
keppni hjá Bridgefélagi Akureyr-
ar. Margir eru komnir í þann fé-
lagsskap strax og þeir hafa kynnst
íþróttinni og er félagið ört vax-
andi og starfar af þrótti.
Þá eru þeir margir sem hafa
farið á námskeið og síðan stofnað
„kvartetta" og svo er spilað í
heimahúsum hjá mönnum til
skiptis. Ég vil þó segja að það
verður enginn meistari strax og
hann byrjar að læra bridge, en
þetta kemur mjög fljótt ef menn
sinna þessu.“
Magnús kynntist bridge fyrst er
hann fylgdist með föður sínum
Mynd: KGA.
spila og þá kviknaði áhuginn.
Hann gekk í Bridgefélag Akur-
eyrar 1967 og hefur spilað af
krafti síðan og tekið þátt í ís-
landsmótum, Norðurlandsmót-
um og Akureyrarmótum svo eitt-
hvað sé nefnt. Er tími fyrir fleiri
áhugamál?
„Já, já. Það má segja að ég sé
skussi í skák þótt ég bregði ein-
staka sinnum á leik við skákborð-
ið og hafi lítillega kennt þá íþrótt
við Gagnfræðaskólann hér áður
fyrr. Ég geng á fjöll og veiði
rjúpu þegar það er leyfilegt, missi
varla helgi úr og þá er oft gott að
rifja upp bridge-kerfi þegar
maður er einn með sjálfum sér.“
- Spilar yngra fólkið meira
bridge en áður var?
„Það er mjög mikið um að
ungt fólk hafi áhuga á bridge og
ég tel að sá áhugi sé mjög að
aukast. Þá er mikið um að fólk á
miðjum aldri byrji að spila, en
helst að það vanti þá kynslóð sem
er að berjast í húsbyggingum.
Þetta er ódýr íþrótt, allt sem til
þarf eru spil og gott skap. Ekki er
stressinu fyrir að fara við spila-
borðið, menn dreifa ábyrgðinrti
og reyna að komast að sem bestu
samkomulagi."
Og þá er bara að hvetja fólk til
þess að taka þátt í námskeiði
Námsflokkanna. Innritun er haf-
in og þeir sem hafa áhuga geta
látið innrita sig á námskeiðið hjá
Magnúsi í síma 25413.
Drullupyttir í Skipagötu
Mig langar til þess að koma
þeirri fyrirspurn á framfæri
hvort ekki sé hægt að gera eitt-
hvað varðandi þann drullupytt
sem myndast hefur við fram-
kvæmdir þær sem eiga sér stað
í Skipagötunni.
Það er verið að byggja hús
verkalýðsfélaganna og af þeim
sökum hefur orðið mikil röskun
á umferð um götuna. Er nú svo
komið að þeir sem eiga þar leið
um þurfa að aka í drullupyttun-
um.
Það er mín skoðun að lítið
þurfi að gera til þess að kippa
þessu í lag, einungis að keyra í
pyttina möl. Hvað segja bæjar-
yfirvöld? Er ekki hægt að kippa
þessu í lag?
Árni Walur.
2 - DAGUR j. 17. október 1983