Dagur - 17.10.1983, Blaðsíða 9

Bæjarstjórnarumræður um „veitustjóramálið" á Siglufirði:
Að undanförnu hefur verið
fjallað í fjölmiðlum um
„veitustjóramálið“ svo-
nefnda, sem valdið hefur
fjaðrafoki í bæjarstjórn
Siglufjarðar. Málið snýst um
greiðslur til Sverris Sveins-
sonar, veitustjóra, sem hann
fékk fyrir aukavinnu á árinu
1982.
Upphaf þessa máls má rekja til
fyrirspurnar, sem Axel Axelsson,
bæjarfulltrúi Sjálfstæðisflokks-
ins, bar fram við umræður um
bæjarreikningana í bæjarstjórn.
Síðan hefur málið hlaðið utan á
sig, þar til meirihluti bæjarstjórn-
ar samþykkti að Sverri bæri að
endurgreiða þessa peninga. Jafn-
framt var samþykkt að spyrja
lögfræðinga hvort greiðslurnar
varði við lög um meðferð á fjár-
munum bæjarins, þannig að
ástæða sé til að íeita til dóm-
stóla.
Pólitískt klámhögg?
Sverrir hefur ekki fengist til að
tjá sig um þetta mál í blaðasam-
tali, en stuðningsmenn hans
segja, að pólitískir andstæðingar
hans séu með þessum málátilbún-
aði að reyna að koma á hann
pólitísku höggi. En þar hafi
vopnin snúist í höndum þeirra,
því úr hafi orðið kiámhögg.
Sverrir er bæjarfulltrúi Fram-
sóknarflokksins á Siglufirði og
jafnframt fyrsti varaþingmaður
flokksins í Norðurlandskjördæmi
vestra.
Dagur bar þessa fullyrðingu
undir einn af fulltrúum Sjálfstæð-
isflokksins. Hann sagði ásökun-
ina fjarri öllum sannleika.
Þegar málið kom til umræðu í
bæjarstjórn Siglufjarðar 22. sept-
ember sl. lá þar fyrir bréf frá
Sverri, sem var fært til bókar.
Það hljóðar þannig óstytt:
„Vegna þeirra umræðna, sem
fram hafa farið að undanförnu í
veitunefnd og bæjarráði um tvo
reikninga frá mér yfir aukavinnu,
sé ég mig tilknúinn að gera grein
fyrir sjónarmiðum mínum og
undirstrika nokkur atriði.
1. Þær greiðslur sem um er deilt,
eru þessar:
21.04’82: Innágreiðsla fyrir
yfirstjórn Hitaveitu Siglu-
fjarðar ....... Kr. 25.000.
23.12’82: 390 klst. yfirvinna
frál.01.80 til 10. ágúst 1981
............... Kr. 92.870.
Samtals kr. 117.870.
Fyrrnefnda greiðslan er árituð
21. apríl 1982 af Knúti Jónssyni
fyrrverandi formanni veitu-
nefndar og Ingimundi Einarssyni
bæjarstjóra, en síðarnefnda
greiðslan er árituð 23. desember
1982 af Hannesi Baldvinssyni
núverandi formanni veitunefnd-
2. Frá 10. ágúst 1981 var ég ráð-
inn hitaveitustjóri, en ekki var
þá strax gengið frá launakjör-
um mínum vegna þessa. Sá
þáttur var oft á dagskrá en
drógst úr hömlu. Það var ekki
fyrr en í janúar 1983 að ný
bæjarstjórn gekk frá samningi
við mig og skyldi hann gilda
frá 1. águst 1982.
Það liggur ljóst fyrir að
aldrei stóð annað til af hálfu
fyrrverandi veitunefndar og
fyrrverandi bæjarstjóra og
annarra, sem málið þekktu,
en að ég fengi greiðslu fyrir
framkvæmdastjórn hitaveit-
unnar. Þótt dregist hafi að
ganga frá formlegum samn-
ingi, tel ég það ekki á valdi
þeirra fulltrúa, sem nú hafa
Ásakanir á
báða bóga
verið kjörnir og ráðnir til
trúnaðarstarfa, að rifta þeim
ákvörðunum sem fyrirrennar-
ar þeirra tóku og til þess voru
bærir.
Uppígreiðslan vegna yfir-
stjórnar hitaveitu í apríl 1982
er staðfesting á fyrirhuguðum
samningi og árituð af þeim að-
ilum sem höfðu verið skipaðir
til að bera m.a. ábyrgð á máli
sem þessu. Þeir bæjarfulltrúar
sem síðar hafa verið kjörnir til
trúnaðarstarfa geta á engan
hátt breytt fyrri ákvörðunum
eða sakað mig um óeðlilega
málsmeðferð.
