Dagur - 20.02.1984, Page 8

8 - DAGUR - 20. febrúar 1984
Meðfylgjandi myndir eru af Magnúsi Þórissyni og starfsliði hans við krydd-
pökkunina. Myndir og texti: V.I.
Aðalfundur Klúbbsins „öruggur akstur“:
Samborgarar til-
kynni lögreglu um
tiónvalda í umferð
Nýlega var haldinn aðalfundur
Klúhbsins öruggur akstur Ak-
ureyri, að Hótel KEA, og má
segja að fundurinn hafi verið
vel sóttur.
í upphafi fundar var getið um
starf klúbbsins á nýliðnu starfs-
ári. Kom þar fram að almennur
fundur var haldinn að Hótel
KEA í júní, er bar yfirskriftina
„Umferðin og við sjálf“. Einnig
tók klúbburinn þátt í borgara-
fundi, er haldinn var í Borgarbíói
í lok umferðarviku og sótti Stef-
án Jasonarson, bóndi í Vorsabæ
fundinn, sem fulltrúi Landssam-
taka klúbbanna öruggur akstur,
og flutti þar erindi. Einnig var
þess getið að Samvinnutrygging-
ar gáfu á síðast liðnu hausti 5000
endurskinsmerki, sem dreift var
á Akureyri, Dalvík, Ólafsfirði og
Grenivík. Notað var tækifærið og
talað við börnin um leið og þeim
var afhent merki og þau frædd
um umferðarmál. Má í því sam-
bandi geta góðs samstarfs við lög-
reglumennina Eorstein Pétursson
og Vörð Traustason.
Tveir frummælendur voru á
þessum aðalfundi, þeir Póroddur
Jóhannsson ökukennari, sem
fjallaði um ökukennsluna og nýja
reglugerð tengda henni og Bald-
vin Ottósson, formaður Lands-
klúbbanna öruggur akstur, sem
fjallaði um umferðarslysin og
nýliðið norrænt umferðaröryggis-
ár.
Að vanda á aðalfundum klúbb-
anna, voru afhentar viðurkenning-
ar fyrir tjónlausan akstur, hjá
þeim er tryggja hjá Samvinnu-
tryggingum. Peir sem hlutu
viðurkenningu fyrir tjónlausan
akstur í 10 og 20 árfá síðan frítt
ábyrgðartryggingariðgjald af
bifreiðum sínum fyrir næsta
tryggingartímabil. Fram kom að
viðurkenningum fjölgar jafnt og
þétt; í fyrra hlutu 164 viðurkenn-
ingu, en í ár voru þeir 191.
Kjörin var ný stjórn fyrir
klúbbinn og sitja í henni, Magnús
Steinarsson formaður. Með-
stjórnendur Úlfar Hreiðarsson,
bílstjóri og Vörður Traustason
lögreglumaður, til vara Jóhannes
Jóhannesson bifvélavirki og Árni
Arnsteinsson bóndi.
Við almennar umræður komu
fram ýmsar tillögur og má geta
einnar sem beint var til samborg-
aranna, um að þeir tilkynni til
Iögregluyfirvalda ef sést til tjón-
valda í umferðinni, ef ætla má að
þeir geri það ekki sjálfir. Einnig
mun forráðamönnum sjónvarps
bent á að auka fræðslu í sjón-
varpi með fræðsluþáttum um um-
ferðarmál, og þakkað fyrir þau
„vakningarinnskot" sem birst
hafa, um slysahættuna í umferð-
inni.
Eftir að fundarmenn höfðu þeg-
ið veitingar í boði klúbbsins og
rætt málin, var þessum 19. aðal-
fundi klúbbsins slitið.
(Fréttatilkynning)
NÝTTKRYDD
í TILVERUNA
Tindafell á Akureyri pakkar kryddi frá Gevalia
Nú þegar sú staðreynd er
öllum kunn að atvinnumál
Akureyringa eru í hnút má
finna ijósa punkta ef að er gáð.
í nóvember var stofnsett fyrir-
tækið Tindafell hf. og veitir
Magnús Þórisson því forstöðu.
„Þetta mikla fyrirtæki“ eins og
Magnús kallaði það, sér um að
pakka kryddi fyrir íslenskan
markað.
