Dagur - 16.03.1984, Blaðsíða 7
16. mars 1984 - DAGUR - 7
œs a
notur og
ólœrður í
tórdist
- Guðmundur Gunnarsson, formaður Tónlistarfélags Akureyrar á Línunni
- Hvcr er á línunni?
- Sá heitir Guðmundur Gunn-
arsson.
- Formaður Tónlistarféiags
Akureyrar?
- Já, mér áskotnaðist sá titill
nú í ársbyrjún. Mér finnst það
þversögn að maður ólæs á nótur
og algjörlega ólærður í tónlist sé
kominn í þá stöðu.
- Hvað eru félagar í Tónlistar-
félagi Akureyrar margir?
- Því miður get ég ekki sagt til
um það nákvæmlega. Ég er ný-
græðingur í félaginu og er ekki
orðinn gagnkunnugur málefnum
þess. En mér er nær að halda að
ekki sé um neina reglulega félaga-
skrá að ræða, en þeir sem undan-
farna vetur keyptu áskriftarkort
að tónleikum félagsins séu taldir
félagar. Það gætu verið á bilinu
150 til 200 manns.
- Hvað eru haldnir margir tón-
leikar á vetri?
- Undanfarna vetur hafa
áskriftarkort gilt fyrir 5 tónleika
yfir veturinn.
- Hvernig gengur starfsemi
Tónlistarfélagsins ?
- Þetta er erfið spurning. Sá
mælikvarði sem manni dytti fyrst
í hug er aðsókn að tónleikum og
okkur sem að þessu störfum finnst
hún oft á tíðum hálfdræm. Þó
skiptir nokkuð í tvö horn eftir því
hvort um er að ræða þekkta ein-
söngvara, þeir fá yfirleitt góða
aðsókn, en þegar eingöngu er
hljóðfæratónlist í boði, þá virðist
áheyrendahópurinn vera tak-
markaður.
í þessu sambandi er atriði sem
ég á dálítið erfitt með að átta mig
á, það að starfsemi tónlistarskóla
hér í nærri fjóra áratugi skuli ekki
hafa alið upp fjölmennari hóp
áhugamanna um hljóðfæratónlist.
Þess má geta að það eru 5-600
nemendur í Tónlistarskóla Akur-
eyrar núna og hefur fjölgað úr ca.
100 fyrir 10 árum, svo e.t.v. á ein-
hver árangur eftir að koma í ljós.
- Heldur þú að skýringin sé sú
að þetta fólk hafi flutt úr bænum ?
- Að hluta til gæti það verið
skýringin - fólk hafi farið burtu til
framhaldsnáms - en ekki að öllu
leyti.
- Hvernig er starfsemi Tónlist-
arfélagsins fjármögnuð?
- Tekjur félagsins eru annars
vegar af sölu aðgöngumiða og
áskriftakorta að tónleikum og
hins vegar styrkur frá bæjarfélag-
inu.
- Áttu þér einhvern draum
varðandi framtíð Tónlistarfélags-
ins?
- Ég er búinn að vera það stutt
í þessu að hugurinn hefur aðal-
lega beinst að þeim verkefnum
sem fvrir hafa legið þannig að ég
hef ekki getað hugsað mikið fram
í tímann. Ég neita því ekki að eft-
ir síðustu fréttir af nýju Iþrótta-
höllinni sem „tónleikahúsi" þá
virðist manni það vera framtíðar-
verkefni að koma upp hér í bæn-
um sérstöku húsnæði sem væri
ætlað og notað til tónleikahalds.
Þegar hugsað er um tilkomu ís-
lensku óperunnar í Gamla bíói,
þá fer ekki hjá því að maður leiði
hugann að Nýja bíói ónotuðu. ■
- Hver er þín uppáhaldstón-
list?
- Svolítið erfitt að segja til um
það. Ég myndi setja tvær tónlist-
argreinar nokkuð jafnfætis þ.e.
söng hvers konar, einsöng og söng
stærri og smærri hópa, og svo
hljómsveitartónlist einkum og sér
í lagi sígilda tónlist frá síðastlið-
inni öld, gömlu meistarana.
Beethoven hefur verið minn mað-
ur síðustu árin. Önnur uppáhalds-
tónskáld voru Schubert og
Tschaikovsky á meðan maður var
ungur og rómantískur.
- Nú hefur Tónlistarfélagið
staðið að Tónlistardögum ásamt
Passíukórnum. Verða Tónlistar-
dagar í vor?
- Jú þeir eru á döfinni en það
er sérstök nefnd sem sér um þá
þannig að þetta er utan starfssviðs
formanns Tónlistarfélags Akur-
eyrar.
- Svo við vfkjum að öðru, nú
ert þú landsþekktur fyrir góða
frammistöðu í spurningakeppn-
um, lestu mikið?
- Það hefur komið fram í
blaðaviðtali sem Gísli Sigurgeirs-
son átti við mig fyrir Vísi að nú á
seinni árum finnst mér ég lesa
heldur lítið. En þekkingu mína og
kunnáttu byggi ég mest á því að
fylgjast með fréttum í hljóðvarpi
og sjónvarpi.
