Dagur - 09.01.1984, Blaðsíða 2
2 - DAGUR - 9. janúar 1984
Stundarðu skíða
göngu?
Ragnar Ragnarsson:
Nei, ég hef engan tíma til
þess.
Bjarni Valtýsson:
Nei, maöur -er yfirleitt úti á
sjó og hefur ekki tíma til þess.
Árný Sveinsdóttir:
Ég hef nú ekki gert þaö, en
það er freistandi aö prófa.
Þórarinn Stefánsson:
Nei, ekki nema veöriö og
skapið sé í stuði.
Bjami Gunnarsson:
Nei, ég stunda aðallega aðrar
skíðaíþróttir en gæti vel hugs-
að mér að prófa gönguna.
„Ég er að gera mér vonir um
að það verði helmingi meiri
þátttaka í þessari keppni núna
heldur en í fjölskyldulands-
keppninni í fyrra, sem þýðir að
á milli 30 og 40 þúsund manns
taki þátt í keppninni,“ sagði
Hermann Sigtryggsson for-
maður Trimm-nefndar Skíða-
sambands íslands um trimm-
landskeppni á skíðum 1984
sem hefst 15. janúar og stend-
ur til 30. apríl.
Það er Trimm-nefnd Skíða-
sambands íslands sem sér um
framkvæmd keppninnar, en
nefndin er skipuð þremur Ak-
ureyringum, þeim Hermanni,
Sigurði Aðalsteinssyni og Hall-
grími Indriðasyni. Við spjöll-
uðum við Hermann um þessa
trimm-keppni og ýmislegt
fleira.
„Þessi keppni er fyrst og fremst
hugsuð sem keppni á milli kaup-
staða og héraðssambanda.
Keppni verður á milli kaupstaða
með 10 þúsund íbúa eða fleiri, á
milli kaupstaða með 2-10 þúsund
íbúa og svo á milli héraðssam-
banda víðs vegar um landið. Til
þess að vera fullgildur þátttak-
andi í keppninni þarf viðkomandi
að fara minnst 5 skíðaferðir eða
æfingar er taki a.m.k. eina
klukkustund hver. Með skíða-
ferðum er átt við ferðalög á
skíðum, skíðagöngu, svig, stór-
svig eða brun, ratleik, skíðastökk
og göngu á rúlluskíðum.“
- Hverju ber að þakka hinn
aukna áhuga sem almenningur
hefur sýnt trimmi á undanförnum
árum?
„Ég hygg að þar spili breytt
lífsviðhorf verulega inn í . Það
fóru að berast fregnir erlendis
frá um það hversu trimm var
mikið stundað þar, fólk fór að
hugsa meira um heilsuna en áður
var og læknar fóru að benda fólki
á líkamsræktarstöðvar í auknum
mæli. En allt eru þetta íþróttir,
hvort sem það er farið í heilsu-
ræktarstöðvarnar, jassballett eða
hvað sem er. Þá hefur það ekki
haft lítið að segja að íþróttasam-
band íslands ákvað fyrir nokkr-
um árum að taka trimm á
dagskrá hjá sér.
Áhuginn á skíðaíþróttinni
blossaði upp um leið og aðstaðan
batnaði á skíðastöðunum, lyftur
komu upp í auknum mæli og
fleira í þeim dúr. Þegar svo fóru
að koma biðraðir við lyfturnar
fór fólk að hugsa sig um, það
vildi losna við langar biðraðir við
lyfturnar og þá fengu margir sér
gönguskíði. Það má eiginlega
segja að þetta hafi komið hvað af
öðru.“
- Hvort finnst þér skemmti-
legra að renna þér á svigskíðum
eða fara á gönguskíði?
„Hvað mig sjálfan snertir þá
geri ég ekki upp á milli þess. Það
er stundum auðveldara að stunda
skíðagönguna þar sem aðstæður
var ao pvssia i oiiuiti
greinum en gat
Ifl^r ■ nC||ff m M| gj% S M| ■ ■ É É
GWI\I IICIH I lldllU
- segir Hermann Sigtryggsson formaður trimm
nefndar skíðasambandsins en „Trimm-lands-
keppni á skíðum 1984“ er að hefjast
eru fyrir hendi. Hér á Akureyri
eru aðstæður orðnar mjög góðar,
bæði á upplýstum brautum í
Kjarnaskógi og í Hlíðarfjalli.“
- Nú þótti þessi norræna
skíðatrimmkeppni sem haldin
var í fyrra hálf misheppnuð, hvað
olli?
