Dagur - 19.03.1984, Page 4

4 - DAGUR -19. mars 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 130 Á MÁNUÐI -
LAUSASÖLUVERÐ 18 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRlKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Lífefnaiðnaður
er vænleg leið
Þegar að kreppir í atvinnumálum fara menn
gjarnan að líta til fleiri átta til lausnar á vand-
anum. Um þetta gildir hið forna spakmæli:
Neyðin kennir naktri konu að spinna. Það fer
ekki á milli mála að nú eru fleiri í spunahug-
leiðingum í anda nöktu konunnar en áður,
þegar sífellt varð aukning á sjávarfangi sem
öllu bjargaði. Nú hefur sú þróun snúist ær-
lega við til hins verra. Sjávarafli hefur farið
minnkandi og ekki útlit fyrir að aukning verði
þar á næstu árin, a.m.k. ekki fram yfir það
sem mest varð. Við verðum því að leita nýrra
leiða og í sjálfu sér er það góð þróun.
Samdráttur í sölu landbúnaðarvara og erf-
iðleikar á mörkuðum kenndu bændum lands-
ins að minnka við sig, draga úr framleiðslunni
og reyna að ná sem mestri hagkvæmni. Það
sama verður að gerast í sjávarútveginum. Þar
hefur orðið samdráttur af náttúrunnar völd-
um og við verðum að læra að lifa við það. Við
verðum að gera sem mest úr því sem úr sjó
kemur. Fara betur með hráefnið og reyna að
nýta allt það sem verðmætt kann að reynast.
Lífefnaiðnaður er nú mjög í sviðsljósinu og
ekki að ófyrirsynju. Þetta er reyndar ekki í
fyrsta skipti sem þessi atvinnugrein kemur til
umræðu hér á landi, en ef þetta verður ekki til
þess nú að eitthvað verði gert megum við sí-
fellt búast við áföllum í þjóðarbúskapnum.
Málið snýst einfaldlega um það að skjóta
fleiri stoðum undir atvinnulífið og nýta til
fulls þau verðmæti sem til eru í landinu.
í slógi og sláturúrgangi eru mikil verðmæti
fólgin. Það er þó ekki þar með sagt að lífefna-
iðnaður verði í einu vetfangi ein allherjar-
lausn á atvinnu- og efnahagsmálum þjóðar-
innar. Mikið og dýrt undirbúningsstarf er
ennþá óunnið. Svo getur hins vegar farið að
með lífefnatækni verði hægt að stórauka
verðmætasköpunina í landbúnaði og sjávar-
útvegi. Hráefnin eru fyrir hendi og ekki má
gleyma þeim auði sem er í þekkingunni, sem
nýtist í þessu skyni.
Lífefnaiðnaður er talinn vera sú atvinnu-
grein sem hvað mestan svip á eftir að setja á
atvinnulíf þróaðra þjóða á næstu áratugum
og næstu öld. Lífefnaiðnaði er jafnað við ör-
tölvubyltinguna sem senn skellur yfir af enn
meiri þunga en þegar er orðið. íslendingar
eiga mikla möguleika á að taka þátt í þessu
ævintýri. Það verður hins vegar að gerast með
skipulegum hætti og að vel grunduðu máli.
Bréf Úlfs Ragnarssonar til bæjarráðs:
Ráðstefnu- og
heilsuhótel í
Kjarnaskóg i
*
Hér fer á eftir bréf Ulfs
Ragnarssonar, læknis til
bæjarráðs Akureyrar
um þá hugmynd að
komið verði á fót ráð-
stefnu- og heilsuhóteli í
Kjarnaskógi. Bæjarráð
hefur móttekið bréfíð
og vísað málinu til at-
vinnumálanefndar.
Terra Nova
Ráðstefnu- og heilsuhótel í
Kjarnaskógi. Utvíkkun á hug-
mynd um heilsuhæli NLFA, sem
þegar er að nokkru leyti upp-
steypt, þannig að úr verði alþjóð-
legt gistihús ætlað fyrir ráðstefn-
ur og námskeið ásamt heilsurækt,
sem tekur til sem flestra þátta
mannverunnar.
Til viðbótar þeirri starfsemi
sem NLFA hefur hingað til mið-
að framkvæmdir við, felur þessi
hugmynd í sér að kannað verði
hvort ekki geti farið saman hags-
munir fleiri sem starfa að mann-
rækt eða sjá möguleika á bættum
fjárhag ásamt fleiri atvinnutæki-
færum. Gera þarf heildaráætlun
um framkvæmd sem tæki meðal
annars til þess sem hér verður
talið:
■ Fyrsta flokks aðstaða til fund-
arhalda, fyrirlestra og nám-
skeiða af ýmsu tagi (elektron-
iskur búnaður, aðstaða fyrir
túlka o.s.frv. þarf að vera auk
góðra almennra skilyrða).
■ Aðstaða til flutnings á tónlist
og til sýninga af ýmsu tagi
(tískusýningar, kabarettar,
leikþættir og kynningarþætt-
ir).
■ Gistirými sem fellur að
kröfum nútímans. Mismun-
andi kostir í boði (einstakl-
ingsgisting, fjölskyldugisting,
svítur o.fl.).