- Hverjar eru þínar uppáhalds-
bókmenntir?
- Þjóðlegan fróðleik og ferða-
bækur set ég í 1.
svo hefur áhugi á ættfræði
með aldrinum og oft kemur það
fyrir að ég tek mér í hönd
sláttarrit í því fagi.
- Ertu af einhverjum frægum
ættum?
- Ekki svo ég viti.
- Áttu þér fleiri áhugamál?
- Já vissulega. Ferðalög eink-
um um öræfi og óbyggðir hér
innanlands hafa um langan aldur
verið áhugamál mitt. Ég vil gjarn-
an komast í 2-4 ferðir á hverju
sumri á slíkar slóðir. Einnig vil ég
gjarnan sjá á hverju sumri ein-
hvern nýjan hluta af landinu, þar
sem ég hef ekki komið áður.
er næstum ótrúlegt hvað manni
finnst vera mikið eftir þó maður
sé búinn að vera í þessu í 20-25
ár.
- Hvernig gengur að samrýma
þessi áhugamál og eru þau ekki
tímafrek?
- Þessi áhugamál eru nú svolít-
ið árstíðabundin. Tónleikahald
hér í bænum fer aðallega fram á
veturna og vorin en ferðalögin
heyra sumrinu. En ég neita því
ekki að sérstaklega á sumrin
finnst mér stundum helgarnar of
fáar og sumarfríið of stutt til að
gera allt sem ég vildi.
- Ég vil ekki tefja þig lengur.
Pakka þér kærlega fyrir spjallið
og ég vona að úr rætist með tón-
leikahöllina fyrr en síðar. Vertu
blessaður.
- Blessuð og þakka þér sömu-
leiðis fyrir spjallið.
ÁM.
Guðmundur Gunnarsson
SELKO
Vandaðir fataskápar
á hagstæðu verði.
SELKO skáparnir sóma sér
hvar sem er. 1 svefnherbergið,
forstofuna, sjónvarpsherbergið,
já, hvar sem er. Úthliðar skápsins
eru spónlagðar með sömu
viðartegund og hurðir hans og
skiptir ekki máli hvort úthliðarnar
koma upp að vegg eða ekki.
Að innan er skápurinn úr Ijósum við.
Innrétting skápanna er smekkleg
og umfram allt hagnýt. Skápana er hægt
að fá með hillum, traustum körfum, slám
fyrir herðatré eða með skúffum sem renna
á hjólum í vönduðum brautum.
Útborgunarskilmálar.
VIÐGERMR-
þJONUSm
B|óöum tullkomna vlögerðarþjónustu á ajón-
varpataakjum, útvarpata»kjum,'atark>mógnur-
um, plötuapilurum, aagulbandataakjum, bfl-
taakjum, talatððvum, fiakllaltartaakjum og algl-
Ingartaakjum.
laatnlng á bílUekjum.
Borgarbíó
Akureyri
Ný íslensk kvikmynd byggö á samnetndri
skáldsögu Halldórs Laxness.
Leikstjóri: Þorsteinn Jónsson.
Kvikmyndataka: Karl Óskarsson.
Leikmynd: Sigurjón Jóhannsson.
Tónlist: Karl J. Sighvatsson.
Hljóðupptaka: Louis Kramer.
Klipping: Nancy Baker.
Búningar: Una Collins, Dóra Einarsdóttir.
Förðun: Ragna Fossberg.
Hárgreiðsla: Guðrún Þorvarðardóttir.
Upptökustjóri: Þórhallur Sigurðsson.
Framleiðandi: Örnólfur Ámason.
Leikendur: Tinna Gunnlaugsdóttir, Gunnar
Eyjólfsson, Arnar Jónsson, Árni Tryggva-
son, Jónína Ólafsdóttir, Sigrún Edda
Björnsdóttir, Helgi Björnsson, Hannes
Ottósson, Sigurður Sigurjónsson. Barði
Guðmundsson, Rúrik Haraldsson, Baldvin
Halldórsson, Róbert Arnfinnsson, Herdís
Þon/aldsdóttir, Margrét Helga Jóhannsdótt-
Ir, Þóra Friðriksdóttir, Þóra Borg, Helga
Bachmann, Steindór Hjörleifsson o.fl.
□Q[ DOLBY STERED~j
Sýning föstudag
kl. 9.
Sýning laugardag
kl. 9.
Sýning sunnudag
kl. 5 og 9.
Síðustu sýningar
Þökkum af alhug öllum þeim sem sýndu okkur samúð og vin-
arhug við andlát og útför móður okkar, tengdamóður, ömmu
og langömmu
Sigrfður Gunnarsdóttir,
Jón Dan Johannsson.
Ragnheiður Lárusdóttir,
barnabörn og barnabarnabörn.
TÓMASÍNU HANSEN
Víðilundi 8c, Akureyri
Arnvið Hansen
Hans Normann Hansen,
Ruth Hansen,
Stefán ívar Hansen,