Dagur - 23.07.1984, Síða 12

I
I
MONRO-MATIC ®
SHOCK ABSORBER
HÖGGDEYFAR
í FLESTA BÍLA
„Við erum að hugleiða málið,
tókum útboðsgögn og erum að
láta vinna tilboð,“ sagði Hörð-
ur Tulinius hjá Híbýli. Um er
að ræða framhaldsvinnu við
sjúkrahúsið á ísafírði.
Hörður sagði að þetta væri
„heljarmikið verk“, og væri loka-
tími árið 1987. Um kostnað vildi
hann ekkert segja á þessu stigi
málsins. - KGA
Tekinn á
ofsahraða
- Missti ökuleyfið
í 10 mánuði
Um helgina tók lögreglan á Ak-
urcyri ökumann fyrir of hraðan
akstur á Dalvíkurvegi hjá Freyju-
lundi. Samkvæmt mælingum lög-
reglunnar var bifreiðin á 156 km
hraða á klukkustund þegar hún
kom inn í geisla radarbyssunnar.
Ökumaðurinn var þegar færður
til yfirheyrslu hjá fulltrúa bæjar-
fógeta sýslumanns, þar sem hann
var sviptur ökuleyfi í 10 mánuði
og dæmdur til að greiða 10 þús-
und kr. í sekt.
Nýtt form heilbrigðis-
þjónustu á Akureyri
-Áætlað að heilsugæslustöð verði komin á laggirnar í lok ársins
Á Akureyri hefur ekki verið
nein heilsugæslustöð fram til
þessa, en skv. lögum á að
stofna hérna heilsugæslustöð í
síðasta lagi í lok þessa árs.
Nefnd var skipuð af bæjar-
stjórn ■ desember sl. til að
vinna frumkönnun á þessu
máli. Haft var samband við
Olaf Oddsson, sem er formað-
ur þessarar nefndar og hann
spurður hvað framundan væri
í þessu máli.
Ólafur sagði að á seinni stigum
málsins hafi fulltrúar sveitarfélag-
anna í heilsugæsluumdæmi Akur-
eyrar komið inn í þessar nefndar-
viðræður. Nefnd þessi hefur skil-
að áliti til heilbrigðismálaráðu-
neytisins, þar sem farið er fram á
ákveðinn stöðufjölda lækna,
hjúkrunarfræðinga, ljósmæðra
og tannfræðings við heilsugæslu-
stöðina, þetta eru þær stöður sem
eru launaðar _af ríkinu. Annað
starfsfólk er launað af sveitarfé-
lögum. Nefndin lauk störfum f
lok maí sl. en bæjarráð hefur
óskað eftir því að nefndin starfi
áfram og og hefur bætt við tveim-
ur fulltrúum úr bæjarráði. Nefnd-
inni er nú ætlað að hefja formleg-
ar viðræður við nágrannasveitar-
félögin og ráðuneytið um fram-
kvæmd þessa máls.
Á þessu stigi verður ekki um
byggingu heilsugæslustöðvar að
ræða heldur verður reynt að nýta
það húsnæði sem heilsuverndar-
stöðin og læknamiðstöðin eru í
nú og aukið við leiguhúsnæði.
Heilsugæsla þýðir heilbrigðis-
þjónusta utan sjúkrahúsa og það
sem hér verður gert er að heilsu-
verndarstöð og læknamiðstöð
verða lagðar niður í því formi sem
þær eru nú í og renna saman í
heilsugæslustöð. Ekki hefurverið
tekin nein ákvörðun um framtíð-
arhúsnæði, þ.e. byggingu heilsu-
gæslustöðvar.
Lög um heilsugæslustöðvar
hafa verið f gildi í 10 ár og sagði
Ólafur að framkvæmdir hér á
Akureyri hefðu tafist af ýmsum
ástæðum. M.a. hefur bæjarfélag-
inu þótt rekstur heilbrigðisþjón-
ustu eins og hún er nú, koma
ágætlega út og einnig hafa fram-
kvæmdir við sjúkrahúsið haft
forgang. En nú er ótvírætt í lög-
unum að það á að stofna hérna
heilsugæslustöð í lok ársins.
Aðspurður um hverju þetta
breytti fyrir fólk, sagði Ölafur að
það muni hafa sinn ákveðna
heimilislækni áfram, en stefnt að
því að þjónustan verði meiri og
fjölbreyttari. Læknar í heilsu-
gæslunni verða ríkislaunaðir og í
fullu starfi. Þeir læknar sem
starfa við sjúkrahúsið munu ekki
starfa í heilsugæslunni, þeir
munu því hætta heimilislækn-
ingum. HJS.