■ Leita þarf samvinnu við arki-
tektana sem gerðu teikning-
arnar sem fyrir liggja og unnið
hefur verið eftir til þessa.
■ Alhliða möguleikar þurfa að
vera í fæðuvali, jafnframt því
sem boðið er upp á hoilustu-
fæði og sérfæði að læknisráði.
■ Heilsurækt: Möguleikar á að
stunda heilsurækt innanhúss
og utan, sumar sem vetur. Frá
náttúrunnar hendi eru ytri
Úlfur Ragnarsson.
skilyrðin að verulegu leyti fyrir
hendi. Kostur skal gefinn á
þjálfunarleiðbeiningum og
læknisfræðilegu mati á heilsu-
fari ásamt ráðleggingum út
frá því.
■ Vel má hugsa sér fleira sem
gestum stæði til boða eftir
frjálsu vali. Yoga, fræðsla um
heilbrigði og þjálfun í að efla
lífsmagnið, helgistundir og
þjónusta huglækna sem stjórn
fyrirtækisins viðurkennir.
■ Möguleikar verði á sundiðk-
unum í hveravatni utanhúss og
innan. Nudd, vatnsnudd,
leirböð og ljósböð þurfa að
vera í boði, tækjaleikfimi o.fl.
sem æskilegt þykir og hag-
kvæmt reynist.
■ Aðstaða fyrir tennis og hnit er
æskileg. Um afnot af golfvelli
sem er tiltölulega auðvelt að
samnýta, þarf að semja.
■ Samráð við Læknafélag Akur-
eyrar þyrfti að hafa og sam-
starfs þarf að leita við Fjórð-
ungssjúkrahúsið á Akureyri
varðandi rannsóknir og sér-
hæfða læknisþjónustu svo og
sjúkraþjálfun.
■ Einnig skal leitað samráðs við
þá sem umráð hafa yfir
Kjarnaskógi varðandi göngu-
Ieiðir á sumri og vetri. Sérstak-
ar trimmbrautir, minniháttar
skíðaaðstöðu og fleira sem til
kann að tínast.
Allt eru þetta aðeins ábendingar,
sem hafa ber í huga og þarf að
gaumgæfa til þess að fyrirhyggju-
leysi valdi ekki kostnaði og töfum
þegar til framkvæmda kemur.
Þörf er á raunsærri könnun og
áætlanagerð í sambandi við þessa
möguleika alla. Til þess þarf
sérkunnandi menn sem þekkja til
rekstrar sambærilegra fyrirtækja
erlendis (svona SPA er ekki til
hérlendis). Áhersla skal á það
lögð að ekki er fyrirhuguð nein
meinlætastofnun, hversu vel gest-
ir vilja nýta sér þá aðstöðu sem
boðin verður, er undir þeim sjálf-
um komið og er ekki ætlast til
strangari reglna en almennt vel-
sæmi býður, svo sem á öðrum
gististöðum.
Naumast mun annar staður á
landinu vera jafn heppilegur til
slíkrar starfsemi sem hér hefur
verið lýst og Kjarnaskógur, hvort
heldur að sumri eða vetri. Til-
hneigingar er farið að gæta í þá
átt að hafa sumar ráðstefnur í
fremur einangruðu umhverfi þar
sem unnt er að starfa í friði og án
truflana. Pá er auðvelt að bjóða
skipulagðar skoðunarferðir um
Eyjafjörð og til Mývatns svo
dæmi séu tekin.
Hvað framkvæmd varðar þarf
að sjálfsögðu fyrst og fremst að
ræða við NLFA og í framhaldi af
því við aðra þá aðila sem ætla
mætti að hefðu áhuga fyrir fram-
kvæmd á borð við þessa. Bæði
innlenda þ.e. bæjarfélagið, ríkið,
flugfélög etc. svo og hugsanlega
erlenda aðila sem teldu sér akk í
að geta boðið aðstöðu sem þessa
í tiltölulega ómenguðu landi með
ósúrt vatn og hreint loft, óhætt
mun að reikna með að starfsemi
sem þessi dragi að sér ýmsa fræga
listamenn og fyrirlesara og að
starfsemin öll yrði Eyjafirði
öllum mikil lyftistöng í margvís-
legum efnum.
Varla þarf að óttast mjög þá
úrtöluþætti sem fólk kann að tína
til, svo sem skammdegismyrkur
(hreint loft vegur þar í mót),
ótryggt flug (það eru sárafáir
dagar nema rétt yfir háveturinn
sem ekki er kleift að fljúga um
þá einu braut sem er á Akureyri),
hávaði frá flugvelli (hann er ekki
meiri en svo að hann rétt nær að
undirstrika friðsældina sem þarna
ríkir).
Með hliðsjón af þeim fáu og
sundurlausu punktum sem hér
hafa verið dregnir fram auk
þeirra sem menn geta sett sér fyr-
ir hugskotssjónir, er greinilegt að
litlu væri til hætt en mikið að
vinna með því að fylgja því eftir
að athugun sú sem stungið er upp
á verði framkvæmd.
Akureyri, 9. febrúar 1984
Úlfur Ragnarsson læknir.