Dagur - 14.05.1984, Blaðsíða 3
14. maí 1984 - DAGUR - 3
Olga vegna leigu SVFR á Blöndu
Laxinn í Blöndu:
„Hann tekur stund-
um í síðumar“
- Við höfum ekkert verið að
ergja okkur yfír þessu. Því var
einróma hafnað í félaginu hjá
okkur að fara í samkrull með
peningavaldinu úr Reykjavík,
sagði Brynjar Pálsson, hjá
Stangaveiðifélagi Sauðárkróks
er blaðamaður Dags ræddi við
hann.
Að sögn Brynjars þá buðu þeir
ásamt Blönduósingum 670 þús-
und krónur í Blöndu eða sama
verð og í fyrra.
- Það er rétt að við heyrðum
ekkert meira í landeigendum fyrr
en þeir sögðu okkur að búið væri
að leigja SVFR ána og það var
ekki staðið við að halda þann
fund sem þó var búið að lofa,
sagði Brynjar.
- Veist þú hvort SVFR-menn
hyggjast hefja fluguveiði til vegs
og virðingar í Blöndu?
- Þeir hafa það á stefnuskrá
sinni að stunda fluguveiði en í
þessu tilviki held ég að það gangi
ekki.
- Er þetta ekki bara „húkk“?
- Nei, en laxinn í Blöndu
tekur misjafnlega. Hann tekur
stundum í síðurnar, sagði Brynj-
ar Pálsson. - ESE
„Engin klassisk
fluguveiði strax“
— segir Sturla Þórðarson á Blönduósi
- Ég veit ekki nákvæmlega
hvað gerðist en við vorum bún-
ir að eiga fund með landeig-
endum þar sem við staðfestum
tilboð okkar. Það var svo
ákveðið að fresta fundi um
hálfan mánuð en það kom
aldrei til þess að sá fundur yrði
haldinn. Landeigendur til-
kynntu okkur að þeir hefðu
náð betri samningum annars
staðar.
Þetta sagði Sturla Þórðarson,
formaður Stangaveiðifélags
Blönduóss er blaðamaður Dags
spurði hann með hvaða hætti
hefði verið staðið að leigu
Blöndu.
Sturla sagði að það hefði vissu-
lega verið mikil ólga meðal
manna en síðan hefðu Blönduós-
ingar náð samkomulagi við
SVFR um leigu á helmingi þeirra
stanga sem leyfðar eru í ánni.
- Ég vil taka það skýrt fram að
það er enginn ágreiningur milli
okkar og SVFR-manna. Þeir eru
leigutakar árinnar og við kaupum
af þeim helming veiðileyfa fyrir
440 þúsund krónur, sagði Sturla
Þórðarson.
- Hyggist þið þá hefja flugu-
veiði í Blöndu?
- Við skulum vona að það
komi að því þó ég búist ekki við
því að það verði í sumar. A.m.k.
ekki þessi klassiska fluguveiði.
Hitt er svo annað sem menn
kannski vita ekki að það hefur
verið veitt á flugu í Blöndu. Það
hefur gerst í silungsveiðinni á
haustin.
- Þegar áin er tærari?
- Já, það byggist á því.
- En ætla SVFR-menn að
semja sig að siðum heimamanna?
- Ég býst við því. Við höfum
meiri reynslu af þessum veiði-
skap en þeir. - ESE
Fyrirtækin yfirbjóða laxveiðiárnar:
„Veiða á kostn-
að skattborgara“
- Það er að verða ómögu-
legt fyrir einstaklinga að
komast í bestu árnar með
sportveiði að leiðarljósi.
Fyrirtækin eru búin að
sprengja verðið upp úr öllu
valdi þannig að menn verða
að hafa sig alla við ef þeir
ætla að hafa eitthvað upp í
kostnað.
Þetta sagði stangveiðimaður
nokkur t' samtali við Dag sem
vildi vekja athygli á þeirri þróun
sem orðið hefur í leigu laxveiði-
áa á síðustu árum.
- Það er af sem áður var að
menn gætu verið í þessu sports-
ins vegna. í dag halda bændur
uppboð á veiðileyfum og það
stefnir í það að dagurinn í bestu
ánum kosti milli 20 og 30 þús-
und krónur. Það eru fyrirtækin
sem sprengja verðið upp. Þetta
er ekkert mál fyrir stórfyrirtæki.
Þau einfaldlega yfirbjóða ein-
staklinga og veiða svo á kostnað
skattborgara. Leigan er sett
sem risna í bókhaldinu og því
frádráttarbær frá skatti, sagði
þessi viðmælandi okkar. - ESE
Líttu inn í Grýtu
Nýkomnar vörur frá
boduri
Lóðasláttur
Skjólstæðingar okkar munu á komandi sumri taka
að sér slátt lóða við fjölbýlishús eins og þeir hafa
gert nú í nokkur ár.
Þeir sem áhuga hafa á slíkri þjónustu fá allar upp-
lýsingar um verð og fyrirkomulag með því að
hringja í síma 21755 eða 24836 virka daga milli
kl. 08.00 og 17.00.
Við tökum við pöntunum til 20. þ.m. og bendum
fyrri viðskiptavinum okkar á að þeir þurfa að
endurnýja eldri verksamninga óski þeir áfram-
haldandi viðskipta.
Vistheimilið Solborg.
Til viðskiptamanna
í tilefni af komandi sumri höfum við tekið upp
breyttan opnunartíma, sem gilda mun til 1. sept-
ember nk. Opið verður frá kl. 8.30 til 16.00.
ATH. að opið verður í hádeginu.
Almennar tryggingar hf.
Ráðhústorgi 1,
Brunabótafélag íslands g.t.
Glerárgötu 24,
Sjóvá hf.
Glerárgötu 20.
Erum að taka upp
falleg stígvél
á mjög hagstæðu verði.
Litir: Blátt, rautt og svart. Stærðir: 31-42.
Verð kr. 245,-
Barnastígvél
Litir: Rautt og blátt. Stærðir 24-32. Verð kr. 215,-
Eigum einnig létt öryggisstígvél
með stáltá og stálplötu í sóla.
Tilvalið fyrir iðnaðarmenn.
Stærðir 41^t4. Verð kr. 910,-
SKIPAÞJÓNUSTAN HF.
UMBOÐS- OG HEILDVERSLUN
TRYGGVABRAUT10 SÍUI (96)24715-21797 ■ P.O. BOX614 • AKUREYRI