Dagur - 26.10.1983, Blaðsíða 7

Hér má sjá ýmsar vegalengdir frá Akureyri að vegamótunum fyrir austan Fnjóská. Það vekur athygli að leiðin um
Leiruveg, Svalbarðsströnd og Víkurskarð verður ögn styttri en núverandi leið sunnan flugvallar um Vaðlaheiði.
1. Sunnan flugvallar um Vaðlaheiði 30.89 km.
2. Sunnan flugvallar um Svalbarðsströnd og Víkurskarð 36.76.
3. Sunnan flugvallar um Svalbarðsströnd og Dalsmynni 56.61.
4. Um Leiruveg, Svalbarðsströnd og Víkurskarð 30.51.
5. Um Leiruveg, Svalbarðsströnd og Dalsmynni 50.36.
Hefjast framkvæmdir við Leiruveg í vetur?:
Undirboð óraunhæf
og öllum til skaða
- segir Stefán Ámason, framkvæmdastjóri Stefnis
„Við höfum mikinn áhuga á að
bjóða fyrsta áfanga Leiruveg-
arins út á næstunni, þannig að
hægt verði að vinna verkið í
vetur og fram á vor, á meðan
lítið er um að vera hjá verktök-
um. Þannig teljum við okkur
geta fengið hagkvæmari tilboð
í verkið,“ sagði Guðmundur
Heiðreksson, umdæmistækni-
fræðingur hjá Vegagerðinni á
Akureyri, í samtali við Dag.
Leiruvegurinn margumræddi
á að koma austur yfir leirurnar
fyrir botni Eyjafjarðar. Hann
mun tengjast Drottningarbraut
skammt fyrir sunnan svonefndan
„Árnagarð“. Paðan mun hann
liggja austur yfir leirurnar, allt
þar til hann skiptist í Eyjafjarð-
arbraut eystri og Norðurlandsveg
þegar um 250 metrar eru ófarnir
að austurlandinu. Eyjafjarðar-
braut eystri verður síðan lögð
suður fitjarnar, um 100 m fjær
brekkurótunum en núverandi
vegur, allt inn á gatnamótin við
Kaupang. Norðurlandsvegur
kemur hins vegar að landi í
Vaðlareit.
Það eru þessir tveir vegarspott-
ar, frá því að Leiruvegurinn
skiptist norður og suður með
landi, samtals um 2 km, sem ætl-
unin er að byggja í fyrsta áfanga.
í 2. áfanga er ætlað að leggja veg-
inn norður Vaðlareit norður á
Svalbarðsstrandarveg. í síðasta
áfanganum verður síðan byggð
120 metra brú skammt vestan við
skiptingu Leiruvegar í Eyjafjarð-
arbraut og Norðurlandsveg, jafn-
framt því sem Leiruvegurinn
verður tengdur við Drottningar-
braut. Alls er reiknað með því að
verkið taki 4—5 ár, en að sjálf-
sögðu fer það eftir fjárveitingum.
Leiruvegurinn verður malbik-
aður og samhliða honum, senni-
lega að norðan, verður lagður
gangstígur með bundnu slitlagi.
Alls er reiknað með að verkið
kosti 114 m. kr.
Fiskirækt?
Leiruvegurinn mun skiptast fjær
landi að austan en upphaflega var
ætlað, jafnframt því sem Eyja-
fjarðarbrautin verður færð um
100 metra frá landi, allt inn að
Kauparigi. Þetta er gert sam-
kvæmt óskum landeigenda,
sumarhúsaeigenda, hreppsnefnd-
ar, veiðimálastjóra og áhuga-
manna um fiskirækt. Til þessa
liggja ýmsar ástæður, en ein er
sú, að hugmyndir hafa vaknað
um fiskirækt í lóninu sem mynd-
ast austan Norðurlandsvegar og
Eyjafjarðarbrautar. Þar telja
fiskiræktaráhugamenn að verði
hentugar aðstæður fyrir fiski-
rækt, ekki síst laxarækt.
Viljum vinna verkið í vetur
Snæbjörn Jónasson vegamála-
stjóri sagði að enn væri ekki full-
víst hvort farið yrði út í þetta
verk í vetur. Hann sagði að fjall-
að yrði um málið á fundi í sam-
starfsnefnd um skipulag á Eyja-
fjarðarsvæðinu í vikunni og síðan
þyrfti Leiruvegurinn fid fá grænt
ljós hjá Skipulagi ríkisins. En þar
með er ekki öll sagan sögð því
fjárveitingavaldið hefur síðasta
orðið. Matthías Bjarnason hefur
lýst því yfir í samtali við Dag, að
hann telji líklegt að hægt verði að
hraða framkvæmdum við Leiru-
veg, þannig að þær geti hafist í
vetur. Hann sagði hins vegar, að
til þess hefði ekki verið tekin
formleg afstaða, þar sem engin
beiðni um slíkt hefði borist. Það
kom fram í samtali blaðsins við
Snæbjörn Jónasson, að þrýst hafi
verið á Vegagerðina til að láta út-
boð ekki fara fram um fram-
kvæmd verksins, en semja þess í
stað um framkvæmdirnar við
heimamenn.
