Dagur - 19.03.1984, Síða 12

LlMUM BORÐA
RENNUM SKALAR
Átak hjá Akureyrarbæ í umferðarmálum:
Reynt að bæta öryggi
skólabarna í umferoínni
Ákveðið hefur verið að gera
mikið átak til að bæta öryggi
gangandi vegfarenda í umferð-
inni og þá sérstaklega öryggi
barna á leið til og frá skóla.
Meðal þess sem gert verður er
að umferðar- og gangbrautar-
Ijósum verður fjölgað en auk
þess verður sett hraðahindrun
á eina götu. Fjárveiting til
þessara mála nemur á árinu
2.260.000 krónum og er búist
við því að framkvæmdir hefjist
fljótlega eftir að frost hverfur
úr jörðu.
Tillögur þær sem hér um ræðir
voru lagðar fram af umferðar-
nefnd en þær eru í veigamiklum
atriðum í samræmi við þær til-
lögur sem reifaðar hafa verið hér
í blaðinu af ýmsum aðilum á sl.
ári. Mikill skriður komst á þetta
mál á meðan Umferðarvikan
stóð sem hæst og verður ekki
annað séð en að umferðarnefnd
hafi brugðið skjótt við og ákveð-
ið að framkvæma brýnustu verk-
efnin. Meðal þess sem lagt er til
og samþykkt hefur verið er eftir-
farandi: Umferðarljósin í Skipa-
götu verða flutt á gatnamót Þing-
vallastrætis og Mýrarvegar.
Handstýrð gangbrautarljós verða
sett upp á Glerárgötu norðan
Gránufélagsgötu. Handstýrð um-
ferðarljós verða sett upp við
Tryggvabraut á móts við POB og
umferðarljósin sem þar eru fyrir,
hin svokölluðu Torontoljós verða
flutt á Hrafnagilsstræti, við
Möðruvallastræti og á Höfðahlíð
við biðstöð SVA sunnan Glerár-
skóla. Þar verður einnig gert út-
skot fyrir strætisvagna. Toronto-
ljós verður sett upp á gangbraut
yfir Þórunnarstræti norðan
Hrafnagilsstrætis og hraðahindr-
un verður sett á Skógarlund á
milli Grenilundar og Heiðarlund-
ar með tilheyrandi aðvörunar-
merkjum.
Að sögn Gunnars Jóhannes-
sonar, verkfræðings hjá Akureyr-
arbæ verður ráðist í þessi verk-
efni í áföngum og framkvæmdir
eiga að hefjast í sumarbyrjun.
Stefnt er að því að úrbætur hafi
fengist áður en skólar byrja að
nýju næsta haust. Dýrustu fram-
kvæmdirnar verða flutningur um-
ferðarljósanna í Skipagötu og
kostnaður við staðsetningu þeirra
á gatnamótum Þingvallastrætis
og Mýrarvegar, en þessi fram-
kvæmd er talin munu kosta tæpa
eina milljón króna. - ESE.
íbúðum verkamannabústaða á
Akureyri fjölgar:
Aðalgeir og
Viðar afhentu
tólf íbúðir
Byggingafyrirtækið Aðalgeir
og Viðar afhenti sl. föstudag
stjórn Verkaamannabústaða á
Akureyri 12 íbúðir sem fyrir-
tækið hefur byggt að Keilusíðu
10. Hér er um fjölbýlishús að
ræða og eru íbúðirnar 12 á
þremur hæðum.
í máli Aðalgeirs Finnssonar
við afhendinguna kom fram að
framkvæmdir við húsið hófust 12.
október 1982. Samningsupphæð-
in var rúmlega 8,,1 milljón króna
en hækkun á byggingartímanum
nam 72% sem þýðir að endanlegt
verð hússins losar 14 milljónir.
í húsinu eru 3 einstaklings-
íbúðir, 3 tveggja herb. íbúðir, 4
þriggja herb. íbúðir (2 gerðir) og
2 fjögurra herb. íbúðir.
Sameign í kjallara er mjög
rúmgóð. Þar eru sérgeymslur fyr-
ir hverja íbúð og snyrting, reið-
hjóla- og barnavagnageymslur,
íþrótta- og hvíldarherbergi, gufu-
bað, baðaðstaða og aðstaða hús-
varðar.
Óhætt mun að segja að vinna
öll við fjölbýlishúsið og frágangur
hafi verið unnin með mikilli
prýði og ber iðnaðarmönnum og
öðrum sem lögðu hönd á plóginn
gott vitni. Arkitekt var Haraldur
V. Haraldsson, Teiknistofan
Glerárgötu 34 sá um verkfræði-
lega hönnun, Rafljós h.f. um raf-
lagnir, Magnús Gíslason s.f. um
múrverk, Þórarinn Thorlacius og
Þórir Magnússon um málun og
Haukur Adolfsson um pípulagn-
ir. Grunnflötur hússins er 300
fermétrar en rúmmál 3570 rúm-
metrar.
