Dagur - 20.02.1984, Page 4
4 - DAGUR - 20. febrúar 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 130 Á MÁNUÐI -
LAUSASÖLUVERÐ 18 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRÍKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Löggæsla og afbrot
Fréttir helgarinnar um vopnað rán, það fyrsta
sem vitað er um hér á landi, hafa að vonum
vakið mikla athygli. Þetta rán, þar sem tveim-
ur milljónum króna var rænt frá starfsmönnum
Áfengis— og tóbaksverslunar ríkisins er þeir
voru að fara með peningana í bankahólf í
Reykjavík, kemur í kjölfar óvenju bíræfins
þjófnaðar í bankaútibúi í höfuðborginni, þar
sem maður gekk að gjaldkeraskúffu og tók
þaðan peninga og gekk út nánast óhindraður.
Viðbúið er að fleira í slíkum dúr fylgi í kjölfarið,
því það er þekkt frá öðrum löndum að afbrota-
öldur fylgi mikið umtöluðum afbrotum.
Ljóst er að lögregluyfirvöld, peningastofn-
anir og aðrir aðilar þar sem miklir fjármunir eru
meðhöndlaðir, verða að vera vel á varðbergi
og allt verður að gera til að hindra að unnt sé
að komast upp með slíka stórglæpi. íslending-
ar hafa verið heldur værukærir í þessum efn-
um sem vonlegt er. Tæpast hefur hvarflað að
mönnum að slíkur atburður sem vopnað rán
yrði að veruleika hér á landi. Við þekkjum
þetta aðeins af afspurn utan úr hinum stóra
heimi og sjáum í kvikmyndum og á mynd-
böndum. En nú er þetta orðið að veruleika og
var sjálfsagt ekki við öðru að búast.
Lögregluyfirvöldum landsins er mikill vandi
á höndum. Gerðar verða síauknar kröfur um
hæfni þeirra og að þeir standi sig í stykkinu við
að vernda eigur borgaranna. Þegar slíkt gerist
er hættan sú að lögreglan verði full áberandi í
þjóðfélaginu. Við höfum vanist því að geta lif-
að án mikilla afskipta lögreglu og án þess að
allt of mikið hafi borið á henni. Verði breyting
þar á er líklegt að margir fari að líta á þetta
þjóðfélag sem lögregluríki og það getur vakið
andúð og espað til enn frekari afbrota þeirra,
sem þegar eru á hálum ís hvað löghlýðni
varðar. Ekki má til þess koma að byssur fari að
verða algeng sjón meðal löggæslumanna.
Mikið er í húfi að lögreglunni takist að hand-
sama þá sem fremja svo alvarlegan glæp sem
vopnað rán. Takist það ekki er líklegt að fleiri
reyni fyrir sér í þeirri trú að glæpir geti borgað
sig. Almenningur og lögregla þurfa að vinna
saman. Gagnkvæmur trúnaður verður að ríkja
— traust almennings á lögreglunni og lögregl-
unnar á almennum borgurum verður að vera
fyrir hendi. Mikilvægt er að ekki verði efast um
hæfni og heiðarleika löggæslumanna, sem því
miður hefur aðeins borið á undanfarið. HSv.
Ályktanir
miðstjómar-
fundar SUF
Miðstjórnarfundur Sambands
ungra framsóknarmanna var
haldinn 4. febrúar sl. Finnur
Ingólfsson, formaður stjórnar
SUF, setti fundinn og flutti
skýrslu stjórnar. Miklar um-
ræður urðu um þjóðmálin og í
lok fundarins voru samþykktar
ályktanir og fara þær helstu
hér á eftir.
Um samvinnumál
Samvinnuhreyfingin hefur haft
mikil og jákvæð áhrif á þróun ís-
lensks þjóðfélags síðustu 100
árin. Fyrir hennar tilstilii hefur
fjöldi manna hafist úr örbirgð til
bjargálna. Hún átti mikinn þátt í
því að skapa efnahagslegt sjálf-
stæði íslands er barátta okkar við
Dani stóð yfir.
Með samvinnufélögum hefur
fólki tekist að halda uppi at-
vinnulífi og veita þjónustu og þar
með standa vörð um byggð í ýms-
um héruðum víðs vegar um land.
Gildi Samvinnuhreyfingarinnar
fyrir ísland og íslendinga verður
því seint ofmetið.
