Dagur - 10.02.1984, Blaðsíða 9

10. febrúar 1984 - DAGÚR - 9
, ,Petta er því
spennandi líf‘
- Rætti við Erling Níelsson, foringja í Hemum
Hér á landi eru nú stödd,
í stuttri heimsókn, hjónin
Erlingur Níelsson og Ann
Merethe, en þau eru
bæði starfandi foringjar í
Hjálpræðishernum íNor-
egi. Dagur fékk þau í
stutt spjall um starfsemi
Hjálpræðishersins, bæði
í Noregi og hér á landi.
Erlingur hafði orðið og
talaði fyrir þau bæði, því
eins og nafnið gefur til
kynna er Ann norsk og
kann lítið í íslensku enn
sem komið er, en hún er
að læra, eins og Erlingur
orðaði það. Að sjálf-
sögðu var byrjað á að
spyrja hvaðan þau væru.
„Ég er fæddur og uppalinn á
Akureyri og flutti héöan fyrst fyr-
ir 21/2 ári er ég fór til Noregs í
Foringjaskóla Hjálpræðishersins
í Osló. Ann er frá Bodö í Noregi.
Við kynntumst í skólanum, hún
hóf nám á sama tíma og ég og við
útskrifuðumst sl. sumar. Ég hef
starfað með Hjálpræðishernum
á Akureyri frá því ég var smá-
strákur. Foreldrar mínir eru í
hernum og hvöttu okkur systkin-
in til að taka þátt í starfseminni.
Fyrst var ég í sunnudagaskóla,
næst varð ég það sem er kallað
yngraliðsmaður og loks fullgild-
ur hermaður. Eftir skólavistina í
Noregi er ég svo orðinn foringi
og við bæði hjónin."
- Hvað er mönnum kennt til
að verða foringjar í Hjálpræðis-
hernum?
„í skólanum lærum við sitt-
hvað um foringjastöðuna.
Námið, sem er 2 ár, er bæði bók-
legt og verklegt. Á miðju náms-
tímabilinu förum við í fjögurra
mánaða verklegt nám; erum þá
send á einhverja stofnun sem
Herinn rekur eða fylgjumst með
starfsemi í flokk, sjáum hvernig
honum er stjórnað og slíkt. Bók-
lega námið er mest byggt á Bibl-
íuþekkingu; við lærum t.d. trúar-
setningar Hjálpræðishersins. En
það er einnig margt annað kennt.
Við lærum t.d. dálítið í sálar-
fræði, félagsfræði, bókfærslu,
vélritun og ensku. Mitt álit er að
þetta sé mjög gott alhliða nám.
Við lærum einnig um starfsemi
og uppbyggingu Hjálpræðishers-
ins um allan heim. Það er boðið
upp á valgreinar, t.d. táknmál,
hvernig á að umgangast fatlað
fólk og ein valgreinin er íslenska.
Hún er hugsuð fyrir þá sem síðar
verða sendir til íslands sem for-
ingjar. Þetta er bæði fjölbreytt og
skemmtilegt nám.“
- Hvernig er starfsemi Hjálp-
ræðishersins í Noregi háttað?
„Herinn er með margar stofn-
anir fyrir fólk sem þarf á hjálp að.
halda. Ég get nefnt sem dæmi
heimili fyrir drykkjusjúklinga og
heimili fyrir þá sem koma úr
fangelsum og þurfa að venjast líf-
inu utan fangelsismúranna aftur.
Við rekum líka barnaheimili og
elliheimili. Það nýjasta í þessu
hjálpar- og líknarstarfi okkar er
hjálp handa eiturlyfjasjúkl-
ingum. Það er búið að opna
nokkra staði í Osló þar sem eit-
urlyfjasjúklingar geta komið og
fengið aðhlynningu. Einn hluti af
starfsemi hersins er að leita að
týndu fólki út um allan heim. Það
er fólk sem hefur horfið spor-
laust, sætt pólitískum ofsóknum
og slíku.
Við Ann erum foringjar í
einum flokki í Lillehammer.
Starfið felst í daglegri umsjón
með þeim flokki og samkomu-
haldi. Svona flokkar eins og við
sjáum um eru 120 í Noregi, en
hér á landi eru þeir aðeins 3.
Meðlimir flokkanna eru alveg
frá smábörnum og upp í aldrað
fólk. Starfsemin er því mjög fjöl-
breytt. Við höfum t.d. ýmsa
starfsemi fyrir börnin, sunnu-
dagaskóla, föndurfundi og kór,
þau hafa mjög gaman af að
syngja. Auk þess að sjá um
starfsemina í þessum flokki, selj-
um við Herópið, sem kemur út í
hverri viku, á götum úti og á veit-
ingastöðum, auk þess að útbreiða
fagnaðarerindið á ýmsan hátt.“
- En hvaðan fæst fé til svo um-
fangsmikillar starfsemi og á
hverju lifir starfsfólk Hersins?
„Þessar stofnanir eru reknar að
hluta með framlögum frá ríkinu.
En einnig stöndum við fyrir
söfnun í heimahúsum. Við
göngum þá í hús og biðjum fólk
um að styðja starfsemina og
undantekningarlítið er fólk mjög
vingjarnlegt og margir gefa
mikið. Fólk kann vel að meta
þessa starfsemi. Helmingurinn af
peningunum fer í rekstur þessara
líknarstofnana en hinn helming-
urinn fer í trúboðsstarfið. Við
rekum trúboð um allan heim,
Afríku, S.-Ameríku, Indlandi,
svo eitthvað sé nefnt. Núna er
hins vegar að verða minni þörf
fyrir þessa trúboða en áður var.
