Dagur - 20.02.1984, Qupperneq 1

GULLSMIÐIR
, SIGTRYGGUR & PÉTUR
1 AKUREYRI
TRÚLOFUNAR-
HRINGAR
AFGREIDDIR
SAMDÆGURS
67. árgangur
Akureyri, mánudagur 20. febrúar 1984
Flestar uppsagnir
afturkallaðar
- Þessir bátar eru óseljanlegir
ef þeir fá ekki kvóta og ef
þannig fer þá er best fyrir okk-
ur að hætta þessu alveg. Þá
verður engin endurráðning 1.
mars, öllum verður sagt upp og
starfseminni hætt.
Þetta sagði Gunnar Ragnars,
forstjóri Slippstöðvarinnar í sam-
tali við Dag þegar hann var
spurður hvað gerðist ef rað-
smíðabátarnir tveir sem verið er
að smíða í Slippstöðinni, fengju
ekki úthlutað kvóta. Samkvæmt
ummælum sjávarútvegsráðherra
í Degi eiga þessir bátar ekki rétt
á kvóta samkvæmt nýútgefinni
reglugerð um stjórnun fiskveið-
anna.
Gunnar Ragnars sagði að hann
tryði því ekki að þessir bátar
fengju ekki kvóta og því kysi
hann að horfa framhjá þessum
ummælum.
Raðsmíðabátarnir gætu orðið
tilbúnir í júní og september ef
kraftur yrði settur í smíðina.
Petta eru 250 tonna bátar sem
verða útbúnir fyrir nánast allar
veiðar. Seinni báturinn verður
m.a. þannig úr garði gerður að
hægt verður að útbúa hann sér-
staklega fyrir rækjuveiðar og
,-vinnslu um borð.
Uppsagnir dregnar til baka
Á stjórnarfundi í Slippstöðinni
sl. laugardag var annars ákveðið
að draga mikið af þeim upp-
22. tölublað
- en ef rað-
smíðabátarnir
fá ekki kvóta,
verður starf-
seminni hætt
sögnum sem koma áttu til fram-
kvæmda 1. mars nk. til baka.
Gunnar Ragnars, forstjóri
Slippstöðvarinnar sagði í samtali
við Dag í morgun að starfsfólki í
Slippstöðinni hefði fækkað og
stjórnendur fyrirtækisins hyggð-
ust láta við svo búið sitja. - ESE.
Plasteinangrun:
Mikil sölu-
aukning
Mjög mikil söluaukning varð
hjá Plasteinangrun hf. á Akur-
eyri á sölu fiskkassa úr plasti á
síðasta ári. Alls seldi fyrirtæk-
ið um 97 þúsund fiskkassa á ár-
inu en þar af voru 41.900 kass-
ar seldir til erléndra aðila.
Að sögn forráðamanna Plast-
einangrunar þá voru alls fram-
leiddir 103 þúsund fiskkassar á
síðasta ári en salan var sem sagt
97 þúsund kassar á móti 42.500
kössum árið 1982. Það ár voru
12.500 fiskkassar seldir úr landi en
útflutningur í fyrra var rúmlega
þrisvar sinnum meiri eða 41.900
kassar.
Þau lönd sem aðallega hafa
keypt kassa af Plasteinangrun hf.
eru Grænland og Noregur og svo
Suður-Afríka en þangað fóru um
7.000 kassar í fyrra. Önnur lönd
sem selt var til voru: Kanada,
Færeyjar, Nýja-Sjáland og
Bandaríkin. Þá hefur fyrirtækið
framleitt netahringi og trollkúlur
bæði fyrir innan- og utanlands-
markað. Á síðasta ári nam út-
flutningsvelta fyrirtækisins um 14
milljónum króna en var 4,5 millj-
ónir kr. árið 1982. -ESE
Á þriðja hundrað konur og örfáir kariar mættu á fundi á Hótel KEA á laugardag, þar sem fjallað var um launamál
kvenna. Mikill hugur var í konunum að fara að gera eitthvað róttækt varðandi það launamisrétti sem viðgengst milli
kynjanna. í ályktun fundarins var m.a. skorað á aðila launasamninga að fara að lögum um sömu laun fyrir jafnverð-
mæt og sambærileg störf. Mynd:KGA/HS
Riðuveiki landlæg í Kelduhverfi:
Bændur missa allt að 10%
af fjárstofninum árlega
- Það er ekki búandi við
þetta. Ég hef misst um 10% af
fjárstofninum árlega tvö
undanfarin ár og svipaða sögu
er að segja af Jónasi nágranna
mínum í Austurgörðum. Það
hefur því komið til tals að
skera niður í haust, hvað svo
sem verður og hvað þá tekur
við, sagði Kári Þórarinsson,
bóndi í Laufási í Kelduhverfi
er blaðamaður Dags ræddi við
hann. Riðuveiki hefur gert
Kára og fleiri bændum í
Kelduhverfi lífið leitt undan-
farin ár og svo virðist sem
erfitt sé að komast fyrir veik-
ina.
- Pað eru ein 12 til 14 ár síðan
riðuveiki kom fyrst upp hjá mér
og 1973 lógaði ég öllu fénu og
fékk mér nýjan fjárstofn. Það
liðu svo sjö ár þangað til riðu-
i veikin gaus upp hjá mér aftur en
allan þennan tíma hafði veikin
verið hér landlæg, sagði Kári
Þórarinsson.
Að sögn bóndans í Laufási er
hann nú með um 140 fjár ög í
fyrra og hittifyrra missti hann 14
ær hvort ár. í janúarmánuði sl.
missti hann enn eina ána þannig
að ljóst er að riðuveikin er síður
en svo á undanhaldi hjá honum.
- Ætli veikinnar hafi ekki orð-
ið vart á einum 14 bæjum í allt og
1982 var skorið niður á tveim
bæjum, Lyngási og'Keldunesi.
Þar fóru bændur út í aðrar bú-
greinar og ætli ég og fleiri fylgj-
um ekki þeirra fordæmi í fram-
tíðinni þó ég vilji helst af öllu búa
með kindur.
- Hefur þú fengið þetta tjón
bætt?
- Já, það hafa komið bætur
einhvers staðar að úr kerfinu fyr-
ir sunnan.
- Hvað er til ráða varðandi
þessa veiki að þínu mati?
- Það er alveg ljóst að það hef-
ur ekki verið tekið rétt á þessum
riðuveikimálum hér. Það er ekk-
ert annað en hálfkák að skera
niður fé á einum eða tveim bæj-
um í einu en leyfa sýktu fé frá
öðrum bæjum að ganga lausu. En
þetta er mikið tilfinningamál.
Bændur eru búnir að rækta upp
góðan fjárstofn í fleiri ár og það
lætur enginn skera slíkt fé niður
mótatkvæðalaust, hvað sem allri
skynsemi líður, sagði Kári Þórar-
insson. - ESE.