„Það er rétt, við erum tilbúnir
til að vinna þetta verk í vetur og
að líkindum bjóðum við í það ef
til útboðs kemur,“ sagði Stefán
Árnason, framkvæmdastjóri
Stefnis, þegar blaðið bar þessi
mál undir hann. Hann var spurð-
ur hvort stefnismenn hefðu hvatt
til þess að útboði verði sleppt.
„Já, það er ekki fjarri sanni,
því við höfum bent á ýmsar hætt-
ur sem eru því samfara að bjóða
slík verk út, sérstaklega þegar
samdráttur er í öllu atvinnulífi,“
svaraði Stefán. „Við erum þó
ekki að biðja um að fá að vinna
þetta verk samkvæmt reikningi,
en við viljum finna einhvern
milliveg. Ég veit t.d. ekki betur
en heimamenn hafði setið fyrir
öllum framkvæmdum við Blöndu
það sem af er. Þessa dagana
hreyfist varla bíll hjá okkur,
þannig að við höfum ekki efni á
að missa þetta verkefni frá
okkur.“
- En er ekki tilgangurinn með
útboðum að fá verkið unnið á sem
ódýrastan hátt?
„Jú, að sjálfsögðu, en tilboðin
verða þá að vera raunhæf, því
undirboð segja til sín fyrr en
seinna. Við höfum séð í sumar
tilboð, sem eru 30-50% undir
áætluðu kostnaðarverði. Slíkt er
ekki raunhæft og þeir sem bjóða
slíkt eru að éta frá sjálfum sér um
leið og þeir skaða aðra,“ sagði
Stefán Árnason.
Fá brýrnar að vera áfram
Eins og fram hefur komið í Degi
eru menn ekki á eitt sáttir um
ýmsa þætti við gerð Leiruvegar-
ins. Sverrir Vilhjálmsson telur
t.d. að hann muni auka flóða-
hættu á flugvallarsvæðinu, en
Loftur Þorsteinsson, verkfræð-
ingur hjá Vegagerðinni, telur
þann ótta ástæðulausan, ef gömlu
brýrnar verða brotnar niður.
Guðmundur Svafarsson, um-
dæmisverkfræðingur Vegagerð-
arinnar á Akureyri, telur hins
vegar skaðlaust að leyfa brúnum
að standa áfram, enda verði þær
til gagns fyrir hestamenn og
bændur, sem stundi heyskap í
Hólmunum. Raunar telja for-
svarsmenn hestamanna á Akur-
eyri sig hafa loforð fyrir því, að
brýrnar fái að vera. Það hefur
líka verið bent á að Leiruvegur-
inn útiloki lengingarmöguleika
flugvallarins til norðurs. Guð-
mundur tók fram í því sambandi,
að það ætti ekki að skipta máli,
því lengingarmöguleikar væru
hvort eð er hverfandi, þar sem
stutt væri fram af bakkanum frá
núverandi brautarenda og þar
snardýpkaði.
Að sögn Snæbjarnar Jónas-
sonar má búast við að það liggi
fyrir í næstu viku, hvort úr fram-
kvæmdum við Leiruveg getur
orðið í vetur.
eystri, og áframhald þeirra vega norður og suður með landi, samtals um 2 km. Eins og sjá má myndast álitleg tjörn austan við veginn, sem talin er hentug til fiskiræktar.
Meðfýlgjandi inyndir voru teknar á tískusýningunni á sunnudagskvöld.
Enginn sultaróla-
bragur í Sjallanum
- á tískusýningu Assa fyrir fullu húsi
Fáar verslanir á Akureyri hafa
opnað með jafn miklum glæsi-
brag og Tískuverslunin Assa,
sem hóf starfsemi í bænum á
mánudag. Er hér um að ræða
útibú frá verslun með sama nafni
í Reykjavík.
í tilefni opnunarinnar voru send
út 500 boðskort á tískusýningu sem
verslunin hélt í Sjallanum á sunnu-
dagskvöld. Miðað við reynslu
manna í útsendingu slíkra boðs-
korta áttu aðstandendur verslunar-
innar von á að svona 40-50% boðs-
gesta skiluðu sér, en hver boðsmiði
gilti fyrir tvo, þannig að reiknað var
með 400-500 manns hámark. En
það fór á aðra leið. Sjallinn fylltist
af fólki.