Þeir eru búnir að vinna sitt verk
og innfæddir eru teknir við, en
það er samt alltaf einhver þörf
fyrir þá. Starfsmenn hafa föst
laun. Ef miðað er við venjuleg
laun eru þau lág, en þau eru
reiknuð þánnig út að maður geti
bjargast. Á móti þessum lágu
launum kemur lág leiga. Herinn
á íbúðir alls staðar þar sem flokk-
ar starfa og þar er mjög Iág leiga
sem á að koma á móti þessum
lágu launum.“
- Er starfsemi Hjálpræðishers-
ins ekki lítil hér á íslandi miðað
við Noreg?
„Mér virðist starfsemin
blómstra hér á Akureyri, en ef
litið er á allt landið er hún lítil,
miðað við Noreg. En það er erfitt
að miða við Noreg, því þar er
Herinn einna sterkastur í heimin-
um. Það má eiginlega segja að Is-
land sé útibú frá Noregi, því ís-
landi og Færeyjum er stjórnað
þaðan. Líknarstarfsemi er lítil
hér. Eitt sjúkraheimili er rekið á
Seltjarnarnesi, það er-heimili fyr-
ir fólk sem er að koma af geð-
deildum og þarf að venjast sam-
félaginu aftur. Starfsemi af þessu
tagi þyrfti að auka hér á landi. í
Noregi fær Herinn mikið lof fyrir
líknarstarf sitt.“
- En hvað skyldu þau hafa
verið að vilja upp til íslands á þess-
um tíma árs?
„Við giftum okkur 30. desem-
ber og þetta er því nokkurs konar
brúðkaupsferð. Mig langði að
sýna Ann land og þjóð og kynna
hana fyrir ættingjunum og henni
líst bara vel á þetta, svona við
fyrstu kynni. ísland er ekki svo
ólíkt N.-Noregi þaðan sem Ann
er. Sunnar er hins vegar
mikið af trjám, þar sjást fjöllin
stundum ekki fyrir trjánum. Mér
líkar einnig mjög vel í Noregi,
fólkið er vingjarnlegt og mjög
líkt íslendingum.
Við verðum aðeins viku á land-
inu núna. Við förum aftur til
Lillehammer að stjórna flokkn-
um okkar. Við verðum með hann
a.m.k. fram í júní. í júní eru
gefnar út skipanir um hvert mað-
ur fer næst. Það er ekki hægt að
sækja um hvert maður fer. Þetta
er því mjög spennandi líf. Það
getur verið að við verðum send til
Islands, þar sem ég er íslending-
ur og Ann er að læra íslenskuna
og við yrðum mjög ánægð ef það
yrði,“ voru lokaorð Erlings.
Dagur óskar þeim til hamingju'
og góðrar ferðar til Noregs aftur.
- HJS.
Erling Nielssen og Ann Merethe foringjar í Hernum.
Alfreð Pálsson og Páll Pálsson ræða saman eftir vandasamt spil.
Bridgefélag Akureymr:
Fjölmennasta tví-
menningskeppni kndsins
Nú er lokið fimm spilakvöldum
af sjö í tvímenningskeppni
Bridgefélags Akureyrar, Akur-
eyrarmóti.
Röð efstu para er þessi:
1.-2. Guðmundur V. Gunnlaugsson
Stefán Vilhjálmsson 468
1.-2. Stefán Ragnarsson
Pétur Guðjónsson 468
SELKO
Vandaðir fataskápar
á hagstæðu verði.
SELKO skáparnir sóma sér
hvar sem er. í svefnherbergið,
forstofuna, sjónvarpsherbergið,
já, hvar sem er. Úthliðar skápsins
eru spónlagðar með sömu
viðartegund og hurðir hans og
skiptir ekki máli hvort úthliðarnar
koma upp að vegg eða ekki.
Að innan er skápurinn úr Ijósum við.
Innrétting skápanna er smekkleg
og umfram allt hagnýt. Skápana er hægt
að fá með hillum, traustum körfum, slám
fyrir herðatré eða með skúffum sem renna
á hjólum í vönduöum brautum.
Útborgunarskilmálar.
3. Símon Gunnarsson
Jón Stefánsson 460
4. Anton Haraldsson
Gunnar Berg jr. 349
5. Magnús Aðalbjörnsson
Gunnlaugur Guðmundsson 327
6. Sveinbjörn Jónsson
Einar Sveinbjörnsson 314
7. Gylfi Pálsson
Helgi Steinsson 284
8. Úlfar Kristinsson
Hilmir Jóhannsson 283
Alls spila 50 pör og er meðalár-
angur 0 stig. Sjötta spilakvöldið
verður nk. þriðjudagskvöld kl.
19.30 í Félagsborg.
Ragnhelður Steindórsdóttir í My fair
Lady.
Leikfélag Akureyrar
My fair
Lady
Sýningar
45. sýning föstudag 10 feb.
kl. 20.30.
46. sýning laugardag 11. feb.
kl. 20.30. *
47. sýning sunnudag 12. feb.
kl. 15.00.
Miðasala opin alla virka
daga kl. 16—19, kvöldsýning-
ardaga kl. 16-20.30. Sími
24073.
Ósóttar miðapantanir seldar
tveimur tímum fyrir sýningu.
Sýningum fer
að fækka
Leikfélag Akureyrar.
L—i „ , , , i,i„ *
Margrét.
Viðtalstímar
bæjarfulltrúa
Miðvikudaginn 15. febrúar
nk. kl. 20-22 verða bæjar-
fulltrúarnir Jón Sigurðarson
og Margrét Kristinsdóttir til
viðtals í fundarstofu bæjar-
ráðs, Geislagötu 8, 2. hæð.
Jón.