„Blaðamaður“ þefaði fyrirtæk-
ið uppi til að forvitnast um rekst-
urinn og reyndist það ekki erfitt
þar sem kryddilminn lagði út á
Glerárgötuna en við hana er
pökkunin til húsa.
Kryddið er fengið í gegnum
Gevalia frá Svíþjóð en er þangað
komið frá öllum heimshornum.
Að sögn Magnúsar er kryddið
sótthreinsað og sér 3ja manna
starfslið fyrirtækisins um blöndun
og pökkun á um 40 kryddtegund-
um.
Pakkað er í tvær stærðir af
glerkrukkum og er einnig áætlað
að pakka í stærri umbúðir sem
hugsaðar eru fyrir hótel og veit-
ingarekstur og annan stærri
rekstur.
Geymsluþol vörunnar kvað
Magnús vera 2-5 ár og sagði
fyrirtækið það eina hérlendis sem
hefur nákvæmar leiðbeiningar og
innihaldslýsingar með hverju
glasi sem fer á markað.
Benda má lesendum á að hið
nýja krydd er í rauðum umbúð-
um og ef krydda þarf tilveruna er
ekkert annað að gera en að fara
út í næstu búð og bæta úr krydd-
leysinu.
Að lokum vonar „blaðamað-
ur“ að fyrirtækið reynist svo arð-
bært að hinir 3 starfsmenn hafi
salt í grautinn, jú og ríflega það.
Framleiðsla mjólkurafurða 1983:
Mest aukning
á Norðurlandi
Innvegin mjólk var samtals
106.445.793 lítrar á árinu 1983,
en það var 1,8% aukning frá
fyrra ári. Samdráttur var á 1.
sölusvæði, þ.e. Suður- og
Vesturlandi, en annars staðar
var aftur á móti aukning um
4%. Mest var aukning í mjólk-
urinnleggi hjá Mjólkursamlagi
KEA á Akureyri eða rúmlega
615 þúsund lítrar. Þá varð
einnig mjög mikil aukning hjá
mjólkursamlaginu á Sauðár-
króki eða 7,8% og á Húsavík
var aukningin 4,0%. Samtals
tóku þessi 3 mjólkursamlög á
móti 37,07 milljónum lítra af
mjólk en það var 4,15% meira
en árið 1982.
Mjólkurbú Flóamanna tók á
móti 38,3 milljónum lítra allt árið
1983, en það var 0,2% minna en
árið 1982. Síðustu 4 mánuði árs-
ins 1983 varð aftur á móti aukn-
ing hjá Flóabúinu um 2,2%.
Bændur hafa verið hvattir til
þess mörg undanfarin ár að draga
úr þessum mikla mun á fram-
leiðslunni frá sumri til vetrar.
Petta hefur m.a. verið gert með
því að greiða mun fyrr vetrar-
mjólk en sumarmjólk.
Til aukinnar hagræðingar í
mjólkuriðnaðinum er þetta tví-
mælalaust eitt þýðingarmesta
skrefið. Það er almennt álitið að
mjög miklar breytingar hafi orðið
á burðartíma kúnna á Suður- og
Vesturlandi nú síðustu tvö ár,
þróunin hafi verið í rétta átt og
því stefni í jafnari mjólkurfram-
leiðslu allt árið.
Þegar lögð er saman salan á
nýmjólk, léttmjólk og súrmjólk
varð aukningin í sölunni á síðasta
ári um 0,5%. Nokkuð mikil
aukning var í sölu á skyri en sam-
dráttur í sölu á jógúrt. Þá var
nokkur samdráttur í sölu á
undanrennu.
Birgðir af smjöri í upphafi síð-
asta árs voru rétt innan við 200
tonn en í lok ársins voru birgðir
rúm 300 tonn. Nokkur samdrátt-
ur var í sölu á smjöri en veruleg
aukning var aftur á móti í sölu á
smjörva. Veruleg aukning var í
sölu á ostum eða frá 5,0 upp í
23% eftir tegundum. Mesta sölu-
aukningin var í kotasælu, salan
var 29% meiri á síðasta ári en
árið 1982.
Yfir heildina þá má segja að
sala hafi verið góð á flestum
mjólkurvörum sérstaklega ber að
undirstrika söluaukningu í
ostum, kotasælu og skyri.