Skipverjar á sovéska skemmtiferðaskipinu Estonia notuðu tímann á meðan sjópróf stóðu á laugardaginn til veiða,
þar sem skipið lá við Togarabryggjuna. Ef til vill hafa þeir haft kvöldmatinn í huga!? Mynd: GS.
Norðurland vestra:
Samtök
þéttbýlis-
staða stofnuð
Þéttbýlisstaöir á Norðurlandi
vestra hafa gert með sér sam-
tök og voru reglur fyrir sam-
bandið samþykktar á undir-
búningsfundi er haldinn var á
Skagaströnd í aprfl sl. Siglu-
fjarðarkaupstaður hefur nú
gerst aðili að samtökum þess-
um. Var Óttar Proppé, bæjar-
stjóri á Siglufírði spurður hvort
það væri í framhaldi af óá-
nægju með Fjórðungssam-
bandið eða gagnsemi þess.
Sagði Óttar engin tengsl vera
þar á milli. Sagði hann þetta
mjög óformleg samtök 6 sveitar-
félaga sem ætla sér að halda fundi
tvisvar á ári og ráða ráðum
sínum, hugsanleg sameiginleg
tækjakaup og slíkt. Nú þegar er
búið að festa kaup á malbikunar-
'stöð og stofna fyrirtæki í kringum
hana og er þetta ekki hugsað sem
neinn arftaki Fjórðungssam-
bandsins. Þessi samtök eru meira
í „praktískum“ málum. HJS
Það verður svipað veður
áfram að sögn veðurfræð-
ings á Veðurstofunni í
morgun. í dag og morgun
verður vestan- og norðvest-
angola um norðanvert
landið. Þurrt og bjart inn
til landsins, en skýjað við
ströndina eftir því sem á
líður. Hæglætisveður verð-
ur þó áfram.
# Sjálfsbjargar-
viðleitni
Margir Akureyringar horfa
löngunaraugum á glæst
skemmtiferðaskipin, sem
heimsækja fjörðinn tíðum
yfir sumarmánuðina. Flestir
láta sér nægja að horfa - og í
mesta lagi dreyma um dýrð-
arstundir um borð. En tvo
unga og framtakssama Akur-
eyringa, að vísu atvinnu-
lausa, langaði til að kynnast
lystisemdum eins skemmtí-
ferðaskipsins nánar. Þeir sáu
nokkra kassa frá Samband-
inu á bryggjunni, gripu þá og
örkuðu um borð. Vörðurinn
við landganginn sá ekki
ástæðu til að stöðva þessa
dugmiklu menn, sem voru að
draga björg i bú skipsins.
Þegar um borð var komið
skelltu kapparnir sér beint á
barinn og nutu hans í botn.
Þar kom, að þeir gerðust há-
værir og nokkuð uppivöðslu-
samir. I fáum orðum sagt, þá
þóttust þeir eiga dallinn. En
skipstjórinn var ekki á sama
máli og því fór sem fór.
Ævintýramennirnir fengu
aftur fast land undir fætur -
og úti var ævintýri.
# Ég er farinn
í frí
„Blessaðir strákar, ég er far-
inn í frí, þeir eru komnir að
ná í mig,“ á einn af skipverj-
um á Harðbak að hafa sagt,
þegar skemmtiferðaskipið
rússneska sigldi á Harðbak
um helgina. Umræddur skip-
verji hafi sem sé ætlað sér að
fara í frí eftir túrinn og hafði
haft það á orðf, að helvíti
væri nú gaman að taka eina
rispu með einhverju af þess-
um skemmtiferðaskipum
sem alltaf eru hér á ferðinni.
En hann átti nú samt ekki von
á því að þjónustan væri
svona góð, að farþegarnir
væru sóttir út á sjó! En þegar
til kom reyndist kappinn of
klofstuttur til að stökkva á
milli skipanna, þannig að
ekkert var úr skemmtiferð-
inni. En þessa sögu seljum
við nú ekki dýrari en vlð
keyptum hana.
# Framhjáhald
í slátrun
Alltaf mun vera eítthvað um
að búpeningi sé slátrað
framhjá „kerfinu“, hér á landi
sem í öðrum löndum. Þetta
gera framleiðendur til að
sleppa við milliliði og
skattinn. Þetta er t.d. þekkt í
Svíþjóð, en þar er gengið
hart fram í að uppræta þessa
„svörtu“ slátrun. Þannig voru
fjórir menn nýlega dæmdír til
4ra til 12 mánaða fangels-
isvistar fyrir slíka starfsemi
og allur hagnaður þeirra var
gerður upptækur.