Ýmislegt hefur sjálfsagt hjálpað
til. Sjónvarpsdagskrá á sunnudags-
kvöldum þykir með eindæmum
leiðinleg um þessar mundir, boðið
var upp á hanastél og svo að sjálf-
sögðu sýningu á fallegum fötum, og
það snjalla bragð að senda konun-
um boðsmiða í stað karlanna, eins
og oftast er með slíka miða, hefur
líklega gert útslagið. Eftir því sem
heyrst hefur fór svo að ekki komust
allir inn í húsið sem höfðu boðs-
miða undir höndum, þannig að
Ijóst þykir að ýmsir fleiri hafi vitað
af atburðinum.
Allt tókst þetta með ágætum en
það er svo annað mál hvort fólk
hafi almennt efni á því að kaupa
tískuföt á þessum síðustu og verstu
tímum. Það sáust alla vega engar
flíkur með sultarólar á sýningu
tískuverslunarinnar Assa í Sjallan-
um, en sumir hafa haldið því fram
að þær væru einmitt mest í tísku um
þessar mundir.
„Húrra“ hrópaði einn gest-
anna á frumsýningu Leikfé-
lags Akureyrar á My fair
Lady þegar tjaldið féll að
lokinni sýningu. Eflaust hafa
margir verið tilbúnir tU að
taka undir það húrra-hróp,
þó frumsýningargestir létu
sér nægja langvarandi lófa-
klapp til að lýsa hrifningu
sinni.
Ég hef ekki skemmt mér svona
vel í leikhúsi í mörg ár,“ sagði
einn frumsýningargestanna sem
Dagur ræddi við og annar bætti
við: „Ég vissi að þetta er gott
verk, en ég lét mig ekki dreyma
um að hægt væri að gera því
svona góð skil í litla leikhúsinu
okkar.“
Guðmundur Magnússon kvaddi
sér hljóðs að lokinni frumsýningu
og óskaði leikurum og starfs-
mönnum sýningarinnar til ham-
ingju með sigurinn. Jafnfiamt gat
hann um 10 ára afmæli atvinnu-
leikhúss hjá Leikfélagi Akureyr-
ar. í því sambandi minntist hann
Jóns Kristinssonar sérstaklega en
Jón var í áratugi ein af driffjöðr-
um Leikfélagsins, m.a. á þeim
tímamótum sem félagið hóf
rekstur atvinnuleikhúss. Guð-
mundur kallaði Jón upp á svið
ásamt Arnþrúði Ingimarsdóttur,
konu hans, og færði þeim gjafir
frá Leikfélaginu fyrir heilladrjúg
störf fyrir félagið. Jón þakkaði
fyrir sig og flutti Leikfélagi Akur-
eyrar árnaðaróskir.
Lófaklappi frumsýningargest-
anna ætlaði aldrei að linna á
frumsýningunni og listamönnum
voru færðir margir og fagrir
blómvendir. Meðal þeirra sem
komu færandi hendi fram á sviðið
var Vala Kristjánsson, sem færði
Ragnheiði Steindórsdóttur, sem
lék Elísu, fagran blómvönd. En
Vala þekkir vel til hlutverksins,
því hún stóð í sporum Ragnheið-
ar þegar My fair Lady var frum-
sýnd í Þjóðleikhúsinu fyrir 20
árum.
Önnur sýning á My fair Lady
var í Samkomuhúsinu á sunnu-
dagskvöldið. Uppselt var og for-
seti íslands Vigdís Finnbogadótt-
ir var meðal sýningargesta
ásamt Ástríði dóttur sinni. Vig-
dís lét vel af sýningunni og sagð-
ist hafa skemmt sér konunglega.
Á eftir sat hún boð í Smiðjunni
ásamt leikurum og starfsmönnum
leikhússins.
Búast má við' mikilli aðsókn að
sýningunni og þegar hafa borist
miðapantanir fyrir hópa allt vest-
an frá ísafirði og Flugleiðir bjóða
sérstaka „Ieikhúspakka“ til Ak-
ureyrar.
Það var stór dagur hjá þessari fjölskyldu á föstudaginn. Jón Kristinsson og Amþrúður vora heiðruð fyrir vel unnin
störf með Leikfélaginu, Arnar sonur þeirra lék aðalhlutverkið í May fair Lady og Þórhildur kona hans sá um leik-
stjórnina. Með þeim á myndinni er Sólveig dóttir Araars og Þórhildar.
Frumsýningargestir létu hrífningu sína og þakklæti í Ijós með langvarandi lófaldappi.
Gestur E. Jónasson var ekki beint
uppábúinn þegar hann mætti forset-
anum.
Vigdís Finnbogadóttir, forseti Islands, óskar Þórhildi Þorleifsdóttur til ham-
ingju með árangurinn.
Að lokinni sýningu nutu Vigdís Finnbogadóttir, forseti, leikarar og starfs-
fólk leikhússins veitinga í Smiðjunni.
I tuuilllli
6 - DAGUR - 26. október 1983
26. október 1983 - DAGUR - 7