Dagur - 13.04.1984, Blaðsíða 4
4 - DAGUR -13. apríl 1984
ÚTGEFANDI: ÚTGAFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 130 Á MÁNUÐI -
LAUSASÖLUVERÐ 18 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI: GlSLI SIGURGEIRSSON
BLAÐAMENN:
EIRlKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Nú um þessar mundir
stendur yfir árleg skoðun
ökutækja, bæði reiðhjóla
svo og bíla. Viss áhugi er
meðal barna að fá skoðun á
sitt ökutæki en hjá þeim
fullorðnu er þetta heldur
meira mál og einnig spurn-
ing um peninga.
Það er einu sinni svo að
það er dýrt að eiga bíl á ís-
landi og því er það allt of
algengt að menn dragi það
í lengstu lög að láta skoða
bíla sína sem og að láta
gera við það er aflaga hefur
farið frá síðustu skoðun.
Því miður eru þeir allt of
margir sem láta sig það litlu
varða í hvaða ásigkomulagi
ökutæki þeirra er nema rétt
daginn sem skoðun fer
fram. Ljósastilling sem er
bráðnauðsynleg er oft ekki
framkvæmd fyrr en á vorin
því bílar fá ekki skoðun
nema sýnt sé fram á að beir
Auknar skyndi-
skúdamr btfreiða
hafi verið ljósastilltir frá því
að síðasta skammdegis-
tímabil hófst. Skiptir þá
ekki máli hvort það hefur
verið gert að hausti í upp-
hafi skammdegis eða í
apríl-maí þegar ljósanotkun
fer að minnka. Vonandi
verður ráðin bót á þessu ef
frumvarp sem komið hefur
fram um skyldunotkun öku-
ljósa allan sólarhringinn
nær fram að ganga. Þá
verður væntanlega gengið
harðar fram í því að bílar
verði ljósastilltir.
Sú breyting hefur nú orð-
ið á að eigi ber skylda til að
láta skoða ökutæki fyrstu
tvö árin eftir nýskráningu.
Að vissu leyti er þarna ör-
ugglega um hagræðingu að
ræða en því miður eru til
dæmi sem sýna að ársgaml-
ir bílar hafa stundum ekki
fengið skoðun vegna bilana
sem fram hafa komið í ör-
yggisbúnaði bifreiðanna. Á
meðan slík dæmi koma upp
er full ástæða til að fylgjast
vel með þeim ökutækjum
sem ekki eru skoðunar-
skyld. Umferðarþunginn á
íslenskum vegum er orðinn
það mikill að þörf er fyllsta
öryggis og eftirlits, það
gildir í þessu tilviki sem oft-
ar hið fornkveðna að of
seint er að byrgja brunninn
þegar barnið er dottið í
hann.
Skyndiskoðanir þyrfti að
framkvæma í mun meira
mæli en nú er gert. Slíkar
aðgerðir hvetja ökumenn til
að halda öryggisbúnaði
ökutækja sinna í lagi því
aldrei er að vita hvenær
röðin kemur að þeim. Þess-
ar skyndiskoðanir yrðu líka
til þess að fækka ólöglegum
bílum í umferð og minnka
þá hættu sem stafar af van-
búnum og ljóslausum öku-
tækjum. Bílar eru orðnir
jafn nauðsynleg farartæki í
nútímaþjóðfélagi og hest-
urinn var áður en þá verður
að umgangast með meiri
varkárni en hestana — því
þeir eru mun mannskæðari.
Á.M.
Helgina 23.-25. mars var hald-
in síðasta af þremur stórhátíð-
um Samvinnuskólans. Það var
sönglagakeppnin Bifrovision.
Hún einkenndist af fjöri og
góðri stemmningu meðal nem-
enda og gesta þeirra.
Undirbúning hátíðarinnar
annast hljómsveit skólans og
sviðsnefnd sem skipuð er 5
nemendum.
Nemendur 1 eða fleiri sam-
an velja sér lög og æfa þau upp
með hljómsveitinni. Einnig
velja þeir sér umboðsmenn
sem auglýsa þá upp og kynna
þá svo á sjálfri hátíðinni. Um-
boðsmenn hengja upp vegg-
spjöld fremja gjörninga og
auglýsa í útvarpi (útvarp
Bifröst) og blöðum til að
leggja áherslu á hver sé besti
keppandinn.
Mikil leynd hvílir yfir æf-
ingum fyrir hátíðina. Á
keppnisdag vita því fæstir aðr-
ir en keppendur og hljómsveit
hverjir keppa eða hvaða lög
eru sungin. Lagavalið er afar
fjölbreytt. Sem dæmi má
nefna lög í ár eins og „Krókó-
dílamaðurinn,‘ (Megas/Ikar-
us) og „Komdu í húllahopp“
(H.L.H.).
Meðan verið var að telja
hvernig atkvæði áhorfenda
féllu hlýddu menn á Goða'nn
frá Draghálsi kveða rímur. Þá
voru einnig krýnd spákóngur
og spádrottning. Það eru þau
sem spáð hafa í flesta af hinu
kyninu yfir veturinn.
Með Bifrovision keppninni
má segja að hinu geysiöfluga
félagsstarfi sem einkennir
skólann ljúki að mestu en við
taka helv.... lokaprófin.
Sólrún Hámundardóttir slær í gegn,
Sveinbjörn Beinteinsson kveður
rímur.
Billi og Balli syngja um hin 39 forhertu kaupfélög.