Miðstjórnarfundur SUF hvetur
unga framsóknarmenn, sem og
aðra landsmenn, til að ganga til
liðs við Samvinnuhreyfinguna og
taka virkan þátt í þeirri starfsemi
sem fer fram innan hennar. Síð-
ast en ekki síst hvetur miðstjórn-
arfundurinn félög ungra fram-
sóknarmanna til að taka málefni
Samvinnuhreyfingarinnar til um-
ræðu. Miðstjórnarfundurinn
minnir á að slík umræða - t.d. um
framtíðarmarkmið Samvinnu-
hreyfingarinnar - verður að
byggja á kunnugleika á sögu-
legum aðdraganda hennar, skiln-
ingi á inntaki þeirra hræringa sem
ólu af sér samvinnustefnuna,
viðurkenningu á helstu grund-
vallarreglum hennar og þekkingu
á þróun, viðfangsefnum, árangri
og núverandi stöðu Samvinnu-
hreyfingarinnar.
Um kostnaðar-
minnkun í heilbrigð-
isþjónustunni
Miðstjórnarfundur Sambands
ungra framsóknarmanna mót-
mælir harðlega þeim hugmynd-
um sem ráðherra og þingmenn
Sjálfstæðisflokksins hafa hreyft
á Alþingi og inni í ríkisstjórn um
álagningu svonefnds sjúklinga-
skatts.
Miðstjórnarfundur SUF skorar
á ráðherra og þingmenn Fram-
sóknarflokksins að lýsa því nú
þegar yfir að ekki komi til greina
að leggja slíkan skatt á. Par sem
slíkur skattur stangast í grund-
vallaratriðum á við hugmyndir
manna um félagslegt öryggi, jafn-
rétti og samneyslu. F>að er skylda
ráðherra og þingmanna Fram-
sóknarflokksins að standa vörð
um það velferðarþjóðfélag sem
Framsóknarflokkurinn hefur ver-
ið að byggja upp hér á síðasta
áratug.
Miðstjórnarfundur SUF viður-
kennir að kostnaður ríkisins
vegna reksturs sjúkrahúsanna og
heilbrigðisþjónustunnar sem
slíkrar er orðinn veruleg byrði á
ríkissjóði og því sé nauðsynlegt
að leita leiða til kostnaðar-
minnkunar sem felast í því að
ekki sé gengið á grundvallarhug-
myndir manna um velferðarþjóð-
félagið og hafi í för með sér til-
finnanlega skerðingu á þjónustu.
í þessu sambandi vill miðstjórn-
arfundurinn benda á eftirfarandi
leiðir til kostnaðarminnkunar í
heilbrigðisþj ónustunni:
1. Innflutningur á lyfjum verði
boðinn út af ríkinu, enda
kaupir ríkið 90% af lyfjum
sem notuð eru í landinu. Með
þessum hætti mætti gera mun
hagstæðari innkaup og velja
ódýrari lyf, sem veita sömu
áhrif og dýrari lyf en í dag er
enginn hvati, hvorki á lækni
né sjúkling til að leita hag-
kvæmni í iyfjakaupum.
Með þessum fyrirkomulags-
breytingum mætti spara
a.m.k. 20% af lyfjakostnaði
ríkisins, sem er um 300 millj-
ónir, þ.e. sparnaður gæti
numið um 60 milljónum á ári.
2. í kjarasamningum lækna er
gert ráð fyrir að læknar geti
unnið allt að 9 klst. á viku
utan sjúkrahúsanna. Verði
þetta ákvæði afnumið gæti
launasparnaður orðið allt að
40 milljónir kr. á ári.
3. Komið verði á sameiginlegum
innkaupum fyrir öll íslensku
sjúkrahúsin. Með því mætti
spara umtalsverðar upphæðir.
4. Með almennu útboði á við-
haldi, tækjakosti og húsnæði
sjúkrahúsa mætti spara um-
talsverðar upphæðir.
Um kjara-, verðlags-
og skattamál
Miðstjórn Sambands ungra fram-
sóknarmanna telur mikilvægt að
tryggja megi varanleika þess ár-
angurs sem ríkisstjórn Steingríms
Hermannssonar hefur náð í bar-
áttunni við verðbólguna. Ljóst er
að stór hluti þess árangurs er til-
kominn vegna kjaraskerðingar
launafólks, sem stafar af sífellt
minnkandi þjóðartekjum. Mið-
stjórn SUF skorar á aðila vinnu-
markaðarins að við þessar að-
stæður verði kjarasamningar
fyrst og fremst miðaðir við að
bæta kjör hinna lægst launuðu.