3. í ársbyrjun 1981 fór ég fram á
endurskoðun á launakjörum
mínum, m.a. með tilliti til
þess að yfirvinna mín hafði
aukist vegna fækkunar starfs-
fólks hjá rafveitu. Átti ég oft-
sinnis viðræður við fyrrver-
andi bæjarstjóra og forseta
bæjarstjórnar um málið. Al-
drei var kröfum mínum hafnað,
en af hálfu bæjarstjóra og for-
seta bæjarstjórnar var talið
rétt að bíða með formlegan
samning þar til séð yrði hvort
ég tæki við framkvæmdastjórn
hitaveitu, það varð síðan
meiri dráttur á gerð samnings-
ins en mig hafði órað fyrir eins
og áður er komið fram.
Sú yfirvinna, sem um er
deilt, svarar til 20 klst. á mán-
uði fyrir það tímabil sem dreg-
ist hafði að gera samkomulag
um.
Umrædd yfirvinna hafði
verið rædd við og viðurkennd
af fyrrverandi formanni veitu-
nefndar og er greiðslan árituð
af núverandi formanni veitu-
nefndar, sem einnig átti sæti í
fyrrverandi veitunefnd.
4. Ég hef lagt fram reikning dags
13. ágúst sl. á Hitaveitu Siglu-
fjarðar fyrir yfirstjórn fyrir
tímabilið frá 10. ágúst 1981 til
1. ágúst 1982. Frá heildarfjár-
hæð þess reiknings hef ég
dregið kr. 25.000, sbr. lið 2 að
framan. Eftirstöðvar reikn-
ingsins eru kr. 56.797.20, sem
enn eru ógreiddar.
Ég hlýt að harma að umræður
um þetta mál í bæjarráði skuli
ekki hafa verið málefnalegri en
raun ber vitni um. Það sem hér
skiptir máli er hvort sú vinna sem
greitt hefur verið fyrir, hafi verið
unnin og fyrir hana greitt eðlilegt
gjald. Ég hef á öðrum vettvangi
gert ítarlega grein fyrir málinu,
en vil undirstrika að þær greiðsl-
ur sem um er deilt eru innan þess
ramma sem síðar var Samið um.
Þær eru áritaðar og staðfestar af
til þess bærum ábyrgðarmönnum
og er algjörlega tilhæfulaust að
ég hafi á eigin spýtur misnotað
aðstöðu mína.
Vegna bókunar Axels Axels-
sonar bæjarráðsmanns í bæjar-
ráði 13. ágúst sl. verð ég að gera
þá kröfu að hann dragi fullyrð-
ingu sína um misferli til baka, en
áskil mér að öðrum kosti allan
rétt til frekari málsmeðferðar. Ég
áskil mér einnig rétt til þess að
leggja málsmeðferð alla fyrir til
þess bær stjórnvöld til þess m.a.
að fá skorið úr um valdsvið hinna
kjörnu fulltrúa og annarra trún-
aðarmanna.
Það er að lokum von mín að
bæjarstjórn taki málefnalega á
þessu máli og láti annarleg sjón-
armið og persónulegt hnútukast
víkja. Ég mun fyrir mitt leyti
leggja mig fram um að svo geti
orðið.
Virðingarfyllst,
Sverrir Sveinsson“.
Dreg ekkert til baka
Vegna áskorunar Sverris, sem
fram kemur í bréfinu, óskaði
Axel Axelsson eftir að gera eftir-
farandi bókun:
„Vegna áskorunar til mín sem
fram kemur í bréfi veitustjóra
óska ég að eftirfarandi verði fært
til bókar: Ég ítreka það sem fram
kemur í bókun minni á bæjar-
ráðsfundi 13.8. sl. að ég er og hef
verið tilbúinn að leysa þetta um-
rædda mál, þ.e. óheimilar launa-
greiðslur veitustjóra til sjálfs sín,
á þann mildasta hátt sem mögu-
legur er, veitustjóra í vil. Sá
mildasti háttur sem mögulegur
er, er endurgreiðsla á umræddum
upphæðum og málið þar með lát-
ið niður falla. Ég er samkvæmt
framansögðu enn á þessari skoð-
un og sé þar af leiðandi ekki
minnstu ástæðu til að draga til
baka nokkuð af því sem fram
kemur í bókun minni frá 13.8. sl.
Axel Axelsson.“
En ekki var málið útkljáð á
þessum fundi. Fimmtudaginn 6.
október var boðað til aukafundar
í bæjarstjórninni, þar sem „veitu-
stjóramálið“ var á dagskrá. í
upphafi fundar gerðu Kolbeinn
Friðbjarnarson og Sigurður
Hlöðversson eftirfarandi bókun:
„Við teljum að veitustjóri hafi
í endurtekin skipti ofgreitt sér
laun og að með því hafi hann
misnotað sér aðstöðu sína sem
forstöðumaður bæjarstofnunar
og hygglað sjálfum sér fjárhags-
lega. Við teljum einnig að hann
hafi leynt réttan aðila þ.e. bæjar-
ráð Siglufjarðarkaupstaðar þess-
um gjörðum sínum og gert til-
raun til að leyna aðra aðila því
sem hann hafði gert, þar sem um-
ræddar greiðslur voru ekki
færðar í bókhaldi Rafveitu og
Hitaveitu og ekki taldar fram til
skatts fyrr en málið var orðið
uppvíst. Við teljum að eðlilegust
1 og réttust afgreiðsla þessa máls
frá hendi bæjaryfirvalda sé ann-
ars vegar sú að krefja veitustjóra
um endurgreiðslu þeirra upp-
hæða sem hér er um að ræða og
hins vegar að fá álitsgerð frá lög-
fræðingum um það hvort veitu-
stjóri hafi gert sig sekan um
óheimila meðferð opinbers fjár
eða brotið iög. Að fengnu því
áliti ákveði bæjarstjórn hvort
málið verði sent til dómstóla eða
ekki.