„Það hafa allir starfað virkilega
vel að þessu verki,“ sagði Aðal-
geir Finnsson er hann afhenti Sig-
urði Hannessyni varaformanni
stjórnar Verkamannabústaða
lykil að húsinu og skilaði þar með
verkinu af sér. „Ég færi öllum
starfsmönnum sem hér hafa lagt
hönd á plóginn hinar bestu
þakkir,“ sagði Aðalgeir.
Talsvert
af loðnu
Talsverð loðnulöndun hefur
verið í Krossanesi undanfarna
daga og hefur nú alls verið
landað þar um 10.600 lestum
af loðnu eftir áramót.
Að sögn starfsmanna í Krossa-
nesverksmiðjunni þá komu
fjögur loðnuskip, Albert, Súlan,
Hrafninn og Þórður Jónasson þar
inn til löndunar á þriðjudag og
miðvikudag en samanlagður afli
þeirra nam um 2500 lestum.
- ESE.
Lítið kal
Eftir því sem næst verður kom-
ist virðast tún í Eyjafirði koma
nokkuð vel undan snjó að
þessu sinni. Erfitt er þó að full-
yrða nokkuð um endanlega út-
komu enda vetur langt í frá á
enda.
Samkvæmt þeim upplýsingum
sem Dagur aflaði sér hjá Búnað-
arsambandi Eyjafjarðar þá líta
þau tún sem komin eru undan
snjó og klaka nokkuð vel út og
kal virðist ekki mikið. Víða eru
þó tún enn undir klaka s.s. á Ár-
skógsströnd og því erfitt að full-
yrða um heildarútkomu nú. Við-
mælandi Dags benti líka á að of
snemmt væri að afskrifa veturinn
nú þrátt fyrir góða veðrið að
undanförnu. - ESE.
Veður
Það verður fjölbreytilegt
veður á Norðurlandi næstu
sólarhringa ef marka má spá
um veðurhorfur frá Veður-
stofu íslands í morgun.
í dag er spáð áframhald-
andi SV-átt en heldur mrnnk-
andi. í nótt þykknar svo upp
með vaxandi sunnanátt og
síðla nætur fer að snjóa. Á
morgun snýst vindur svo
aftur til SV-áttar með éljum
vestan til en léttara austan til
á Norðurlandi. Annað kvöld
er síðan spáð vaxandi SA-átt
og hreinni austanátt og mild-
ara veðri.
# Lesið úr Frey
Búnaðarblaðið Freyr er um
margt stórmerkilegt blað,
enda mun það hafa komið
fyrir þegar lítið var um fréttir,
að í útvarpinu var lesið upp
úr þessu blaði í frétta stað.
Þetta var fyrir mjög mörgum
árum, en ennþá er margt
forvitnilegt að finna í Frey og
snertir það ekki allt landbún-
að, a.m.k. ekki beinlínis. Þar
er m.a. þáttur sem ber heitið
Molar, eins konar smátt og
stórt, og við ætlum að leyfa
okkur að vitna í hann hér á
eftir.
# Tölvustýrð
vagga
„Fyrirtækið Daito í Japan hef-
ur sett á markað tölvustýrða
vöggu. Vaggan sem ber heit-
ið Do-re-mi fer að vagga
jafnskjótt og barnið sem ligg-
ur í henni fer að gráta. Jafn-
framt fer þá í gang segulband
með ævintýri eða huggunar-
orðum sem móðirin hefur tal-
að inn á. Þegar barnið hættir
að gráta hættir vaggan að
rugga eftir 30 sekúndur. Tölv-
an tekur ekki mark á röddum
fullorðinna sem nærstaddir
eru, heldur einungis rödd
barnsins í vöggunni. Verð kr.
8.000.“
# Betra fólk í
strjálbýli
Og hér er önnur grein úr
sama þætti í Frey: „Noregur
er um margt fyrirmyndarland
að áliti samfélagsfræðinga.
Hjónaskilnaðir eru þar fátið-
ari en í flestum öðrum
löndum, geðheilsa manna
betri, glæpir sjaldgæfari og
sjálfsvíg miklu færri en í
öðrum sambærilegum
löndum. Norski sálfræð-
ingurinn Nils Retterstol
prófessor telur að ástæðan
fyrir þessu geti verið sú hve
byggö er dreifð í Noregi, en í
slíku samfélagi hugsa menn
meira um náunga sinn. Rett-
erstol prófessor hefur í mörg
ár stundað samfélagsrann-
sóknir á Norðurlöndum (þó
ekki á íslandi) og eru niður-
stöðurnar næsta athygl-
isverðar. Einn þáttur rann-
sóknanna beindist að því að
finna hvers vegna mönnum
virtist líða betur í norsku
samfélagi en dönsku. Niður-
stöðurnar leiddu í Ijós að
samheldni er meiri í norskum
fjölskyldum og einnig milli
nágranna og meðal almenn-
ings í hverju sveitarfélagi. í
stuttu máli: Norðmenn eru
betri hver við annan en ná-
grannar þeirra,“ segir í Frey
og fyrirsögn þessarar klausu
var: „Menn eru betri hver við
annan í strjálbýli.“