Miðstjórn SUF telur að ríkis-
stjórn Steingríms Hermannsson-
ar eigi að hafa forystu um að
bjóða sínum viðsemjendum, þ.e.
Bandalagi starfsmanna ríkis og
bæja, tryggingu á 15.000 kr. lág-
markslaunum og allt það svigrúm
sem í fjárlögum er til launahækk-
ana verði notað til þess.
Með sh'ku tilboði sýndi ríkis-
stjórnin skýrt vilja sinn til að
bæta kjör hinna lægst launuðu og
um leið reyndi á raunverulegan
vilja verkalýðshreyfingarinnar til
kjarajöfnunar. Miðstjórnarfund-
ur SUF skorar á ríkisstjórn
Steingríms Hermannssonar að
beita sér fyrir eftirfarandi umbót-
um á sviði kjara-, verðlags- og
skattamála til að tryggja kjör
hinna lægst launuðu:
a) Lækkaðir verði tollar af inn-
fluttum matvælum sem ekki
eru í samkeppni við innlenda
framleiðslu.
b) Að verðlagning vöru og þjón-
ustu verði óháð opinberum
afskiptum, þar sem sam-
keppni í atvinnulífinu er næg,
þannig að neytendur og at-
vinnulífið njóti hagkvæmni
frjálsrar verðmyndunar.
Nauðsynlegt er hins vegar að
hafa öfluga verðgæslu sem
fyrst og fremst starfi að verð-
kynningarmálum og verð-
könnunarmálum.
c) Að gengi íslensku krónunnar
verði haldið sem stöðugustu.
d) Að í stað núverandi tekju-
skatts og útsvars komi einn
tekjuskattur, brúttóskattur
með eftir á frádrætti, pers-
ónuafslætti og bústofnsfrá-
drætti. Skatturinn verði stig-
hækkandi frá 0-40%. Tekjum
af skattinum verði skipt milli
ríkis og sveitarfélaga.
Skatturinn verði innheimtur
með staðgreiðslukerfi.
e) Að ekki verði tekinn upp
virðisaukaskattur heldur verði
núverandi söluskattskerfi eflt,
þannig að innheimtuhlutfall
til ríkissjóðs hækki og um leið
væri möguleiki að lækka sölu-
skattsprósentuna.
Um fíkniefnamál
Miðstjórnarfundur SUF lýsir yfir
miklum áhyggjum vegna aukinn-
ar neyslu fíkniefna hér á landi.
Miðstjórnarfundurinn skorar á
yfirvöld að verja stórauknu fé til
forvarnarstarfs, en gera verður
allt sem í mannlegu valdi stendur
til að koma í veg fyrir að ungt
fólk ánetjist fíkniefnum.
Miðstjórnarfundurinn skorar
á yfirvöld að koma á fót nefnd
sem hefur það markmið að sam-
eina krafta þeirra sem vinna gegn
fíkniefnum, að stórauka toll-
gæslu, að gera fíkniefnadómstól-
inn fljótvirkari, að herða refsing-
ar gagnvart þeim sem flytja inn
fíkniefni, að vinna að stofnun
leiðbeiningastöðvar í Reykjavík
fyrir ávana- og fíkniefnaneytend-
ur svo og aðstandendur þeirra,
að fíkniefnalögreglan verði stór-
efld og að lögsaga hennar nái til
alls landsins og þar verði vakt all-
an sólarhringinn. Miðstjórnar-
fundurinn leggur áherslu á að
fræðsla um skaðsemi fíkniefna
verði aukin til muna. f því sam-
bandi bendir miðstjórnarfundur-
inn á nauðsyn þess að kennarar
fái aukna fræðslu svo þeir verði
hæfari til að bægja unglingum
frá hættunni. Einnig verði þessi
mál tekin fyrir á foreldradögum í
skólum.
Ekki fer milli mála að ríkis-
fjölmiðlarnir geta unnið mikið og
gott starf í að upplvsa fólk um
skaðsemi fíkniefna. I dag er mik-
ið um umferðarfræðslu í útvarpi
og sjónvarpi, en miðstjórnar-
fundur SUF skorar á yfirvöld að
beita sér fyrir að í þessum fjöl-
miðlum verði í framtíðinni fastir
þættir um skaðsemi fíkniefna.