„Já það er rétt, og það gerðist
reyndar á öllum Norðurlöndun-
um að þátttaka varð mun minni
en reiknað hafði verið með. Þessi
keppni sem nú er að fara af stað
er ekki norræn, hún er fyrst og
fremst keppni á milli kaupstaða
og héraðssambanda hér innan-
lands og að sjálfsögðu allir mögu-
leikar opnir á fleiri keppnisform-
um eins og t.d. að setja á fót sér-
staka keppni á milli Reykjavíkur
og Akureyrar eða ísafjarðar og
Siglufjarðar svo dæmi séu
nefnd.“
- Er ekki geysilega mikið verk
að skipuleggja svona keppni?
„Það tekur sinn tíma, og við
höfum haft góðan tíma til undir-
búnings. Það eru menn með mér
í nefndinni sem kunna sitt fag, og
aðalatriðið er að koma þessu af
stað. Við verðum svo að treysta
á það að stjórnendur úti í héruð-
unum taki við og haldi áfram.
Við munum svo láta í okkur
heyra af og til. Framkvæmd þess-
arar keppni kemur því til með að
mæða á margra herðum."
Formaður Trimm-nefndarinn-
ar sleppur ekki úr þessu spjalli án
þess að segja örlítið frá íþrótta-
afrekum sínum hér áður fyrr, en
Hermann var mikill íþrótta-
maður hér á árum áður.
„Blessaður vertu, ég var að
þvæla í öllum greinum en gat
ekki neitt í neinu,“ .segir Her-
mann og hlær. „Ég var í knatt-
spyrnu, körfuknattleik, hand-
knattleik og frjálsum íþróttum
þar sem ég hef sennilega náð
bestum árangri. En ég keppti
aldrei á skíðum.
Ég hætti að keppa 1955 en hef
stundað íþróttir síðan og ég held
að gamla keppnisskapið sé enn til
staðar þegar maður getur komið
því við. Annars verður maður að
passa sig og fara sér hægar en
áður fyrr.“
- Hermann hefur um langt
árabil haft náið samstarf við
íþróttafólk bæði sem íþróttafull-
trúi á Akureyri, nefndarmaður í
trimmnefndum á vegum ÍSÍ og
ekki síst sem áhugamaður. Eða
eins og hann segir sjálfur: „Mitt
áhugamál í íþróttum hefur ekki
síður verið það að almenningur
væri með í myndinni heldur en
keppnisfólkið þótt ég hafi starfað
mikið með keppnisfólkinu og sé
gamall keppnismaður sjálfur."
- Og nú ræðst Hermann í það
stórvirki að stjórna „Trimm-
landskeppni á skíðum 1984“
ásamt félögum sínum í Trimm-
nefnd Skíðasambandsins og við
óskum honum og félögum hans
góðs í þeirri baráttu. gk
Hermann Sigtryggsson.
Sala skotelda í Húsi aldraðra
Undanfarið hefur maður haldið
að borgarastyrjöld væri skollin á
hér á Oddeyrinni hið næsta húsi
því er öldruðum Akureyringum
var gefið nú síðasta ár og þeir
hafa haft nokkra starfsemi fyrir
sitt fólk.
Við íbúar hverfis þessa héldum
að þá væri lokið því árlega ónæði
er við höfum búið við af völdum
skoteldasölu skátanna í húsi
þessu er áður hét Alþýðuhús, en
einu sinni enn endurtók sagan
sig.
Skátar hafa fengið húsið til
skoteldasölu fyrir fjáröflun vegna
Hjálparsveitar sinnar og hafa
þeir mettað bæjarbúa af Skoteld-
um og sprengidóti fyrir hver ára-
mót.
Ekki erum við að amast við
þessari fjáröflun skátanna því
þeir eru alls góðs verðugir, enda
bjuggum við í návist þeirra um
áratugi okkur til mikillar ánægju.
Stanslausar sprengingar og
ónæði eru af þessu og unglingar
hafa kastað skoteldum að húsum
og fólki þarna í næsta nágrenni
því unglingar þeir er þarna versla
komast sumir ekki nema 10-20
metra frá sölustað án þess að
leggja eld í dót það er þeir höfðu
undir höndum.
Nú er það svo að aðallega
eldra fólk byggir hverfi þetta og
verður það fyrir ómældu ónæði
vegna skoteldasölu þessarar og
dettur manni stundum í hug að
þetta sé miðborg Beirút í Líban-
on þar sem andstæð öfl skjóta
hverjir á aðra sér til skemmtunar
og dægrastyttingar.
Oft dettur manni í hug^að hin
ágætu yfirvöld brunamála í bæn-
um séu ekki rétt vakandi er þau
um mörg síðustu áramót leyfa
sölu á flugeldum og skoteldum í
miðju íbúðahverfi sem aðallega
eru timburhús og að auk er hverfi
þetta að mestu byggt eldra fólki.
Geti sér nú hver til ef eldur
kæmist í púðurdót það sem þarna
er saman safnað undir þaki húss
aldraðra...
Með vinsemd.
Einar á Eyrinni.