Dagur - 18.01.1984, Blaðsíða 4

4 - DAGUR -18. janúar 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 130 Á MÁNUÐI -
LAUSASÖLUVERÐ 18 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRÍKUR ST. EIRÍKSSON OG GYLFI KRISTJÁNSSON
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Iðnaðurinn
hleypur í skarðið
„Við vorum réttu megin við strikið á síðasta ári og
það er í fyrsta skipti síðan 1979,“ sagði Hjörtur Ei-
ríksson, framkvæmdastjóri iðnaðardeildar Sam-
bandsins, á blaðamannafundi sem haldinn var í
Reykjavík til kynningar á útflutningsframleiðslu
iðnaðardeildar. Hann sagði að ekki væru neinar lík-
ur á því að segja þyrfti upp fólki hjá iðnaðardeild,
heldur væri þvert á móti ætlunin að auka útflutn-
ingsframleiðsluna í ullar- og skinnavörum um 40%
á þessu ári.
Iðnaðardeildin á Akureyri er fjölmennasti vinnu-
staður á landinu með 760 starfsmenn á launaskrá
og 90 manns að auki í Reykjavík, Kópavogi, Hafnar-
firði og Sauðárkróki. Þar var á síðasta ári unnið úr
871 tonni af ull og sútaðar 580 þúsund gærur. Heild-
arvelta iðnaðardeildar að meðtöldum sameignarfyr-
irtækjum var 1130 milljónir króna og hafði aukist
um tæplega 95% frá fyrra ári. Útflutningur á ullar-
og skinnavörum varð 358 milljónir króna og hafði
aukist um 76,4%. Helstu viðskiptalöndin eru
Norðurlönd, Sovétríkin, V.-Þýskaland, Bandaríkin
og Kanada.
Miklar vonir eru bundnar við nýjar framleiðslu-
vörur frá skinnadeild og er einkum að vænta aukins
útflutnings á því sviði. Hlutur skinnaiðnaðarins í út-
fluttum skinnum nemur 76% heildarútflutningsins,
85% mokkaflíkanna fóru til útflutnings, en allur út-
flutningur mokkafatnaðar frá íslandi er á vegum
skinnadeildarinnar.
Þessar staðreyndir sem hér hafa verið taldar upp
segja nokkuð um mikilvægi ullar- og skinnaiðnaðar-
ins fyrir Eyjafjarðarsvæðið og reyndar einnig um
mikilvægi þess að efla og auka þennan iðnað. Þegar
fiskveiðarnar bregðast verður að kappkosta að
auka annan útflutningsiðnað en þann sem tengist
sjávarútveginum. Því miður verður það að segjast
eins og er, að á meðan sífellt hefur verið hægt að
auka við i sjávarútveginum hafa menn verið blindir
fyrir því að auka fjölbreytni íslensks atvinnulífs.
Iðnaðurinn hefur barist í bökkum en nú þegar sjáv-
arútvegurinn bregst og jafnframt er reynt að koma
íslensku efnahagslífi á réttan kjöl með stjórnvaldsað-
gerðum, reynist íslenskur útflutningsiðnaður strax
í stakk búinn til að axla aukin verkefni og afla meira
í þjóðarbúið.
Ástandið væri vafalaust betra í íslensku þjóðfé-
lagi í dag ef iðnaðinum hefði á undanförnum árum
verið skapaður rekstrargrundvöllur. Takist hins
vegar ekki að halda því striki sem nú er siglt eftir í
efnahagsmálum á iðnaðurinn enga möguleika, frek-
ar en annar atvinnurekstur í landinu. Þá verður alls-
herjar upplausn og atvinnuleysi.
Slysum fækkaði
Á Norrænu umferðaröryggisári
gerðist það annað árið í röð, að
umferðaróhöppum sem lögreglan
skráir fækkaði á íslandi. Þau
urðu flest árið 1981, eða 7703, en
árið 1983 urðu þau tæplega 400
færri. Á sama tíma fjölgaði
skráðum ökutækjum á íslandi úr
tæplega 85 þúsund í u.þ.b. 110
þúsund.
Alls létust 18 í umferðarslysum
síðasta árs hér á landi. Árið 1982
létust 24, en að meðaltali létust
25 af völdum umferðarslysa á ís-
landi árið 1978-1982. Hér hefur
því orðið umtalsverð fækkun,
eða um 28% frá þessu meðaltali.
Árið 1983 slösuðust, sam-
kvæmt lögregluskýrslum, 613
manns í umferðinni á íslandi.
Það er veruleg fækkun frá árinu
1982 er tala slasaðra var 744.
Borið saman við meðaltal áranna
1978-1982, sem var 687, er fækk-
unin tæp 11%. Af þeim sem slös-
uðust og létust árið 1983, eru
karlar í meirihluta, eða tæp 62%
á móti rúmlega 38% kvenna.
Ef einstakir hópar vegfarenda
eru skoðaðir í þessu tilliti, kemur
í ljós að borið saman við fyrr-
greint meðaltal hefur vélhjóla-
slysum fækkað mest á árinu 1983,
eða um 27,5%. Slysum á farþeg-
um í bílum fækkaði um 19% og
á gangandi vegfarendum um
15% . Enn fremur fækkaði slysum
á ökumönnum bifreiða lítillega,
eða um 4%. Bifhjóla- og reið-
hjólaslysum fjölgaði hins vegar
lítillega á árinu 1983, borið
saman við meðaltal áranna 1978-
1982.
Ef aldursskipting þeirra sem
slösuðust í umferðinni 1983 er
borin saman við meðaltal áranna
1978-1982, kemur í ljós að slys-
um hefur fækkað í öllum aldurs-
hópum, nema meðal þeirra sem
eru á aldrinum sautján ára til tví-
Umferðarfræðslan hefur borið árangur.
tugs og þeirra sem eru 65 ára og
eldri. Mesta fækkunin varð með-
al þeirra sem eru á aldrinum 0-6
ára og 25-64 ára.
Það er alvarleg staðreynd að
slysum skuli enn fjölga þar sem
þau voru hlutfallslega flest fyrir,
þ.e. meðal unglinga (ungra öku-
manna) og aldraðra. Þessi stað-
reynd kallar á markvissar aðgerð-
ir meðal þessara aldurshópa.
Umferðaröryggisárið 1983:
ALDURSSKIPTING SLASAÐRA I
UMFERÐINNI
SLYS Á GANGANDI FÓLKI
I UMFERÐINNI 1978 — 1963 LÁTNIR I UMFERÐARSLYSUM
ÁRIN 1978 —1983
LÁTNIR I UMFERÐARSLYSUM
Á ÍSLANDI ÁRIN 1966 — 1983
Tala látinna