Við teljum tillögu Boga Sigur-
björnssonar forseta bæjarstjórn-
ar í máli þessu, um að því verði
vísað til sérstaks gerðardóms,
óaðgengilega af tveimur ástæð-
um. í fyrsta lagi vegna þess að ef
sú tillaga verður samþykkt, er
rétt boðleið í dómskerfi landsins
sniðgengin. Ef kveða á upp dóma
í máli þessu á annað borð, er að
okkar áliti rétt að málið fari fyrir
venjulega dómstóla þ.e. undir-
rétt og síðan hugsanlega Hæsta-
rétt. Og í öðru lagi vegna þess að
sú tillaga gerir ráð fyrir því að
þessi gerðardómur kveði einnig
upp úrskurð um samninga og
launamál veitustjóra.
Við teljum að bæjarráð Siglu-
fjarðar og samninganefnd S.M.S.
eigi að ganga frá öllum kjara-
samningum og launamálum
bæjarstarfsmanna og bendum á
að þeir samningar eru allir frá-
gengnir og gildandi í dag einnig
kjarasamningur við veitustjóra.
Við teljum með öllu útilokað að
gerðardómur verði látinn úr-
skurða um laun veitustjóra frekar
en annarra bæjarstarfsmanna.“
Málinu átti að vísa
til kjaranefndar
Axel Axelsson gerði einnig langa
bókun á þessum fundi, þar sem
hann segir m.a.:
„Veitustjóri reynir að réttlæta
þessa greiðslu með því að óhóf-
lega lengi hafi dregist að semja
um ný launakjör eftir að hans
verksvið breyttist og hann tók að
sér framkvæmdastjórn fyrir Hita-
veituna og starfsheitið breyttist
úr „rafveitustjóri“ í „veitustjóri“,
en sú röksemd fellur um sjálfa sig
af þeirri ástæðu einni að hann
varð ekki veitustjóri fyrr en eftir
10. ágúst 1981, en tímabilið á
kvittuninni spannar rúma 19
mánuði þar á undan.
í þriðja lið bókunar veitustjóra
í fundargerð bæjarstjórnar 22.9.
sl. kemur fram sú staðhæfing að
launakröfum hans á árinu 1981
hafi aldrei verið hafnað, en merg-
urinn málsins er raunar ekki sá
heldur að þær voru aldrei sam-
þykktar og var það vegna þess að
bæjarráð vildi ekki taka upp við-
ræður um nýja samninga fyrr en
eftir að starfssviði hefði verið
breytt.
Veitustjóri kvartar einnig yfir
seinagangi á samningamálum sín-
um eftir starfsbreytinguna en það
réttlætir engan veginn að hann
hækki launin sín upp á eigin ein-
dæmi, heldur bar honum, hafi
verið um óeðlilega tregðu að
ræða af hálfu bæjarráðs og hann
óánægður með sín launakjör, að
skjóta máli sínu til kjaranefndar,
sem er fimm manna nefnd og þar
af þrír skipaðir af Hæstarétti.“
Sverrir lýsti yfir vilja sínum til
að skjóta málinu í gerðadóm,
sem skipaður yrði fulltrúa veitu-
stjóra, bæjarstjórnar og bæjar-
fógeta. Þessu var hafnað af meiri-
hluta bæjarstjórnar. Um þá
ákvörðun sagði Bogi Sigur-
björnsson í samtali við Dag:
„Sverrir hefur ekki reynt að
koma í veg fyrir að þetta mál
verði skoðað ofan í kjölinn.
Þvert á móti hefur hann óskað
eftir því að það verði gert með
gerðadómi eða með úrskurði
dómstóla. Einhverra hluta vegna
vildi meirihluti bæjarstjórnar
ekki viðhafa svo sjálfsagða máls-
meðferð. Þess í stað mynduðu
þessir herramenn dómstól níu
pólitískt kjörinna fulltrúa, sem er
vafasamt í lýðræðisríki. Raunar
er öll málsmeðferð bæjarstjórnar
á þessu máli henni til lítils sóma,
svo ekki sé fastara að orði
kveðið."
ILFORD PAN F ILFORD FP4 ILFORD HP5 ILFORD PAN F ILFORD FP4 ILFORD HP5
UÓSMYNDAVÖRUR FILMUHÚSIÐ AKUREYRI ■ DAVID PITT& CO. HF ALHLIÐA UÓSMYNDAVÖRUR FILMUHÚSIÐ AKUREYRI • DAVID PI1T& CO. HF
17. október 1983 - DAGUR - 9