Dagur - 26.10.1983, Blaðsíða 3
Nýjasta nýtt í Hljómdeild
®KENWOQD
hljómtæki
AR og KOSS hátalarar
Seiko úr og klukkur. Video kassettur
Lorus vekjaraklukkur. Beta og VHS.
Enskunámskeið á Allar nýjustu
kassettum fyrir hljómplöturnar.
byrjendur, ferðamenn Kassettutöskur í
og menn í viðskiptum. úrvali.
Stórlækkað verð.
Flottur
klæðnaður
fynr ------
herrana ■
Vorum að taka upp
margar gerðir af skyrtum.
Einnig úrval af herrafötum.
Þýsku stretchbuxurnar
margeftirspurðu komnar aftur.
26. október 1983 - DAGUR - 3
Vönduð íslensk framleiðsla
í kjallaranum Hrísalundi
Eldhúsborð og -stólar frá Sóló.
Fataskápar frá Selko.
Bjóðum góða greiðsluskilmála.
HAFNARSTR. 91-95
AKUREYRI
SlMI (96)21400
— segir Bjarni Bjarnason skipstjóri á Súlunni
Strákarnir sem urðu í þremur efstu sætunum ásamt Verði Traustasyni
lögregluþjóni.
„Við erum nánast tilbúnir að
fara á loðnuna og okkur er
ekkert að vanbúnaði. Núna
bíðum við bara eftir því hvort
Ijósið verður gult, grænt eða
rautt þarna að sunnan úr hin-
um háa hól,“ sagði Bjarni
Bjarnason skipstjóri á Súlunni
frá Akureyri er við ræddum
við hann um Ioðnuveiðar í
haust og vetur.
„Þetta skýrist vafalaust fyrir
mánaðamótin, en ég held að það
sé ekki spurning um að það sé til
loðna í sjónum. Við urðum mikið
varir við ioðnu í sumar, að vísu
smáloðnu en það var mikið af
henni. Þá hef ég frétt að rækju-
bátar hafi orðið varir við mikla
loðnu. Þetta er blönduð loðna en
hún á eftir að skilja sig.
Það er án efa grundvöllur fyrir
því að leyfa veiðar á loðnu, og ég
tel að það hafi verið ógurlegt
glappaskot að leyfa ekki veiðar
eftir síðustu áramót, 50-70 þús-
und tonn geta ekki skipt neinum
sköpum í þessu máli. Ég vil að
það verði tekin um 250 þúsund
tonn til að byrja með. Það er allt
í lagi að fara varlega í þessu máli
en 250 þúsund tonn er dropi í
hafinu varðandi þennan stofn,
það fer ekkert á milli mála.“
- Hvers vegna er þessi ágrein-
ingur ykkar sjómanna og fiski-
fræðinga? Þið segist sjá loðnu um
allan sjó en þeir vilja halda að sér
höndum varðandi það að leyfa
veiðar.
„Það er langt mál að segja frá
því. Hafsvæðið sem leitað er á er
alveg geypilega stórt og okkur sem
erum með 50 skip gengur oft
djöfullega að finna þetta. Svo er
botnlaus veiði á fremur litlu
svæði í langan tíma. Það rúmast
mikið á litlu svæði og þegar þeir
eru að leita að loðnu eru þetta 10
mílur á milli lína hjá þeim og það
rúmast mikið þar á milli.
Það skiptir líka miklu máli að
það er oft sem loðnan hreinlega
sést ekki á tækjum. Það er hægt
að keyra yfir svæði þar sem loðna
er undir þótt ekkert sjáist á
mælum. Við höfum mörg dæmi
um það. Á loðnuárunum svoköll-
uðu gekk hún hér austur fyrir
landið, svo hvarf hún þegar kom
suður undir Hvalbak og fannst
ekki fyrr en við Stokksnes, en
hún fór þarna yfir samt sem
áður.“
- Nú eru margir tilbúnir að
fara, en hvað gerið þið ef ljósið
verður rautt?
„Þá gerum við ekki neitt, leggj-
um bara skipinu. Við viljum
hins vegar ekki trúa því að ljósið
verði rautt að þessu sinni nema
þá fram að áramótum. Það þarf
að fara að huga að því að nýta
þetta betur en verið hefur. Það er
enginn að tala um að drepa þetta
upp en ég held að stofninn sé
vannýttur,“ sagði Bjarni.
Bjami Bjarnason.
Loðnubátar eru tilbúnir að fara til veiða:
„Ég vil að það
verði tekin
250 þús. tonn“
Hjólreiöakeppni skólabarna:
Akureyringar
röðuðu sér í
efstu
Ungir Akureyringar sópuðu að
sér verðlaunum í reiðhjóla-
keppni 12 ára skólabarna sem
haídin er árlega hér á landi.
í vor fór fram forkeppni víðs-
vegar um landið og voru 4 piltar
frá Akureyri sendir suður til
Reykjavíkur í úrslitakeppnina
sem fram fór þar í haust. Þar
mættu 15 keppendur til leiks og
gerðu piltarnir frá Akureyri sér
lítið fyrir og röðuðu sér í efstu
sætin.
Sigurvegari varð Sveinbjörn
Jóhannsson sem hlaut 388 stig af
390 mögulegum. Annar varð
Haukur Hauksson með 375 stig
og þriðji varð Finnur Víkingsson.
sætin!
Fjórði Akureyringurinn hreppti
síðan 5. sætið í keppninni en það
var Þorsteinn Guðmundsson.
Að sögn Varðar Traustasonar
sem sér um umferðarfræðslu í
skólum á Akureyri og þjálfaði
piltana fyrir keppnina er hún
fólgin í því að þekkja umferð-
armerki og umferðarreglurnar,
og einnig er verklegt próf. Er þá
bæði hjólað í umferð og einnig
leystar þrautir.
Piltarnir tveir sem urðu í efstu
sætunum, þeir Sveinbjörn og
Haukur munu halda til Ung-
verjalands í vor og taka þar þátt
í alþjóðlegri hjólreiðakeppni
skólabarna.